24/12/2025
មហិច្ឆតារបស់អ្នក បានធ្វើឲ្យមនុស្សស្លូតត្រង់ជាច្រើនកំពុងទទួលរងនៅភាពអយុតិធម៌ ប្រឈមនឹងភាពភ័យខ្លាច បាត់បង់ផ្ទះសំបែង ទ្រព្យសម្បត្តិ ត្រូវជម្លៀសចេញពីកន្លែងដែរខ្លួនធ្លាប់រស់នៅ មកទីកន្លែងដែរមិនធ្លាប់ស្គាល់ ខ្វះអាហារហូបចុក ពេលយប់គេងក្រោមដំណក់សន្សើម និងរងា ពេលថ្ងៃប្រឈមនឹងអាកាសធាតុក្ដៅ ដក់ជាប់នូវអារម្មណ៍ទុក្ខព្រួយ បាត់បង់ក្ដីសង្ឃឹម មិនដឹងថាពេលណា ស្ថានភាពវិលត្រលប់ទៅដូចដើមវិញ។
រឿងដ៏សោកសៅបំផុតកុមារជាច្រើនបានចាកឆ្ងាយពីសាលារៀន រងសម្ពាធផ្លូវចិត្ត ព្រោះបាត់បង់ឱកាសសិក្សារៀនសូត្រ ហើយមិនដឹងថាអនាគតទៅជាយ៉ាងណានោះឡើយ។ ពួកគេគ្រាន់តែរំពឹងថា អាចត្រលប់ទៅសាលារៀនវិញ លេងជាមួយមិត្តភក្តិ និងរស់នៅក្នុងភាពរីករាយ ដូចពេលមុន ដែរមិនធ្លាប់គិតថាមានរឿងអាក្រក់បានកើតឡើងក្នុងជីវិតដូចពេលនេះទេ។
យើងជឿថាព្រះទ្រង់ការពារប្រជារាស្ត្រស្លូតត្រង់របស់ទ្រង់ឲ្យជ្រកក្រោមស្លាបនៃសេចក្ដីសុខសាន្តរបស់ទ្រង់ ជាគោលបំណងដ៏ពិតប្រាកដនៃសន្តិភាពដែរទ្រង់បានសន្យាចំពោះប្រជារាស្ត្ររបស់ទ្រង់។
