Saber Dri

03/06/2026

هاورێیان دەپرسن بۆچی بۆ هەندێ لەو وێنانەم لەسەر سروشت دەگیرێن Ai بەکار دەهێنم یا Gemini، منیش بۆ ئەوەی ئەو هاورێیانە هۆکارەکە بزانن، زۆر وێنە هەیە لە رێگەی دوورەوە دەگیرێن کە ئەمەش نویزێکی زۆر دروست دەبێت لە کاتی کرۆپ کردن، ناچار لە ڕێگای ئەم ئەپلیکەیشنانە یاخۆد راستەوخۆ لە رێگای پرۆگرامەکانی کۆمپیۆتەر ئەو نۆیزانە کەم دەکەمەوە تا وێنەکە ڕوونتر و کواڵیتی باشتر بدات، بۆ نمۆنە ئەم دوو وێنەیە، وێنەی سەرەوە ئورجیناڵە و وێنەی دووەم بە gemini نۆیزی لابراوە.

وێنەی یەکەم کە زووم دەکرێت بە روونی نۆیز دیارە و چۆنکە نزیکەی ١٠٠ مەتر لێمەوە دوورە کوالیتی نزمە بەڵام وێنەی دووەم بەهۆی نەبوونی نویز و شارپتربوون وێنەکە کواڵیتی بەرزتر و ڕوونتر دەردەکەوێت.

01/06/2026

باڵندەی Twite (ناوی زانستی: Linaria flavirostris)، کە لە زمانی کوردیدا بە چۆلەکەی دەنوک زەرد دەناسرێت، باڵندەیەکی بچووکە لە خێزانی بەناوبانگی (Fringillidae) ئەم باڵندەیە لێکچوونی زۆری هەیە لەگەڵ باڵندەی Linnet و لە ڕووی شێوەوە بەڵام هەندێ جیاوازی کەمی هەیە بە تایبەت دەنۆکی کە زەردەو ئاوازەکەشی.

ناوی “Twite” لە دەنگی تایبەتی ئەم باڵندەوە هاتووە، چونکە دەنگێکی لە شێوەی “توایت” یان “توی-ئیت” دەردەکات.

قەبارەیەکی نزیکەی 13–14 سم هەیەو ڕەنگی جەستەی قاوەییە و نێرەکان لە وەرزی هاوینەدا لە پشتەوە ڕەنگێکی پەمەیی جوانیان هەیەو دەنۆکێکی زەردی هەیەلە زستاندا و لە هاویندا بۆ ڕەنگی خۆلەمێشی کاڵتر دەگۆڕێت.

زۆربەی خواردنی بریتییە لە تۆوی گیاکان تۆوی دڕک و گوڵە کێوییەکان هەندێ جار مێروولەی بچووکیش دەخوات.

شوێنی ژیانی زۆر حەز لە شوێنی دارستانی چڕ ناکات، لە چیا و دەشتاییەکاندا زیاتر دەژیت و هەندێ ناوچە کەناری دەریا و زەوی و چەمە سەوزەکان کە گیا و تۆوی زۆریان تێدایە. لە کوردستان زۆر دەگمەن دەبینرێت.

وێنەکە لە دەشتی شەمامک نزیک هەولێر گیراوە.

27/05/2026

جەژنی قوربانتان پیرۆز بێت و لە خوای گەورە داواکارم هەموو ڕۆژێکتان ئارامی و سەلامەتی، هەموو جەژنێکیشتان شادی و خۆشی بێت انشاالله.

10/05/2026

08/05/2026

28/04/2026

بۆ یەکەمجار جۆرێکی نوێی باڵندە لە کوردستان دەدۆزرێتەوە

27/04/2026

بۆ یەكەمینجار باڵندەیەكی دەگمەن لە كوردستان دەبینرێت

26/04/2026

باڵندەیەکی ڕاپتۆری دەگمەن لە هەرێمی کوردستان لە دەڤەری بارزان، بینرا.

‏Shikra (ناوی زانستی: Accipiter badius)
جۆرێکە لەباڵندەی ڕاپتۆر (نێچیر)، کە لە ناوچە گەرمەکانی ئاسیا و ئەفریقا دەبینرێت و بۆ یەکەمین جارە لە کوردستان و عیراق ببینرێت، ئەمەش تۆمارێکی نوێیە بۆ لیستی باڵندەکانی کوردستان و عیراق، زۆر جار بە هەڵە وتراوە کە بینراوە بەڵام دواتر کە وربوونەتەوەی بۆ کراوە باڵندەی شیکرا نەبووە و ئواسیان سپارۆ هاوک بووە چۆنکە زۆر لێکچوون لە نێوانیان دا هەیەو بە ئەستەم لێک جیا دەکرێنەوە تەنها لە رێگەی چاو و هەندێ جیاوازی بچۆکی تر.

ئەم باڵندەیە زۆر خێرا و چالاکە لە دارستانە زۆر چڕەکاندا بە تاکتیکی تایبەتی خۆی ڕاوی زیرەکانە دەکات.
زۆر هەولمدا تا توانیم هەندێ وێنەی لێ تۆمار بکەم و سەرەتا منیش هەستم کرد باڵندەی ئوراسیان سپارۆ هاوکە، بەڵام دواتر پاش وردبوونەوەی زیاتر و بە هاوکاری لەگەل دکتۆر کۆرۆش ئارارات گەیشتینە ئەنجام کە باڵندەکە شیکرایە و سپارۆهاوک نییە و تۆمارێکی نوێیە.

ناو: Shikra
ناوی زانستی: Accipiter badius
خێزان: Accipitridae (خێزانی باز و هەڵۆ)
قەبارە: نزیکەی 26–30 سم
باڵەکان: تا 60 سم دەگات
ژیانی گشتی: 10–15 ساڵ (لە سروشتدا)
لە ئاسیا (وەک هندوستان، پاکستان هەندێ ولاتی تر و
هەروەها لە بەشێک لە ئەفریقا.
خواردنی سەرەکی شیکرا بریتییە لە باڵندە بچووکەکان و مێشکو مار و گەز و حەشرات.

31/12/2025

ساڵی نوێتان پیرۆز بێت و هیوادارم ساڵێکی پڕ خێر و خۆشی و دەستکەوت بێت بۆ کوردستان