27/04/2026
අතේ තියෙන Phone එකෙන් "Pro Level" එකට පින්තූර ටිකක් ගන්නේ කියලා අද මම කියන්නම්.
ගොඩක් අය හිතන්නේ ලොකු කැමරාවක් තිබ්බොත් විතරයි හොඳ photo ගන්න පුළුවන් කියලා, ඒත් ඇත්තම කතාව තාක්ෂණය (Technique) දන්නවා නම් Phone එකෙන් ගේමක් ගහන්න පුළුවන්.
මෙන්න එහෙනම් Lesson 02!
01. කලින්ම Lens එක Clean කරගන්න (The Golden Rule)
මේක හරිම සිම්පල් දෙයක් වගේ පෙනුනට, පින්තූරයක් බොඳ වෙන්න (Blurry/Hazy) ප්රධානම හේතුව තමයි මේක. අපේ ඇඟිලිවල තියෙන තෙල් ගතිය සහ දූවිලි කැමරා ලෙන්ස් එකේ ගෑවුණාම photo එකේ quality එක බහිනවා.
Photo එකක් ගන්න කලින් Microfiber cloth එකකින් හෝ පිරිසිදු කොට්න් රෙදි කෑල්ලකින් ලෙන්ස් එක පිහිදාන්න.
ටී-ෂර්ට් එකෙන් පිහිදනවා නම් පරිස්සමෙන්, මොකද ලෙන්ස් එක සීරෙන්න පුළුවන්!
02. Camera App එක තෝරාගැනීම (Original vs. Fancy Apps)
අද කාලේ Play Store එකේ තියෙන "Beauty Cameras" හෝ "Fancy Filter Apps" පාවිච්චි කරන එක පුළුවන් තරම් අඩු කරන්න.
Original Stock Camera: Phone එකේ default එන app එක phone එකේ hardware වලට හොඳටම optimize කරලා තියෙන්නේ. ඒකෙන් උපරිම details ගන්න පුළුවන්.
Google Camera (GCam): ඔයා පාවිච්චි කරන්නේ Android එකක් නම්, පුළුවන් නම් GCam එකක් install කරගන්න. මේකෙන් ලැබෙන HDR+ සහ Night Sight වගේ features වලින් photo එකේ Colors සහ Shadows සුපිරියටම balance කරනවා.
අවාසිය: Fancy apps වලින් මුහුණ සුදු කරලා දෙනවා වුණාට, photo එකේ තියෙන natural details, light සහ colors සේරම විනාශ කරනවා. ඒ නිසා ගන්න photo එක raw විදියට අරන් පස්සේ එඩිට් කරගන්න එක තමයි බුද්ධිමත්.
03. Pro Mode එකෙන් වැඩක් ගමු (Master the Settings)
ගොඩක් අය Pro Mode එක දැක්කම බය වෙලා ඒක පාවිච්චි කරන්නේ නැහැ. ඒත් ඇත්තටම "Professional Look" එකක් එන්නේ මේකෙන්. මෙන්න දැනගන්නම ඕන ටික:
ISO: මේකෙන් කරන්නේ ලයිට් වලට තියෙන සංවේදීතාව පාලනය කරන එක. දවල්ට (Bright light) ISO එක අඩු අගයක (100-200) තියන්න. රෑට ISO වැඩි කරන්න පුළුවන්, හැබැයි ISO වැඩි වෙන්න වැඩි වෙන්න පින්තූරයේ "Noise" (තිත් වැටීම) වැඩි වෙනවා.
Shutter Speed (S): කැමරාවේ ඇස කොච්චර වෙලාවක් ඇරිලා තියෙනවද කියන එක. වේගයෙන් යන වාහනයක් වගේ දෙයක් ගන්නවා නම් speed එක වැඩි කරන්න (1/1000 වගේ). රෑට ලයිට් පාරවල් ගන්නවා නම් speed එක අඩු කරන්න (Long exposure).
Focus (AF/MF): සමහර වෙලාවට Phone එකට හරියට focus එක ගන්න බැරි වුණාම Manual Focus (MF) පාවිච්චි කරලා ඔයාට ඕන තැන හරියටම තොරාගන්න.
White Balance (WB): පින්තූරයේ පාට තීරණය කරන්නේ මේකෙන්. අව්ව තියෙන වෙලාවට, ලයිට් තියෙන වෙලාවට අනුව පින්තූරය කහ (Warm) හෝ නිල් (Cool) වෙන්න දෙන්නෙ නැතුව balance කරගන්න පුළුවන්.
04. Composition & Lighting (සුපිරි වෙන්න ටිප්ස් කීපයක්)
Grid Lines Use කරන්න: Settings වලින් 'Grid lines' on කරගන්න. පින්තූරයේ ප්රධාන වස්තුව හරියටම මැදට හෝ රේඛා කැපෙන තැනකට (Rule of Thirds) තියන්න.
Tap to Focus & Exposure: පින්තූරය ගන්න කලින් screen එකේ තියෙන object එක උඩ tap කරන්න. එතකොට focus එක වගේම ලයිට් එකත් (Exposure) හරියට adjust වෙනවා. ලයිට් වැඩි නම් එතනම එන slider එකෙන් පොඩ්ඩක් අඩු කරගන්න.
Natural Light is King: පුළුවන් තරම් දවල් කාලයේ පින්තූර ගන්න. විශේෂයෙන් "Golden Hour" (හිරු උදාව සහ බැස යන වෙලාව) පාවිච්චි කරන්න.
පොඩි උපදේශයක්: ලස්සන photo එකක් කියන්නේ හොඳ phone එකක් තිබ්බ පළියට ලැබෙන දෙයක් නෙවෙයි, ඔයා ඒක දකින විදිය (Perspective) අනුව ලැබෙන දෙයක්. ඉතින් පුළුවන් තරම් අලුත් අලුත් විදි වලට (Angles) පින්තූර අරන් බලන්න !
ඊළඟ post එකෙන් අපි බලමු මේ ගත්ත පින්තූර ලස්සනට Edit කරගන්නේ කොහොමද කියලා. මොකද හිතන්නේ? මොන වගේ දේවල්ද ඊළඟට දැනගන්න ඕනේ?
ලස්සන Photo එකක් කියන්නේ හොඳ phone එකක් තිබ්බ පළියට ලැබෙන දෙයක් නෙවෙයි, ඔයා Technique දන්නවා නම් ඕනෑම ෆෝන් එකකින් මැජික් එකක් කරන්න පුළුවන්!
ඔයාලත් Pro Mode එකෙන් ගත්ත ලස්සන photos අපිට comment එකක් විදියට දාන්න.
අමිත් හර්ෂණ අබේරත්න
