23/08/2026
KHAWTLANG ENTAWNTLAK MUALTHUAM NORTH
(Next Chapchar Kût ah emaw Republic Day-ah emaw, Mualthuam North hi hetiang award te hi a awm chuan, Most Harmonious Award leh Dinpuii pa Award atan Outstanding Achievement Award dawng turin ka hual e. Hetianga Award hi engtin nge an sawi ka hre chiah lova, award hming hi ka phuahchawp chhin mai mai)
Ka sawi lovang ka ti takzet nain ka rilru a awm ve ngut ngut mai a, tawithei ang berin tuihnihkhat chakna ka nei tlat avangin a vawikhat nan post i han siam ve rawih teh ang.
Kan hriat theuh angin Mualthuam North-ah tualthihna chuan zoram pum mai bakah, khawvel thlengin a dengchhuak ti ila kan sawisual tam lutuk loh turah ngai ila, zoram mipuite pawn, an khawtlang inrelbawl dan leh khawtlanga roreltute mipuiin an zahthiam zia alang chiang hle in ka hria.
H. Lalramdinpuii tualthiahnaah hian tualthattute chu dan angin hremna pek an phu takzet a, chutirual chuan hmundanga la thleng ngai miah loh, Mualthuam North khawtlangah hian a thleng tlat thung.Chu chu engnge kan tih chuan, an khawtlang hruaitute rorel dan leh inrelbawnna that vang pawh anih ngeiin a rinawm. Tualthattute chhungkuaa pawisawi ve lo an chhungte lakah mizoram hmundanga thil thleng thin ang kha, Mualthuam North ah erawh chuan khawtlang leh mipuite hian anchhungte lakah leh an in leh lo ah thahrum thawhna thawm hriattur a awm hauh lo, an va entawntlak thin si em!. Hetianga tualthihna hi zoram hmundangah pawh a thleng zauh zauh tawh thin a. Aizawlah ngei pawh thlen chang a awm thin anih kha! Mahse, mizoram hmundanga thleng ngai loh Mualthuam North khawtlangin pawisawi ve lo an chhungte leh an in leh lovah te an tuan lova, khawtlang mipuite an khawtlang hruaitute an zahthiam zia alangin, khawtlang inlungrual tak an nih zia a ti lang chiang hle a ni. Mizoram tan khaw entawntlak tak annih zia an rawn pho lang chiang hle a tih loh theih loh a ni.
Tualthattu chhungte ngaihdam dilna pawh social media plat form hrang hrangah a darh nasain kan hmu hlawm vekin arinawm. Chuta a thusawi ka rilru khawih em em tu chu, 'an mahni inchhungkhur mi ngei tualthattu an ni tih an hriat khan an zak hle tih chu thuhran nise thil chiangsa a ni a, "kan in leh lo pawh a him dawn lo anih hi, khuaah pawh kan awm thei dawn lo anih hi" tia an beisei lai khan, hmundanga thil thlen thin dan kha tualthatute chhungkua chuan a chungah tharum thawhna leh an in leh lo kha a him dawn lo ngeia ngaihna an neih pawh kha thil awm tak zawng a ni ngei mai. A chhan chu hetiang thilah hian, hmundangah chuan an in leh lo mai bakah, an chhungte pawisawi lo te thlengin him damin leh thlamuang takin an awm ngaih loh vang pawh ani chek ang chu! Mahse, Mualthuam North- khawtlang erawh chuan roreltute zai ngaiin ngaihtuahna fimtak pu chungin, pawisawi ve lo anchhungte leh an in leh lo ah te mipui mimir thinrimte an tuan ve hauh lo a ni. An khawtlang hruaitute rorel dan an zahthiamin khaw inlungrual tak an zia alang chiang hle a, Mizoram mipuite hian Mualthuam North khawtlang mipuite rilru puitling dan em em atang hian in zirtur tam tak zoram mipuite hian kan va ngah si em a ti loh theih loh a ni.
Vanduaina tawktu Dinpuii pa, arilru a puitlingin a patling zo kher mai. A Pathian mi ngawih ngawih tih alang chiang hle a, mi piangthar dik tak pawh anih ngei arinawm tlat. Atawngkam adam dap mai bak a, tualthattute chu sawrkarin an buaipui a, a hremna pawh sawrkarin an rel mai dawn a, an chhungte pawikhawih ve lo chungah rilru sual a put loh zia a sawi chhuakte kha pa zawng zingah pa ropui ber ani hial awm e. Mi tam tak chuan, mahni fanu thattu meuh chu an chhungte thleng pawn khawih duhna rilru kan pu loh theih loh ang le! Chutiang rilru chu pu pawh ni ila tuman min dem arinawm hauh lo. Mahse, pa zawng zinga pa ropui ber ti taka chutiang rilru pu chu sawi loh, pawikhawih ve lo a chhungte thlamuanna tawngkam a sawi leh zel theihte kha Dinpuii pa a va entawntlak ngawih ngawih tak em aw atih loh thei lo a ni. Dinpuii pa anga pa ropui hi khawvel ang pawn an tam lo khawpin a rinawm. Tualthattu chhungte inthlahrung lo se la, min en hrang lo se la, keini pawn kan en hrang dawn lo, kan chhungte tho a ni si a, an fate an la ti sia, an nu leh pa pitar putar mai an ni tawh si nen, tih tawngkam a hmang theihte kha pa thatak a ni tih tichiang leh zualtu a nia, heng tawngkamte hian hnuk a ti ulh hial zawk a ni.
Hawh u, Zoram mipuite hian Mualthuam North khawtlang inrelbawl dan leh entawntlak an nih zia hi i entawn sauh suah teh ang u khai.!!!!
