30/03/2025
රන් කරල් කෙසරු බර සාර හද මගෙ පුතේ
යල මහට අටු පිරී ගත සවිය තර වෙතේ
හිටියොතින් මතවාද ගය ගයා මග තොටේ
කලවයස පැන ගොසින් නුඹේ නම වැළලෙතේ
බාර දුන් සාර බිම සතපවා බිම හොවා
චෝර කැල නීල තුඟු බිම් සොහොන් කොත් කළා
ධීර එඩිකම් සිතේ නෑ සොවින් හිස් වෙලා
නෑර රට කෝම ඉන්නේද ඇස් කන් පියා
සිරිපා මුදුන් හිමේ බිම තබා නළලතේ
පතුල සිඹ අවාරේ ආසිරි ගනින් මෙතේ
රුවන්වැලි සෑ රජුන් වැඳ පුරා හඳ දිනේ
පින් බිමේ රැඳෙන්නට දිරිය වඩපන් පුතේ
ඔබ හෙළූ දා කඳන් මගෙ පිඬු දැඩි කළා
ඔබේ ඔවදන් මගේ හිත් දාර ඔප කළා
ගියේ වෙද අන් අතක සුමග මට පෙන්නලා
තාත්තා මගෙ ලොවේ සක්විතිව රජ කළා
මගේ වීරිය කඳුල බෝ දිනක සවි නැතේ
පුරාණේ කෙම් පහන් නිවි නිවී ඇවිලෙතේ
මහ නුගේ දිරූ කල අරළු මහ නුග වෙතේ
පහන් පැල අතුගා බුදුන් වැඳ වරෙන් පුතේ
අනාගතයේ රන් අස්වනු නෙලා ගැනුමට පෙළ ගැසෙනා, අපේ රටේ දූ පුතුන්ට...!🌾🌾🌾🌾🌾🌾🌾🌾🌾🌾🌾🌾🌾රන් කරල් කෙසරු බර සාර හද මගෙ පුත....
