23/06/2023
ਮੌਸਮ ਰਡਾਰ ਤੇ ਆਪ ਸਭ ਦਾ ਸਵਾਗਤ ਹੈ, ਵਾਤਾਵਰਨ ਚ ਵਧੀ ਨਮੀਂ ਕਾਰਨ ਗਰਮੀ ਚਰਮ ਸੀਮਾ ਤੇ ਹੈ ਖੇਤਾਂ ਚ ਬਿਜਲੀ ਦੀ ਸਪਲਾਈ ਬਹੁਤੇ ਇਲਾਕਿਆਂ ਵਿਚ ਬਿਲਕੁਲ ਵਧੀਆ ਮਿਲ ਰਹੀ ਹੈ, ਘਰਾਂ ਵਿੱਚ ਸਪਲਾਈ ਦੇ ਕੱਟ ਜਾਰੀ ਹਨ ਪਰ ਬਹੁਤ ਜਲਦ ਰਾਹਤ ਦੀ ਉਮੀਦ ਹੈ
R@ ਬੰਗਾਲ ਦੀ ਖਾੜੀ ਵਿਚ ਤਕੜਾ ਲੋ ਪਰੈਸ਼ਰ ਅੱਜ ਸ਼ਾਮ ਵੇਲੇ ਬਣ ਚੁੱਕਾ ਹੈ ਇਹ ਮਾਨਸੂਨ ਦੀ ਅੱਗੇ ਵਧਣ ਚ ਜ਼ਬਰਦਸਤ ਮੱਦਦ ਕਰੇਗਾ ਵਧੀਆ ਬੈਕਅਪ ਕਾਰਨ ਮਾਨਸੂਨ 10-20% ਘੱਟ ਸਮੇਂ ਚ ਦੂਰੀ ਤੈਅ ਕਰੇਗਾ, ਮਾਨਸੂਨ ਇਸ ਸਮੇਂ ਉੜੀਸਾ ਲੰਘ ਕੇ ਮੱਧ ਪ੍ਰਦੇਸ਼, ਮਹਾਂਰਾਸ਼ਟਰ, ਪੱਛਮੀ ਬੰਗਾਲ ਇਲਾਕਿਆਂ ਚ ਜਲ ਥਲ ਕਰ ਰਿਹਾ ਹੈ, ਰਸ਼ੀਆ ਵੈਦਰ ਅਨੁਸਾਰ ਇਹੀ ਸਪੀਡ ਰਹੀ ਤਾਂ ਇਹ ਬਹੁਤ ਜਲਦ ਪੰਜਾਬ, ਹਰਿਆਣਾ ਚ ਦਸਤਕ ਦੇਵੇਗਾ,ਪ੍ਰੀ ਮਾਨਸੂਨ ਬੱਦਲਾਂ ਦਾ ਹਿਮਾਚਲ, ਉਤਰਾਖੰਡ ਚ ਬਣਨਾ ਜਾਰੀ ਹੈ ਇਸ ਕਾਰਨ ਆਉਣ ਵਾਲੇ 24 ਘੰਟਿਆਂ ਵਿਚ ਚੰਡੀਗੜ੍ਹ, ਮੋਹਾਲੀ,ਰੋਪੜ ਅਤੇ ਨਾਲ ਲਗਦੇ ਇਲਾਕਿਆਂ ਵਿਚ ਕਾਫੀ ਥਾਂਵਾਂ ਤੇ ਬਾਰਿਸ਼ ਦੇ ਛੜ੍ਹਾਕੇ ਲੱਗਣਗੇ,ਪਰ ਜ਼ਿਆਦਾਤਰ ਇਲਾਕਿਆਂ ਚ ਕਾਰਵਾਈ ਕਲ ਸ਼ਾਮ ਤੋਂ ਐਤਵਾਰ ਤੜਕੇ ਹੋਵੇਗੀ,ਕਲ ਬਹੁਤਿਆਂ ਇਲਾਕਿਆਂ ਵਿਚ ਬੱਦਲਵਾਈ ਤੇ ਹੁੰਮਸ ਜਾਰੀ ਰਹੇਗੀ, ਬੱਦਲਾਂ ਕਾਰਨ ਤਾਪਮਾਨ ਚ ਥੋੜੀ ਕਮੀ ਆਵੇਗੀ,ਰਾਤ ਦਾ ਔਸਤ ਤਾਪਮਾਨ ਵਧਕੇ 32,ਦਿਨ ਦਾ ਘਟਕੇ 39 ਰਹੇਗਾ, ਹਵਾ ਦੱਖਣ ਪੂਰਬ ਤੋਂ ਚੱਲੇਗੀ, ਮਾਨਸੂਨ ਦੀ ਐਕਸਿਸ ਰੇਖਾ ਬਾਰੇ ਲਗਾਤਾਰ ਅਪਡੇਟ ਕਰਾਂਗੇ
👉 ADV ਤਿਆਰ ਮੂੰਗੀ ਤੇ ਮਾਂਹ ਦੀ ਫਸਲ ਜਲਦ ਸਾਂਭਣ ਦਾ ਯਤਨ ਕਰੋ,ਜੇਕਰ ਮੱਕੀ ਪੂਰੀ ਸੁੱਕ ਚੁੱਕੀ ਹੈ ਪਨੀਰੀ ਤਿਆਰ ਹੈ ਤਾਂ ਫਸਲ ਕਟਵਾਉ ਤੇ ਸਾਂਭੋ,ਪਰ ਜੇਕਰ ਫਸਲ ਥੋੜੀ ਹਰੀ ਹੈ ਤਾਂ ਰੁਕੋ ਮੱਕੀ ਨੂੰ ਬਾਰਿਸ਼ ਦਾ ਕੋਈ ਖਾਸ ਖ਼ਤਰਾ ਨਹੀਂ ਹੁੰਦਾ, ਗੁਰੂ ਸਾਹਿਬ ਸਭ ਦਾ ਭਲਾ ਕਰਨ