https://www.facebook.com/2290542354547814/

Nambi photography, Karimedu, Madurai (2026)

30/04/2026

🔥உலகப்புகழ்பெற்ற😍மதுரை சித்திரை திருவிழா 2026 (பன்னிரண்டாம் நாள்) விடையாற்று உற்சவம்... இதனை தொடர்ந்து கொடி இறக்கி விழா நிறைவு

(திருவிழாத் தத்துவமும் பலனும்)

பன்னிரண்டாம் நாள் தீர்த்தத் திருவிழா, சிவானந்தமாகிய பேரின்பக் கடலில் ஆன்மா திளைப்பதைக்குறிக்கும்.

பொங்கித்ததும்பிப் பூர்ணமாய் ஏக உருவாய்க்கிடக்கும் இறையின்ப வாரியில், ஆன்மாக்கள் முற்றும் ஆழ்ந்து ஆனந்திப்பதைத் தீர்த்தவாரி குறிக்கின்றது.

இதனை மகாருத்ரபாத தீர்த்தம் என்பர். இரவு விருஷபவாகன சேவை மிகவும் முக்கியமானது. அடியார்களுக்கு அருள்புரிய ஆண்டவன் விருஷபவாகனத்தில் எழுந்தருளி வருவதைப் புராணாதிகளால் நன்கறியலாம்.

அருள்பெற்ற ஆன்மா விருஷபமாகும். அதன் வெள்ளைநிறம் அதனிடத்து எவ்வித மாசும் இல்லை, என்பதை உணர்த்தும். தர்மம் என்ற அறத்தையே நான்கு கால்களாகக் கொண்டுள்ளது.

சமம், விசாரம், சந்தோஷம், சாதுங்கம் என்ற நான்கு அறங்களும் நான்கு கால்களாய் அமைந்துள்ளன. மாசற்ற அறவடிவமான ஆன்மாக்களிடத்து இறைவன் வந்து அமர்வான் என்பதை இது குறிக்கின்றது. இது அனுக்கிரகக் கோலம்.

Nambi photography

29/04/2026

🔥உலகப்புகழ்பெற்ற😍மதுரை சித்திரை திருவிழா 2026 ( பதினொன்றாம் நாள்)...சப்தாவர்ணச்சப்பர உலா...

Nambi photography

29/04/2026

🔥உலகப்புகழ்பெற்ற😍மதுரை சித்திரை திருவிழா 2026 ( பதினொன்றாம் நாள்)...திருத்தேரோட்டம்...

(திருவிழாத் தத்துவமும் பலனும்)

பதினொன்றாம் நாள் நடைபெறும் திருத்தேர் திருவிழா, இறைவனின் சங்காரம் குறித்து நடைபெறுவதாகும்.

மேலும் ஆன்மாக்களுக்கு உயர்வு நல்கிவருவதையும் குறிப்பதாகும்.
தேரின் அமைப்பு அண்ட பிண்டத்திற்குச் சமானம்.

விசுவவிராட் சொரூபமே எட்டு அடுக்குகளாகும். உச்சியிலிருக்கும் கும்பம் சோடசாந்தம்; அதற்கு அடுத்த கீழடுக்கு துவாதசாந்தம்; அதற்கடுத்தது மஸ்தக அதிஸ்தானம்; அதற்கடுத்தது மஸ்தக மத்தியஸ்தானம்; அதற்கடுத்தது மஸ்தக அந்தஸ்தானம்; அதற்கடுத்தது

புருவமத்தியஸ்தானம்; நடுவில் தாங்கும் குத்துக்கால்கள் தத்துவக்கால்கள்; முன் மூன்று துறைகள் மூன்று கண்கள்.

பின்னலை, சிகையும் இட, வலக்காதுகளுமாகும்; இறைவன் எழுந்தருளியிருக்கும் கேடய பீடம் முப்பாழ்; குதிரைகள் சூரிய, சந்திரகலைகள்; சாரதி அக்னிக்கலை இவை நாசியாகும்; அடுத்த அடுக்கு கண்டஸ்தானம்; அதை அடுத்த அடுக்கு இருதய ஸ்தானம்; அதை அடுத்த அடுக்கு நாபி; அதற்கு அடுத்த அடுக்கு குண்டலினி ஸ்தானம்; பந்துச் சக்கரங்களும் தசவாயுக்கள்.

இறைவன், இதற்குக்கர்த்தா தான்ஒருவனே, என்றுணர்த்தி இவ்வாறமைந்த பிண்டத்துவ சரீரமாகிய இரதத்தில் தசவாயுக்களாகிய சக்கரங்களை நிறுத்தி, அசைவற்ற மனத்தை உந்தி, குண்டலினியிலிருந்து நாபிக்கும், அதிலிருந்து கண்டத்திற்கும், அதிலிருந்து வாய்க்கும் ஏற்றி இலயப்படுத்தி,

முறையே இரதக்குதிரையாம் நாசிக்கும், அங்கிருந்து கண்வழியாகவும், நடுவழியாகவும், மேல்நோக்கி ஆறாம் அடுக்காகிய புருவமத்திக்கும் ஏற்றி, இலயப்பட்டு சும்மா இருந்தபடி இருக்கும் நித்திய சுகியாய் இருந்திடல் வேண்டும் என்ற இலயக்கிரமத்தைக் காட்டுகிறது.

மேலும் தேர் திரிபுராதிகளைச் சிவன், சிரித்து, எளித்து, ஆன்ம கோடிகளைக் காப்பாற்றிய ஸ்திதித் தொழிலுக்கும் அறிகுறியாகும்.

Nambi photography

28/04/2026

🔥உலகப்புகழ்பெற்ற😍மதுரை சித்திரை திருவிழா 2026 (பத்தாம் நாள்)... யானை வாகனம் - ஆனந்தராயர் பூப்பல்லக்கு...

(திருவிழாத் தத்துவமும் பலனும்)

பத்தாம் நாள் திருக்கல்யாணத் திருவிழா, மக்கள் புணர்வுறு போகம் மூழ்க, இறைவன் புருடனும், பெண்ணுமாகித் திருமணம் கொண்டு, ஆற்றுப்படுத்தலைக் குறிப்பதாகும்.
இறைவனும் இறைவியும் புரிந்து கொள்ளும் கல்யாணம் திருக்கல்யாணம் எனப்படும்.

போகியாயிருந்து உயிர்களுக்குப் போகத்தைப் புரிகின்றான். இறைவன் போகவடிவில் வாழாமற் போனால் உலகத்து உயிர்கள் அனைத்தும் போகியாய் வாழ இயலாது.

ஆதலின், இறைவன் திருக்கல்யாணம் புரிவது நம் பொருட்டேயாகும். பத்தாம் நாள் இரவு, யானை வாகனத்தின் மீது இறைவன் ஏறி எழுந்தருளுகிறான்.

இது இலயக்கிரம சிருட்டிக் கோலமாகும்.
இலயக்கிரமம் என்பதற்கு ஒடுங்கும் முறை என்பது பொருள். உலகப்பொருள்கள் அனைத்தும் இறைவனிடம் ஓடுங்கி, ஒரே பிண்டமான யானையின் உடம்புபோல் பருமனாய்க் கிடந்து ஒடுங்குதலாகும்.

அதிலிருந்து திரும்பவும் தோன்றுவது, இலயத்தின் பின் சிருட்டி தொடங்குவதைக் குறிக்கும். யானையின் நான்கு பாதங்கள் பிண்டாகார உற்பவ ஜடத்வம், சுவாச சூக்குமம், வாஜி ஜீவத்வம், பிராணாயாமம் இவைகளைக் குறிக்கின்றன.

இவை யானையைப்போல ஆத்மஞானத்தில் தோன்றி, துதிக்கையை ஒத்த சுஷூம்னையில் நிலைநிற்கும். யானையின் மேல் வைக்கும் அம்பாரி முதலியன வெளித்தோற்ற அண்டகாரமாகும்.

உற்பவ, சூக்கும், ஜீவ, மாயாஞானங்கள் ஆத்ம ஞானத்திலும், அவை ஈசுவர சைதன்யத்தும், ஈசுவர சைதன்யம், பிரம சைதன்யத்திலும் இலயிக்கிறது என்பதைக் குறிக்கின்றது.

Nambi photography

28/04/2026

🔥உலகப்புகழ்பெற்ற😍மதுரை சித்திரை திருவிழா 2026 (பத்தாம் நாள் - காலை)..திருக்கல்யாணம்..

விழாகோலம் கொண்டுள்ள மதுரையில் கல்யாண திருவிழா இறையருள் பரவ! மேளசப்தம் முழங்க! சொக்கரை கரம் பிடித்தாள் கயல்விழி!...

Nambi photography

27/04/2026

🔥உலகப்புகழ்பெற்ற😍மதுரை சித்திரை திருவிழா 2026 ( ஒன்பதாம் நாள்) திக்கு விஜயம் இந்திர விமான உலா...

(திருவிழாத் தத்துவமும் பலனும்)

ஒன்பதாம் நாள் திருவிழா, இரவு, அருள்மிகு மீனாட்சியம்மை தடாதகைப் பிராட்டியாக மதுரையம்பதியில் அவதரித்து, ஆட்சி புரிகையில் மேற்கொண்ட திக்கு விஜய புராண வரலாற்று நிகழ்வினைக் குறிக்கும் வகையில், அம்மனின் திக்கு விஜயம் நடைபெறும்.

அப்பொழுது அம்மன், அஷ்டதிக்கு பாலர்களை எதிர்த்து வெற்றி பெற்ற லீலை நடைபெறும்.

ஒன்பதாம் நாள் திருவிழா, சகளம், நிஷ்களம், சகளநிஷ்களம் என்னும் வடிவம் மூன்றும், சிருஷ்டி முதலிய முத்தொழில்களும், தன்மை முதலிய மூன்றிடத்து இருத்தலுமாகிய ஒன்பதும் இல்லை என்பதைக் குறிப்பதாகும்.

Nambi photography

26/04/2026

🔥உலகப்புகழ்பெற்ற😍மதுரை சித்திரை திருவிழா 2026 (எட்டாம் நாள்) அன்னை மீனாட்சி பட்டாபிஷேகம் வெள்ளி சிம்மாசனம் (கைபாரம்) வீதி உலா...

(திருவிழாத் தத்துவமும் பலனும்)

எட்டாம் நாள் திருவிழாவில், இரவு, அருள்மிகு மீனாட்சியம்மன் பட்டாபிஷேகம் நடைபெறும்.

அருள்மிகு மீனாட்சியம்மனுக்கு, அம்மன் சந்நிதி ஆறுகால் பீடத்தில் இரத்தின ஆபரணங்கள் இழைத்த இராயர் கிரீடம் சாற்றி, இரத்தினங்கள் இழைத்த செங்கோல் வழங்கி, ஆராதனைகளுடன்

பட்டாபிஷேகம் நடைபெறும். அருள்மிகு மீனாட்சியம்மன் மதுரை நகரின் ஆட்சிப்பொறுப்பை ஏற்பது என்பது ஐதீகம். சித்திரை முதல் ஆவணி வரை நான்கு

மாதங்கள் அம்மன் ஆட்சி நடைபெறுவதாக ஐதீகம். எட்டாம் நாள் உற்சவம் தன்வயத்தன் ஆதல் முதலிய கடவுட் குணங்கள் எட்டினையும் விளக்குதற்

குறிப்புடையதாகும்.

Nambi photography

25/04/2026

🔥உலகப்புகழ்பெற்ற😍மதுரை சித்திரை திருவிழா 2026 (ஏழாம் நாள்) நந்திகேசுவரர்,யாளி வாகனம் வீதி உலா...

(திருவிழாத் தத்துவமும் பலனும்)

ஏழாம் நாள் திருவிழா, எழுவகைப் பிறப்பு, கலையாதிகள் ஏழு, மாயாகுணம் ஏழு, என்னும் இவற்றைத் தவிர்த்தற் பொருட்டாகும். ஏழாம் நாள்

காலையில் பிட்சாடனத் திருக்கோலத் திருவிழா நடைபெறும். தாருகாவனத்து ரிஷிகளும், ரிஷிபத்தினிகளும் ஆணவ மலத்தால் தாங்கள் சுதந்திரர்களென

எண்ணிக் கடவுளை மறந்தனர். அவர்கள் பரதந்திரர்களென உணர்த்துதற் பொருட்டு இறைவன் பிட்சாடன மூர்த்தியாய்ச் செல்ல, ரிஷிபத்தினிகள் அவரழகில்

ஈடுபட்டனர். விஷ்ணு மோகினியாகச் செல்ல அவ்வழகில் ரிஷிகள் ஈடுபட்டனர். இவ்விரண்டு செயல்களாலும் ரிஷிகளும், அவர் பத்தினிமார்களும்

பரதந்திரர்களேயென அவர்களை உணரச் செய்து, பரமன் மறைந்தருளினான். பராக்ரமக் கோலமே பிட்சாடனக் கோலமாகும். ஏழாம் நாள் இரவில்

அதிகாரநந்தி வாகனம், இது விருத்திக்கிரம சங்காரக் கோலம் என்பர். அதிகார நந்தி மான், மழு, சதுர்ப்புஜம், முக்கண் முதலிய குறிகளோடு சாரூப்பிய

பதவியைப் பெற்றவர். இவர் விஞ்ஞான கலர் எனும் ஆன்மாக்களுள் சிறந்தவர் ஆவர், கயிலையில் சிவசந்நிதானத்தில் அதிகாரம் செலுத்துபவர். ஆதலால்

அதிகாரநந்தி எனப் பெயர் பெற்றார்.

Nambi photography

24/04/2026

🔥உலகப்புகழ்பெற்ற😍மதுரை சித்திரை திருவிழா 2026 (ஆறாம் நாள்) ரிஷப வாகனம் - சைவசமய ஸ்தாபித வரலாற்று லீலை வீதி உலா...

(திருவிழாத் தத்துவமும் பலனும்)

ஆறாம் நாள் திருவிழா, காமாதி ஆறும், கலையாதி ஆறும், பதமுத்தி ஆறும், வினைக்குணம் ஆகியனவற்றை ஒழித்தற் பொருட்டு நிகழ்வதாகும். ஆறாம் நாள் இரவு, விருஷபவாகன சேவை மிகவும் முக்கியமானது.

அடியார்களுக்கு அருள்புரிய ஆண்டவன், விருஷபவாகனத்தில் எழுந்தருளி வருவதைப் புராணாதிகளால் நன்கு அறியலாம். அருள்பெற்ற ஆன்மா விருஷபமாகும். அதன் வெள்ளைநிறம், அதனிடத்து எவ்வித

மாசும் இல்லை என்பதை உணர்த்தும். தர்மம் என்ற அறத்தையே நான்கு கால்களாக் கொண்டுள்ளது. சமம், விசாரம், சந்தோஷம், சாதுங்கம் என்ற

நான்கு அறங்களும் நான்கு கால்களாய் அமைந்துள்ளன. மாசற்ற அறவடிவமான ஆன்மாக்களிடத்து, இறைவன் வந்து அமர்வான் என்பதை இது

குறிக்கின்றது. இது அனுக்கிரகக் கோலம்,

Nambi photography

23/04/2026

🔥உலகப்புகழ்பெற்ற😍மதுரை சித்திரை திருவிழா 2026 (ஐந்தாம் நாள்) தங்கக்குதிரை வாகனம் வேடர்பறிலீலை வீதி உலா...

(திருவிழாத் தத்துவமும் பலனும்)

ஐந்தாம் நாள் திருவிழா, புலன்களின் வழியே செல்லும் ஐம்பொறிகளும், பஞ்ச அவத்தைகளும், பஞ்ச மலங்களும் தம்வலிகுன்றலைக் குறிப்பதாகும்.

ஐந்தாம் நாள் இரவு, அசுவ (குதிரை) வாகன ஆரோகணம். இது ஸம்ஹாரக் கோலமாகும். தர்ம, அர்த்த, காம, மோட்சங்களாகிய (அறம், பொருள், இன்பம், வீடு)

நான்கு கால்களையும், கிரியை, ஞானம் எனும் இரண்டு காதுகளையும், பரஞானம், அபரஞானம் எனும் இரண்டு கண்களையும், விதியாகிய முகத்தையும், நிடேதமாகிய வாலையும், ஆகமங்கள் என்கிற

ஆபரணங்களையும், மந்திரங்கள் எனும் பாதஸரத்தையும், கடிவாளம் எனும் பிரணவத்தையும், அண்ட கோடிகளாகிய முதுகையும், உபநிடதங்களாகிய சேணத்தையும் கொண்ட வேதக்குதிரையில்

இறைவன் சவாரி செய்கிறான் என்பதனையும் இது உணர்த்துகிறது.

Nambi photography

Nambi photography

30/04/2026

29/04/2026

29/04/2026

28/04/2026

28/04/2026

27/04/2026

26/04/2026

25/04/2026

24/04/2026

23/04/2026

Address

Telephone

Website

Alerts

Contact The Business

Shortcuts

Share

Category