Helgarnámskeið í ljósmyndun 18-19 mars sem er opið öllum þeim sem hafa áhuga á ljósmyndun, bæði byrjendum og lengra komnum. Lögð verður áhersla á að taka ljósmyndir af fólki, bæði tísku-og portrait myndir. Á námskeiðinu verður mikið lagt upp úr sköpun, skipulagningu og að vinna með fólki á setti. Námskeiðið er vinnustofa þar sem Ásta og Kári leyfa nemendum að skyggnast inn í heim tísku-og auglýsingabransans og leiða nemendur áfram í að gera sína eigin myndatöku sem fer fram þessa helgi. Þar fá nemendur tækifæri til að spreyta sig sjálfir í ljósmyndastúdíói með því að taka myndir af fyrirsætum og vinna með fagaðilum í förðun og stíliseringu. Samstarfsaðilar á námskeiðinu eru Reykjavík Foto, Make-up skóli Hörpu Kára og Eskimo Models. Námskeiðið endar með ljósmyndasýningu nemenda þar sem aðstandendum og fjölmiðlum er boðið að skoða afrakstur námskeiðsins.
