月曜日 09:00 - 17:00 火曜日 09:00 - 17:00 水曜日 09:00 - 17:00 木曜日 09:00 - 17:00 金曜日 09:00 - 17:00 土曜日 09:00 - 17:00 日曜日 09:00 - 17:00

Nepali Shandesh, Kuraganomachi, Takasaki-shi (2026)

24/04/2026

विरोध त गरियो तर के यो बस्ती ठीक छ त ? के यो बस्ती र जनजीवन सुरक्षित छ त ? के यसलाई यत्तिकै छोडेमात्रै न्याय हुने हो त ? यो बस्ती यहीँ यसरी रहँदा समस्या समाधान हुने, मानवीय हुने र स्थानान्तरण हुँदा अमानवीय हुन्छ त ? यस्तो खोलाकिनारलाई कसरी व्यवस्थित गर्ने र बाढीदेखि प्रदूषणसम्मको जोखिम न्यूनीकरण गर्ने त ?

विगत २० वर्षमा १८ वर्ष त देशमा कम्युनिस्ट शासन थियो । सर्वहारा, मजदूर र सुकुम्बासीको सरकार थियो । तिनको भोटब्याङ्क यही थियो । नेपालमात्रै होइन, विश्वका मजदूर एक हौँ भन्ने ब्यानर थियो । तर त्यही ब्यानरमुनि यस्ता बस्ती थिए ।

के यो समस्या नै होइन ? हो भने यसको राजनैतिक, लजिस्टिक र मानवीय समाधान के हो त ? यो यत्तिकै छोड्न पर्ने हो, आधा उठाएर आधालाई लालपूर्जा दिन पर्ने हो या खोलाछेउमैं यिनको व्यवस्थापन गर्न पर्ने हो, के हो त ? विरोध गर्नेहरूसँग भएको वैकल्पिक प्लान के हो ? यत्रो वर्ष शासन गर्ने दलहरूको सूत्र के हो ? त्यो कसरी थाहा पाउने होला ?

देशमा बेरोजगारी र अवसरको असमान वितरण छ । काठमाडौंमा जस्तो अन्यत्र काम पाइन्न । औषधिउपचार र शिक्षा पाइन्न । सबैसँग एक लाख खर्च गरेर दुबई कतार जाने क्षमता हुँदैन । यस्तोमा निम्नवर्गीय ठूलो सङ्ख्या शहर त पस्छ पस्छ । त्यसलाई तत्काल रोक्न सकिन्न । त्यसरी पस्नेसँग न वास हुन्छ न भूमि । ठ्याक्क काम पनि हुँदैन ! काम नहुन्जेल माम पनि हुँदैन । के तिनलाई मानवीयता देखाउँदै यस्तै बस्ती बसाउन दिने हो ? के यो सरकारले यस्तो बस्ती छुन, चलाउन नहुने हो ?

हामीसँग बर्मादेखि लेखेटिएर या आफ्नै माटो सम्झिएर आएका लाखौँ भूमिहीनलाई पनि व्यवस्थित तरिकाले बसाएको इतिहास छ । राजा महेन्द्रले एकै ठाउँ बसाउँदा स्थानीयसँग घुलमिलमा समस्या होला भनेर पूर्वदेखि पश्चिमसम्म टोलटोलमा जग्गाजमिनसहित बसाएको र नगदसमेत दिएको गौरवशाली विगत छ । आज पनि बर्मेली टोल छन् । आफ्नै मूल भूमिमा शरण खोज्दै आएका भूटानी नेपालीलाई सिङ्गो पुस्तासम्म नअपनाएर बरु विदेशीले करुणा देखाउँदै नागरिकता लिएर गएको तितो अनुभव पनि छ !

सुकुम्बासीमात्रै होइन, बाढ़ी, पहिरो या अन्य प्राकृतिक-अप्राकृतिक जोखिम देखेको खण्डमा सरकारले बस्ती सार्न सक्छ । विश्वभर यस्तो अभ्यास छ ।

सरकारले विकल्पसहित, ससम्मान र दीर्घकालीन रूपले यो समस्या समाधान गर्न खोजेको हो भने सबै एकपल्ट मिलेर सहयोग गर्न पर्ने हो । कि त्यसभन्दा उत्तम विकल्प भए प्रस्तुत गर्नपर्ने हो ।

र, सरकारको ठूलो समस्या भनेको 'कम्युनिकेशन' हो । प्लान छ, तैयारी छ भने नागरिकका नाममा प्रधानमन्त्रीले त्यसलाई प्रस्तुत गर्दा के जान्छ ? मायाका, करुणाका शब्द प्रयोग गरेर सबैलाई आश्वस्त बनाउँदा के जान्छ ? उठेका प्रश्नको जबाफ दिँदा के बिग्रन्छ ? के सधैँ यसरी नबोलेरै चलाउने हो र ?

यो लोकतन्त्र हो । यसको सौन्दर्य भनेको लोकको शासन हो । शासक लोकसँगै हुने हो ! यो बस्तीमा भोट माग्न पुग्न सकिन्छ भने सार्ने प्लान बुझाउन किन पुग्न सकिन्न र ? तपाईंलाई चोट लाग्दैन भन्दै देशका प्रधानमन्त्रीले त्यहाँको सुत्केरी आमाको हात समाएको तस्बीर आउँदा न्यारेटिभ नै अर्कै बन्न सक्दैन र ? बर्खा लाग्नुअघि, बाढीले धनजन क्षति गर्नुअघि गर्नुपर्ने भएकाले यो 'राइट टाइम' हो भन्ने बुझाउन सकिन्न र ?

यदि व्यावहारिक र रोबस्ट प्लान छ भने विरोधकै लागि विरोध गर्नेहरूलाई नङ्गग्याउन सकिन्छ । मानवताको नाममा राजनैतिक स्वार्थ बोक्नेहरूलाई खुइल्याउन सकिन्छ र आमनागरिकमा सकारात्मक भाष्य निर्माण गर्न सकिन्छ । तैयारी भनेको त्यो हो ! होटलको कोठालाई मात्रै तैयारी भनिन्न । अहिले त विश्वका पत्रपत्रिकामा डोजरले गरिबको घर भत्काएको मात्रै छापिन्छ । जसले सरकार र देश दुबैको छवि धमिलो बन्छ ।

विश्वयुद्ध पनि अन्तिममा सकिने संवादले नै हो । सरकारले यो बुझोस् र आफ्ना नागरिकसँग विनम्र संवाद गरोस् । दूधको दूध र पानीको पानी गरोस् । जेनुइन विरोधलाई एकोमोडेट गरोस् र विरोधकै लागि विरोधलाई पर्दाफास गरोस् । सरकारको पक्षमा नागरिक आफै उभिन्छन् ।

14/04/2026

पहाडभरि फुलेको लालीगुराँस जस्तै, तपाईंको जीवन पनि रङ्गीन र सुन्दर बनोस्। नयाँ वर्ष २०८२ ले खुसी, सफलता र शान्ति ल्याओस्

30/03/2026

पिलो निचोर्दा दुख्छ । निचोर्ने नयाँ परे अलि बढी दुख्छ तर निचोर्नै पर्छ । ननिचोरे निको हुँदैन । आँखो निकालेपछि आनन्द हुन्छ । पिलो व्यक्तिसँगै समाज र देशलाई पनि आउँछ । निचोर्दा दुख्छ । तर, ढुक्क हुनोस्- केही नहुञ्जेल केही पनि हुँदैन ।
तपाईंको पिलो अनुभव कस्तो छ ?
विचार

12/02/2026

अन्डरवेयरलाई सफ्टवेयर भन्दै बेच्न खोज्ने ‘विचारहीन र संस्कारहीन’ भीडलाई यी ३ सफेद झुट नबोल्न आग्रह...

पहिलो झुट- रवि लामिछाने सांसद बन्छन् । यो झुट रवि आफैंले फैल्याउँदै छन् । मतदाताले सोधेको एक प्रश्नमा २ दिनअघि भनेका थिए- ‘सभामुख देवराज घिमिरे भए मात्र म निलम्बनमा पर्छु ।’

तर यो अन्डरवेयरलाई सफ्टवेयर भनेर बेचेजस्तै हो । संगठित अपराध र सम्पत्ति शुद्धिकरणको अभियुक्त सांसद रहेछ भने निलम्बित हुने हो, सांसद बनेर आयो भने पनि निलम्बित अवस्थामै रहने हो । ज्यान मार्ने अभियोग लागेका रेशम फरार अवस्थामै चुनाव जितेर आएपछि पनि जेल नै बस्नुपरेको उदाहरण सम्पूर्ण घन्टीप्रेमीले खोजेर पढून । १ लाख ३० हजार मतदाता सबैले सबैले घन्टीमै भोट हालेपनि कानूनअनुसार रविले सांसदको सपथसमेत लिन पाउनेछैनन् ।

दोस्रो झुट- बालेन प्रधानमन्त्री हुन्छन् । यो, सूर्य पश्चिमबाट उदाउँछ, खरायोको सिङ हुन्छ, सर्पको टाउकोमा मणि हुन्छ र पृथ्वी चेप्टो छ भनेजस्तै हो । अहिलेको मौजुदा प्रणालीमा बहुमत कसैको आउनेवाला छैन । अनि, घन्टी ठूलो पार्टी भइहाले पनि बालेनले coalition government चलाउने वा चलाउन सक्ने सम्भावना छैन ।

तेस्रो र सबैभन्दा हाँसोलाग्दो झुट हो- घन्टी पार्टीले देश बनाउने छ । यो, हुटिट्याँउले आकाश थामेको छु भनेजस्तै हो । अमेरिकामा १० वटा ठगी, नागरिकता फ्रड र सहकारीपीडितको आँशुको भारि बोकेको मान्छेले नेतृत्व गरेको पार्टीले देश बनाउन्न । बनाउँदै त बनाउँदैन ।

यद्यपी, संसदमा नयाँ अनुहारहरू आवश्यक छन् । जो, शान्त, भद्र, कानूनका जानकार छन्, जसले लामटाङको पानी रोनाल्डोलाई खुवाएर गोल गराउने चुतिया सपना देख्दैनन्, जसमा प्रतिशोधको भावना छैन । यिनीहरू चुनाव जित्न योग्य छन् ।🙏
***n

07/02/2026

‘राते काइँला’को स्वर्गवास !
महान कलाकार सुनिल थापालै भौतिक शरीर छोड्नु भएको छ । नेपाली र भारतीय
सिने क्षेत्रमा उहाँ सधैं जीवित रहनुहुनेछ । उहाँप्रति हार्दिक श्रद्धाञ्जली, शोकसन्तप्त परिवारमा गहिरो समवेदना🙏

31/01/2026

श्रम संस्कृति पार्टीको तर्फबाट मोरङ क्षेत्र नम्बर १ का उम्मेदवार शान्ति गुरुङ पाख्रिन लामा ज्यूलाई अञ्जुलीमा रहेको माटो चुनाव चिन्हमा अत्याधिक मत दिई बहुमतका साथ विजयी गराइदिनु हुन आदरणीय आमा–बुबा, दाजुभाइ तथा दिदी बहिनीहरूमा हार्दिक अनुरोध गर्दछु। जय माटो जय देश !

28/01/2026

हर्क साम्पाङ प्रधानमन्त्री हुनुपर्ने १० प्रमुख कारणहरू प्रस्तुत गरेको छु:

1. ईमानदार र पारदर्शी छवि – हर्क साम्पाङले राजनीतिमा पैसाभन्दा सेवालाई प्राथमिकता दिएका छन्, जसले उनलाई जनताको विश्वास दिलाएको छ।

2. भ्रष्टाचार विरोधी दृढ अडान – उनले खुलेआम भ्रष्टाचारविरुद्ध आवाज उठाउँदै आएका छन्, जसले देशमा सुशासन ल्याउन सहयोग पुर्‍याउँछ।

3. जनताको नजिक नेता – हर्क सधैं जनतासँगै हुन्छन्, सडकदेखि गाउँघरसम्म आफ्नै उपस्थितिमा समस्या बुझ्ने र समाधान खोज्ने बानी छ।

4. साहसी निर्णय क्षमता – उनले लोकप्रियताभन्दा पनि आवश्यक र सही निर्णय लिन सक्ने नेतृत्व शैली देखाएका छन्।

5. श्रमिक मानसिकता – हर्क साम्पाङ आफैंले श्रम गरेर देखाएका छन् कि नेताले पनि काम गर्न सक्छ, जसले "काम गर्ने नेता" को उदाहरण प्रस्तुत गर्छ।

6. नयाँ पुस्तालाई प्रेरणा – पुरानो जमानाको राजनीतिक खेलभन्दा टाढा रहेर युवा पुस्तामा सकारात्मक सन्देश दिन सक्षम छन्।

7. देशभक्तिपूर्ण सोच – हर्कको प्राथमिकता सदैव देश र जनताका लागि हुन्छ, बाह्य दबाब वा स्वार्थभन्दा माथि उठ्छन्।

8. समस्या समाधानमा प्रत्यक्ष पहल – पानी, सडक, शिक्षा, स्वास्थ्य जस्ता आधारभूत कुरामा उनी प्रत्यक्ष खटिने नेतृत्व हुन्।

9. सादगीपूर्ण जीवनशैली – विलासीपनभन्दा टाढा रहँदै सामान्य जनताको जस्तै जीवन बिताउँछन्, जसले नेतामा र जनतामा दूरी घटाउँछ।

10. नयाँ राजनीतिक संस्कृतिको आवश्यकता – पुरानो दलगत राजनीति भन्दा फरक र शुद्ध राजनीतिक संस्कृतिको जग हाल्ने क्षमता उनीसँग छ। Sampang A Revolution

27/01/2026

रास्वपाले जिते
१) बालेन प्रधानमन्त्री हुन्छन । पुराना दलहरु खास गरेर एमाले र कांग्रेस संगको प्रतिशोध पूर्ण व्यवहारलाई तीव्रता दिने र आन्तरिक द्वन्द बढ्नेछ र मुलुकको राजनीति अस्थिर भै मुलुक गम्भीर संकटमा फस्नेछ।
२) पुराना दलहरु संग जति नै प्रयास गर्दा पनि अमेरिकाले नसकेको एस पि पि सम्झौता गर्नेछ। र हाम्रो देशको जल सम्पदाको प्रयोग र युरेनियमको खानी माथि हस्तक्षेप गर्नेछ।
३) तत्कालिन सि आइ ए अफिसरको छोरी, नेपालको लागि जासुसी बनेर छिरेकी, सिधै दरबार संग जोडिएर राष्ट्रीय गोप्य सूचनाहरु अमेरिकालाई दिने महिला, तत्कालिन राजा बिरेन्द्रले पटक पटक देश निकाला गरेका बरबरा एडम्सको नाममा खोलिएको अमेरिका द्वारा नै संचालित बरबरा फाउन्डेसनको सक्रियता तीव्र बन्नेछ।
४) दलाई लामाको सक्रियता बढ्नेछ, फ्री तिब्बत अभियान चल्नेछ, जेन्जी आन्दोलन मा बुलेट बाइकमा देखापरेका हतियार बोकेका काला नकाबधारीहरुको सक्रियता बढ्नेछ।
५) अमेरिकन युथ काउन्सिलको थप सक्रियता हुनेछ।
६) आधा नेपाली आधा अमेरिकन नागरिक रबी लामिछाने अमेरिका बाट आउने बित्तिकै उतै पनि भएको नेशनल फ्रीडम पार्टी र त्यहाँको पनि चुनाब चिन्ह घन्टी नै भएक अमेरिकाको कपी पेस्ट गरिएको राष्ट्रीय स्वतन्त्र पार्टीले अमेरिकाको इच्छा अनुसार गतिविधी गर्नेछन, त्यसो गरे बापत उताका अदालतमा मुलतबीमा राखिएका मुद्दाहरु सबै खारेज गरि रबीलाई स्याबासी सहित सफाइ दिनेछ।
७) फ्री तिब्बतको आन्दोलन तिब्र भए पछि चीनले आफ्नो राष्ट्र माथि खतरा महसुस गर्दै युक्रेनमा रसियाले जे गर्यो त्यही गर्नेछ।
८) हाम्रो मुलुकको स्वाधीनता र सार्वभौम सत्ता गुम्नेछ।

एमाले कांग्रेसले जिते के हुन्छ?
१) जेन्जी आन्दोलन पूर्व भएको सरकारको गतिविधीहरुको निरन्तरता हुनेछ, अहंकारी, दम्भी, स्वेच्छाचारी सरकारको पुनरागमन हुनेछ। जेन्जी आन्दोलन रास्वपा द्वारा प्रायोजित थियो भन्ने भाष्य स्थापित गरि रास्वपासंगको प्रतिशोध पूर्ण व्यवहारलाई तीव्रता दिने र आन्तरिक द्वन्द बढ्नेछ र मुलुकको राजनीति अस्थिर भै मुलुक गम्भीर संकटमा फस्नेछ।
२) सयौं भ्रष्टाचारका फाइलहरु खारेज हुनेछन
३) बासबारी जग्गा काण्ड, ललिता निवास जग्गा काण्ड, गिरीबन्धु चिया बगान काण्ड, शरणार्थी काण्ड, भिजिट भिसा काण्ड, बातास, यति, ॐनी, सत्तरी करोड, सुन काण्ड लगायत सयौ काण्डहरुका अभियुत्तहरुलाई उन्मुक्ति दिइनेछ।
४) काम बिनाको कुरा मात्रै, घमण्डी, गैर जिम्मेवार, खोक्रो र कर्कश आवाज सुन्दा सुन्दा जनताले आफ्नो भविष्य सुनिश्चित महसुस गर्ने छैनन्। र फेरि अर्को आन्दोलन हुनेछ र फेरि सहि माग राखेर गरिने आन्दोलनमा नरसंहार मच्चिनेछ ।
५) विगतमा झै संविधान संशोधन केवल भनिनेछ गरिने छैन ।
६) वैदेशिक सम्बन्धमा असन्तुलन भै मुलुक कसैको मित्र र कसैको शत्रुमा रूपान्तरण हुनेछ जो हाम्रो मुलुकको लागि घातक र असंलग्न परराष्ट्र नीति विपरित हुनेछ जसको परिणाम हाम्रो मुलुकको स्वाधीनता र सार्वभौमिकता जोखिममा पर्नेछ।

नेपाली कम्युनिष्ट पार्टीले जिते के हुन्छ?
१) जेन्जी आन्दोलनको माग अनुसारको अग्रगामी एजेण्डाहरुलाई प्राथमिकता का साथ संविधान संशोधन गरिनेछ जो जेन्जी आन्दोलन भन्दा तिसौं वर्ष अगाडि देखिका यही पार्टीको एजेन्डा थियो र संविधान जारी गर्दा नै फरकमत राखिएको छ।
२) प्रचण्ड सरकारको पालामा खोलिएका र सबै खोल्न बाकी भ्रष्टाचारका फाइलहरु खोलिनेछ र पहिला का भन्दा अझै उच्च अहोदाका भ्रष्टहरुलाई जेल भित्र कोचिनेछ।
३) गिरीबन्धु, लतिता निवास, बासबारी, बालमन्दिर, टिकापुर लगायत सबै हडपिएका सरकारी जमिनहरु सरकारको नाममा फिर्ता ल्याइनेछ र संलग्न सबैलाई कारबाहीको दायरामा ल्याइनेछ।
४) सबै जनताको समानता कायम गर्दै सामाजिक न्याय सहितको खुशी सुखी अनि समृध्द समाजवादी नेपाल निर्माण
हुने मार्ग खुल्ला हुनेछ।
५) नेपालको प्राकृतिक सम्पदाहरुको पूर्ण प्रयोग गर्दै विश्वमा नेपालको आकर्षक अनि सुन्दर पहिचान स्थापित गरिनेछ।
६) गणतन्त्र प्राप्ती पश्चात प्रचण्ड सरकारबाट मुलुकमा सुरु भएको विद्युत, बाटोघाटो, खानेपानी, शिक्षा, स्वास्थ्य, आधुनिक शहरिकरण, भौतिक संरचनाहरुको निर्माण, प्रविधीहरुको आमुल परिवर्तन सहितको प्रयोग (जति भएको छ पहिलाको तुलनामा धेरै भएको छ हामीले चाहे जति र सोचे जति भएको छैन) लाई तीव्रता दिइनेछ।
अब सहि गलत छुट्याउने जिम्मा सबै मतदाताको।

19/01/2026

अपिल !
आदरणीय सुनसरी क्षेत्र नं. १ र भोजपुर निवासी सम्पूर्ण आमाबुबा, दाजुभाइ, दिदीबहिनीहरु ! तपाईहरुप्रति मेरो आस्था, सम्मान र सेवा-सम्झना यथावत छ र रहने नै छ । म यस घडी तपाईंहरुलाई यो जानकारी गराउन चाहन्छु कि आगामी २१ फागुनको निर्वाचनमा मैले आफ्नो उम्मेदवारी नदिने निर्णय गरेको छु । यस क्रममा मलाई उम्मेदवार सिफारिस गर्ने प्रगतिशील लोकतान्त्रिक पार्टीको सुनसरी र भोजपुर जिल्ला कार्यसमितिलाई हृदयदेखि धन्यवाद दिन चाहन्छु । मैले उम्मेदवारी नदिनुका मुख्य ३ कारणहरु हुन् :
१. मलाई पटकपटक निर्वाचित गर्नुहुने भोजपुरका नागरिकहरुप्रति मुरीमुरी आभार व्यक्त गर्दछु र नयाँ पुस्ताको नेतृत्व निर्वाचित गर्न सक्नुहोस् भनेर यसपटक उम्मेदवार नबन्ने निर्णय गरेको अनुरोध गर्दछु ।
२. सुनसरी निर्वाचन क्षेत्र नं. १ बाट उम्मेदवार बन्दा नयाँ राजनीतिक शक्तिबीच हुने प्रतिस्पर्धाले दुवै पक्षलाई क्षति हुने र पुराना राजनीतिक दलहरुलाई लाभ पुग्ने स्वदेश तथा विदेशका शुभेच्छुक महानुभावहरुको चिन्ता र सुझावलाई आत्मसात् गरेको छु ।
३. हाम्रो प्रगतिशील लोकतान्त्रिक पार्टी (प्रलोपा) भर्खरै मात्र जन्मिएको छ । त्यसैले यसलाई लामो राजनीतिक यात्रामा हिँडाउने उद्देश्यसहित हाल मेरो प्राथमिकतामा पार्टी निर्माणकै काम हुनेछ भन्ने जानकारी गराउँन चाहान्छु ।
साथै, राजनीतिक संवाद तथा शुभेच्छुक र जेनजी विद्रोहको मूल मर्मलाई सम्मान गर्दै श्रम संस्कृति पार्टीका उम्मेदवारहरु सुनसरी क्षेत्र नं. १ का हर्कराज राई र भोजपुरका ध्रुव राईलाई हाम्रो प्रगतिशील लोकतान्त्रिक पार्टी (प्रलोपा) को तर्फबाट सहयोग गर्ने घोषणा गर्दछु ।
हाम्रो पार्टीलाई समानुपातिकतर्फ "आँखा" चुनाव चिह्नमा मत प्रदान गरिदिनु हुन समेत सबैमा हार्दिक अपिल गर्दै देशव्यापी निर्वाचनमा सक्रियताका साथ खट्ने वाचा गर्दछु ।

17/01/2026

धरानका मेयर हुँदै अहिले श्रम–संस्कृति पार्टीका अध्यक्ष बनेका हर्क साम्पाङलाई धेरैले “भिजन नभएको नेता” भन्छन्। कोही भन्छन् उनी स्मार्ट छैनन्, कोही भन्छन् प्रविधिको युगमा बेल्चा बोकेर हिँड्नु मूर्खता हो। डोजर, एक्स्काभेटर, आधुनिक मेसिनले सजिलै गर्न सक्ने काम किन मान्छेले गर्ने ? यस्ता प्रश्नहरू उनलाई लक्षित गरेर बारम्बार उठाइन्छन्। तर यी आलोचनाहरू सुन्दा एउटा आधारभूत प्रश्न अनुत्तरित रहन्छ—नेपाल आज साँच्चै कुन अवस्थाबाट गुज्रिरहेको छ ?

आजको नेपाल उत्पादनविहीन देश बनेको छ। हामीले दैनिक प्रयोग गर्ने सुईदेखि मोबाइलसम्म भारत र चीनबाट आयात गर्छौँ। गाउँका खेत बाँझा छन्, युवाहरू शहरमा बेरोजगार छन्, विश्वविद्यालयहरूले डिग्रीधारी तर सीपविहीन पुस्ता उत्पादन गरिरहेका छन्। पढाइले टाउको ठूलो बनाएको छ, तर हात चलाउने आत्मविश्वास दिएको छैन। यही कारण डिग्री सकिएपछि युवाको जीवन “जागिर खोज्ने संघर्ष”मा सीमित हुन्छ, र अन्ततः विदेश पलायन नै समाधानजस्तो देखिन्छ।

यस्तो अवस्थामा हर्क साम्पाङको विचार “पछाडि फर्कनु” होइन, आधार पुनःनिर्माण हो। उनी आधुनिकता र प्रविधिका विरोधी होइनन्, न त नेपाललाई कुनै “पुरानो युग” तिर फर्काउन खोजिरहेका छन्। उनी स्पष्ट रूपमा भन्छन्—विज्ञान, प्रविधि र नवप्रवर्तन अनिवार्य छन्। तर प्रश्न यो हो कि ती प्रविधि कुन आधारमा उभिएका छन् ? उद्योग केवल भवन र मेसिनले चल्दैन। उद्योगलाई कच्चा पदार्थ चाहिन्छ, त्यो कच्चा पदार्थ खेतबाट आउँछ, र खेत चलाउन श्रम चाहिन्छ। त्यसैले उनको जोड प्रकृति, संस्कृति र विज्ञानको सन्तुलनमा छ। बेल्चा समात्नु प्रविधिको विरोध होइन, श्रमलाई हेप्ने मानसिकतामाथिको प्रहार हो।

यसको सबैभन्दा ठोस प्रमाण भनेको, हर्क साम्पाङ नेपालकै पहिलो मेयर हुन् जसले धरानको पूर्वाञ्चल क्षेत्रीय क्याम्पस (IOE, त्रिभुवन विश्वविद्यालय) भित्र Innovation Center निर्माणको निर्णय पास गरेका छन्, जुन महावीर पुनको राष्ट्रिय आविष्कार केन्द्रबाट प्रभावित भएर डिजाइन गरिएको हो। यो केन्द्र हाल संचालनमा जान लागिरहेको छ। यदि उनी विज्ञान र प्रविधिविरोधी हुन्थे भने, इन्जिनियरिङ क्याम्पससँग जोडिएको यस्तो नवप्रवर्तन केन्द्रको अवधारणा अघि बढ्नु नै सम्भव हुने थिएन। उनको चाहना स्पष्ट छ—विद्यार्थीहरू किताबमा मात्र सीमित नहोस्, कक्षाकोठाबाट बाहिर निस्केर कृषि, विज्ञान, वन, समाज र स्थानीय समस्यामा प्रविधि प्रयोग गरेर समाधान खोजून्।

उनले अघि सारेको शिक्षा र विकासको दृष्टिकोण यही वास्तविकताबाट जन्मिएको हो। तीन दिन विद्यालय, बाँकी दिन खेत, सीप, प्रयोग, नवप्रवर्तन—यो कुनै रोमान्टिक कल्पना होइन, उत्पादनमूलक समाज बनाउने प्रारम्भिक चरण हो। जब बालबालिकाले सानैदेखि काम र ज्ञानलाई जोडेर देख्छन्, तब काम लाज होइन, जीवनको हिस्सा बन्छ। गाउँमा काम गर्ने मानिसले “म कमजोर होइन, म देशको आधार हुँ” भन्ने आत्मबोध गर्छ।

नेपालका गाउँहरू आज खाली हुँदैछन्। सबै शहर छिर्न खोज्दा शहरमा बेरोजगारी बढ्छ, गाउँ बाँझिन्छ। हर्क साम्पाङको सोचले यही प्रवृत्ति उल्ट्याउन खोज्छ। गाउँमै उत्पादन, गाउँमै रोजगारी, गाउँमै आत्मसम्मान। जब मानिसले आफ्नै जमिनलाई वास्तविक सम्पत्ति ठान्न थाल्छ, उसलाई शहर पलायनको आवश्यकता पर्दैन।

नेपालमा सरकारी बजेट सीमित छ। धेरै योजना कागजमै अड्किन्छन्। यहीँ हर्क साम्पाङले एउटा कठोर तर यथार्थ वाक्य बोल्छन्—“तिम्रा दुई हात नै बजेट हुन्।” धरानमा उनले देखाइसकेका छन्, जनसहभागिताबाट काम सम्भव छ, सामुदायिक श्रम सरकारी सम्पत्ति बन्न सक्छ। ऐनामा देखिने व्यक्ति नै देश बनाउने शक्ति हो भन्ने चेतना फैलाउनु नै उनको सबैभन्दा ठूलो राजनीति हो।

आज नेपाली समाजमा यस्तो भ्रम रोपिएको छ कि पैसाले सबै कुरा किन्न सकिन्छ, विदेश गएर कमाएर आयातित जीवन जिउनु नै सफलता हो। बारी बेचेर बाइक किन्नु प्रतिष्ठा बनाइएको छ। हर्क साम्पाङ यही मनोविज्ञान तोड्न खोजिरहेका छन्। विकास डोजरबाट सुरु हुँदैन, विकास चेतनाबाट सुरु हुन्छ। र चेतना बदल्न श्रम संस्कृतिको पुनर्जागरण अनिवार्य छ।

यही कारण हो—मेयरमा निर्वाचित भएको चार वर्ष बितिसक्दा पनि हर्क साम्पाङमाथि जनविश्वास कमजोर भएको छैन। किनकि मानिसहरूले उनको भाषणभन्दा बढी उनको जीवनशैली, इमानदारी र निरन्तर उपस्थितिलाई देखेका छन्। सत्ता पाएपछि बदलिने नेता होइन, उही ठाउँमा उही ढंगले उभिने व्यक्तित्व देखेका छन्। राजनीति उनका लागि करियर होइन, जिम्मेवारी जस्तो देखिएको छ। यही सिन्सियरिटी नै हर्क साम्पाङको सबैभन्दा शक्तिशाली हतियार हो—न नारामा, न पोस्टरमा, तर व्यवहारमा प्रमाणित भएको।

Harka Raj Rai

09/11/2025

भोजपुर । भोजपुरको हतुवागढी गाउँपालिका-१ स्थित कावा खोलाको किनारमा रहेको ऐतिहासिक धार्मिकस्थल ‘महादेव थान’ प्रचारप्रसारको अभावमा ओझेलमा परेको छ । गाउँपालिकाले पछिल्ला वर्षमा संरक्षण र पूर्वाधार विकासको पहल थाले पनि अपेक्षित रूपमा पहिचान नपाएको स्थानीयको गुनासो छ । यो क्षेत्रको संरक्षण थाले पनि प्रचारप्रसार अभावमा ओझेलमा परेको हो ।

गाउँपालिकाले विसं २०८० देखि सुरू गरेको पूजापाठ तथा सद्बिज छर्ने कार्यक्रमसँगै यहाँको धार्मिक महत्त्व थप बढेको छ । हतुवागढी र रामप्रसाद राई गाउँपालिकाको सङ्गमस्थलमा रहेको यो स्थानमा विगतका वर्षमा मेला लाग्ने परम्परा रहँदै आएको थियो । माओवादी द्वन्द्वका कारण लामो समयदेखि रोकिएको मेला अहिले स्थानीयको पहलमा पुनःसञ्चालन गरिएको छ ।

गाउँपालिकाले यस स्थानको संरक्षणसँगै बाटो तथा भक्तजनको आवतजावतको सहजताका लागि फलामको बार लगाएको छ । यहाँसम्म पुग्न सडक विस्तार गरिएको छ । महादेव थान संरक्षण समिति गठन गरेर यो स्थानको संरक्षण तथा विकासको काम भइरहेको हतुवागढी गाउँपालिकाका अध्यक्ष प्रेमकुमार राईले जानकारी दिनुभयो ।

गाउँपालिकाले महत्त्वपूर्ण धार्मिकस्थलका रूपमा यसको संरक्षणका साथै धार्मिक पर्यटन प्रवर्द्धनका क्षेत्रमा काम गरिरहेको अध्यक्ष राईले बताउनुभयो । ऐतिहासिक, धार्मिक, सांस्कृतिक क्षेत्रका रूपमा यस क्षेत्रको विकास गरिरहेको जनाउँदै उहाँले यसबाट पर्यटन प्रवर्द्धनका साथै स्थानीयको आयस्तरमा सुधार हुने विश्वास व्यक्त गर्नुभयो ।

“यो हाम्रो गाउँपालिकाको एक महत्त्वपूर्ण धार्मिक तथा पर्यटकीयस्थल हो”, अध्यक्ष राईले भन्नुभयो, “यो क्षेत्रको विकासका लागि हामीले पूर्वाधार निर्माण, संरचना विस्तालगायत क्षेत्रमा काम गरिरहेका छौँ । यो प्रसिद्धस्थल प्रचारप्रसारको अभावमा ओझेलमा परेकोले यसको प्रचारप्रसारमा जुटेका छौँ ।”

गुफाँसगै यहाँको बनावटले सबैलाई आश्चर्यचकित पार्ने स्थानीय लालबहादुर प्रधानले बताउनुभयो । यस मन्दिरको दर्शन गरेर मनोकाङ्क्षा पूरा हुने धार्मिक विश्वास रहेकाले भक्तजन यहाँ आउने गरेका उहाँको भनाइ छ । विगतमा ठूलो मेला लाग्ने गरेको भए पनि माओवादी द्वन्द्वकालपछि यहाँ मेला लाग्न बन्द भएको स्थानीय बताउँछन् ।

यहाँ बालाचतुदर्शीमा मेला लाग्नुका साथै भजनकीर्तन हुने गर्दछ । देवस्थलमा गुफासँगै विभिन्न देविदेवताको मूर्ति छन् । ऐतिहासिक, धार्मिक र प्राकृतिक सौन्दर्य मिसिएको यो स्थल गाउँपालिकाको पहिचान बन्ने सम्भावना बोकेको स्थानीयको भनाइ छ ।

Nepali Shandesh

24/04/2026

14/04/2026

30/03/2026

12/02/2026

07/02/2026

31/01/2026

28/01/2026

27/01/2026

19/01/2026

17/01/2026

09/11/2025

住所

営業時間

ウェブサイト

アラート

事業に問い合わせをする

ショートカット

共有する

カテゴリー

月曜日	09:00 - 17:00
火曜日	09:00 - 17:00
水曜日	09:00 - 17:00
木曜日	09:00 - 17:00
金曜日	09:00 - 17:00
土曜日	09:00 - 17:00
日曜日	09:00 - 17:00