09/10/2021
ಮೊಗ್ಗಿನ ಜಡೆ ಎಂಬ ಸಂಭ್ರಮ
----------------------------------------
ದೇಶದಾದ್ಯಂತ ನವರಾತ್ರಿ ಹಬ್ಬವು ಸಂಭ್ರಮದ ಆಚರಣೆ ಪಡೆಯುತ್ತಿದ್ದು ಸ್ತ್ರೀ ಶಕ್ತಿಯ ಆರಾಧನೆಯೇ ಪ್ರಾಮುಖ್ಯತೆ ಪಡೆದಿದೆ. ದುರ್ಗೆ ಒಂಬತ್ತು ರೂಪದಲ್ಲಿ ಮೂಡಿ ಬಂದು ಶಿಷ್ಟರ ರಕ್ಷಣೆ ಮತ್ತು ದುಷ್ಟರ ಶಿಕ್ಷೆಗೆ ಕಾರಣ ಆದದ್ದು ಭಾರತೀಯರ ಜನಮಾನಸದಲ್ಲಿ ಚಿರಸ್ಥಾಯಿ ಆಗಿದೆ. ಅದರಲ್ಲೂ ನವರಾತ್ರಿಯ ಮೊದಲ ಮೂರು ದಿನಗಳ ಕಾಲ ದೇವಿಯು ಸಾತ್ವಿಕ ಶಕ್ತಿಯ ರೂಪದಲ್ಲಿ ಕಾಣಿಸುತ್ತಾರೆ.
ಅದಕ್ಕೆ ಪೂರಕವಾಗಿ ಹಿರಿಯರು ತಮ್ಮ ಹೆಣ್ಣು ಮಗುವಿನಲ್ಲಿ ಸಾತ್ವಿಕ ಅಲಂಕಾರಗಳನ್ನು ಮಾಡಿ ದೇವಿಯ ಆವಾಹನೆ ಮಾಡುತ್ತಾರೆ. ಪ್ರತೀ ಒಂದು ಹೆಣ್ಣು ಮಗು ದೇವಿಯ ಸಾತ್ವಿಕ ರೂಪವನ್ನು ಪಡೆಯುವುದು, ತನ್ನ ಕುಟುಂಬದ ಎಲ್ಲರಿಗೂ ಖುಷಿಯನ್ನು ಹಂಚುವುದು ನಿಜಕ್ಕೂ ಅದ್ಭುತ. ಅದರ ಒಂದು ರೂಪವೇ ಈ ಮೊಗ್ಗಿನ ಜಡೆಯ ಅಲಂಕಾರ.
ಶಾರದೆಯಾಗುವುದೆಂದರೆ ಹೊಸ ಸೀರೆ ಉಟ್ಟು, ಮೇಕಪ್ ಮಾಡಿ, ಹೂ ಮುಡಿದು ನಟಿಸಿದರಾಯ್ತು ಎಂದುಕೊಂಡರೆ ಅದು ನಿಮ್ಮ ತಪ್ಪು. 19 ವರ್ಷದ ಈ ಪುಟಾಣಿ ಶ್ರೀನಿಧಿ ಶಾರದಾ ದೇವಿಯ ಆರಾಧಕಿ. 21 ದಿನಗಳ ವ್ರತ ಮಾಡಿ ದೇವಿಯ ರೂಪಕ್ಕಾಗಿ ಸಿದ್ಧವಾಗಿದ್ದಾಳೆ. ನಗುವಿನಲ್ಲಿ, ವೀಣೆಯಲ್ಲಿ, ಮಗುವಿಗೆ ಮೊದಲ ಅಕ್ಷರ ಕಲಿಸುವಲ್ಲಿ ತಾಯಿ ಶಾರದೆಯೇ ಆಗಿದ್ದಾಳೆ.
ಹೆಣ್ಣು ಮಕ್ಕಳ ತಲೆಯ ತುಂಬಾ ಮಲ್ಲಿಗೆಯ ಮೊಗ್ಗನ್ನು ಸುಂದರವಾಗಿ ಪೋಣಿಸಿ, ಅವುಗಳನ್ನು ಬಾಳೆನಾರಿನಿಂದ ಬಿಗಿದು, ಜಡೆಯ ಉದ್ದಕ್ಕೂ ಒಂದು ಹೂವಿನ ಜಡೆಯನ್ನು
ಹೆಣೆದರೆ ಅದು ಮೊಗ್ಗಿನ ಜಡೆ ಆಯಿತು. ನಂತರ ಅದಕ್ಕೆ ಒಪ್ಪುವಂತಹ ತೆಳುವಾದ ಮೇಕಪ್, ಹಣೆಯ ಮೇಲೆ ಕುಂಕುಮದ ಬೊಟ್ಟು, ಕಣ್ಣಿಗೆ ಕಂಡೂ ಕಾಣದಂತೆ ಕಾಡಿಗೆ, ಹುಬ್ಬುಗಳನ್ನು ಬಿಲ್ಲಿನ ಆಕಾರದಲ್ಲಿ ತೀಡುವುದು, ಗಲ್ಲದ ಮೇಲೆ ಒಂದು ದೃಷ್ಟಿ ಬೊಟ್ಟು ಇಟ್ಟು ಬಿಟ್ಟರೆ ಮುಖವರ್ಣಿಕೆ ಮುಗಿದು ಹೋಯಿತು.
ನಂತರ ಅದಕ್ಕೊಪ್ಪುವ ರೇಷ್ಮೆಯ ಸೀರೆ, ರವಕೆ ತೊಡಿಸಿದರೆ, ಒಂದಿಷ್ಟು ಚಿನ್ನದ ಸರಗಳು, ಕಿವಿಗೆ ಝುಂಕಿ ಸೇರಿಸಿದರೆ ಅಲ್ಲಿಗೆ ಅಲಂಕಾರವು ಮುಗಿಯಿತು. ಸುಮಾರು ಎರಡು ಮೂರು ಗಂಟೆ ತಾಳ್ಮೆಯನ್ನು ಬೇಡುವ ಕುಸುರಿ ಕೆಲಸ ಅದು. ಕಾರ್ಕಳದಲ್ಲಿ ಶ್ರೀಮತಿ ಶಿಲ್ಪಾ ಕಿಣಿ ಈ ರೀತಿಯ ಮೊಗ್ಗಿನ ಜಡೆಯ ಅಲಂಕಾರದಲ್ಲಿ
ಜೇಸಿಐ ಯ ಅಂತರರಾಷ್ಟ್ರೀಯ ತರಬೇತಿಗಾರರು: bhat
ರೂಪದರ್ಶಿ - ಆರಾಧಕಿ ಶ್ರೀನಿಧಿ.
ಮೇಕಪ್ ಮತ್ತು ಅಲಂಕಾರ - Blush Me by Shilpa Kini
ಫೋಟೋ - kanangi, ಗುರು ಸ್ಟುಡಿಯೋ, ಜೋಡು ರಸ್ತೆ,
750
