阿忠日常

阿忠日常 忠哥講生活，日日有共鳴
阿忠日常｜育兒＋生活＋投資｜乜都講

25/10/2025

太安樓掃街實錄：👍🏻好食 vs 🙅🏻‍♀️🙅🏻難食

魚蛋佬
未入到太安樓門口就見到超多人排隊。
今次冇食到，下次一定要試吓。
聽講佢啲魚蛋配上特製重口味醬料，
口感夠彈牙，勁惹味。

👍🏻太安樓牛雜
之前食過一次，好食。
湯底夠濃，牛肚牛腸處理得好乾淨，
冇羶味，仲好入味。

🙅🏻‍♀️🙅🏻海南雞專門店
之前食過，完全無特別，雞量仲比正常少
唔會再食

👍🏻姊妹美食
網上推介話必試煎釀三寶、碗仔翅、生菜魚肉。
今次我試咗煎釀三寶，
煎釀三寶一揀完，佢就即刻返炸，
熱辣辣送到手，唔會油淋淋，都OK

🙅🏻‍♀️🙅🏻Big Noah 大基亞
本身口渴，就亂入，
買咗杯店員推介嘅蜂蜜莓果茶。
點知…藥水味道，真係超難飲。

👍🏻鉄皇子小賣所
主廚係 Ken 師傅，曾經做高級日式餐廳，
我哋叫咗主廚推介嘅豚肉丼，好食！
另外自己叫咗帆立貝，唔好食
下次想試鐵板炒飯同埋炒烏冬

#太安樓 #太安樓美食 #太安樓掃街 #香港掃街

其實我一直都係斷斷續續咁睇《試當真》，冇乜特別追開。有時覺得佢哋玩得太癲，唔係我杯茶。但去到《墨魚遊戲3》，唔知點解，突然好想睇落去。可能係因為知道——呢個係佢哋最後一個作品。睇住佢哋咁認真咁玩，玩到最後一刻都仲咁落力，我開始明白點解咁多人...
25/10/2025

其實我一直都係斷斷續續咁睇《試當真》，冇乜特別追開。
有時覺得佢哋玩得太癲，唔係我杯茶。
但去到《墨魚遊戲3》，唔知點解，突然好想睇落去。
可能係因為知道——呢個係佢哋最後一個作品。

睇住佢哋咁認真咁玩，玩到最後一刻都仲咁落力，
我開始明白點解咁多人鍾意佢哋。
以前可能睇唔入眼，
但而家完咗，反而有啲唔捨得，
發現——我其實好想佢哋繼續落去。

#試當真 #墨魚遊戲 #游學修 #許賢 #蘇致豪 #網絡綜藝

🚙《家庭車の選擇 - Denza D9》每個人揀車嘅考慮都唔同，我自己揀 Denza D9，主要有以下幾點：💺 座位選擇：7人車1）一家三口為主，但有時會車埋長老、朋友、小朋友2）會港車北上，7人車更實用3）電趟門設計，上落方便，老人小朋友...
25/10/2025

🚙《家庭車の選擇 - Denza D9》

每個人揀車嘅考慮都唔同，我自己揀 Denza D9，主要有以下幾點：

💺 座位選擇：7人車

1）一家三口為主，但有時會車埋長老、朋友、小朋友
2）會港車北上，7人車更實用
3）電趟門設計，上落方便，老人小朋友都啱用

⚙️ 性能體驗

1）避震感： Benz × BYD 合資，作為前 Benz 車主，一坐上試車就知有料，真係有 Benz 嗰種舒服感
2）起步加速： 電動 7人車完美彌補油車起步慢、cut 線唔夠爽嘅問題
3）車內設備： 天窗、遮陽簾、雪櫃、冷暖櫈、按摩功能一應俱全
4）駕駛感： 實淨、有軚感又有力，揸落完全係油車嘅感覺

💰 價錢考慮

• 車價係算貴，但比較過其他電七同油七，考慮埋每年經常性支出（電平好多）、牌費（呢架係五級最平嗰級）、Residual value 以及情緒價值（新車，屋企人坐得舒服啲），最終揀咗 D9
• 殘酷二選一（另一架係 hybrid Alphard），都係揀咗 D9 🚙

---

如果大家鍾意車方面嘅題材，CLS（Comment、Like、Share）！
多人有興趣，可以做個電七 vs 油七詳細比較，或者養車費用分析，下一篇再講 🚗🚙

#電車 #家庭車 #港車北上 #買車 #七人車選擇 #忠哥揀車攻略

25/10/2025

🌳佐敦谷公園 (親子遊)

佐敦谷公園依家真係唔同晒。以前嚟，成個公園就係一大片草地，簡簡單單。但由2024年尾開始加設新設施，2025年中陸續開放之後，已經變身做一個親子樂園咁款：有沙池、千秋、滑梯，仲有一個遙控賽車場，成班男士聚埋一角玩得超投入，氣氛勁熱鬧。

今日天氣涼涼地又有太陽，仲有小小風，啱晒一家大細嚟野餐、放電、放鬆心情。不過要留意幾點：

---

⚠️ 公園使用須知：

❌ 禁止放風箏（因應安全考慮，避免干擾附近設施）
❌ 禁止踩單車（包括單車、滑板車等)
❌ 禁止攜帶寵物入園
✅ 設有洗手間、飲水機、兒童遊樂設施、草地野餐區、觀景台等
🕒 開放時間：每日 7:00am – 11:00pm

#佐敦谷公園 #公園 #親子好去處 #親子遊 #野餐

🍚 大坑祥勝餐廳．蔥油豬扒飯之前食過一次，今次唔知係咪煮得啱啱好，豬扒冇咁乾，蔥油香啲，飯都唔錯，唔會黐晒一舊。今次食完，有下次！食完飯，心情好。腦入面已經開始計劃緊下次「大坑半日遊」。 #阿忠日常 #街坊飯堂 #蔥油豬扒飯 #香港...
24/10/2025

🍚 大坑祥勝餐廳．蔥油豬扒飯

之前食過一次，今次唔知係咪煮得啱啱好，豬扒冇咁乾，蔥油香啲，飯都唔錯，唔會黐晒一舊。

今次食完，有下次！

食完飯，心情好。
腦入面已經開始計劃緊下次「大坑半日遊」。

#阿忠日常 #街坊飯堂 #蔥油豬扒飯
#香港食評 #阿忠食飯
#大坑美食 #平民滋味 #食完有下次 #生活觀察 #祥勝餐廳 #大坑半日遊 #駕輛 #陳生

24/10/2025

有啲嘢，小朋友記得嘅方式，唔係你講過咩，而係你有冇陪佢。
佢話呢個玩具係爸爸送嘅，但其實係公公買嘅。
可能因為我陪佢玩過、笑過。
育兒唔係記錄事實，係留下感情。

#阿忠日常 #忠哥講生活 #育兒碎語
#爸爸角色 #家庭共鳴
#香港家長 #生活觀察 #育兒日常

記得上年考幼稚園，面試時或者啲問卷成日會問：「你認唔認同家教合作？」「你會唔會積極參與學校活動？」「你覺得家長同老師溝通重要嗎？」嗰陣我都係答啲標準答案：「認同啦，梗係重要啦。」但講真，心入面冇乜實際感覺，都係覺得呢啲係「考家長」嘅問題，唔...
24/10/2025

記得上年考幼稚園，面試時或者啲問卷成日會問：
「你認唔認同家教合作？」
「你會唔會積極參與學校活動？」
「你覺得家長同老師溝通重要嗎？」

嗰陣我都係答啲標準答案：「認同啦，梗係重要啦。」
但講真，心入面冇乜實際感覺，
都係覺得呢啲係「考家長」嘅問題，唔係真係會發生。

所以揀學校時，我都冇特登揀啲強調家教合作嘅，
反而揀啲近屋企、時間啱、課程順眼嘅。

直到依家開咗學，先真正感受到——
原來家教合作係咁重要。

由9月開學到依家，老師成日主動同我傾，
唔使我追問，佢哋會分享：
今日學校發生咗咩事、邊個活動佢哋玩得開心、
小朋友有冇情緒、有冇特別表現。

我唔使估、唔使靠小朋友「翻譯」返嚟。
我真係 feel 到，學校係想我參與，而唔係隔岸觀火。

對於我呢啲成日都好想知道小朋友喺學校發生咩事嘅家長嚟講，
呢種透明度，真係好重要。

好感恩自己冇揀到一間唔重視家教合作嘅學校。

Ps.圖片係上年考幼稚園，面試完其中一間學校送咗支結他俾我哋。
嗰陣我都覺得：「送玩具都咁認真😂？」

#阿忠日常 #忠哥講生活 #育兒研究所
#家教合作 #學校透明度 #老師好重要 #育兒信任感
#家長心聲 #育兒反思 #育兒共鳴 #香港家長 #幼稚園面試 #面試回憶
#育兒日常 #親子教學 #爸爸日記 #媽媽日常 #學前教育 #家長觀察
#育兒心得 #家校同行 #教育分享 #育兒真心話 #育兒崩潰日常 #育兒轉機 #學習興趣先行

小朋友識字，真係唔想佢哋死記硬背。我個K1小朋友對中文字完全冇感覺，「謝謝」「照顧」「老師」——日日講都記唔到。我教到火都嚟，佢學到攰晒，溫極都唔入腦，佢攰我又攰，大家互相折磨。有時我都唔知係教緊字，定係教緊情緒管理。最後我擺低咗，大家反而...
24/10/2025

小朋友識字，真係唔想佢哋死記硬背。

我個K1小朋友對中文字完全冇感覺，
「謝謝」「照顧」「老師」——日日講都記唔到。
我教到火都嚟，佢學到攰晒，
溫極都唔入腦，佢攰我又攰，大家互相折磨。
有時我都唔知係教緊字，定係教緊情緒管理。

最後我擺低咗，大家反而開心哂 😂

有時真係會懷疑自己係咪教得唔啱，
心入面會諗：「係咪我唔夠努力？係咪我太心急？」
又怕佢落後，又怕自己太緊張。
但原來，唔係佢唔識，而係佢冇感覺。

直到有一日，佢成日叫我印啲同學名比佢，
喺屋企扮老師叫放學。
神奇嘅事就發生咗——
啲咁難嘅字佢竟然識晒，仲識配對！

我又試整一套教材，
用學校要認嘅字配圖像玩配對。
神奇嘅事又再發生——
佢好快又認得晒啲字。

原來最緊要係夠好玩。
佢有興趣，就會學得好快 😮‍💨

K1小朋友識字，唔係靠記憶力，而係靠「感覺」。
心理學叫做「意義記憶」——有情境、有畫面、有情感，先會入腦。
學習唔係灌輸，而係引發。
識字唔係目標，**有興趣先係起點。**

做父母，最緊要識變通。
唔好一條直線向前行。
有時放低，反而行得更遠。
有時唔係我教得好，而係佢玩得啱。

育兒唔係比賽，係一場陪跑。
唔係要佢快啲識字，而係要佢開心咁識字。

#阿忠日常 #忠哥講生活 #育兒研究所
#唔出樣都可以講故事 #生活識字法
#香港育兒 #育兒日常 #幼稚園生活 #親子教學
#家長心聲 #育兒心得 #學前教育 #親子互動
#爸爸日記 #媽媽日常 #教育分享 #香港家長
#育兒好物 #自製教材 #教仔日記 #育兒崩潰日常
#育兒轉機 #學習興趣先行

Address

Sai Wan Ho

Website

Alerts

Be the first to know and let us send you an email when 阿忠日常 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 阿忠日常:

Shortcuts

Share

Category