09/09/2026
والله هاد الدنيا ما بقى فيها ما يعجب… يا ربي السلامة، آش هاد الزمان؟!
بعد 20 عام، ربي بيّن الحق، وظهرت الحقيقة و روح عزيزة عند الله.
في #واويزغت إقليم #أزيلال في المغرب العميق.
مصطفى قتـلوه ودفنـوه واحد عائلة جيران ديالو في نفس الدوار وسط الجبال، العائلة ديال مصطفى كان يحساب ليه غير مختافي و مشات لعدة برامج، ومن أشهرها « #مختفون » في القناة الثانية و«مختفون» ديال الأمازيغية، وبقات الحقيقة مدفونة لمدة 20 عام و اليوم تفضح كلشي .
كيفاش تفضح السر بعد وفـاة الأب ديال العائلة المجرمة ولدهم ولى كيعنّف الأم ديالو وخواتاتو باستمرار، وكيقهرهم بالعصا. ناس الدوار تعجبو من هاد التغيير، خصوصاً وأن هاد العائلة كانت عايشة فهاد الدار بخير .
الأم، بعدما تقهرات وتعرضات للعنف، عيّطات لرجال الدرك الملكي. وبعد ساعات، جاو وجمعو أفراد العائلة، وقامو بالحفر فالأرض القريبة من الدار ديال هاد العائلة المجرمة، حتى جبدو رفـات ديال مصطفى.
الشاب اللي كان مشارك في الجريمة قال ليهم: «تقهرت وما بقيتش قادر نصبر، وكيخرج ليا فليل وكيجي عندي محني…»
ومن بعد اعترف وقال ليهم: «حنا قتـلنا مصطفى، وهنا فين دفنـاه أنا وأب ديالي»، وأشار ليهم على المكان اللي تدفـن فيه فالأرض حدّ الدار قال ليهم كفناه في ميكا و دفـناه و من بعد حطينا عليه تراب .
رحم الله مصطفى، والحمد لله اللي بان الحق بعد 20 عام.
