30/05/2026
ජීවමාන බුදුරුවක් සහිත දර්ශනීය ඩිජිටල් වෙසක් මහා පහන් කූඩුව | 2026 Wesak Kooduwa
🏮පහල ලින්ක් එකෙන් වෙබ් අඩවියට පිවිස කූඩුව නැරබීමට හැකිය
https://wesak.gkisit.com
🔅වෙබ් අඩවියට පිවිසිලා කූඩුව බලන ඔයාට Setting Button එක මගින් කූඩුවේ විවිධ සැකසුම් වෙනස්කරමින් නැරඹිය හැකිය.
🔅ඒ වගේම කූඩුව මැද තිබෙන ජීවමාන බුදුරුව Download කරගැනීමටද හැකිය. ඒ සඳහා බුදුරුව මත ක්ලික් එකක් ලබා දෙන්න.
🏮Youtube ලින්ක් එක
https://youtu.be/Ni9aW_57iYc
ඔයාගේ comment එකක් කූඩුව වෙනුවන් එකතුකරන්න අමතක කරන්න එපා.
මෙවර 2570 වන ශ්රී බුද්ධ ජයන්තිය වෙනුවෙන්, බුදු දහමේ ගැඹුරු දර්ශනය විදහා දැක්වීම සඳහා මාගේ ICT දැනුම භාවිත කරමින් නිර්මාණය කල සුවිශේෂී ඩිජිටල් නිර්මාණයක් ඔබ වෙත පිරිනමන්නෙමි. මෙම කූඩුවේ සෑම අංගයක්ම ජීවිතයේ යතාර්ථය සිහිපත් කරවයි.
✨ ඩිජිටල් මහා වෙසක් කූඩුව: දාර්ශනික අර්ථකථනය ✨
🌸 ඉහළ නෙළුම් පෙති 24 (ද්විත්ව ස්ථර): නිවන සංකේතවත් කරයි. සසරින් මිදී ලබන අමා මහා නිවන් සුවය සහ බුද්ධත්වයේ උත්තරීතර බව මෙම ස්ථර මගින් නිරූපණය වේ.
☸️ පෙති 8ක චතුරස්රය: ආර්ය අෂ්ඨාංගික මාර්ගය (සම්මා දිට්ඨි, සම්මා සංකප්ප, සම්මා වාචා, සම්මා කම්මන්ත, සම්මා ආජීව, සම්මා වායාම, සම්මා සති, සම්මා සමාධි). නිවන කරා යන නිවැරදි මාවත මෙයයි.
🍃 ඉහළ බෝපත් හැඩැති චතුරස්ර 4: සතර බ්රහ්ම විහරණයන් (මෙත්තා, කරුණා, මුදිතා, උපේක්ඛා). අපගේ සිත තුළ වර්ධනය කරගත යුතු උතුම් ගුණාංගයන් මෙයින් සිහිපත් කෙරේ. සිත මෙත් සිතින් පිරවීමෙන් මනස සමාධිමත් කිරීමේ වැදගත්කම මෙයින් කියාපායි.
🔄 කැරකෙන කුඩා කූඩු 8: අටලෝ දහම (ලාභ-අලාභ, යස-අයස, නින්දා-ප්රශංසා, සැප-දුක). ලෝක ස්වභාවය නිරතුරුවම වෙනස් වන බවත්, ඒ හමුවේ සිතේ සමබරතාව රැකගැනීමේ වැදගත්කමත් මෙයින් පෙන්වයි.
🧘♂️ මධ්යයේ වැඩසිටින ජීවමාන බුදුරුව: "සඳ වතුරක් සේ.. මෙත් සොමි ගුණෙනා දිව මතුරක් සේ තුඩ තුඩ රඳනා සමිඳුණි ඔබ වේ..වා පියුම් ගොමු හද විල් ජලයේ..."
බුදු රජානන්වහසේ නමක් වනාහි ලෝකයේ පරම ශාන්තිය හා ප්රඥාව උදෙසා වූ ආලෝකයයි. අපගේ හදවත් නම් වූ විල් ජලය තුළ මෛත්රියෙන් පිරුණු බුදු දහමේ උත්තරීතර ආලෝකය රඳවා ගැනීම සහ තමන්ගේ ජීවිත මැදට එම කරුණා ගුණය ලබාගැනීම මෙයින් අදහස් වේ.
💠 බුදුරුව සම්බන්ධ වී ඇති කුඩා කූඩු 4: සතර සතිපට්ඨානය (කායානුපස්සනා, වේදනානුපස්සනා, චිත්තානුපස්සනා, ධම්මානුපස්සනා). සිහිය පිහිටුවාගෙන ජීවිතය දැකීමේ කලාව මෙයින් නිරූපණය වේ.
🍃 පහළ බෝපත් හැඩැති චතුරස්ර 4: චතුරාර්ය සත්යය (දුක්ඛ සත්යය, සමුදය සත්යය, නිරෝධ සත්යය, මාර්ග සත්යය). ලෝකයේ යථාර්ථය සහ එයින් මිදීමේ මඟ මෙයයි.
🌸 පහළ නෙළුම් පෙති 24 (ද්විත්ව ස්ථර): ද්වාදශාංගික පටිච්ච සමුප්පාදය (හේතුඵල දහම). සංසාරික බැඳීම් සහ දුක හටගන්නා ආකාරය පෙන්වා දෙන අතර, මඩෙන් උපන් නෙළුමක් මඩෙන් පෝෂණය ලබන්නා සේ, අපගේ අත්දැකීම් තුළින්ම අවබෝධය ලබාගත යුතු බව සිහිපත් කරයි.
මෙම නිර්මාණය තුළින් සිහිපත් කරන්නේ, පහළ ඇති සංසාරික බැඳීම් අවබෝධයෙන් යුතුව ගෙවා දමමින්, ඉහළ ඇති උත්තරීතර විමුක්තිය කරා පියනඟන ලෙසයි.
ඔබ සැමට සාමකාමී සහ පින්බර 2570 වන ශ්රී බුද්ධ ජයන්තියක් වේවා! 🙏✨
මම ඔයාගේ ආදරණීය ICT ගුරුවරයා,
ගයාන් කරුණාතිලක සර්.
මෙය ධර්ම දානයක්ම වේවා...! 🙏
