KHIN MG KYAW

KHIN MG KYAW Contact information, map and directions, contact form, opening hours, services, ratings, photos, videos and announcements from KHIN MG KYAW, Camera/Photo, Yangon.

Victoria Fc U-16
25/05/2026

Victoria Fc U-16

ဘောလုံးသမားတယောက်အတွက် အဓိက လိုအပ်တဲ့ အာဟာရ ၃ မျိုးကတော့ ကာဘိုဟိုက်ဒရိတ် (Carbohydrates)၊ ပရိုတင်း (Proteins) နဲ့ အဆီ (F...
28/01/2026

ဘောလုံးသမားတယောက်အတွက် အဓိက လိုအပ်တဲ့ အာဟာရ ၃ မျိုးကတော့ ကာဘိုဟိုက်ဒရိတ် (Carbohydrates)၊ ပရိုတင်း (Proteins) နဲ့ အဆီ (Fats) တို့ပဲ ဖြစ်ပါတယ်။

​ကာဘိုဟိုက်ဒရိတ်
ဒါကတော့ ကားအတွက် ဓာတ်ဆီလိုပါပဲ။ လေ့ကျင့်ခန်းလုပ်တဲ့အခါ၊ ဘောလုံးကန်တဲ့အခါ ခန္ဓာကိုယ်က အသုံးပြုဖို့အတွက် လိုအပ်တဲ့ စွမ်းအင်ကို အဓိက ပေးပါတယ်။ ထမင်း၊ ပေါင်မုန့်၊ ခေါက်ဆွဲ၊ အာလူး၊ ကန်စွန်းဥ၊ ဂျုံနဲ့ ပြုလုပ်ထားတဲ့ အစားအစာတွေဟာ ကာဘိုဟိုက်ဒရိတ် ကြွယ်ဝတဲ့ အစားအစာတွေပါ။

​ပရိုတင်း
ဒါကတော့ ကြွက်သားတွေ တည်ဆောက်ဖို့၊ လေ့ကျင့်ခန်းလုပ်လို့ပျက်စီးသွားတဲ့ ကြွက်သားဆဲလ်တွေကို ပြန်လည်ပြုပြင်ဖို့နဲ့ ကိုယ်ခန္ဓာကြီးထွားဖို့အတွက် မရှိမဖြစ် လိုအပ်ပါတယ်။ ကြက်သား၊ ငါး၊ အမဲသား၊ ကြက်ဥ၊ ပဲအမျိုးမျိုး၊ နို့နဲ့ နို့ထွက်ပစ္စည်းတွေဟာ ပရိုတင်းဓာတ် အရင်းအမြစ်ကောင်းတွေပါ။

​အဆီ
ခန္ဓာကိုယ်အတွက်လိုအပ်တဲ့ စွမ်းအင်ကို အကြာကြီး ထိန်းသိမ်းထားနိုင်ဖို့နဲ့ ဗီတာမင်တွေ စုပ်ယူဖို့အတွက် အဆီက လိုအပ်ပါတယ်။ ဒါပေမဲ့ တွေ့ကရာအဆီမဟုတ်ဘဲ အဆီကောင်းတွေကိုပဲ ရွေးချယ် စားသုံးဖို့ အရေးကြီးပါတယ်။ မြေပဲ၊ နှမ်း၊ သစ်စေ့များ၊ သီဟိုဠ်စေ့၊ ငါးကြီးဆီ (ဆော်လမွန်လို ငါးမျိုး) တို့က အဆီကောင်းတွေ ပေးစွမ်းနိုင်ပါတယ်။

တပတ်လုံးမှာ အစားအစာကို ပုံစံမျိုးစုံ ပြောင်းလဲပြီးစားရင် အာဟာရဓာတ်တွေလည်း စုံလင်စွာ ရရှိမှာ ဖြစ်ပါတယ်။ အခု​ရေးထားတာကနမူနာပါ။ ကိုယ်လုပ်ရမယ့်လေ့ကျင့်ခန်းပမာဏ၊ အသက်အရွယ်၊ ခန္ဓာကိုယ်အလေးချိန်အပေါ် မူတည်တာမလို့ လိုအပ်သလို အစားအသောက်ပမာဏကို ချိန်ပြီး စားနိုင်ပါတယ်။
သတိပြုရာမှာက အဆီအဆိမ့်နည်းတဲ့ချက်နည်းကိုသာ အသုံးပြုရပါမယ်။

ဒီအစားအသောက်ပုံစံက မြန်မာမှာရနိုင်တဲ့ဟာကိုပဲ နမူနာရေးထားတာပါ။

​တနင်္လာ
မနက်စာ - ပဲပြုတ်နဲ့ နံပြား (သို့) အာလူးပူရီ
မနက်ခင်းသရေစာ - ငှက်ပျောသီး
နေ့လယ်စာ - ထမင်း၊ ပဲဟင်း၊ ကြက်သားဟင်း (အရေခွံမပါ)၊ ဟင်းနုနွယ်ရွက်ဟင်း
ညနေခင်းသရေစာ - ပဲလှော်
ညစာ - ထမင်း၊ ငါးဖယ်လုံးဟင်း၊ ကန်စွန်းရွက်ကြော်

အင်္ဂါ
မနက်စာ - မုန့်ဟင်းခါး (မုန့်ဖတ်များများ၊ အကြော်နည်းနည်းထည့်ပြီးစားရပါမယ်)
မနက်ခင်းသရေစာ - ပြောင်းဖူးပြုတ်
နေ့လယ်စာ - ထမင်း၊ အမဲသား (အဆီမပါ)၊ ပဲဟင်း၊ ပန်းဂေါ်ဖီစိမ်း
ညနေခင်းသရေစာ - ဒိန်ချဥ် (သကြားအများကြီးမပါရ)
ညစာ - ထမင်း၊ ကြက်သားပေါင်း၊ ပဲဟင်း

ဗုဒ္ဓဟူး
မနက်စာ - ထမင်း၊ ကြက်ဥပြုတ်
မနက်ခင်းသရေစာ - သစ်တော်သီး or ပန်းသီး
နေ့လယ်စာ - ထမင်း၊ ငါး၊ ပဲဟင်း၊ ကန်စွန်းရွက်ကြော်
ညနေခင်းသရေစာ - မြေပဲလှော် (ဆားအများကြီးမပါသင့်)
ညစာ - ဝက်သားဆီပြန် (အသားသီးသန့်၊ ကျန်းမာရေးနဲ့ညီညွတ်တဲ့ဆီကိုပဲသုံးရပါမယ်၊ ဆီအများကြီးမသုံးသင့်ပါ၊ ဒါမရရင် ဝက်သားကင်ဆိုလည်းရပါတယ်)၊ ပဲဟင်း၊ ပဲသီးဟင်း

ကြာသပတေး
မနက်စာ - အသီးအရွက်သုပ်၊ ပြောင်းဖူးပြုတ်
မနက်ခင်းသရေစာ - ပန်းသီး၊ ငှက်ပျောသီး (အရည်ရွှမ်းတဲ့အသီးစားလည်းရပါတယ်)
နေ့လယ်စာ - ထမင်း၊ ကြက်ရင်ပုံသား (အသားများများ)၊ ပဲဟင်း၊ ဂေါ်ရခါးညွန့်ဟင်း
ညနေခင်းသရေစာ - ငှက်ပျောသီး၊ သီဟိုဠ်စေ့
ညစာ - ငါးဖယ်၊ ဟင်းသီးဟင်းရွက်ပေါင်းစုံ (ဟင်းလုပ်စားပါ)

သောကြာ
မနက်စာ - ခေါက်ဆွဲကြော် (အသားနဲ့ဟင်းသီးဟင်းရွက်အများကြီးထည့်)
မနက်ခင်းသရေစာ - ပေါင်မုန့်+မြေပဲထောပတ်
နေ့လယ်စာ - ထမင်း၊ အမဲသား၊ ဟင်းပေါင်း
ညနေခင်းသရေစာ - ပန်းသီး + ငှက်ပျောသီး
ညစာ - ထမင်း၊ ကြက်ဥ၊ ဟင်းချို

စနေ
မနက်စာ - ထမင်းကြော် (အသားများများ၊ ဟင်းသီးဟင်းရွက်များများ)
မနက်ခင်းသရေစာ - ပေါင်မုန့်မီးကင် + ငှက်ပျောသီးဖျော်ရည်
နေ့လယ်စာ - ထမင်း၊ ကြက်သားကြော် (အရေခွံမပါ)၊ ပန်းဂေါ်ဖီ
ညနေခင်းသရေစာ - ဒိန်ချဥ် + သစ်သီးဖျော်ရည်တခုခု
ညစာ - ဆလပ်ရွက်သုပ်

တနင်္ဂနွေ
မနက်စာ - ခေါက်ဆွဲပြုတ် (အသားများများ)
မနက်ခင်းသရေစာ - ပဲပြုတ်၊ ပေါင်မုန့်
နေ့လယ်စာ - ထမင်း၊ ငါး၊ ဝက်သား၊ ပဲဟင်း၊ ဟင်းတမျိုးမျိုး
ညနေခင်းသရေစာ - ဒိန်ချဥ် + သစ်သီးတမျိုးမျိုး
ညစာ - ဟင်းချို၊ ပေါင်မုန့် + မြေပဲထောပတ်

တနေ့တာအတွက် ကယ်လိုရီလိုအပ်နေသေးရင် တနပ်စာထမင်းကို နည်းနည်းတိုးပြီးစားလို့ရပါတယ်။ မြေပဲလှော်၊ ပဲပုပ်၊ နေကြာစေ့ စတဲ့ အဆီကောင်းပါတဲ့ အစေ့အဆံတွေကို သရေစာအဖြစ် ပိုစားပေးလို့ရပါတယ်။ ဒါတွေက ကယ်လိုရီသိပ်သည်းဆ မြင့်မားပြီး ဗိုက်ကို လေးလံစေခြင်းမရှိဘဲ လိုအပ်နဲ့စွမ်းအင် ပေးစွမ်းနိုင်ပါတယ်။ ငှက်ပျောသီးနဲ့နွားနို့ကိုရောပြီးဖျော်သောက်တာက ကယ်လိုရီနဲ့ အာဟာရကို အမြန်ဆုံးဖြည့်တင်းပေးနိုင်တဲ့ နည်းလမ်းကောင်းတခုဖြစ်ပါတယ်။

ဒီနေရာမှာ metabolism ဇီဝကမ္မဖြစ်စဥ်အတွက်လိုအပ်တာက တနပ်ချင်းစီကို ဗိုက်တင်းသွားအောင် အများကြီး စားလို့မရပါဘူး၊ နည်းနည်းစီ၊ ပုံမှန်စားပေးရပါမယ်။ ဒါမှ အစာမကြေတာ၊ လေးလံတာမျိုး မဖြစ်မှာပါ။ ဟင်းချက်ရာမှာ နေကြာဆီ၊ မြေပဲဆီ၊ သံလွင်ဆီ လိုမျိုး စားသုံးဆီကို အသင့်အတင့်သာ သုံးရပါမယ်။

လေ့ကျင့်ခန်းမလုပ်ခင် ၂ နာရီ - ၃ နာရီအလိုမှာ ထမင်း၊ ပေါင်မုန့်၊ ခေါက်ဆွဲတို့လို ကာဘိုဟိုက်ဒရိတ် အဓိကပါတဲ့ အစားအစာကို စားပေးရပါမယ်။ ဒါမှ လေ့ကျင့်ခန်းလုပ်ဖို့ စွမ်းအင် အလုံအလောက်ရမှာပါ။
​လေ့ကျင့်ခန်းမလုပ်ခင် နာရီဝက်ခန့်အလိုမှာ အစာချေဖျက်လွယ်တဲ့ အစားအစာ (ငှက်ပျောသီး၊ ပေါင်မုန့်ခြောက်) ကိုနည်းနည်းလေးစားပြီး လိုအပ်တဲ့ စွမ်းအင်အပြည့်အဝ ဖြည့်တင်းရပါမယ်။
​လေ့ကျင့်ခန်းပြီး နာရီဝက်ကနေတစ်နာရီအတွင်းမှာ ဒါကတော့ အရေးအကြီးဆုံးအချိန်ပါပဲ။ ကြွက်သားတွေ ပြန်လည်တည်ဆောက်ဖို့အတွက် ပရိုတင်း (ကြက်ဥ၊ ကြက်ရင်ပုံသား၊ ပဲ) နဲ့ ကာဘိုဟိုက်ဒရိတ် (ဥပမာ- ထမင်း၊ အာလူး) တို့ပါဝင်တဲ့ အစားအစာကို စားသုံးပေးရပါမယ်။

ဘောလုံးသမားတွေအတွက် ရေဓာတ်ပြည့်ဝနေဖို့ဆိုတာ အစားအသောက်လောက်ပဲ အရေးကြီးပါတယ်။ ခန္ဓာကိုယ်ထဲမှာ ရေဓာတ်လုံလောက်မှသာ ကြွက်သားတွေ ကောင်းကောင်းအလုပ်လုပ်နိုင်ပြီး ကိုယ်အပူချိန်ကို ထိန်းညှိပေးနိုင်မှာပါ။ ရေဓာတ်ခန်းခြောက်ရင် ပင်ပန်းလွယ်တာ၊ ကြွက်တက်တာနဲ့ စွမ်းဆောင်ရည်ကျဆင်းတာတွေ ဖြစ်တတ်ပါတယ်။
​
​တနေ့တာလုံး ရေကို မှန်မှန်သောက်ပေးရပါမယ်။
ရေဆာတာကို မစောင့်ရပါဘူး။ အိတ်ဆောင်ရေဘူးလေး ဆောင်ထားပြီး ခဏခဏသောက်ရပါမယ်။ ​လေ့ကျင့်ခန်းမလုပ်ခင် ရေတဖန်ခွက်၊ နှစ်ဖန်ခွက်လောက် သောက်ပေးပါ။ ​လေ့ကျင့်ခန်းလုပ်နေစဉ် မှာလည်း နာရီဝက်ခြားတခါလောက် ရေနည်းနည်းစီ သောက်ပေးရပါမယ်။ ​လေ့ကျင့်ခန်းပြီးနောက်မှာ ရေနဲ့အတူ လျော့နည်းသွားတဲ့ ဆားဓာတ်နဲ့ သတ္တုဓာတ်တွေ ပြန်လည်ဖြည့်တင်းနိုင်ဖို့အတွက် သံပရာရည်၊ အုန်းရည် လိုမျိုးကို သောက်နိုင်ပါတယ်။ Sports Drinks လိုမျိုးပေါ့။

တရက်ကို 7 နာရီ ကနေ ၁၀ နာရီ ကြား အိပ်စက်ဖို့ လိုအပ်ပါတယ်။ အိပ်စက်ချိန်မှာ ခန္ဓာကိုယ်ဟာ တနေ့တာလုံး ပင်ပန်းနွမ်းနယ်နေတဲ့ ကြွက်သားတွေကို ပြန်လည်ပြုပြင်ပြီး ဟော်မုန်းတွေထုတ်လုပ်ပေးပါတယ်။ အိပ်ရေးမဝရင် အားကစားစွမ်းဆောင်ရည် သိသိသာသာ ကျဆင်းနိုင်ပါတယ်။ ဒါကြောင့်ညဖက် မအိပ်ခင် ဖုန်းကြည့်တာတို့ကိုရှောင်ပြီးအိပ်ရာစောစောဝင်တာအကောင်းဆုံးပါပဲ။

ရှောင်ရမယ့်အစားအစာတွေက
အကြော်စုံ၊ အာလူးချောင်းကြော်၊ ပီဇာ၊ ဘာဂါ၊ ဆီကြက်ဥကြော် (အဆီများတဲ့ဟာ) စတာတွေဟာ အဆီနဲ့ ဆားဓာတ် အလွန်များပြီး အာဟာရဓာတ် နည်းပါတယ်။ ဒါတွေက ဝိတ်တက်စေပြီး ခန္ဓာကိုယ်ကို လေးလံစေပါတယ်။ ကိုကာကိုလာ၊ ဖန်စီအချိုရည်တွေ၊ ကိတ်မုန့်၊ ချောကလက်တွေဟာ သကြားဓာတ် အလွန်များပြီး ရေဓာတ်ကို ခန်းခြောက်စေနိုင်သလို လိုအပ်တဲ့စွမ်းအင်ကိုလည်း ချက်ချင်း မြင်တက်စေသလို ချက်ချင်း ပြန်ကျသွားတာမျိုး ဖြစ်စေပါတယ်။ ဆီအိုးကြီးထဲမှာ ကြော်ထားတဲ့ အကြော်တွေ၊ ဝက်ဆီဖတ်ကြော်၊ အုန်းနို့ဆီပြန်များတဲ့ ဟင်းတွေဟာ အစာမကြေတာ၊ ဗိုက်အောင့်တာမျိုးတွေ ဖြစ်စေနိုင်ပါတယ်။ ဒါတွေကတော့ ဘောလုံးသမားတွေနဲ့ လုံးဝ မဆိုင်ပါဘူး။ ကိုယ်ခန္ဓာကို ထိခိုက်စေရုံသာမက စွမ်းဆောင်ရည်ကိုပါ သိသိသာသာ ကျဆင်းစေပါတယ်။

ဒါက နမူနာအစားအသောက်ပုံစံပါ၊ မြန်မာလျှာနဲ့အကြိုက်မတွေ့ဘူးဆိုပြီး စားချင်တာတွေစားနေရင်တော့

Card
ဘာမှမထူးပါဘူး။

10/11/2025


#ｆｌｙｐシ

Golden Future Dream Futsal Basic Training 🫵🤝🫡

10/11/2025



#ｆｌｙｐシ
7Dragon Fc 🤝🫵

GOLDEN FUTURE DREAM FUTSAL TRAINING HELLO အားလုံးဘဲမဂ်လာပါခင်ဗျာGOLDEN FUTURE DREAM Batch-1အခြေခံဖူဆယ်ဘောလုံးသင်တန်းရဲ့2...
19/10/2025

GOLDEN FUTURE DREAM FUTSAL TRAINING

HELLO အားလုံးဘဲမဂ်လာပါခင်ဗျာ
GOLDEN FUTURE DREAM Batch-1အခြေခံဖူဆယ်ဘောလုံးသင်တန်းရဲ့2လပြတ်သင်တန်းလေး စနေ တနဂ်နွေ နေ့လယ်(2-4)ကနေသင်တန်းစပါပြီခင်ဗျာ
Futsal ⚽️နဲ့ပတ်သက်လို့ အတွေ့အကြုံရှိတဲ့ဝါရင့်ဆရာများနဲ့AFC Futsal Level 3လက်မှတ်ရဆရာများကကိုယ်တိုင် သင်ကြားပေးမှာဖြစ်လို့
အခြေခံFutsal⚽️နဲ့ပတ်သက်လို့ကျွန်တော်တို့ရဲ့သင်တန်းကိုစိတ်ဝင်စားသူများရှိပါက Khin Maung Kyaw Fb Page နဲ့ 09789239914သို့
ဆက်သွယ်မေးမြန်းနိုင်ပါတယ်ခင်ဗျာ🤝🤝🤝

GOLDEN FUTURE DREAM FUTSAL TRAINING HELLO အားလုံးဘဲမဂ်လာပါခင်ဗျာGOLDEN FUTURE DREAM Batch-1အခြေခံဖူဆယ်ဘောလုံးသင်တန်းရဲ့2...
11/10/2025

GOLDEN FUTURE DREAM FUTSAL TRAINING

HELLO အားလုံးဘဲမဂ်လာပါခင်ဗျာ
GOLDEN FUTURE DREAM Batch-1အခြေခံဖူဆယ်ဘောလုံးသင်တန်းရဲ့2လပြတ်သင်တန်းလေး စနေ တနဂ်နွေ နေ့လယ်(2-4)ကနေသင်တန်းစပါပြီခင်ဗျာ
Futsal ⚽️နဲ့ပတ်သက်လို့ အတွေ့အကြုံရှိတဲ့ဝါရင့်ဆရာများနဲ့AFC Futsal Level 3လက်မှတ်ရဆရာများကကိုယ်တိုင် သင်ကြားပေးမှာဖြစ်လို့
အခြေခံFutsal⚽️နဲ့ပတ်သက်လို့ကျွန်တော်တို့ရဲ့သင်တန်းကိုစိတ်ဝင်စားသူများရှိပါက Khin Maung Kyaw Fb Page နဲ့ 09789239914သို့
ဆက်သွယ်မေးမြန်းနိုင်ပါတယ်ခင်ဗျာ

03/10/2025

🤝✌️

Address

Yangon

Website

Alerts

Be the first to know and let us send you an email when KHIN MG KYAW posts news and promotions. Your email address will not be used for any other purpose, and you can unsubscribe at any time.

Shortcuts

Share

Category