23/01/2026
" လောက၌ ကြိုတင်၍ မသိနိုင်သောအရာ (၅)မျိုး "
(၁) ဇီဝိတံ ----
အသက်ရှင်လျက် ဘယ်လောက် နေရဦးမယ်ဆိုတာ မသိဘူး ။
လောကကြီးမှာ ဘယ်လောက်ကြာကြာ အသက်ရှင်နေထိုင်ရဦးမလဲဆိုတာကို မသိနိုင်ဘူး
(၂) ဗျာဓိ ----
ဘဝခရီးကို လျှောက်လှမ်းရတဲ့အခါမှာ ဘာရောဂါနဲ့ သေမယ်ဆိုတာကိုလည်း မသိနိုင်ပါဘူး
(၃) ကာလော ----
လူတစ်ယောက်ဟာ ဘဝခရီး အဆုံးသတ်မည့် အချိန်ဟာ ဘယ်အချိန်လဲ မသိနိုင်ဘူး
(၄) ဒေဟနိက္ခေပနံ ----
ကိုယ့်ရဲ့ရုပ်အလောင်းကို ဘယ်နေရာမှာ သဂြိုလ်မယ် ၊ ဘယ်နေရာမှာ မြှုပ်နှံမယ်ဆိုတာကိုလည်း မသိနိုင်ဘူး
(၅) ဂတိ ----
လူတိုင်း လူတိုင်းဟာ ဘဝလမ်းကြောင်းကြီး (၅)ခုရှိတယ်
အဲ့ဒီ ( ၅ )က ဘာတွေလည်း ဆိုလို့ရှိရင် ----
ကုသိုလ် အကျိုးပေးကြောင့် ရောက်နိုင်တာကတော့ ....
၁ ။ နတ်ပြည်
၂ ။ လူ့ပြည်
အကုသိုလ် အကျိုးပေးကြောင့် ရောက်နိုင်တာကတော့ ....
၃ ။ ပြိတ္တာ
၄ ။ တိရစ္ဆာန်
၅ ။ ငရဲ
အားလုံး ငါးမျိုးရှိတယ်
အဲဒီတော့ ပုထုဇဉ်တစ်ယောက် အနေနဲ့ ဘဝနိဂုံး အဆုံးသတ်သွားပြီးတဲ့ အခါမှာ ဘယ်ဘဝမှာ ပြန်လည်မွေးဖွားမလဲဆိုတာ ပြောလို့မရဘူး ။
သေဆုံးတဲ့အချိန်မှာ ဖြစ်ပေါ်လာတဲ့ အခြေအနေတွေပေါ်မှာ မူတည်သွားတယ်
သောတာပန် မဖြစ်သေးသမျှ
" နိယတဂတိ " ကိုယ်သတ်မှတ်ထားတဲ့ နေရာတစ်ခုကို သွားလို့မရသေးဘူး ။
