https://www.facebook.com/105187902106758/

Ratanak ubasak, St 41, Phnom Penh (2026)

16/04/2022

ទស្សនៈបុរាណបានលើកឡើងថា៖ « គុណម្ដាយមាន ១២ ប្រការ គុណឪពុកមាន ២១ ប្រការ » នោះ តាម ពិត ចំនួន ១២ និង ២១ នេះ ពុំ មែន ជា គុណ របស់ ម្ដាយ ឪពុក ទេ គឺគ្រាន់ តែ ជា ចំនួន ធាតុ កាយគតាសតិ (អាការៈ) នៅ ក្នុង រាង កាយ មនុស្ស យើង ។
គុណ ម្តាយ បាន ដល់ ធាតុ ១២ (ធាតុទឹក)
១. បិត្តំ 👉 ប្រមាត់�២. សេម្ហំ 👉 ស្លេស្ម៍�៣. បុព្វោ 👉 ខ្ទុះ�៤. លោហិតំ 👉 ឈាម�៥. សេទោ 👉 ញើស�៦. មេទោ 👉 ខ្លាញ់ខាប់�៧. អស្សុ 👉 ទឹកភ្នែក�៨. វសា 👉 ខ្លាញ់រាវ�៩. ខេឡោ 👉 ទឹកមាត់�១០. សិង្ឃាណិកា 👉 ទឹកសម្បោរ�១១. លសិកា 👉 ទឹករំអិល�១២. មុត្តំ 👉 ទឹកនោម ។
១២ ធាតុ នេះ ជា ធាតុ រាវ (ធាតុទឹក) ជា ធាតុ ខ្សោយ ជា គុណ ម្ដាយ ឬ ក៏ ម្ដាយ ឲ្យ មក ។
គុណ បិតា ធាតុ ដី មាន ២១ ជា ធាតុ រឹង ខ្លាំង
១. កេសា 👉 សក់�២. លោមា 👉 រោម�៣. នខា 👉 ក្រចក�៤. ទន្តា 👉 ធ្មេញ�៥. តចោ 👉 ស្បែក�៦. មំសំ 👉 សាច់�៧. ន្ហារូ 👉 សសៃ�៨. អដ្ឋិ 👉 ឆ្អឹង�៩. អដ្ឋិមិញ្ជំ 👉 ខួរក្នុងឆ្អឹង�១០. វក្កំ តម្រង បស្សាវៈ 👉 (ក្រលៀន)�១១. ហទយំ 👉 បេះដូង�១២ .យកនំ 👉 ថ្លើម�១៣. កិលោមកំ 👉 វាវ�១៤. បិហកំ 👉 ក្រពះ�១៥. បុប្ផាសំ 👉 សួត�១៦. អន្តំ 👉 ពោះវៀនធំ�១៧. អន្តគុណំ 👉 ពោះវៀនតូច�១៨. ឧទរិយំ 👉 អាហារថ្មី�១៩. ករីសំ 👉 អាហារចាស់�២០. មត្ថកេមត្តលុង្គំ 👉 ខួរក្បាល�២១. 👉 អម្បែងក្បាល ។

14/04/2022

ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ
ខ្ញុំព្រះករុណា រតនឧបាសក សូមប្រសិទ្ធពរជ័យ
វិបុលសុខាមហាប្រសេីរចូរកេីតមានដល់ អ្នកមានគុណមានញោមម៉ែ និងអ្នកមានគុណទទាំងអស់ព្រមគ្រូឧបជ្ឈាយាចារ្យគ្រប់រូប សម្ដេចព្រះសង្ឃរាជទាំងពីរគណៈព្រះមន្ត្រីសង្ឃ ព្រះថេរានុថេរៈគ្រប់ព្រះអង្គ សម្ដេច ទ្រង់ ឯកឧត្តម លោកជំទាវ អស់លោក លោកស្រី អ្នកនាងកញ្ញា ញាតិមិត្តជាទីស្រឡាញ់រាប់អាន និងបងប្អូនជនរួមជាតិទាំងអស់គ្រប់រូបមានសុខភាពល្អ អាយុវែងយឺនយូរជាងរយឆ្នាំ
រកទទួលទានមានបាន ចេះអត់ឱនឱ្យគ្នាមានមេត្តាដល់គ្នា និងគ្នាសូមរស់នៅជាសុខ កុំមានពៀរនឹងគ្នា។
សូមពេីបប្រទះនៅតែចតុព្វិធពរទាំងឡាយបួនប្រការគឺ៖ អាយុ វណ្ណ សុខ និងពលៈ កុំបីឃ្លៀងឃ្លាតឡេីយ។

10/04/2022

ឈ្មោះទេពធីតាមហាសង្ក្រាន្ត និងគ្រឿងអាភរណៈ
១-ថ្ងៃអាទិត្យ ទេពធីតាច្បង់ព្រះនាម ទុស្សទេវី សៀតផ្កាទទឹម ទ្រង់គ្រឿងប្រដាប់បទុមរាជ សោយផ្លែឧទុម្ពរជាអាហារ (ផ្លែល្វា) ដៃស្ដាំកាន់កងចក្រ ដៃឆ្វេងកាន់ស័ង្ខ យានជំនិះ សត្វគ្រុឌ។
២-ថ្ងៃចន្ទ ទេពធីតាព្រះនាមគោរាគទេវី
ព្រះកាណ៌(ត្រចៀកសៀតផ្កាអង្គារបុស្ស)
ទ្រង់គ្រឿងប្រដាប់បុក្ដា ភក្សាហារប្រេង អាវុធស្តាំព្រះខ័ន ឆ្វេងឈើច្រត់ យានជំនិះសត្វខ្លា។
៣-ថ្ងៃអង្គារ គោរាក្សសាទេវី សៀតផ្កាឈូក គ្រឿងប្រដាប់មោរា ភក្សាហារលោហិត អាវុធស្តាំត្រីសូល៍ឆ្វេងធ្នូ ពាហនៈអស្សតរ (សត្វសេះជាយានជំនិះ)។
៤-ថ្ងៃពុធ មណ្ឌាទេវី សៀតផ្កាចម្ប៉ា គ្រឿងងប្រដាប់ពិទូរ្យ ភក្សាហារទឹកដោះសិប្បិ អាវុធស្តាំកាន់ម្ជុល ឆ្វេងឈើច្រត់ ពាហនៈ សត្វលាជាយានជំនិះ។
៥-ថ្ងៃព្រហស្បតិ៍ កិរិណីទេវី សៀតផ្កាមណ្ឌា គ្រឿងប្រដាប់មរកត ភក្សាហារសណ្ដែក ល្ង អាវុធស្តាំកង្វេរ ឆ្វេងកាំភ្លើង ពាហនៈសត្វដំរីជាយានជំនិះ។
៦-ថ្ងៃសុក្រ កិមិរាទេវី សៀតផ្កា ចង្កុលណី គ្រឿងប្រដាប់បុស្សរាគម័ ភក្សាហារចេកណាំវ៉ា អាវុធស្តាំព្រះខ័ន ឆ្វេងពិណពាហនៈសត្វក្របីជាយានជំនិះ។
៧-ថ្ងៃសៅរ៍មហោទរាទេវី សៀតផ្កាត្រកៀត គ្រឿងប្រដាប់នីលវត័ន៍ ភក្សាហារសាច់ទ្រាយ អាវុធស្តាំកងចក្រ ឆ្វេងត្រីសូល៍ ពាហនៈក្ងោក។

08/04/2022

អ្វី ៗ ជារបស់ក្នុងលោកនេះ

យើង កើត មក មិន បាន យក អ្វី ៗ មក ទេ ក្រៅ ពី ការ សន្សំ សន្ដាន ដល់ ពេល ចាក លោក នេះ ទៅ ទៀត ក៏ អត់ យក អ្វី ៗ អំពី លោក នេះ ទៅ ដែរ ក្រៅ អំពី ការ សន្សំ កម្ម ប៉ុន្តែ មនុស្ស យើង ហួង ហែង អ្វី ៗ ក្នុង លោក នេះ ថា ជា របស់ ខ្លួន ឯង ដែល នាំ ឲ្យ មាន សេចក្ដី ទុក សោក កើត ឡើង ទាំង ដែល មិន បាន ដឹង ថា អ្វី ៗ ទាំង អស់ ជា របស់ ក្នុង លោក នេះ មិន មាន អ្នក ណាឲ្យ យើង ដោយ បរមត្ថ ឡើយ ម្ល៉ោះ ហើយ មនុស្ស យើង ព្រោះ ហេតុ តែ ការ មិន ដឹង ទើប បាន ជា វង្វេង ក្នុង របស់ ដែល ឲ្យ គ្នា ដោយ សន្មតិ ប្រាកដថា អញ និង ថា ជា របស់ អញ ។ ចំណុច នេះ ហើយ ដែល ធ្វើ ឲ្យ មនុស្ស យើង មាន ការ ខក ចិត្ត និង ទុក្ខ សោក កន្ទក់ កន្ទេញ ។

07/04/2022

ហេតុ ដែល នាំ ឲ្យ សុបិន

ពេល ដែល ដេក លក់ មិន ស៊ប់ យើង ក៏ មាន ការយល់សប្ដិ ជួន កាល ការយល់សប្ដិ ហ្នឹង ច្បាស់ ជួន កាល មិន ច្បាស់ ។ ការយល់សប្ដិ ជា ការឃើញ តាម មនោទ្វារ មិន ឃើញ តាម បញ្ចទ្វារ ណា មួយ ដូច ជា ភ្នែក ត្រចៀក ទេ ហើយ ក៏ មាន ផល ខ្លះ ដែរ មិន ឥត ផល ទាំងអស់ ទេ បើ យល់សប្ដិ ក្នុង រឿង បុណ្យ ក៏ បាន បុណ្យ ខ្លះ បើ យល់ សប្ដិ ក្នុង រឿង បាប ក៏ បាន បាបខ្លះ ដែរ គ្រាន់តែ មិន ច្រើន ។

ហេតុ ដែល នាំ ឲ្យ យល់សប្ដិ នោះ មាន ៤ យ៉ាង
១- ធាតុ កម្រើក (គ្រុន ក្ដៅ ក៏ នាំ ឲ្យ យល់សប្ដិ, ហូប អាហារ ខុស ឈឺ ពោះ ក៏ យល់ សប្ដិ ថា ឈឺពោះ ជា ដើម)
២- អ្វី ដែល យើង ធ្លាប់ ឃើញ ធ្លាប់ គិត ធ្លាប់ ឮ គេ ដំណាល (ធ្លាប់ នៅ ស្រែ យល់សប្ដិ ឃើញ នៅ ស្រែ មែន , ធ្លាប់ ឮ គេ ដំណាល អំពី រឿង អ្វី មួយ ក៏ យល់សប្ដិ ឃើញ រឿង នោះ ជា ដើម)
៣- ទេវតា បណ្ដាល ប្រាប់ (ប្រាប់ ឲ្យ ធ្វើ យ៉ាង នេះ សុខ សប្បាយ ធ្វើ យ៉ាង នោះ មិន សុខ ជា ដើម)
៤- កម្ម មក បណ្ដាល ( កម្ម ដែល ធ្លាប់ ធ្វើ ឬ កម្ម ដែល ធ្លាប់ សន្សំ ពី ជាតិ កន្លង មក ហើយ បើ ធ្វើ រឿង អាក្រក់ ច្រើន ក៏ យល់សប្ដិ ឃើញ រឿង អាក្រក់)

ហេតុ ទី មួយ និង ទី ពីរ មិន សូវ ជា ពិត ទេ ។ ហេតុ ទី ៣ មាន ពិត ខ្លះ មិន ពិត ខ្លះ ទៅ តាម ទេវតា ល្អ ទេវតា អាក្រក់ ដែល មក ប្រាប់ ។ ហេតុ ទី ៤ ដែល បណ្ដាល មក ពី កម្ម ទើប ពិត ប៉ុន្តែ ពិត តែ សាច់ រឿង ទេ បើ ឲ្យ ឃើញ ដូច ក្នុង យល់សប្ដិ ហ្នឹង មិន ពិត ទេ គ្រាន់តែ ផល ឆ្លុះ បញ្ចាំង ទៅ ខាង ហ្នឹង ។

អ្នក ដែល យល់សប្ដិ មាន បុថុជ្ជន (យល់សប្ដិ ច្រើន) និង បុគ្គល ដែល ជា អាណាគា ចុះ មក (យល់សប្ដិ តិច) ចំពោះ ព្រះ អរហន្ត អត់ មាន យល់សប្ដិ ទេ ។ បុគ្គល ដែល ជា បុថុជ្ជន យល់សប្ដិ ច្រើន ព្រោះ នៅ មាន កិលេស ច្រើន គឺ នៅ មានសញ្ញាវិបល្លាស, ចិត្ត វិបល្លាស, ទិដ្ឋវិបល្លាស ។

ការលើក ឡើង មក នេះ គ្រាន់តែ ឲ្យ ឃើញ អំពី ហេតុ ដែល នាំ ឲ្យ យល់សប្ដិ ដែល វា ពិត ខ្លះ មិន ពិត ខ្លះ មិន មែន ថា ពិត ទាំងអស់ ឬ មិន ពិត ទាំង អស់ ទេ ។

05/04/2022

ទោសមិច្ឆាទិដ្និជាទោសធំក្រៃលែង

១៩៣] ម្នាលភិក្ខុទាំងឡាយ តថាគតរំពឹងមើលមិនឃើញធម៌ដទៃ សូម្បីតែធម៌មួយ ដែលមានទោសធំយ៉ាងនេះ ដូចមិច្ឆាទិដ្ឋិនេះឡើយ ភិក្ខុទាំងឡាយ។ ម្នាលភិក្ខុទាំងឡាយ ទោសទាំងឡាយ មានតែមិច្ឆាទិដ្ឋិ ជាទោសក្រៃលែង។
[១៩៤] ម្នាលភិក្ខុទាំងឡាយ តថាគតរំពឹងមើលមិនឃើញបុគ្គលដទៃ សូម្បីតែបុគ្គលម្នាក់ ជាអ្នកប្រតិបត្តិ ដើម្បីមិនជាប្រយោជន៍ ដល់ជនច្រើន ដើម្បីមិនជាសេចក្តីសុខ ដល់ជនច្រើន ដើម្បីសេចក្តីវិនាស ដល់ជនច្រើន ដើម្បីមិនជាប្រយោជន៍ ដើម្បីសេចក្តីទុក្ខ ដល់ទេវតា និងមនុស្សទាំងឡាយ យ៉ាងនេះ ដូចមក្ខលិមោឃ [នេះជាឈ្មោះ មក្ខលិគោសាល។ អដ្ឋកថា។] បុរសនេះឡើយ ភិក្ខុទាំងឡាយ។ ម្នាលភិក្ខុទាំងឡាយ ដូចបុគ្គលដាក់លប នៅមាត់ស្ទឹង ដើម្បីមិនជាប្រយោជន៍ ដើម្បីសេចក្តីទុក្ខ ដើម្បីសេចក្តីមិនចំរើន ដើម្បីសេចក្តីវិនាស ដល់ពួកត្រីជាច្រើន យ៉ាងណាមិញ។ ម្នាលភិក្ខុទាំងឡាយ មក្ខលិមោឃបុរស កើតឡើងហើយក្នុងលោក ដើម្បីមិនជាប្រយោជន៍ ដើម្បីសេចក្តីទុក្ខ ដើម្បីសេចក្តីមិនចំរើន ដើម្បីសេចក្តីវិនាស ដល់ពួកសត្វជាច្រើន ប្រហែលគ្នានឹងលបដាក់មនុស្ស គឺឃាត់ដំណើរ របស់មហាជន មិនឲ្យទៅស្ថានសួគ៌និព្វានរួច ក៏យ៉ាងនោះឯង។
តតិយវគ្គ_ ឬ ទោសមិច្ឆាទិដ្និជាទោសធំក្រៃលែង - បិដកភាគ ៤០ ទំព័រ ៧៦__ ឃ្នាប ១៩៣

Ratanak ubasak

16/04/2022

14/04/2022

10/04/2022

08/04/2022

07/04/2022

05/04/2022

Address

Telephone

Website

Alerts

Contact The Business

Shortcuts

Share

Category