24/04/2026
في أعمال نشتغلها لأنها واجب… مو بس لأنها مشروع.
هذا العمل كان أقل ما نقدر نقدمه حق الكويت، وحق الناس اللي واقفين بالصفوف الأمامية عشان يظل عالمنا جميل وآمن.
تشرفت بإخراج هذا الفيديو مع مجموعة مبدعين آمنوا بالإحساس قبل الصورة.
حسين، بعينه وأدائه، قدر يوصل إحساس صادق ما ينوصف… واكتمل أكثر مع الموسيقى والـ sound mixing الجميل من سعود المسفر، اللي عطى العمل روحه ونبضه.
وشكر خاص لكل من كان خلف الكاميرا وساعدنا نوصل هالرسالة:
معاد إقلال، على نظرته ومساعدته في اللوكيشنات وتوزيع الإضاءة، وريم جمال وأحمد بوعركي، اللي كان لهم دور كبير في التواصل مع الناس والاستئذان منهم قبل كل مقابلة، بكل احترام وذوق.
وشكر كبير لفريق زين، اللي ما قصروا معانا من البداية للنهاية، وكانوا جزء أساسي من إن هذا العمل يطلع بهالصورة.
وشكر من القلب لكل الناس اللي طلبنا منهم يطلعون بالفيديو… وما ردّونا من أول اتصال. وجودكم وصدقكم عطوا الرسالة معنى أكبر.
هذا العمل منّا… للكويت.
ولكل من يحميها، ويسهر عليها، ويخلينا نعيش أيامنا بأمان.
🫶🏽🌼🇰🇼🌼🫶🏽
