Svana

20/07/2026

Ein þúfa getur verið nafli alheimsins fyrir þann sem á henni er en líka fyrir þá sem á hana horfa.
Hér er júní á þúfunni minni. Lóa, spói, stelkar og rjúpa kíktu við. Það komu að vísu fleiri, en þá fáið þið að sjá seinna.

06/07/2026

Síðasta færsla hér vakti ansi mikla athygli, kannski aðeins of mikla að mínu mati. En svona virka samfélagsmiðlar.
Ég ber mikla virðingu fyrir náttúrunni og reyni að umgangast hana af nærgætni, ein leið er að ferðast um á handafli og mæli ég eindregið með því. Tek þó fram að róður í straumum Breiðafjarðar er ekki fyrir óvana, betra að vita hvað maður er að gera.
Vona að þið njótið þess að horfa 🩷

28/06/2026

Þetta par er með óðal í við bústaðinn okkar. Ég er búin að reyna þvílíkt að finna hvar hreiðrið er en án árangurs. Þegar ég stundaði rjúpnaveiðar þá fannst mér að rjúpur vær frekar vitlausar. En ekki þetta par, klárustu rjúpur í Breiðafirði.

06/04/2026

https://svana.photography
Skoðið þennan tengil ef ykkur langar að sjá myndbönd af haförnum í mökunaratferli eða myndir sem ég hef verið að taka síðustu ár.
https://svana.photography
Check this link out if you'd like to see videos of white-tailed eagles mating rituals, or photos I have been taking over the past few years.

25/02/2026

Svo kom þessi haförn og dvaldi lengi.

21/02/2026

Þessi fálki kom og kíkti við.

16/02/2026

Þegar daginn fer að lengja og huga þarf að skipulagi sumarsins leitar minn hugur á Hornstrandir.
Þá er gott að kíkja á myndir og rifja upp minningar frá fyrri ferðum.
Ég sá þennan yrðling síðasta sumar án þess að hann yrði mín var, ég lagðist niður, lét lítið fyrir mér fara og fylgdist með. Allt í einu lítur hann upp kemur auga á mig og ákveður að labba til mín. Ég á það til að spjalla við sjálfa mig (stundum í huganum) í aðstæðum sem þessum. Ég segi, nei nei litli vinur ekki koma, en hann hlustar ekki. Hann kemur nær og nær en ég ligg kyrr, allt í einu stoppar hann snýr sér við og röltir til baka. Ég lá kyrr, skreið síðan til baka og lét mig hverfa.
Fleiri myndir má sjá á síðunni minni: https://svana.photography

31/01/2026

Og svo Hafró vinna (ekki allt mitt).

Myndir í eigu Hafrannsóknastofnunar ætlaðar til notkunar fyrir fjölmiðla.

31/01/2026

Smá sýnishorn af því sem ég hef verið að bralla. Fyrst er það sîðan mín

Svanhildur Egilsdottir

27/11/2025

Þessi smyrill sat á þakinu á bústaðnum, steypti sér niður og á augabragði náði hann þessari mús. Ég var líka snögg, stökk til og rétt náði að smella af þegar hann flaug sína leið.