Ezra Zakriah

21/11/2025

ഒരു മുണ്ടുടുക്കാൻ എന്തൊക്കെ കഷ്ടപ്പാടാണ് 😂

Artist:
Video:

***ir ***ir

18/11/2025

മീൻ വെട്ടിക്കഴിഞ്ഞു, ഇനി അതിങ്ങോട്ട് താ 😂

Artist :
Video :


***ir

13/02/2021

03/01/2021

ഉറങ്ങി മതിയാകാത്ത പുലരികളിൽ അച്ഛന്റെ നെഞ്ചിൽ നിന്നുണർത്തി കോലായിലെ അരമതിലിൽ ഇരുത്തിയ നാളുകൾ മുതൽ കണ്മുന്നിൽ തെളിയുന്നതാണ് ആ പ്രണയം...

നിലത്ത് മണ്ണ് പറ്റി പടരുന്ന മുല്ലയ്ക്ക് ചാഞ്ഞു കയറാൻ സ്വയം നൽകിയ കൂവളം...

അവനിൽ കെട്ടിപ്പടർന്ന ദിനങ്ങളിൽ അവൾ പൂക്കാത്ത രാവുകളില്ല...

പകലുകളിൽ മൊട്ടുരുമ്മി അവനിൽ പ്രണയം പടർത്തും...

പൊള്ളുന്ന മീനൽച്ചൂടിൽ തലപ്പുകൾക്ക് കീഴെ അവനവളെ ഭദ്രമായൊളിച്ചു വെച്ചു...

രുദ്രന് മാലകോർത്ത കൂവളത്തിലകളൊക്കെയും അവളുടെ ഗന്ധം പേറിയിരുന്നു...

രുദ്രനെ ചാർത്തിയ കൂവളമാലകൾ കോരുത്ത പാർവതി ചൂടിയത് അവന്റെ നെഞ്ചിൽ വിരിഞ്ഞ മുല്ലപ്പൂക്കളെയാണ്...

ഏതോ മരംകൊത്തിയുടെ പുഴുക്കെണിയിൽ വെള്ളമിറങ്ങി ഉള്ളു ദ്രവിക്കുമ്പോഴും അവനാ മുല്ലവള്ളിയെ നെഞ്ചിൽ ചേർത്തിരുന്നു...

ഇടമുറിയാതെ പെയ്ത മഴയ്‌ക്കൊപ്പം ഇരമ്പിയെത്തിയ കാറ്റിൽ പാതിയൊടിഞ്ഞു തലപ്പുകൾ മണ്ണുപൊത്തുമ്പോഴും അവളുടെയാലിംഗനങ്ങൾ അവനിൽ നിന്ന് അഴിഞ്ഞിരുന്നില്ല...

അവളുടെ കണ്ണുനീരിൽ കുതിർന്ന വേരുകൾ അവനിൽ പുതുനാമ്പുകൾ കിളിർപ്പിച്ചു...

പുനർജന്മം നേടിയ പ്രണയത്തിൽ അവൾ പിന്നെയും പൂത്തു തുടങ്ങി...

പ്രണയം പൂവിട്ട രാവുണരുമ്പോളൊക്കെയും അവളുടെ നാസികയിൽ വൈഡൂര്യമൂക്കുത്തി സമ്മാനിച്ചു പോകുന്ന മഞ്ഞും മഴയും...

അതിൽ സുവർണ്ണശോഭ പടർത്തുന്നു ഉദയ സൂര്യൻ...

അവന്റെയിലകളെ ആവാഹിച്ചൊരു മരതകമണി കൊതിക്കുന്നുണ്ടവളും...

03/01/2021

പ്രണയത്തിന്റെ പച്ചത്തുരുത്തിലെ ചഷകം കൊതിച്ച് മരുഭൂമിയിലേക്ക് യാത്ര ചെയ്തവരെ...

പ്രണയത്തിന്റെ മരീചികകളെ സ്വപ്നം കണ്ട് കാതങ്ങളോളം മണൽക്കാറ്റ് താണ്ടിയവരെ...

കാലു കുഴയുന്നത് വരെ, തൊണ്ട വരളുന്നത് വരെ നിങ്ങളറിഞ്ഞിരുന്നുവോ, പ്രണയത്തിലേക്കുള്ള യാത്രയിത്ര കഠിന്യമെന്ന്?

ഇല്ല... പ്രണയമൊരു മരുപ്പച്ചയല്ല...

പ്രണയത്തിലേക്കുള്ള യാത്രകൾ കഠിന്യവുമല്ല...

പ്രണയത്തിലേക്കിത്ര ദൂരവുമില്ല...

പ്രണയം നിങ്ങൾക്കു ചാരെയുണ്ടായിരുന്നു...

പ്രണയമെന്ന് ധരിച്ച്, ദാഹമില്ലാത്ത നാവുകളെ ചഷകം നുകരാൻ കൊതിപ്പിച്ചു മരുപ്പച്ചകളെ തേടിയലഞ്ഞ മനസ്സുകളായിരുന്നുവോ വേട്ടക്കാർ...

അല്ല...

ഇന്ദ്രിയങ്ങളെന്ന കുതിരകളെ, ചിന്തകളെന്ന കടിഞ്ഞാണഴിച്ചു വിട്ട് മനസ്സെന്ന തേരാളിയെയും, ശരീരമെന്ന തേരിനെയും നിയന്ത്രിക്കാൻ സാധിക്കാതെ പോയ നിങ്ങളെന്നെ ആത്മാവ് തന്നെയാണ് വേട്ടക്കാർ...

ഇരയും വേട്ടക്കാരനും നിങ്ങൾ...

ഇന്നീ മരുഭൂമിയിൽ ചക്രങ്ങൾ മണലിൽ പൂണ്ട്, അഴിഞ്ഞു പോയ ചിന്തകളെ കൈവിട്ട്, മരവിച്ചു വീണയിന്ത്രിയങ്ങളെ നിയന്ത്രിക്കുവാനാവാതെ, ഒച്ചപോലുമില്ലാതെ വിതുമ്പുന്നയാത്മാവിന്റെ ചിന്തകളത്രെ ഭ്രാന്ത്...

നിങ്ങൾക്കു ചുറ്റും തെളിഞ്ഞു മറയുന്ന മരുപ്പച്ചകളിൽ പൂക്കുന്നതാണ് ഭ്രാന്ത്...

18/04/2020

ഒഴുകിയിറങ്ങിയ വിയർപ്പുതുള്ളികൾ രണ്ടു മാറിടങ്ങളെ ഇനിയൊരു വേർപിരിയലിന് പ്രാപ്തമല്ലാത്തവിധം ഒട്ടിച്ചേർത്തിരുന്നു...

നിശ്വാസങ്ങൾ പരസ്പരം ശ്വസിച്ച് കഴുത്തിൽ തലവെച്ചുറങ്ങുകയാണ്...

കഴുത്തിളകിത്തുടങ്ങിയ റാലി ഫാൻ സ്വല്പം നീരസം നിറഞ്ഞ ശബ്ദത്തോടെ തലമുതൽ പാദം വരെ രണ്ടു നഗ്നശരീരങ്ങളെ നോക്കുന്നുണ്ട്...

അത് ശ്രദ്ധിച്ചിട്ടെന്നോണം കമിഴ്ന്നു കിടക്കുന്ന അവളുടെ മുടിയിഴകൾ അൽപ്പം ഇക്കിളിയോടെ എന്റെ മുഖം മറയ്ക്കുവാൻ വൃഥാശ്രമം നടത്തുന്നു...

ദാഹം തൊണ്ടയെ വല്ലാണ്ട് വരട്ടിയ വേളയിൽ അടുത്ത മേശപ്പുറത്തിരുന്ന പ്ലാസ്റ്റിക് ഫ്ലാസ്കിലേക്ക് എത്തിപ്പിടിക്കാൻ ശ്രമിക്കുന്നതിനിടയിൽ അവൾ ഞെട്ടിയുണർന്നു...

ഒട്ടിയമർന്ന നെഞ്ചിലെ രോമങ്ങൾ അവളോടൊപ്പം പറിഞ്ഞു പോയ നൊമ്പരം ചുണ്ടിൽ തെളിഞ്ഞത് കണ്ടിട്ടെന്നോണം ഭിത്തിയിലെ പല്ലി ഉറക്കെ ചിരിക്കുന്നു...

പാതി കുടിച്ച ഗ്ലാസ്സിൽ അവളുടെ രൂപം ആവാഹിക്കപ്പെട്ടിരുന്നു...

കൗതുകത്തോടെ അത് നോക്കി നിൽക്കെയാണ് നിനയ്ക്കാതെ അവളുടെ ചോദ്യം...

ഉള്ളിൽ പകയും കൊണ്ട് നടക്കുന്നൊരാൾക്ക് എങ്ങനെയാണ് സ്നേഹിക്കാനാവുക?

ഉത്തരത്തിനായി പലയിടങ്ങളിൽ കണ്ണടച്ചു തുറന്നു...

ട്രെയിനിന്റെ സൈഡ് സീറ്റിൽ, തിരകൾ എണ്ണി, നിലാവിൽ പാറമുകളിൽ, മഴയിൽ ചോർന്നൊലിച്ച കടത്തിണ്ണയിൽ...

അങ്ങനെ ഒരാൾക്ക് സ്നേഹിക്കാനാവുകയില്ലെങ്കിൽ എന്റെ സ്നേഹം എന്താണ്?

എന്റെ സ്വപ്നങ്ങൾ എന്താണ്?

എന്റെ പക എന്താണ്?

പരസ്പരം വിരട്ടിയോടിച്ച്‌ അതിർത്തി കാക്കുന്ന മൃഗങ്ങൾ, പക്ഷികൾ ഇവയുടെയൊക്കെ ജീവിതം എന്താണ് പറയുന്നത്?

പക ഒരു മുഖംമൂടി ആവണം...

പരാജയങ്ങൾ, ആഴത്തിൽ ഏല്പിക്കപ്പെട്ട വൃണങ്ങളുടെ വേദനകൾ എന്നിവയിൽ നിന്നൊളിച്ചോടുവാൻ പ്രകൃതി നൽകിയ ലഹരി ആവണം...

ഒരുകാലത്ത് ജീവൻ പാതിയും നൽകിയ സ്നേഹം അമൂല്യമാണെന്നു സ്വയം ബോധ്യപ്പെടുത്തൽ ആവണം...

ബലം ക്ഷയിച്ച മനസ്സിന് മുന്നോട്ട് നീങ്ങുവാൻ ഉള്ള ഇന്ധനമാവണം...

ആഴത്തിൽ അച്ചുകുത്തിയ ചില പേരുകൾ ഹൃദയത്തിൽ നിന്നു മായ്ച്ചുകളയുവാൻ മൂർച്ചയുള്ളൊരു ആയുധമാണ്...

പക ഒരു നിലനിൽപ്പാണ്...

പക ജീവിച്ചിരിക്കുന്നു എന്ന തോന്നിപ്പിക്കലാണ്...

ഇനിയും ഇനിയും ആഴത്തിൽ ജീവിതത്തെ സ്നേഹിക്കാൻ, മുന്നിൽ പ്രതീക്ഷയുടെ ഒരു വെളിച്ചമാണ് പക...

ചിലർക്കെങ്കിലും പക ഒരു പ്രതിരോധമാണ്...