TMT on Adrenaline

TMT on Adrenaline ..TMT On Adrenaline.. TMT's Creative Corner

သားကြီးတို့ရေ... အသွားအလာ အစားအသောက် ဆင်ခြင်ကြနော်။ငါတို့ အမျိုးသားထုကြီး ကံနိမ့်တဲ့အချိန်ရောက်နေတယ်။ တစ်ခုခုဆို ကိုယ်ကဦ...
07/07/2026

သားကြီးတို့ရေ...
အသွားအလာ အစားအသောက် ဆင်ခြင်ကြနော်။
ငါတို့ အမျိုးသားထုကြီး ကံနိမ့်တဲ့အချိန်ရောက်နေတယ်။ တစ်ခုခုဆို ကိုယ်ကဦးအောင် တောင်းပန်ဖို့လည်း မမေ့ကြနဲ့ဦး။ အခန့်မသင့်ရင် ကြားထဲက ဘာမှမဟုတ်တဲ့ ငါတို့က နေရင်းထိုင်ရင်း အမှုန့်ဖြစ်သွားနိုင်တယ်။ သူတို့တွေ ကြောက်ကြောက်နေတတ်တဲ့ မာကျူရီ ရီထိရိုဂရိတ်လိုမျိုးပဲ ငါတို့အမျိုးသားထုကြီးအတွက်လည်း တစ်ကောင်ကောင် ထဖောက်တာနဲ့ အစကတည်းက မိန်းမကြောက်ရတဲ့ကောင်တွေက ဒူးတုန်နေရပြီ... 🙃

07/07/2026

ကိုယ်ကတော့ Belgium က USA ကို 4-1 နဲ့ကျုံးသွားတာကို
အတော်သဘောကျတယ်။ မင်းတို့ အဖေဖုန်းဆက်ပြီး ဘယ်လောက် ကယ်ကယ် ငါတို့ကဖြုတ်မှာပဲဆိုတဲ့အကွက်နဲ့ပေါ့။ ဒါတောင်သူတို့အဖေက ဖီဖာကို ထပ်ဖုန်းဆက်ပြီး ဂျီကျချင်ထပ်ကျဦးမှာ 🙃

90’s Kid တွေ ကံကောင်းတဲ့အထဲမှာ Harry Potter ရုပ်ရှင်တွေနဲ့ အတူတူကြီးပြင်းရတာလည်းပါပါတယ်။ အတူတူကြီးပြင်းတယ်ဆိုတာမှာရိုးရိ...
02/07/2026

90’s Kid တွေ ကံကောင်းတဲ့အထဲမှာ
Harry Potter ရုပ်ရှင်တွေနဲ့ အတူတူ
ကြီးပြင်းရတာလည်းပါပါတယ်။

အတူတူကြီးပြင်းတယ်ဆိုတာမှာ
ရိုးရိုးတန်းတန်း ကိုယ့်အသက်တစ်နှစ်ကြီးတိုင်း
တစ်ကားထွက်တယ်ဆိုတဲ့ ပုံစံမျိုးသီးသန့်မဟုတ်ဘဲ
ရုပ်ရှင်တွေထဲက Character တွေက
ကိုယ်နဲ့သက်တူရွယ်တူတွေ မတိမ်းမယိမ်းတွေ
ဖြစ်နေတော့ တကယ်ကို သူတို့နဲ့ အတူတူလိုက်ပြီး
ကြီးပြင်းရသလိုကို ခံစားခဲ့ရတာပါပဲ။

Philosopher's Stone တို့ Chamber Of Secrets တို့ ထွက်လာတဲ့ကာလ သူတို့ရဲ့ ကလေးဘဝ ပေါ့ပေါ့ပါးပါးကာလမှာ ကိုယ်တွေကလည်း ကလေးစိတ်တွေပဲ ရှိနေသေးပြီး "Wingardium Leviosa" လို spell မျိုးတွေကို အလွတ်ကျက်၊ တုတ်တစ်ချောင်းနဲ့ Spell cast တိုင်းဆော့တဲ့ကာလဖြစ်ခဲ့တယ်။ Prisoner Of Azkaban တို့ Goblet Of Fire တို့ထွက်တဲ့ကာလမှာ ကိုယ်တွေက
ဆယ်ကျော်သက်ဝင်ကာစ ကာလဖြစ်လို့ Mystery Thriller တွေ Plot Twist တွေ ကြိုက်တတ်နေကြပြီဖြစ်သလို၊ ကျောင်းတွင်းအပြိုင်အဆိုင်တွေလည်း ရှိလာကြတဲ့ကာလဆိုတော့ အဲ့ဒီ့ရုပ်ရှင်တွေက်ို လေးလေးနက်နက်စကြည့်တတ်လာတဲ့ကာလပေ့ါ။ ဒီထဲကမှ Order Of The Phoenix တို့ Half-blood Prince တို့ထွက်တဲ့ကာလကတော့ ဆယ်ကျော်သက်တွေ Young Adult တွေဖြစ်နေကြပြီဖြစ်လို့ Character တွေရဲ့အချစ်ရေးနဲ့ ကိုယ့်အချစ်ရေးနဲ့ မတိမ်းမယိမ်းအဖြစ်အပျက်တွေကို ခံစားလို့ရနေပြီဖြစ်သလို၊ လောကကြီးကပေးတတ်တဲ့ ဆုံးရှုံးမှု သင်ခန်းစာတွေကို ရုပ်ရှင်ထဲမှာကော အပြင်မှာကော ခံစားလို့ရနေခဲ့ကြပါပြီ။ နောက်ဆုံး ၂ ကားဖြစ်တဲ့ Deathly Hallows 1 & 2 ကိုကြည့်ရတဲ့ အရွယ်မှာတော့ လောကကြီးဟာ
ဘယ်လောက် Dark ဖြစ်တတ်ကြောင်းနဲ့ လောကဓံအကြောင်းတွေကို သေချာသိနေတဲ့ အရွယ်ဖြစ်နေလို့
အဲ့ဒီ့ရုပ်ရှင်တွေကို ကြည့်ရတာဟာ Deep & Dark ဖြစ်နေခဲ့ပြီး Deathly Hallows 2 အပြီးမှာတော့ ကိုယ်နဲ့အတူ ကြီးပြင်းခဲ့ရတဲ့ သူငယ်ချင်းတွေကို
ခွဲခွာရသလိုမျိုး အတော်ကိုဝမ်းနည်းခဲ့ရတာပါ။

Harry Potter Film Series ဟာ ကိုယ့်ကိုရုပ်ရှင်တွေ
ကြိုက်တတ်အောင် ပထမဆုံးလုပ်ပေးခဲ့တဲ့ Movie Franchise ဖြစ်သလို ဒီနေ့ဒီအချိန်ထိလည်း
အကြိုက်ဆုံး Movie Franchise ဖြစ်နေဆဲပါပဲ။
အနည်းဆုံး ၂ နှစ်တစ်ခါလောက်တော့ Franchise အစအဆုံးကို Movie Marathon အနေနဲ့ပြန်ပြန်ကြည့်ဖြစ်ပေမဲ့ သူတို့နဲ့အတူတူကြီးပြင်းခဲ့ရတဲ့ကာလတုန်းက Vibe တွေကိုတော့ ပြန်ရဖို့မဖြစ်နိုင်တော့ပါဘူး...

ဒီအတိုင်းဆိုရင်တော့ ဒီရက်ပိုင်းအတွင်း Fable 5 ပြန်သုံးလို့ရလိမ့်မယ်ထင်တယ်...
01/07/2026

ဒီအတိုင်းဆိုရင်တော့ ဒီရက်ပိုင်းအတွင်း Fable 5 ပြန်သုံးလို့ရလိမ့်မယ်ထင်တယ်...

28/06/2026

မိုတီဗေးဂျင်း ဆရာဂျင်း... 🙃

သူငယ်ချင်းက မနက်ကလာမေးတယ် AYA Pay ထဲဘယ်လောက်ရှိလည်း၊ သတိထားဦးနော်တဲ့။ ကိုယ်ကလည်း တစ်ရာကျော်ပဲရှိတာဆိုတော့ စိတ်ပူစရာမလိုပ...
25/06/2026

သူငယ်ချင်းက မနက်ကလာမေးတယ် AYA Pay ထဲဘယ်လောက်ရှိလည်း၊ သတိထားဦးနော်တဲ့။ ကိုယ်ကလည်း တစ်ရာကျော်ပဲရှိတာဆိုတော့ စိတ်ပူစရာမလိုပါဘူးကွာလို့ ပြောလိုက်တာ၊ ဟိုကောင်က ဘာတစ်ရာကျော်လို့ ထင်သွားလည်းမသိဘူး။ ပိုက်ဆံဆိုတာ ဘယ်လိုတန်ဖိုးရှိကြောင်း၊ ဂရုစိုက်သင့်ကြောင်းတွေ တရားဟောသွားတယ်။ ငါပြောတဲ့ တစ်ရာဆိုတာ တကယ့်တစ်ရာပါ
သူငယ်ဂျင်းရာ… 🙃

Motivational speaker တွေ ဟို coach ဒီ coach တွေများလာတဲ့ဒီခေတ်မှာ ကိုယ်တွေလည်း coach လို့ရတယ်။ ငါ့လိုဖြစ်အောင် ဘယ်လိုလုပ...
25/06/2026

Motivational speaker တွေ ဟို coach ဒီ coach တွေများလာတဲ့ဒီခေတ်မှာ ကိုယ်တွေလည်း coach လို့ရတယ်။ ငါ့လိုဖြစ်အောင် ဘယ်လိုလုပ်ဆိုတာမျိုးတော့ မဟုတ်ဘူး။ ငါ့လို မဖြစ်အောင် ဘာတွေမလုပ်နဲ့ ဆိုတာမျိုးတွေ coach ပေးမှာ။ အထူးသဖြင့် တွေ့သမျှမြင်သမျှ မုန့်တွေအကုန်စားချင်နေတာမျိုးတွေ မလုပ်နဲ့ဆိုတာမျိုးကို 7/11 ရောက်တာနဲ့ တိုတိတိုစိတွေ အကုန် စားချင်နေတဲ့ ကိုယ့်လိုလူမျိုးတွေကို coach ပေးမှာ။ ဘာလို့ coach ချင်တာလည်းဆိုတော့ ရလာတဲ့ coaching fees တွေနဲ့ တွေ့သမျှ မုန့်တွေဝယ်စားနိုင်အောင်လို့... 🙃

ရန်သူအစစ် နဲ့ မိတ်ဆွေအတုတွေကြားမှာ အမှန်တရားကိုရှာရတာ နည်းနည်းတော့ အန္တရာယ်များတယ်။ ပိုဆိုးတာကတော့ ခင်ဗျားက ထောင်ထဲကထွက်...
24/06/2026

ရန်သူအစစ် နဲ့ မိတ်ဆွေအတုတွေကြားမှာ အမှန်တရားကိုရှာရတာ နည်းနည်းတော့ အန္တရာယ်များတယ်။ ပိုဆိုးတာကတော့ ခင်ဗျားက ထောင်ထဲကထွက်ပြေးလာတဲ့ ဝရမ်းပြေးဖြစ်နေရင်ပေါ့...

NETFLIX ရဲ့ "I will find you" ဆိုတဲ့ Mystery Thriller ကတော့ ကိုယ့်သားအရင်းကို Tတ်လိုက်တယ်ဆိုတဲ့ စွပ်စွဲချက်နဲ့ ထောင်ဒဏ်တစ်သက်ကျနေတဲ့ David ဆိုတဲ့ အဖေတစ်ယောက်အကြောင်းပါ။ ၅ နှစ်လောက် ထောင်ထဲမှာ အချိန်ကုန်ပြီးတဲ့အခါမှာတော့ သူTတ်လိုက်တယ်လို့ လူတွေထင်ကြတဲ့ သူ့သားလေးဟာ အသက်ရှင်နေသေးတယ်ဆိုတဲ့ သဲလွန်စဓာတ်ပုံတစ်ပုံကို သူ မမျှော်လင့်ဘဲ ရလိုက်ပါတယ်။ ဒါပေမဲ့ ထူးဆန်းတာက သူ့အမှုက သူ့သားရဲ့ body ကိုမတွေ့ဘဲ သူ့ကိုစွပ်စွဲထောင်ချထားတာမဟုတ်ဘဲ သူ့သားရဲ့ body လို့ စစ်ဆေးချက်တွေအရ အတည်ပြုထားတဲ့ ရုပ်ပျက်ဆင်းပျက်ဖြစ်နေတဲ့ body ကိုသူကိုယ်တိုင်တွေ့ထားရပြီး သူ့ကိုယ်သူတောင် ဝေဝါးပြီး ထောင်ထဲရောက်လာခဲ့တာပါ။ ဒီတော့ အရင်က ဘာတွေတကယ်ဖြစ်ခဲ့တာလဲ၊ သူ့သားလေး တကယ်ပဲ အသက်ရှင်နေသေးလားဆိုတဲ့ အမှန်တရားကို ရှာဖို့အတွက် သူကိုယ်တိုင် ထောင်ဖောက်ထွက်ပြေးပြီး လိုက်ရှာရပါတော့တယ်။

တစ်ဖက်မှာလည်း ရဲတွေက အပူတပြင်း လိုက်ဖမ်းနေတဲ့ကြားကနေ အမှောင်ဖုံးနေတဲ့ လျှို့ဝှက်ချက်တွေ၊ သူ့ပတ်ဝန်းကျင်က မိတ်ဆွေနဲ့ရန်သူခွဲမရတဲ့ လူတွေကြားကနေ ဘယ်လို ရင်တမမနဲ့ ဖော်ထုတ်သွားမလဲဆိုတာကို ကြည့်ရမယ့် Mystery/Thriller Series ကောင်းတစ်ခုပါပဲ။ Limited Series ဖြစ်လို့ cliffhanger တွေနဲ့ Season 2 ကိုဆွဲခေါ်သွားမှာမဟုတ်ဘဲ အပိုင်း ၈ ပိုင်းထဲမှာတင် အစအဆုံး အဖြေပေါ် ဇာတ်သိမ်းသွားမယ့် Series ပါ။ တော်ရုံ Mystery /Thriller enthusiasm တွေဆိုရင်တော့ ဇာတ်လမ်း တစ်ဝက်လောက်နဲ့တင် တရားခံကို သိနေရင်သိနေလောက်မှာဖြစ်ပေမဲ့ ခန့်မှန်းရကတော့ ခက်ခဲသလို၊ ဘာကြောင့် တရားခံဖြစ်လာတယ်ဆိုတာကလည်း ရိုးရှင်းမနေပြန်ပါဘူး...

Drishyam ဟာ ပထမတစ်ကားနဲ့တင် ပြီးသွားရင် အရမ်းကို သေသပ်တဲ့ လက်ရာ တစ်ခုအဖြစ်ရှိနေမှာဖြစ်ပေမဲ့ ဒုတိယကားထွက်လာတော့လည်း လက်ခံ...
22/06/2026

Drishyam ဟာ ပထမတစ်ကားနဲ့တင် ပြီးသွားရင် အရမ်းကို သေသပ်တဲ့ လက်ရာ တစ်ခုအဖြစ်ရှိနေမှာဖြစ်ပေမဲ့ ဒုတိယကားထွက်လာတော့လည်း လက်ခံလို့ရတဲ့အထိကောင်းနေသေးပါတယ်။ ဒါပေမဲ့ ၃ ကားမြောက်ထွက်လာချိန်မှာတော့ ရှေ့ ၂ ကားကို အခြေပြုပြီး Milking လုပ်နေသလို ခံစားလာရတာတော့ အမှန်ပါပဲ။ အဆိုးဆုံးကတော့ 4 ထွက်ဖို့ကိုပါ လမ်းခင်းခဲ့တဲ့ ဇာတ်လမ်းအဆုံးက Cliffhanger ပါ...

တကယ်တော့ Drishyam ဟာ sequel တွေအများကြီး
ထိုင်ထုတ်ဖို့ သင့်တော်တဲ့ Story တစ်ခုလို့ မမြင်ပါဘူး။ သူ့ရဲ့အသက်က Twist and turn လို့ပြောလို့ရပေမဲ့ twist တာလွန် turn တာလွန်သွားရင်လည်း တဖြည်းဖြည်းပေါ့တော့တော့ဖြစ်လာပါတယ်။ ကိုယ့်အနေနဲ့ အဆင်မပြေဆုံးအချက်ကတော့ တကယ်တမ်း ဇာတ်လမ်းက နာရီဝက်လောက်ပဲရှိမှာကို ရုပ်ရှင်တစ်ကားစား ၂ နာရီခွဲလောက်ရအောင် မရှည်ရှည်အောင်ဆွဲဆန့်ထားတာပါပဲ။ Slow-burn style ဖြစ်လို့ build up က အချိန်ယူရတယ်လို့ပြောရအောင်လည်း သူ့ build up က အဲ့ဒီလောက် အချိန်ယူစရာကောင်းနေတာမျိုးတော့ ဟုတ်မနေပါဘူး။ ဒါပေမဲ့ ရှေ့ရုပ်ရှင် ၂ ကားရဲ့ vibe နဲ့ Georgekutty အစစ်ကို နောက်ဆုံးနာရီဝက်မှာတော့ စိတ်ကျေနပ်စရာကောင်းအောင် မြင်ရပါတယ်။

ဒီလိုတွေပြောနေလို့ Drishyam 3 ကအရမ်းဆိုးရွားနေလို့လားဆိုတော့လည်းမဟုတ်ပါဘူး။ သူသာ standalone ရုပ်ရှင်ကားတစ်ကားဖြစ်နေတယ်ဆိုရင် တကယ်ကောင်းတဲ့ slow-burn thriller တစ်ကားအဖြစ်ရှိနေသေးပါတယ်။ ဒါပေမဲ့ ရှေ့က 1 & 2 ကိုကြည့်ထား၊ ကြိုက်ထားတဲ့ကိုယ့်အတွက်တော့ စားနေကျဟင်းတစ်ခွက်ကို ဆားပေါ့ပေါ့နဲ့စားရသလိုပါပဲ။

လူဆိုးတွေကို လူကောင်းတွေက နိုင်သွားတယ်။ အမှန်တရားက အမှားတွေကို ဖုံးသွားတယ်ဆိုတဲ့ typical courtroom drama တွေပဲကြိုက်တတ်ရ...
21/06/2026

လူဆိုးတွေကို လူကောင်းတွေက နိုင်သွားတယ်။ အမှန်တရားက အမှားတွေကို ဖုံးသွားတယ်ဆိုတဲ့ typical courtroom drama တွေပဲကြိုက်တတ်ရင်တော့ ဒီ Series က ခင်ဗျားအတွက်မဟုတ်ပါဘူး။

ဒီနေ့အတွက် recommend လုပ်ပေးချင်တဲ့
NETFLIX ရဲ့ The Evil Lawyer ဆိုတဲ့ ထိုင်း series ကတော့-

မြန်မာ Caddie ကောင်မလေးတစ်ယောက်က ဩဇာကြီးမားတဲ့ ရဲချုပ်ရဲ့သားကို ဂေါက်တံနဲ့ ရိုက်Tတ်လိုက်ရာကနေ အစပြုလာတဲ့ အမှုတစ်ခုမှာ နောက်ကွယ်က အကြောင်းအရာတွေ၊ လူတွေရဲ့ ရက်စက်မှုတွေ၊ ဖိနှိပ်မှုတွေ နဲ့အတူ လူဆိုး လူကောင်းဆိုတာမျိုးက တစ်သမတ်ထဲဖြစ်နေတဲ့ ပုံသေနည်းမဟုတ်ဖူးဆိုတာတွေကို ခပ်ကြမ်းကြမ်းပုံဖော်ထားတဲ့ brutal series တစ်ခုပါပဲ။ စိတ်ဓါတ်နဲ့ ခံယူချက်ချင်း ဆန့်ကျင်ဖက်ဖြစ်နေတယ်လို့ထင်ရတဲ့ Main charactet ရှေ့နေ ၂ ယောက်ရဲ့ အားပြိုင်မှုတွေကိုလည်း မြင်ရမှာပါ။ Series title က The Evil Lawyer ဆိုပေမဲ့ တရားရုံး scene တွေနဲ့တင် ဇာတ်သိမ်းသွားမယ့် သာမန် Courtroom drama မဟုတ်ဘဲ ရွှေ့ပြောင်းအလုပ်သမားတွေအပေါ် ခေါင်းပုံဖြတ်မှု၊ ငါးဖမ်းလှေပေါ်က လူကုန်ကူးမှုစတဲ့ တကယ့်အပြင်လောကက အမှောင်ဘက်ခြမ်းတွေကိုပါ ထည့်ပြီး ရိုက်ပြထားပါတယ်။ Series က အစပိုင်းမှာ fast paced သွားပြီး အလယ်မှာတော့ နည်းနည်းအေးသွားပေမဲ့ climax မှာတော့ သူ့ရဲ့ plot twist တွေ wtf moment တွေက အမှန်၊ အမှား၊ လူဆိုး၊ လူကောင်းဆိုတဲ့ typical
ခေါင်းစဉ် တွေကို ရိုက်ချိုးပြထားပါတယ်။

ဒီ Series မှာမြင်ရတဲ့ အဓိက Highlight ကတော့
တရားမျှတမှုနဲ့ အမှန်တရားဆိုတာမျိုးတွေက စကားလုံးတွေအနေနဲ့သာ နားထောင်လို့ကောင်းတာ၊ တကယ့်အပြင်လောကမှာတော့ အဲ့ဒီ့အရာတွေရဲ့ နောက်ကွယ်မှာ Shady Twist တွေ ရှိနေတတ်တယ်ဆိုတာပါပဲ။ အပိုင်း ၈ ပိုင်းရှိပြီး Season 2 လာနိုင်ချေရှိတဲ့ ဒီ series က လတ်တလောမှာတော့ Netflix ရဲ့ Top Chart တွေမှာနေရာယူထားတဲ့အတွက် ကြည့်သင့်တဲ့ Series တစ်ခုအဖြစ် recommend ပေးလိုက်ပါတယ်။

Address

Kamayut

Website

Alerts

Be the first to know and let us send you an email when TMT on Adrenaline posts news and promotions. Your email address will not be used for any other purpose, and you can unsubscribe at any time.

Shortcuts

Share