15/07/2026
विश्वकपको ट्रफी र गोल्डेन बुट: दुवै अब केवल मेस्सीको पर्खाइमा!
फुटबलको मैदान एउटा यस्तो रङ्गमञ्च हो जहाँ भाग्यले आफैं स्क्रिप्ट लेख्छ। मेस्सीको प्रतिस्पर्धामा भएका हाल्याण्ड गए, फ्रान्स बाहिरियो, एम्बाप्पेको रफ्तारमा ब्रेक लाग्यो, अनि स्पेन फाइनलको टिकट काटेर ढुक्कसँग बसेको छ। तर, सिङ्गो विश्वको ध्यान भने अहिले एउटै मान्छेमा अडेको छ, जसको देब्रे खुट्टाले बल छुँदा समय आफैं एकैछिन टक्क रोकिन्छ।
यो केवल एउटा सेमिफाइनल वा फाइनलको कुरा होइन। यो त इतिहासले लियोनेल मेस्सीको लागि ओछ्याएको 'रेड कार्पेट' हो। एकातिर चमचमाउँदो विश्वकप ट्रफी छ, जो फेरि एकपटक मेस्सीकै न्यानो चुम्बनको तिर्खामा छ। अर्कोतिर 'गोल्डेन बुट' छ, जुन गोलको वर्षा गर्ने उनकै जादुयी पाइतालामा सजिन आतुर देखिन्छ। मेसीको पर्खाइमा
एम्बाप्पेको 'गोल्डेन बुट' को दौड प्राविधिक रूपमा अझै सकिएको छैन होला, तर मेस्सीको लागि यो दौड केवल तथ्याङ्कको होइन; यो त उनको जादुयी विरासतको अन्तिम र स्वर्णिम मोहोर हो। इङ्ग्ल्यान्डसँगको सेमिफाइनल भिडन्तअघि हरेक समर्थकको एउटै प्रार्थना छ— मेस्सीको त्यो अन्तिम नृत्यले फेरि एकपटक पूर्णता पाओस्।
श्वास रोकेर हेर्नुहोस्! किनकि इतिहासको सबैभन्दा सुन्दर पाना पल्टिन मात्रै बाँकी छ, र त्यो लेख्ने कलम अहिले मेस्सीकै हातमा छ! उनी बीचमा शिला र आँटिला खेलाडी मानिन्छन्।
