05/06/2026
Seus in Domunoas po sa ressigna "Maggio d'autore" in domu de Pirinu. Una filera de atòbius chi ant acumpangiau su pùbblicu cun sa stòria, sa memoria e s'identidadi de sa Sardigna, gratzias a su contributu de is autoris e de is studiosus.
In sa primu dii, Vindice Lecis cun su romanzu "Arbarée" ambientau in sa Sardigna de su cuatruxentus in is ùrtimus annus de su Giuigau de Arbaré, unu contu chi arregordat is acuntentissimentus stòricas e de is ominis, aundi s'autori ammostat una de is fasis prus significativas, signada de sa resistèntzia e de is trasformatzionis polìticas.
In sa segunda dii, Francesco Carta cun "Eccidio", at contau de su bocidroxu de Bugerru, sa stòria e de sa memoria de una gherra operajia fata in su 1904 chi iat portau a una fini mala de sa protesta.
In sa de tres dii, Francesco Casula cun "Controstoria della Sardegna, dalla civiltà nuragica al dominio spagnolo", ghiat su pùbblicu intra su periodu nuraxesu e spagnolu, ponendi s'acentu a pitzus de sa mancàntzia in sa scola sarda, de totu sa stòria de s'ìsula, casi ca si fait sceti cussa de is àterus pòpulus, portendi sa lìngua sarda a sa pèrdida, a pagu a pagu, de su prestìgiu culturali, mancai nci siant-stètias figuras de importu cumenti Eleonora d'Arborea chi iat anticipau ideas modernas po is tempus suus cun sa Carta De Logu. Su sardu, sighit s'autori, depit essi unu strumentu culturali, ma puru una forma de memoria, identidadi e continuidadi infra costumu e modernidadi.
In s'urtima dii eus ospitau a Iride Peis e Mauro Buosi. Iride at chistionau de sa figura de is cerridoras, nàscias in sa mitadi de su Otoxentus candu s'ingegneri Nicolay iat biu a unu grupu de fèminas pullendi lori e iat pentzau de ddis fai cerri is mineralis. Issas intrànt in miniera po fàmini e po guadangiai unu pagu de dinai, ca rappresentàt po medas s'unica forma de indipendentzia e de dignidadi. Gratzias a duus socius de s'assotziu Circhiola, sighit su traballu po no si ndi scaresci de is cerridoras domunoesas, e po arregordai sa stòria insoru cumenti sa de: Emerita Cadoni, Zefira Porcedda e Grazia Pisu. Contus de importu mannu po espressai sa solidariedadi chi teniant is fèminas.
Mauro Buosi at serrau sa rassigna cun Lord Brassey, unu impresàriu ingresu chi at tentu unu ruolu fundamentali in su svilupu de is atividadis mineràrias, pesendi fàbbricus po is minadoris che: spidalis, scolas, domus cun àcua currenti e sperdendi-ncisa malària cun operas de bonifica de su logu, ammellorendi is cunditzionis de vida.
Una rassigna chi at ammostau che connosci su passau est de importu po cumprendi su presenti e avalorai sa cultura sarda.
📸 Tutte le foto sono protette da firma e copyright. Se condividete, taggate l’autore dello scatto: la firma visibile non basta. Per altri utilizzi, contattate l’autore in base alla Legge 633/1941 art. 20. Qualsiasi utilizzo, modifica o condivisione è consentito solo previa mia autorizzazione.
Ilaria Melis Photography ©
Tutti i diritti all'autore ©
La traduzione in lingua sarda è stata realizzata presso lo Sportello Linguistico “Sa lìngua in su Sulcis”, servizio di cui fa parte il Comune di Domusnovas, promosso dall’Unione dei Comuni Metalla e il Mare e finanziato dalla Regione Autonoma della Sardegna nell’ambito della L. 482/99 e della L.R. 22/2018 recante “Norme in materia di tutela delle minoranze linguistiche storiche”.
