14/04/2019
TABE,
Tata cara coblos tanggal 17 April 2019 ala Lewun Itah (Dayak Ngaju)
1. Susung misik, laku dua bersyukur akan pambelum, mbah te palus mandui, amun je bawi hapan kasai, gincu mangat gitan bahalap, nyamprot akae kare minyak harum. minyak nyong-nyong tau kea tapi ela lalau are. Je hatue, balau nenga komade, ela hapan unduslah. Eweh tawan tau supa kare jodoh hong kanih atawa tabarung mantan hong TPS.
2. Harus dumah kan TPS, awi jituh nah beken kilau Indonesian Idol je tau mahapan voting mahalau SMS
3. TPS buka bara jam 7 sampai jam 1 bentuk andau..ingat buah-buah jituh... awi TPS jia je buka 24 jam kilau IGD RS
4. Guang kan TPS sesuai dengan undangan.. ela sala tame kan TPS ji beken... awi jadi tege aran ah TPS kakabuat sesuai undangan.
5. Tame ka TPS, nggau kursi palus antri dan parati arep, marimbang isut tau ih..tapi ela lalau habut. Ela lalau maharap supa kare danum teh/kopi/susu/danum soda atawa wadai lah awi jituh nah beken kare parawei atawa pesta ulang tahun Bapa Pirda
6. Hining aran itah buah tehau awi panitia, amun aran itah buah Tehau awi Hatala, ye selamat jalan ih amun kute.
Amun jadi kana tehau palus laku surat suara ka panitia. Dusah kare laku no HP ewen. Dusah lalau tahi-tahi hong bilik suara, mahi kare selfa selfie atawa update status.. awi masih are uluh hong luar kanih mentai antrian.
7. Ukei karatas suara rangkah-rangkah ela sampai ba rabit, awi cukup ih KELINCI je RABBIT ela sampai karatas suara je rabit. Mbas te palus nyucuk kueh calon pilihan itah. Jia usah kare ba LIVE hong FB awi jekatawan jikau nah baya itah dengan Hatala kanih ih
8. Dusah mbasa ije ije aran hong karatas kau.. awi baya ije ih je handak nyucuk. Makanya te je kuan bue nah rarancak umba sosialisasi dengan kampanye mangat katawan je kueh je akan jadi andalan itah pas pemilu
9. Ela kare manggau aran mantan,aran jodoh atawa nomor buntut hong karatas suara. Dusah kare manyanyi atawa manangis meratapi nasib hong bilik suara awi beken jite peruntukan nah.
10. Intih wei "Segenap Hati" dusah nyama kare "Segenap Jiwa". Awi amun jia manang sukup ih "sakit hati" jia je sampai "sakit jiwa".
11. Dusah mimbit kare tirak, lunju, tombak hapan manyucuk karatas suara jikau nah, sukup hapan alat je jadi nyadia awi panitia hong bilik suara. Marumbak karatas suara ela lalau hai.. cukup ces..plong kukau ih.. rumbak ah.
12. Amun jadi..ngalian kan ekae sulak ah alat hapan nyucuk kau, ela kare handak mimbit buli, tau bingung ewen je limbah ah nyucuk hapan narai.
Mbaste lipet tinai kilau sulak ah, mumba garis je tege. dusah kare nyatrika, ataw lipet origami, mahi je sama lipet surat cinta. Cukup ih RAPIH
13. Balua bara bilik suara, Nggau kotak suara sesuai warna. Palus ajok karatas sesuai warna.. petame uras ela ije imbit buli.. awi beken kare kupon undian jikau nah
14. Imbas te. Menuju kan jalan balua namun sahindai te, Culup helun ije jari kan tinta pemilu sebagai tanda. Ingat ije jari ih, dusah kare uras jari..awi beken kutex jikau nah.
Rangkah-rangkah ela sampai batusuh.. mahi batusuh palus tasambur kan mata bau.. tau due telu andau jia balua huma awi sama kilau Hulk warna baum kau kareh
15. Mbaste tau palus buli atawa melai hong lokasi TPS sekedar memantau atawa nanture karamin uluh. Tapi ela lalau habut mahi kare mimbit uluh ba dadu hong hete.
16. Dusah kare mimbit bahata kare panginan sukup simpan kan TPS..awi TPS nah beken Bukit Tangkiling je eka wisata piknik.
17. Amun palus buli. Khusus je jadi kawin langsung buli ih ela kare maja kanih kate mahi kare magah mantan buli awi je ije TPS. Tau buah lait kareh. Tapi amun Jomblo..BEBAS IH ...
Sampai ka huma, balaku dua hindai akan pilihan itah mangat amun iye manang jia talinyau iye dengan kare janji ah.
Je penting INGAT PEMILU te Tanggal 17 APRIL beken kere 17 Agustus lah.
