Satsang Brahmagiri

08/06/2026

15/04/2026

***** ଶୈଶବ--ଶିକ୍ଷାରେ ସଦାଚାର ****

ଭାଇ ଓ ମାଆମାନଙ୍କ ମଧ୍ୟରୁ ଅନେକେ ଶ୍ରୀଶ୍ରୀଠାକୁରଙ୍କ ପାଖରେ ବସିଥିଲେ , ଜଣେ ମାଆର କୋଳରେ ଗୋଟିଏ ଛୁଆ ଥିଲା । ସେ ବାର--ବାର ପାଟି ଭିତରେ ଆଙ୍ଗୁଳି ଦେଉଥିଲା । ତାହା ହିଁ ଦେଖି ଶ୍ରୀଶ୍ରୀଠାକୁର କହିଲେ =
କଳ ତଳକୁ ଯାଇ ତାର ହାତ ଧୋଇ ଆଣ୍ । ଆଉ, ଭଲକରି ବୁଝେଇ କହ ଯେ ଯେତେବେଳେ -- ସେତେବେଳେ ପାଟିର ଭିତରେ ଆଙ୍ଗୁଳି ଦିଅନ୍ତି ନାହିଁ । ମୁହଁର ଭିତରେ ଆଙ୍ଗୁଳି ଦେବାକୁ ଗଲେ ଯେ ହାତ ଧୋଇ ଦେବାକୁ ହୁଏ , ଏବଂ ଦେଲା ପରେ ଯେ ହାତ ଧୋଇ ପକେଇବାକୁ ହୁଏ, ତାହା ବୁଝେଇ ଦେବାକୁ ହୁଏ । ଏବଂ ଏଇଟା କାହିଁକି କରିବାକୁ ହୁଏ , ତାହା ବି କହିବାକୁ ହୁଏ । ଏଇ ଭାବେ ପିଲାବେଳରୁ ସଜାଗ ରହି ପିଲାଛୁଆମାନଙ୍କୁ ସଦାଚାର ଇତ୍ୟାଦି ଶିକ୍ଷା ଦେବାକୁ ହୁଏ , ଆଉ ଶିକ୍ଷା--ଅନୁଯାୟୀ ନିଜେ ଆଚରଣ କରିବାକୁ ହୁଏ । ଶୈଶବ-ଶିକ୍ଷା ଭଲ ନ ହେଲେ ପରେ ମଣିଷର ବଡ଼ କଷ୍ଟ ହୁଏ ।

( ଆଲୋଚନା-ପ୍ରସଙ୍ଗେ = ୫ ମ ଖଣ୍ଡ )
卐 ଜୟଗୁରୁ 卐

15/04/2026

Sipai Dada with Boudi At Simulia, Baleswar Sreemandir Inauguration

15/04/2026

*ଇର୍ଷା ଆସେ କାହିଁକି*
*========×========*

*ଶ୍ରୀଶ୍ରୀଠାକୁର----- ସେଇଟା ଏକ ଅସୁସ୍ଥ ମନୋଭାବ। ଅପ୍ରୀତିରୁ ତା'ର ଜନ୍ମ । ଇର୍ଷାପ୍ରସୂତ ଯନ୍ତ୍ରଣା ପରି ନିରର୍ଥକ ଓ ପୀଡାଦାୟକ ଯନ୍ତ୍ରଣା ମଣିଷର କମ୍ ହିଁ ଅଛି । ମଣିଷର ଶ୍ରୀବୃଦ୍ଧି ଦେଖିଲେ ଆନନ୍ଦ ହେବାହିଁ ସ୍ବାଭାବିକ, ଅନ୍ୟର ଶ୍ରୀବୃଦ୍ଧି ଦେଖି ଯାହା ମନରେ ଜ୍ବାଳା ହୁଏ, ପରମପିତାଙ୍କ ପ୍ରସାଦରୁ ସେ ଅଳ୍ପ-ବହୁତ ବଞ୍ଚିତ ହୁଏ। ମଣିଷ କର୍ମଫଳ ଓ ଭଗବତ୍ ପ୍ରସାଦ ହେତୁ ଯେଉଁଠି ସୁଖୈଶ୍ବର୍ଯ୍ୟ ଭୋଗ କରେ, ତା' ଦେଖି ଯା'ର ହିଂସା ଜାଗେ, ତା'ର ଅର୍ଥ ହେଲା ସେ ଏକାସାଙ୍ଗରେ ନିଜ ସତ୍ତା, ଅପରର ସତ୍ତା ଓ ଭଗବତ୍-ବିଧାନ ସମ୍ବନ୍ଧେ ଦ୍ରୋହ ବୁଦ୍ଧିସମ୍ପନ୍ନ ହୋଇ ଉଠିଛି। ଏଇଟା ନିଦାରୁଣ ପାପ ।*

*ଆଲୋଚନା ପ୍ରସଙ୍ଗେ / ଚତୁର୍ଦ୍ଦଶ ଖଣ୍ଡ*
*=======×=======*

13/04/2026

**** କୁରୁକ୍ଷେତ୍ର ****

କୁରୁକ୍ଷେତ୍ର ସମ୍ବନ୍ଧରେ ଦିନେ କଥା ଚାଲିଥିଲା । ସେଥିରେ ଶ୍ରୀଶ୍ରୀଠାକୁର କହିଲେ ---" କୁରୁକ୍ଷେତ୍ର ମାନେ କର୍ମକ୍ଷେତ୍ର । ସେଇ ଅର୍ଥରେ ସମସ୍ତ ଜୀବନଟା ହିଁ କୁରୁକ୍ଷେତ୍ର ।" ଯେଉଁଠାରେ ନିରନ୍ତର ଅଧର୍ମକୁ ପରାସ୍ତ କରି ଧର୍ମର ସ୍ଥାପନା କରିଚାଲିବାକୁ ହେଉଛି । ଅଧର୍ମରେ ଅଛି ଦୁଃଖ, ଧର୍ମରେ ଅଛି ସୁଖ । ତେଣୁ, ଅଧର୍ମକୁ ଅପସାରଣ କରି ଧର୍ମର ପ୍ରତିଷ୍ଠା କରିବା ହିଁ କୁରୁକ୍ଷେତ୍ରର କାମ ।

( " ଶ୍ରୀଶ୍ରୀଠାକୁରଙ୍କ କଥନ ଶୈଳୀ " = ଦେବୀପ୍ରସାଦ ମୁଖୋପାଧ୍ୟାୟ ।
ଆଲୋଚନା ପତ୍ରିକା , ଅଗଷ୍ଟ ୨୦୨୫ )
卐 ଜୟଗୁରୁ 卐

13/04/2026

*ଯେତେ ବ୍ୟସ୍ତତା କିମ୍ୱା ସଂସାର ଜଞ୍ଜାଳରେ ରହିଲେ ମଧ୍ୟ ମଝିରେ ମଝିରେ ସମୟ ବାହାର କରି ଦେଓଘର ଆସିବା ଦରକାର l ଏହାଦ୍ୱାରା ଅନେକ ଗ୍ରହ ଦୋଷ କଟିଯାଏ l ଠାକୁର ଉଦାହରଣ ଦେଇ କହୁଛନ୍ତି, ଯେପରି ଜଣେ ମଦୁଆକୁ ଯେତେ କାମ ଦିଅନା କାହିଁକି, ସେ ତାହା ଭିତରେ ସମୟ ବାହାର କରି, ଯେମିତିହେଲେ ମଦ ଦୋକାନରେ ପହଞ୍ଚିଯିବ l ସେପରି ଭକ୍ତ ହେଉଛି ମାତାଲ, ଠାକୁର ହେଉଛନ୍ତି ମଦ ଦୋକାନୀ, ଆଉ ଇଷ୍ଟଟାଣ ତଥା ଇଷ୍ଟସ୍ମରଣ ହେଉଛି ଭକ୍ତର ମଦ l*

*ତେବେ ଏହି ବ୍ୟସ୍ତତା ଭିତରେ କେମିତି ଆମେ ଦେଓଘର ଯାଇପାରିବା, ତାହା ମଧ୍ୟ ଠାକୁର କହିଦେଇଛନ୍ତି l*

*ଏହି ବ୍ୟସ୍ତ ବହୁଳ ଜୀବନ ଭିତରୁ ଧଡ଼ାକ୍ କରି (ହଠାତ୍) ଗୁରୁଗୃହକୁ ବାହାରି ପଡ଼ିବାକୁ ହୁଏ l କାରଣ, ଆମର ଏହି ବ୍ୟସ୍ତତାକୁ ଠିକ୍ ଭାବରେ ସଜାଡ଼ିବା ପାଇଁ, କାର୍ଯ୍ୟ ଗୁଡିକୁ ଠିକ୍ ଭାବରେ କରିବା ପାଇଁ ଯେଉଁ Energy (ଶକ୍ତି) ଆଉ Internal Adjustment (ଅଭ୍ୟନ୍ତରୀଣ ନିୟନ୍ତ୍ରଣ)ର ଆବଶ୍ୟକତା ରହିଛି, ତାହା ମିଳେ ଗୁରୁଙ୍କ ନିକଟରୁ (ଆଚାର୍ଯ୍ୟ ସଙ୍ଗରୁ); ଆଉ ଆଚାର୍ଯ୍ୟ ସଙ୍ଗ ମିଳେ ଗୁରୁ ଗୃହରୁ l ତା' ଲାଭ କରିବାପାଇଁ ଦେଓଘର ଆମକୁ ଯିବାକୁ ପଡିବ l*

*(ଆଲୋଚନା ପ୍ରସଙ୍ଗେ, ଷଷ୍ଠ ଖଣ୍ଡ )*

11/04/2026

*ଜୀବନରେ ଯଦି କେହି ଗୁରୁ ନଥାନ୍ତି ତାହାଲେ ଜୀବନ ପଥରେ ଚାଲିବ କିଭଳି?*

*"ଭଗବାନ ରାମଚନ୍ଦ୍ରଙ୍କ ଗୁରୁଙ୍କ ନାମ କ'ଣ?*
*ଉପସ୍ଥିତ ଉତ୍ତର ଦେଲେ ଋଷି ବଶିଷ୍ଟ୍ୟ।*
*ଶ୍ରୀକୃଷ୍ଣଙ୍କ ଗୁରୁଙ୍କ ନାମ କ'ଣ?*
*ଉତ୍ତର ଆସିଲା ସନ୍ଦୀପନୀ ମୁନି।*
*ଯୀଶୁଖ୍ରୀଷ୍ଟଙ୍କ ଗୁରୁଙ୍କ ନାମ କ'ଣ?*
*ସେ ନିଜେହିଁ ଉତ୍ତର ଦେଲେ John Baptist। ତାହାଲେ ଭଗବାନ କେହି ମଣିଷ ହୋଇ ଆସିଲେ ଗୁରୁ ଗ୍ରହଣ କରିବାକୁ ହୋଇଛି, ଆଉ ଆମେମାନେ ତ ସାଧାରଣ ମଣିଷ। ଆମମାନଙ୍କ ଜୀବନରେ ଯଦି କେହି ଗୁରୁ ନଥାନ୍ତି ତାହାଲେ, ଜୀବନ ପଥରେ ଚାଲିବୁ କିଭଳି "।*

*ପୂଜନୀୟ ଅବିନ୍ ଦାଦା*
*ସ୍ଥାନ-ସତସଙ୍ଗ ବିହାର ଚଣ୍ଡିଗଡ଼, ତା-୩/୦୪/୨୦୨୬*

04/04/2026

Puj. Abin Dada at Satsang Thakurbadi, Delhousie, Chamba, Himachal Pradesh

04/04/2026

04/04/2026

***** *" ନିନ୍ଦା ପାଇବା ସମୟରେ "* *****

*ଶ୍ରୀଶ୍ରୀ ଠାକୁର ଅପରାହ୍ନରେ ଭକ୍ତବୃନ୍ଦ ପରିବେଷ୍ଟିତ ହୋଇ ଉନ୍ମୁକ୍ତ ପ୍ରାଙ୍ଗଣରେ ବସିଛନ୍ତି--*
*ସୁରେନ ପାଲ ଭାଇ କହିଲେ == ଅନେକ ସମୟରେ ଦେଖିଛି, ଯେଉଁମାନଙ୍କ ପାଇଁ ମୁଁ କିଛି କରିଛି , ସେମାନେ ଅନେକେ ମୋର କ୍ଷତି କରିବାର ଚେଷ୍ଟା କରିଛନ୍ତି । ଏପରି କାହିଁକି କରନ୍ତି ବୁଝି ପାରେନା । ତେଣୁ ବେଳେ ବେଳେ ମନେ ହୁଏ କାହାର ଭଲ କରିବାର ଚେଷ୍ଟା ନ କରିବା ହିଁ ଭଲ ।*

*ଶ୍ରୀଶ୍ରୀ ଠାକୁର == ଏଇ ମନୋଭାବ ଭଲ ନୁହେଁ । ଉପକାରର ପରିବର୍ତ୍ତେ ମଣିଷ ଆପଣଙ୍କ ସହିତ ଯେ ଆଚରଣ କରୁ , ତାହା ଭୃକ୍ଷେପ ନ କରି , ନିଜର ଅସ୍ତିତ୍ବ ଅବ୍ୟାହତ ରଖି ସାଧ୍ୟାନୁଯାୟୀ ଅପରର ଭଲ କରିବାର ଚେଷ୍ଟା କରିବା ହିଁ ଭଲ -- କୌଣସି ପ୍ରତ୍ୟାଶା ନ ରଖି ଏବଂ ଇଷ୍ଟ ସ୍ୱାର୍ଥ ପ୍ରତିଷ୍ଠାର ଲକ୍ଷ ରଖି । ଏହା ଦ୍ବାରା ଅକୃତଜ୍ଞତା ବଶତଃ କିଛି କିଛି ଲୋକ ଆପଣଙ୍କ ଦ୍ଵାରା ଉପକୃତ ହୋଇ ଆପଣଙ୍କର ଅପକାର କଲେ ମଧ୍ୟ on the whole (ମୋଟ ଉପରେ ) ଆପଣଙ୍କର ଭଲ ହିଁ ହେବ ।* *ବିଧାତାଙ୍କ ରାଜ୍ୟରେ Divine economy ( ଭାଗବତ ଅର୍ଥନୀତି ) ବୋଲି ଗୋଟିଏ କଥା ଅଛି । ଯାହା ଫଳରେ ବୃହତ୍ତର ପରିବେଶରେ ଅନେକେ ହିଁ ଅନାହୂତ ଭାବେ, ଆପଣଙ୍କର ଅନୁକୂଳ ହେବେ ।* *ଆପଣ ଯେଉଁମାନଙ୍କ ପାଇଁ କିଛି ବି କରି ନାହାନ୍ତି , ସେପରି କେତେ ଲୋକ ଆଗେଇ ଆସି ଆପଣଙ୍କର ଭଲ କରିବେ । ତେବେ ଆପଣ ଏ ପ୍ରକାର ପ୍ରତ୍ୟାଶା ମନରେ ପୋଷଣ କରିବେ ନାହିଁ । ପ୍ରତ୍ୟାଶା ପୀଡିତ ହୋଇ ରହିଲେ , ନିଜର କର୍ତ୍ତବ୍ୟ ଠିକ୍ ରୂପେ କରି ପାରିବେ ନାହିଁ । ପୁଣି ପ୍ରତ୍ୟାଶା ବ୍ୟାହତ ହେଲେ ମନରେ କଷ୍ଟ ପାଇବେ । ପ୍ରତ୍ୟାଶା କିନ୍ତୁ ପ୍ରାପ୍ତି ଆଣେନା, ପ୍ରାପ୍ତି ଆଣେ ବିହିତ ଭାବେ କରିବା । ତେଣୁ ପରମପିତାଙ୍କ ପ୍ରତି ମନଦେଇ , ତାଙ୍କରି ପ୍ରୀତି ପାଇଁ ଯାହା କରିବାର ତାହା କରିଯିବାକୁ ହେବ । ଏହାକୁ ହିଁ କୁହନ୍ତି ନିଷ୍କାମ କର୍ମ ।* *ଗୀତାରେ ଅଛି--*
*" ନ ହିଁ କଲ୍ୟାଣ କୃତ୍ କଶ୍ଚିତ ଦୁର୍ଗତିଂ ତାତ ଗଚ୍ଛିତି।"( କଲ୍ୟାଣକାରୀର କଦାପି ଦୁର୍ଗତି ହୁଏନା ) ଇଷ୍ଟାର୍ଥେ କର୍ମ ହିଁ ସତ୍ କର୍ମ, ନିଷ୍କାମ କର୍ମ ଓ କଲ୍ୟାଣ କର୍ମ ।*
*( ଆଲୋଚନା-ପ୍ରସଙ୍ଗେ = ୧୨ଶ ଖଣ୍ଡ )*