Aein

12/10/2025

အရွယ်ရောက်လာတာနဲ့အမျှ စိတ်တွေဟာလည်းပြောင်းလဲလာတယ်
ဆူညံသံတွေထက် အေးချမ်းမှုကိုပိုတန်ဖိုးထားလာတယ် နားလည်လက်ခံတတ်လာတယ်
ကိုယ်မထင်ထားလောက်အောင် စိတ်တွေကိုလျှော့ချလာနိုင်ခဲ့တယ်

ဘာကြောင့်လဲဆိုတော့ ကိုယ့်ရဲ့ Energy တွေ အချိန်တွေ ဂရုစိုက်မှုတွေဟာ လူတိုင်းနဲ့မထိုက်တန်ဘူးဆိုတာသိလာလို့ပါပဲ

ငယ်ရွယ်ချိန်မှာတုန်းကတော့ ကိုယ့်အတွက်မဟုတ်တဲ့ လူတွေ အရာတွေနောက်ကိုလိုက်ခဲ့တာပဲလေ
ကိုယ့်အတွက်မဟုတ်မှန်းသိတောင် အရာရာကိုသက်သေပြချင်တယ် ငြင်းခုံနိုင်တယ် အချိန်တွေရင်းခဲ့ကြတယ်

တကယ်တမ်း အဓိပ္ပါယ်မရှိမှန်းသိလာတဲ့အခါတော့ ကိုယ့်အတွက်အရေးပါတဲ့အရာတွေကိုသာပိုအာရုံစိုက်ဖြစ်တော့တယ်

အရာရာကိုလက်ခံတတ်လာတယ် ကိုယ့်ကိုရွေးချယ်ဖို့လည်းမတိုက်တွန်းဘူး ကိုယ်နဲ့မဆိုင်တဲ့နေရာတွေမှာဝင်ဆန့်ဖို့ မကြိုးစားတော့ဘူး

ဒီအရာတွေအစား စိတ်ရောကိုယ်ပါအေးချမ်းခြင်းတွေအပေါ်ပိုအာရုံစိုက်ဖြစ်တယ် ရိုးရှင်းမှုကိုတန်ဖိုးထားတယ်

ငါကတော့ အသက်ကြီးလာလေ ပိုတိတ်ဆိတ်လာလေပဲထင်ပါရဲ့
ဒါဟာအရွယ်ရောက်ခြင်းက သင်ပေးလိုက်တဲ့ လက်ခံတတ်ခြင်းကြောင့်ပဲပေါ့
💖☘️🦋

26/09/2025

တဖြည်းဖြည်း အရွယ်ရောက်လာတော့ private lifeကို သဘောကျလာတယ် ။ စိတ်ဖိစီးစရာတွေ လည်း တဖြည်းဖြည်း များလာတယ်လို့လည်း ခံစားရတယ် ။
အပူပင်ကင်းကင်း နေခဲ့ရဖူးတယ်ဆိုတာကို မေ့ တောင်လာတတ်ရောပေါ့ ။
စိတ်မပါရတဲ့ ဆက်ဆံ ရေးတွေလည်း ငြီးငွေ့လာတတ်ပြီ ။ သမာရိုးကျ နေ့စဉ်ဘဝကိုလည်း စိတ်ကုန်စပြုလာပြီး အိပ်မရ တဲ့ညတွေဟာ ပိုများလာတယ်။

Publicမှာ ဟီးလာထနေပေမယ့် messenger မှာ စကားပြောဖြစ်တဲ့ အရေအတွက်ဟာ လက်ချိုးရေ တွက်လို့ရနေတယ် ။

ခရီးထွက်ရတာ ပိုနှစ်သက်လာတယ် ။ မိုးကျသံတွေ မက်မောလာတယ် ။ ပန်းတွေကို မြတ်နိုးတတ်ရမှန်း သိလာတယ် ။ ကော်ဖီတွေဟာလည်း တနေ့တာရဲ့ မပါမဖြစ် ဖြစ်လာခဲ့တယ် ။

လူနည်းနည်းလေးကို ပိုအတွင်းကျကျ ပေါင်း ဖြစ်လာတယ် မိသားစုက အရေးပါမှန်း ဘဝရဲ့ အစိတ်ပိုင်း တစ်ခုဆိုတာ နားလည်လက်ခံမိလာ တယ်
အချစ်ဆိုတာဟာ ပိုင်ဆိုင်ခြင်းတွေ ပေးဆပ်ခြင်း တွေထက် အချစ်ဟာ အချစ်လို့ပဲ ရှုမြင်တတ် သွားတယ် ။ ဘယ်သူမှ မရှိလည်းဖြစ်တာပဲဆိုတဲ့ သဘောကိုလည်း လက်ခံနိုင်သွားပြီ ။

ငွေဟာ မရှိမဖြစ်ဆိုတာကိုလည်း ယုံကြည်လာပြီး တနေ့တာ ရှင်သန်ခွင့်တွေမှာ ပျော်ပျော်နေခွင့်ရတာ ကို ဆုတစ်ခုအနေနဲ့လည်း ကျေးဇူးတင်တတ်နေပါ🙏🙏🥰🥰

08/05/2025

21/03/2025

ကိုယ့်ပျော်ရွှင်မှုကို သူများအပေါ်
မှီခိုလိုက်မိတဲ့နေ့ကစပြီး ကိုယ်က
သူကြိုးဆွဲရာကိုက တဲ့ ရုပ်သေးရုပ်တစ်ရုပ်
ဖြစ်သွားတော့တာပဲ ။

သူဂရုစိုက်ရင်ပျော်ပြီး သူပစ်ထားရင်
ကိုယ့်မှာ ကမ္ဘာပျက်ရတယ် ။
ကိုယ့်စိတ်အလုံးစုံကို သူ့အပေါ် မှီခိုလိုက်တဲ့အခါ
စိတ်ပျက် ဝမ်းနည်း အားငယ် စရာတွေနဲ့
ပြည့်နက်သွားတယ် ။

သူ့လျစ်လျှူရှု့မှုနဲ့ ဖြတ်သန်းရတဲ့အချိန်မှာ
ဘဝဟာ နေပျော်စရာနေရာ
မဟုတ်ဘူးလို့ ခံယူမိလာတယ် ။
ကိုယ့်ကိုယ်ကို ထက် သူ့ကို ဦးစားပေးခဲ့တယ် ။

ဒါဟာ မှန်သလား မှားသလား ၊ တန်သလား မတန်ဘူးလား မဆုံးဖြတ်တတ်ခင် ကိုယ့်ထက်သူ့ကို ပိုမြတ်နိုးခဲ့တယ် ။

ဘယ်လောက်ပဲ ပေးဆပ်ချစ်ခဲ့ခဲ့
သူလိုအပ်တာ ကိုယ် မဟုတ်တဲ့အခါ
ဒဏ်ရာတွေနဲ့ ကျန်ခဲ့တာ ကိုယ်ပဲ ဖြစ်ခဲ့တယ် ။

ဘယ်လောက်အထိ ရူးမိုက်သလဲဆိုတော့
မချစ်တော့လို့စွန့်ပစ်ခဲ့တဲ့သူတစ်ယောက်ဆီကို
သနားစိတ်နဲ့ ငဲ့ညှာမလားဆိုတဲ့ မျှော်လင့်ချက်
အမျှင်တန်းလေးနဲ့ တငိုငို တရယ်ရယ်...
အဲ့ဒီအရာကို ဆက်အရောင်တင်ခဲ့တယ် ။

နောက်ဆုံးအထိ ကိုယ်ဟာ
သူ့အတွက်ဖြစ်ခဲ့ပေမယ့် သူကတော့
ကိုယ့်အတွက် မဖြစ်ခဲ့ဘူး ။

ကိုယ့်ကိုယ်ကို ထက် သူစိမ်းလူကို ပိုချစ်လိုက်တာဟာ
ကိုယ့်ကိုသတ်ဖို့ဓားကို ကိုယ်တိုင်သွေးနေတာနဲ့တူတယ် ။

အချိန်ကြာလေလေ ကိုယ့်အတွက် အန္တရာယ်ပိုကြီးလေပဲ

ဒါကိုသိသိကြီးနဲ့ မေ့ထားလိုက်ရင်
ကိုယ့်ဘဝဟာ အဖက်ဆယ်မရအောင်
ရေစုန်မျှောနေပါလိမ့်မယ် ။
တချို့အသိတရားတွေက ကိုယ်တိုင်တွေးမှ ၊
ကိုယ်က လက်ခံမှ အမှားအမှန် ကွဲပြားသိလာရတာ ။

ကိုယ်လျှောက်နေတဲ့လမ်းကိုလည်း မှားလား ၊
မှန်လား အမြဲသုံးသပ်နိုင်ရမယ် ။

ရပ်သင့်ပြီထင်တဲ့နေရာမှာ ရပ်လိုက်ခြင်းနဲ့ ကိုယ့်တန်ဖိုးကို ကိုယ်မြှင့်တင်ပါ ။

-သက်ထားခင်(THK)

07/03/2025

Health Morning 💪💪🏃🏃

04/03/2025

EVENING EXERCISE 🌼🏵️🌻🌺🥀🌷💐🌸🪴

13/01/2025

တစ်ယောက်တည်း အေးအေးဆေးဆေး
ဘဝကိုဖြတ်သန်းတယ် ။

တခါတလေ စိတ်ကိုအေးချမ်းစေတဲ့
လူတချို့နဲ့စကားပြောဖြစ်တယ် ။

စိတ်ပင်ပန်းမှုပေးတဲ့ ရပ်ဝန်းကိုတော့
တတ်နိုင်သမျှ ရှောင်ပါတယ် ။

အမက်မောဆုံးက
လွတ်လပ်ခြင်းနဲ့အေးချမ်းခြင်းမို့
မည်သူတစ်ဦးတစ်ယောက်ကိုမှ
မေတ္တာကြောင့်ဖြစ်စေ
သံယောဇဥ်ကြောင့်ဖြစ်စေ
ချည်နှောင်ထားဖို့ စိတ်ကူး မရှိပါဘူး ။

သူတို့ပိုင်တဲ့သူတို့ဘဝအေးအေးချမ်းချမ်းပဲရှိပါစေ ။

🖤🌱
#ဖားစည်ရည်ကျော်

11/01/2025

အသက်အရွယ်လေး ရလာတာနဲ့အမျှ
မဆိုင်တဲ့ကိစ္စတွေမှာ ဝင်မပါဖို့
ဂရုစိုက်ရမယ်...။
တချို့ကိစ္စတွေမှာ မဆီမဆိုင်ဝင်ပြောမိတဲ့
ကိုယ့်စကားတွေဟာ
တစ်ဖတ်သားနားဝမှာ အဆင်မပြေဖြစ်နေတတ်တယ်...။
မိမိအနေနဲ့ နားလည်လာတာက
စကားကိုနည်းနိုင်သမျှ နည်းလာသင့်တယ် ဆိုတဲ့
အသိတရားတစ်ခုပါပဲ။
နေရာတိုင်းမှာဆင်ခြင်တုံတရားနဲ့
ထိန်းထိန်းသိမ်းသိမ်းနေတတ်ဖို့
မဆိုင်တဲ့နေရာ ဝင်မပါဖို့
အရေးကြီးပါတယ်...။
တိတ်ဆိတ်တဲ့ပါးစပ် အေးမြမှုပေးပါတယ်..။

08/12/2024

အချစ်ကို သေသေချာချာ ခံစားတတ်လာတဲ့အခါ
ရင်မှာဖြစ်တည်မူတွေက နူးညံ့ကြည်နူးပျော်ရွှင်မူတွေ
အလိုလိုဖြစ်တည်လာတယ်

04/12/2024

ကိုယ်ပျော်နေတဲ့သတင်းကြားရင်
လိုက်ပျော်ပေးတတ်ပြီး

ကိုယ်အဆင်မပြေတဲ့သတင်းကြားရင်
လိုက်ဝမ်းနည်းပေးမိတာမျိုး

အနီးအနားရှိနေမှ မေတ္တာဟာစစ်မှန်တာမဟုတ်ဘူး
အဝေးဆုံအရပ်မှာရှိနေရင်တောင်

ကိုယ့်အတွက်ထည့်တွေးပေးပြီး
သတိတရရှိနေပေးတာဟာလည်း ချစ်ခြင်းမေတ္တာပါပဲ...။