https://www.facebook.com/107622555365640/

Healthyskin All naturally handmade soap., Yangon (2026)

31/10/2025

ကိုယ်ရဲ့ product လေးတွေ
ဝယ်ယူချင်တယ်ဆိုရင်
ရန်ကုန်လှိုင်သာယာ
ဗိုလ်ချုပ်အောင်ဆန်းလမ်းမကြီး
Shine beautysalonကိုယ်စားလှယ်နှင့်
ဒဂုန်သုခအိမ်ယာ G8ကိုကိုထွန်းလဖက်ရည်
ဆိုင် ကိုယ်စားလှယ်များထံတွင်ဝယ်ယူနိုင်ပါပြီ

23/08/2024

ဆံပင်ရှည်မြန်ချင်ပါသလား?ဆံပင်တွေအရမ်းကျွတ်နေပီလား?ဗောက်ထလို့ ယားယံချင်းတွေသက်သာတယ်ဆိုရင်တော့CRAZYကူညီဖို့အသင့်ရှိတယ်နော်

17/04/2024

မျက်နှာ စတီးရွိုက်ထိခြင်း

စတီးရွိုက်ထိလို့ မျက်နှာအသားအရေပျက်ဆီးသူတွေ တော်တော်များနေပါပြီ။ ဒီဖက်ခေတ် တရားဝင်မဟုတ်ဘဲ ဝင်လာတဲ့ အလှကုန်ပစ္စည်းတွေမှာ စတီးရွိုက်အနည်းနဲ့အများ ဆိုသလို ပါလေ့ရှိပါတယ်။ ဒါမှလည်း ဝယ်ယူသုံးစွဲသူသဘောကျ အာနိသင်က ချက်ချင်းသိသာမှာကိုး။ အထူးသဖြင့် အရေပြားလိမ်းဆေးတွေမှာ အသားအရေ ချက်ချင်းချောမွေ့ပြီး ဖြူဖွေးသွားတယ်ဆိုတာ စတီးရွိုက်ပါလို့ဖြစ်ပါတယ်။ ရေတိုမှာတော့ ဝမ်းသာစရာကြီး။ သို့သော် ရေရှည်သုံးရင် ဆိုးကျိုးတွေဖြစ်လာတာ လူသိနည်းတယ်။ ဖြတ်လိုက်တာနဲ့ အရေပြားက ရစရာမရှိအောင် ပျက်ဆီးသွားပါတယ်။ ဘယ်လောက်ပျက်ဆီးမလဲဆိုတာ ပါဝင်တဲ့ စတီးရွိုက်အပြင်းအပျော့နဲ့ဆိုင်ပါတယ်။ ဒီထဲမှာ clobetasol ပါတဲ့ဆေးတွေက အပြင်းဆုံးနဲ့ အရေပြားကို ဒုက္ခအပေးဆုံးပါ။ hydrocortisone ပါတဲ့ဆေးတွေက အဲလောက်မပြင်းထန်ပါ။ မပြင်းတာတောင် သုံးဖို့သတိထားရတယ်။

စတီးရွိုက်ဆေးတွေရဲ့ အာနိသင်က မနည်းလှပါ။ အရောင်ကျစေတယ်။ နေ့စဉ်သုံးရင် အသားအရေပါးပြီး သွေးကြောလေးတွေ ပေါ်လာတတ်တယ်။ အဲဒီထက်ပိုဆိုးတာက အဆီထုတ်လုပ်မှုကို အဆမတန်များစေတာမို့ ဝက်ခြံတွေ ထွက်လာတယ်။ သုံးနေတုန်းတော့ မသိသာဘူး။ ရပ်လိုက်ရင် ဝက်ခြံတွေ ပရပျစ်ထွက်လာလိမ့်မယ်။

စတီးရွိုက်လိမ်းဆေးတွေသုံးပြီး ဖြစ်တဲ့ ဝက်ခြံကို steroid induced rosacea ခေါ်တယ်။ steroid acne ဆိုတာလည်းတခုရှိသေးတယ်။ ဒီ နှစ်ခုက မတူပါ။ steroid acne ဆိုတာ စတီးရွိုက်သောက်ဆေးတွေ အလွန်အကျွံသောက်ပြီး ဖြစ်တာကို ခေါ်တာ။ ဒီနေရာမှာ steroid rosacea အကြောင်း ဦးစားပေးဖော်ပြပါမယ်။

ဆေးပညာမှာ မျက်နှာရဲတာကို rosacea ခေါ်တယ်။ သွေးကြောတွေ ပါးပြီးကျယ်လာ၊ ဖောင်းလာလို့ဖြစ်တယ်။ စတီးရွိုက်ဆေးတွေရဲ့ ဘေးထွက်ဆိုးကျိုးပါ။ အရင်ဆုံး လိမ်းတဲ့နေရာက ရဲလာလိမ့်မယ်။ နောက်ခြောက်သွေ့ယားလာမယ်။ ဒါစတိီးရွိုက်သုံးသူတိုင်း ဖြစ်တဲ့ ကနဦးပြောင်းလဲမှုပါ။ ပြီးရင် အဆီဂလင်းတွေ ပွားများလာပြီး အဆီထွက်များလာတယ်။ အဆီများတဲ့အသားရေဟာ ဝက်ခြံပေါက်တာ လူတိုင်းသိတယ်။ အဆီနဲ့အတူ ရောဂါ ပိုးမွှား၊ အညစ်အကြေးတွေ ကပ်ညှိလာတယ်။ ဗက််တီးရီးယားနဲ့ ဖုန်တွေက မွှေးညှင်းပေါက်ကိုပိတ်ဆို့စေတယ်။ ဗက်တီးရီးယားတွေ ခိုအောင်းတာနဲ့ ဝက်ခြံဆိုတာ ဖြစ်တယ်။ အရင်ဆုံး pastuleခေါ်တဲ့ ပြည်တည်ဖု သေးသေးလေးတွေ စပေါက်လာတယ်။ သုံးတာကြာတာနဲ့အမျှ ပိုဆိုးလာပြီး မျကိနှာတပြင်လုံးရဲပြီး အဖုပိန့်တွေ ထွက်လာလိမ့်မယ်။ သုံးတာ ဖြတ်လိုက်ရင် ဆိုးကျိုးတွေ သိသိသာသာ ဖြစ်လာပြီ။

အဆီများတဲ့ ဝက်ခြံက သိသာတယ်။ အဖုပိန့် အနီဖုကြီးတွေ ထလာတာမျိုး။ သုံးတဲ့ဧရိယာကျယ်သလောက် မျက်နှာတပြင်လုံးဖြစ်နိုင်တယ်။ ခန္ဓာကိုယ်မှာ ခုခံအားဆိုတာ ရှိတယ်။ ခုခံအားစနစ်မှာ cytokine ထွက်လာရင် ရောင်ရမ်းခြင်းကို ဖြစ်စေတယ်။ ဒါပေမယ့် လောလောဆယ် မသိသာသေးပါ၊ ဘာ့ကြောင့်လဲဆိုတော့ အရောင်ကျစေတဲ့ စတီးရွိုက်သုံးထားတာကိုး။ သုံးတဲ့ဆေးကို ရပ်လိုက်ရင်တော့ ငရဲစကျပါပြီ။ စောစောက မြုံနေတာတွေပြန် ထလာလိမ့်မယ်။ အင်္ဂလိပ်လို rebound flare ခေါ်တယ်။ ဘောလုံးတလုံးကို ပုတ်လိုက်ရင် အပေါ်ပြန်တက်လာတာကို rebound လို့သုံးတယ်။ မြန်မာလို ပြန်ကန်ထွက်လာတာတဲ့။ ဒီအခြေနေက အဆိုးဆုံးပဲ။ မြုံနေတာတွေ ပြန်ကန်ပြီး မျက်နှာတပြင်လုံး ရစရာမရှိအောင် အဖုပိန့်တွေ ထွက်လာလိမ့်မယ်။

လိမ်းတဲ့ ဆေးထဲမှာ အားပြင်းတဲ့ စတီးရွိုက်သုံးလေ အခြေအနေဖြစ်နိုင်ချေပိုများလေပဲ။ ဆေးထဲမှာ clobetasol လို ပြင်အားအများဆုံးသုံးထားရင်တော့ ကုဖို့ ပိုခက်တယ်။ ဒီလို ပြောင်းလဲမှုတွေက စတီးရွိုက်တင်လားဆိုတော့ မဟုတ်ဘူး၊ tacrolimus , pimecrolimus cream လို နှင်းခူအရေပြားမှာ သုံးတဲ့ဆေးတွေလည်း ဒီတိုင်းဖြစ်တယ်။ အဆိုပါဆေးတွေက ပုံမှန်အားဖြင့် နှစ်ပတ်ထက် ပိုသုံးသင့်တဲ့ဆေးတွေ မဟုတ်ကြပါ။ ဆရာဝန်ညွှန်မှ သုံးရတယ်။

ကိစ္စတခု ဖြစ်သွားရင် ကုသဖို့နဲ့ နောင်မဖြစ်ဖို့ပဲ လုပ်ရတော့မယ်။ ဘာဆက်လုပ်မလဲ။ သုံးနေတဲ့ဆေးကို သေချာပေါက် ဖြတ်ပစ်ရမယ်။ ဒါပေမယ့် ဒီတိုင်းဖြတ်လို့မရပါ။ ပညာရှိနည်းနဲ့ ဆေးကို ဖြေးဖြေးချင်း အကြိမ်ရေတွက်လျှော့ပြီး ဖြတ်ပါ။ ဒီနေရာမှာ လိုအပ်ရင် စတီးရွိုက်အပျော့စား hydrocortisone (သို့) bethamethasone အစားထိုးပြီး ဖြတ်လို့ရတယ်။ ပုံမှန်ကတော့ မသုံးသင့်ပါ။ ကြားထဲမှာ အဆီပါတဲ့ဆေး လုံးဝမသုံးရပါ။ အဆီပါတဲ့အစားအသောက်တွေ လုံးဝရှောင်ကြဉ်ရမယ်။ သောက်ဆေးထဲမှာ ပိုးသတ်ဆေး tetracycline (သို့) doxycycline သောက်ဆေးကို အချိန်ကြာစွဲသောက်သင့်တယ်။tetracycline 250mg (သို့) doxycycline 100mg တနေ့နှစ်ကြိမ် အနည်းဆုံး သုံးလသောက်ရမယ်။tetracyclineရဲ့တခြားအားသာချက်က အဆီထုတ်လုပ်မှု လျှော့နည်းစေတာဖြစိတယ်။ ဒါပေမယ့် ကိုယ်ဝန်ဆောင်မိခင်နဲ့ (၈)နှစ်အောက်ာကလေးတွေမှာ မသုံးရပါ။

မျက်နှာပြင်ရဲတာ ပူတာ အရေပြားခြောကိသွေ့တာ အတွက် ရေဓာတ်အခြေခံ aquaphor oinment သုံးပါ။ အဆီပါတဲ့ မိတိကပ်အောက်ခံ ဘာဆိုဘာမှမသုံးပါနဲ့။ ပုံမှန်အသားအရေဖြစ်တဲ့ထိ ဘာမှမသုံးပဲ ဒီတိုင်းထိထားပါ။ မျက်နှာ ခြောက်သွေ့ရင် ရှားစောင်းလပ်ပက်ကို ထက်ခြမ်းခြမ်းပြီး မျက်နှာပေါ်တင်ပေးပါ။ ကြားထဲမှာ ရေများများ သောက်သင့်တယ်။ မျက်နှာရဲတာအတွက် ရေခဲကို သုံးနိုင်တယ်။ အရေပြားသိပ်ယားယံလာရင် fexofenadine 120mg တနေ့ တလုံးနေ့စဉ်သောက်နိုင်တယ်။အရေပြားသစ်ဖွဲ့စည်းဖို့ vitamin A, C, E ပါတဲ့ antoxyl forte(သို့) Axiona ဆေးမျိုးသောက်ပါ။ Biotin 5mg က အရေပြားအတွက်ကောင်းတယ်။

ကုသနည်း
လေ့လာမှုတွေအရ Tacrolimus ointment 0.03% တနေ့ နှစ်ကြိမ် တစ်လလောက် လိမ်းပြီး doxycycline 100mg တနေ့ နှစိကြိမ် သုံးလ သောက်ရင် အများစု သက်သာလာတယ်။ မသက်သာသေးရင် doxycycline တနေ့တစ်လုံး (၆)လ ဆက်သောက်ရမယ်။ ဒီဆေးနှစ်မျိုးနဲ့ ပြန်ကောင်းလာနိုင်တယ်။ ဒါပေမယ့် ဝမ်းသာအားရမလုပ်ပါနဲ့။ ဆက်ဖတ်ပါဦး။ doxycycline က ပိုးသတ်ဆေးမို့ပြဿနာမရှိပေမယ့် tacrolimusက ခုခံအားကို ကျဆင်းစေတာမို့ တချို့လူနာတွေမှာ ပိုဆိုးလာတာရှိတယ်။ တော်တော်လေး သတိထားရတယ်။ ဒီနေရာမှာ ကျွမ်းကျင်ဆရာဝန်လိုတယ်။ ကိုုယ့်ဘာသာ သောက်ဖို့မစဉ်းစားပါနဲ့။ acne rosaea လို အဆိုးဆုံးဝက်ခြံဖုတွေမှာ isotretinoin(accutane)သောက်ဆေးမျိုး ပေးနိုင်တယ်။ ဒီဆေးက vitamin A toxic dose မို့ အရေပြားဆရာဝန်တွေက လွဲရင် မသုံးသင့်ပါ။

ဆရာဝန်မပြပဲ မိမိဘာသာ ကုသချင်တယ်ဆိုရင် မျက်နှာကို ဘာမှမသုံးပဲ ဒီတိုငိးထားလိုက်ပါ။ နောက်ဆုံး tonar ကအစ မသုံးပါနဲ့။ သောက်ဆေးထဲမှာ tetracycline (သို့) doxycycline သုံးလသောက်ပါ။ လိမ်းဆေးထဲမှာ metrogel တနေ့နှစ်ကြိမ်လိမ်းလို့ရတယ်။ အစိုဓာတ်ထိန်းတဲ့ aquaphor oinment နဲ့ vaseline ကို ညစဉ် ပါးပါးလေးလိမ်းပြီး အိပ်ပါ။ ဘာမှမရှိရင် zinc oxide လိမ်းပါ။ မျက်နှာရဲပြီး အရေပြားခြောက်သွေ့ရင် ရှာစောင်းလက်ပပ်အနှစ်ကို ညဖက် သုံးနိုင်တယ်။ အရေပြား ပူတာမျိုးရှိရင် ရေခဲဝတ်ကပ််လို့ရတယ်။ ဗီတာမင် စီနဲ့အီးပါတဲ့ ဆေးမျိုးထည့်သောက်ပါ။

ဘာတွေရှောင်မလဲ
(၁) နေပူထဲသွားတာရှောင်ပါ၊ အပြင်သွားရင် အဆောင်းအကာ ယူသွားပါ။
(၂) ပူတဲ့စပ်တဲ့ အစားအသောက်၊ အဆီများတဲ့ အစားအစာ လုံးဝရှောင်ပါ။
(၃) အချိုကဲတဲ့အစားအသောက် ရှောင်ပါ။ ကော်ဖီ၊လက်ဖက်ရည်၊ ဂတ်စ်ပါတဲ့အချိုရည်။
(၄) အရက်၊ ဘီယာ၊ဝိုင် လုံးဝမသောက်သင့်ပါ။
(၅) အကြေးခွံပါတဲ့ငါး၊ ပင်လယ်စာ၊ ပုဇွန်စတာတွေ ရှောင်ပါ။
(၆) အဆီပါတဲ့ လိမ်းဆေး လုံးဝမသုံးရပါ။

ပျောက်ကင်းဖို့ဘယ်လောက်ကြာနိုင်လဲ
ပုံမှန်အားဖြင့် သုံးလနေရင် ထူးခြားလာပြီ။ အများစုက ၆လ-၁နှစ်လောက်နေရင် ပျောက်ကင်းနိုင်တယ်။ ဒါကြောင့် ဖြစ်တဲ့သူတွေကို အားပေးချင်တာက စိတ်အားမလျှော့ပါနဲ့။ စနစ်တကျနေထိုင်ကုသရင် သက်သာလာမှာပါ။ အရေပြားတထောက်စာဟာ လူတယောက်အတွက် အရေးကြီးဆုံးဖြစ်တာမို့ နောက်ဆိုဂရုစိုက်သင့်တယ်။

ဒေါက်တာ အေးမင်းထူး
အရေပြားအထူးကုဆရာဝန်

၆၄လမ်း၊၃၇-၃၈ကြား၊မန္တလေး။
092051590
www.drayeminhtoo.com

(အကယ်၍ အထက်ဖော်ပြပါ လက္ခဏာအချို့ကို ခံစားနေရပါက နီးစပ်ရာ အရေပြားအထူးကုဆရာဝန်ထံသို့ဖြစ်စေ (သို့မဟုတ်) အဆင့်မြင့် ရောဂါကုသမှုအတွက် 092051590 သို့ဖြစ်စေ ဆက်သွယ်နိုင်သည်)

01/07/2023

ဂျေးချွတ်အားအကောင်းဆုံး

SLS = Sodium Lauryl Sulfate

ဆပ်ပြာကို ဘီစီ ၂၈၀၀ ဝန်းကျင် ရှေးယခင်က ဘေဘီလုံမှာ ဆပ်ပြာပြုလုပ်ခြင်းဆိုင်ရာ အထောက်အထားများကိုတွေ့ရှိခဲ့ပါတယ်

နှစ်ထောင်ပေါင်းများစွာ အသုံးပြုခဲ့ကြသော ရှေးခေတ်အီဂျစ်လူမျိုးများသည် တစ်ကိုယ်ရေသန့်ရှင်းရေးနှင့် သန့်ရှင်းရေးအတွက် ဆပ်ပြာကဲ့သို့သော ပစ္စည်းများကိုလည်း အသုံးပြုခဲ့ကြသည်။

သန့်စင်ဆေးရည်ဖန်တီးရန် တိရစ္ဆာန်အဆီများကို ပြာများနှင့် ရောစပ်ထားသည့် ရှေးရောမလူမျိုးများမှ ပထမဆုံး စစ်မှန်သောဆပ်ပြာကို ဖန်တီးခဲ့ခြင်းဖြစ်သည်။ ဆပ်ပြာထုတ်လုပ်ခြင်းလုပ်ငန်းသည် အလယ်ခေတ်ကာလတွင် ဥရောပတွင် ရေပန်းစားသောလုပ်ငန်းတစ်ခုဖြစ်လာခဲ့ပြီး ဆပ်ပြာထုတ်လုပ်သူများသည် သံလွင်ဆီ၊ ကြေးသီးနှင့် မွှေးကြိုင်သောဆေးဖက်ဝင်အပင်များကဲ့သို့ ပါဝင်ပစ္စည်းအမျိုးမျိုးကို အသုံးပြုခဲ့ကြသည်။

၁၅ ရာစုလောက်မှာ ဥရောပမှ မီးလှုံနေသောမိသားစုသည် ပြာထဲကိုအုန်းဆီမှောက်ကျရာမှ ဆပ်ပြာ၏သဲလွန်စကို
စတင်ရှာဖွေတွေ့ရှိခဲ့သည်ဟု တချို့သမိုင်းများက ဆိုပါသည်

19 ရာစုတွင် ဆပ်ပြာထုတ်လုပ်ခြင်းလုပ်ငန်းသည် 1916 ခုနှစ်တွင် ပထမဆုံး ဓာတုဆပ်ပြာရည်ကို တီထွင်နိုင်ခဲ့သည်။ ယနေ့ခေတ်တွင် ဆပ်ပြာသည် သဘာဝဆီများ၊ ဓာတုဆပ်ပြာများနှင့် အမွှေးနံ့သာများအပါအဝင် ပါဝင်ပစ္စည်းအမျိုးမျိုးဖြင့် ပြုလုပ်ထားသည်။ တစ်ကိုယ်ရေသန့်ရှင်းရေး၊ သန့်ရှင်းရေးနှင့် အခြားရည်ရွယ်ချက်အမျိုးမျိုးအတွက် အသုံးပြုသည်။

ယနေ့ အိမ်ရှင်မများဖျော်စပ်ရောင်းခြနေသောဆပ်ပြာဆီကို 1970 လောက်မှာ
ပညာရှင်များစတင်တွေ့ရှိခဲ့တာဖြစ်ပါတယ်ဆပ်ပြာခဲကိုတော့ စောပီးတွေ့ရှိခဲ့တယ်လို့ဆိုပါတယ်

ဆပ်ပြာ၏အဓိကလုပ်ဆောင်မှုသည်
( ကြည်တောက်ရှင်း) မဟုတ်ပါ ဂျေးကျွတ်ရေးသည်အဓိကဖြစ်ပါသည် ဆပ်ပြာဆီမှာဂျေးကျွတ်ဖို့အတွက် အဓိကလိုအပ်သောဓာတုပစ္စည်းတမျိုးသည် SLS ဖြစ်ပါသည်

SLS မပါလျင် အခြားဂျေးချွတ်ပစ္စည်းတခုခုလိုအပ်ပါမည် SLS သည် အလုပ် ၂ မျိုးလုပ်ပါသည် အမြုပ်ထွက်အားကောင်းခြင်း။ ဂျေးချွတ်အားကောင်းခြင်း။ သည်အတွက် ပညာရှင်များက ဆပ်ပြာဆီမှာ SLSကိုထည့်ပေးထားခြင်းဖြစ်ပါသည်။

ဆပ်ပြာမှာဂျေးချွတ်အားကောင်းသော
ဓာတုပစ္စည်းများစွာရှိပါသည်

1/ SLS ( စာဖြူရစ်အက်စ်)
2/Washing Soda (Soda Ash)
3/Sodium Sulphate (ကော့စတစ်)
4/Sodium Chloride ( ဆား)
5/CXT (မဲနယ်ဖြူ)
6/Borax (လက်ချား)
တို့သည်ဂျေးချွတ်ဓာတုများဖြစ်ကြပီး အဲ့ဒိအထဲမှာ ဂျေးချွတ်အားအကောင်းဆုံး
ဓာတုပစ္စည်းသည် SLS ဖြစ်ပါသည်

SLS ဖြစ်ပေါ်လာဖို့ရာ

Lauryl Alcohol ကို Sulfur Trioxide
and Chlorosulfuric acid နဲ့ဓတ်ပြုထားပီးမှ Lauryl Alcohol ကို Fatty
acid ကနေပြန်ပီး Extract လုပ်ပါတယ်

Fatty acid ကိုတော့ အုန်းဆီကနေ Extract လုပ်ပါတယ်အဲ့ဒိလို အဆင့်ဆင့်ဖြတ်သန်းပီးမှ SLS အချောင်း or ပေါင်ဒါရယ်လို့ရလာပါတယ်

လူသုံးကုန်ပစ္စည်းတွေမှာ SLS ကိုအသုံးပြုဖို့ မြန်မာနိုင်ငံမှာ 1% ပဲ FDA ကခွင့်ပြုပါတယ် နိုင်ငံတကာမှာ အသုံးပြုခွင့်မပေးပါဘူး ( ခိုးသုံးနေကြတယ်)
အထူးသဖြင့် ဖွံ့ဖြိုးဆဲတိုင်းပြည်များမှာသုံးနေကြတာပါ
SLS ကိုအများဆုံးတင်ပို့နေတဲ့နိုင်ငံကတော့တရုတ်နိုင်ငံပါ

အဝတ်လျော်၊ပုဂံဆေးနဲ့သွားတိုက်ဆေးလိုလုပ်ငန်းတွေမှာ သတ်မှတ်သည့်အချိုးစားနဲ့သုံးခွင့်ပြုပါတယ်

ဘာ့ကြောင့် SLS ကိုသုံးခွင့်မပေးသလဲဆိုရင် အရေးပြားကင်ဆာဖြစ်ဖို့(SLS ကအားပေးလို့) ပါ ဆပ်ပြာဆီမှာ ၁၅လီတာဆိုလျင် SLS ၂၅၀ ဂရမ်ထက်မကျော်တာကောင်းပါတယ် ဆပ်ပြာဆီဖျော်နေသည့်အခါ အမြုပ်မထွက်ချင်လျင် SLS ကို ရေ ၂ လီတာနဲ့အရင်ဖျော်ထားပီးမှ ဂျယ်နှင့်ဆားမွှေထားသော ၁၃ လီတာဆပ်ပြာရေထဲသို့ နောက်ဆုံးမှ SLS အရည်ထည့်လျင် အမြုပ်ထသက်သာပါတယ် အားလုံးပီးမှပြန်မွှေလျှင်အမြုပ်ပွမတက်တော့ပါဘူး

SLS ကို ရေချိုးဆပ်ပြာ ခေါင်းလျှော် လိုထုတ်ကုန်များမှာ မသုံးရပါဘူး Skin နဲ့
ထိတွေ့မှာဖြစ်သည့်အတွက် အခြားခွင့်ပြုဓာတုပစ္စည်းများကိုသုံးရပါတယ် ဆားတို့ AD 25 တို့ အပျော့စားတွေကိုသုံးရပါတယ် ပြည်ပကိုတင်ပို့မဲ့မိမိရဲ့ ကိုယ်တိုက်ဆပ်ပြာများ ခေါင်းလျှော်ဆပ်ပြာများမှာ SLS ကင်းရှင်းကြောင်း SLS Free ဆိုတာဖော်ပြရပါတယ်

SLS ဟာဂျေးချွတ်အားကောင်းသည့်အတွက် အဝတ်လျော်၊ပုဂံဆေး၊ရေချိုးခန်းသုံး စသည့်ကုန်ပစ္စည်းများမှာပဲသုံးသင့်ပါတယ် အမြဲဆပ်ပြာဖျော်နေတဲ့အိမ်ရှင်မများက မိမိတို့ကိုယ်တိုင် musk
တပ်ပီး SLS ကိုဖွင့်ပါ အထဲကအငွေ့သည်အဆိပ်ငွေ့ဖြစ်သည့်အတွက် အဆုတ်ကိုတိုက်ရိုက်ထိခိုက်တတ်ပါသည် မရူမိရန်သတိထားပါ

SLS အိတ်ဖွင့်သည့်အခါ ခလေးများကိုအနားမှာမရှိဖို့ ခလေးများကို ကူမလုပ်ခိုင်းဖို့ သတိရှိရမှာဖြစ်ပါသည် အလွန်မွှန်သောဓတ်ငွေတမျိုးထွက်လာပါသည်

မိမိအိမ်မှာ အငွေပျံလွယ်သော SLS အိတ်များကို အိမ်တွင်းမှာမထားသင့်ပါ ကလေးမျာ လူကြီးများရှူမိလျင် အသက်ရှူလမ်းကြောင်းထိခိုက်လွယ်ပါသည် အဆုတ်လေပြွန်ရောင်တတ်ပါသည်

ဆပ်ပြာဆီရောင်းခြနေသောအိမ်ရှင်မများ ကြည်တောက်ရှင်းကိုချည်းအာရုံပြုမနေပဲ မိမိနှင့် မိသားစုကျန်းမာရေးကိုပါ
ထည့်သွင်းစဥ်းစားသင့်တယ်လို့ ထင်မြင်မိပါသည်။

komyo

01/07/2023

Data/voicePackage ဝယ်နည်း/စစ်နည်း
+++++++++++++++++++++
Phone number စစ်နည်း
Billလွဲနည်း/ငွေချေးသုံးနည်း
**number စစ်နည်း**
==============
Mpt=*88 #
Telenor=*97 #
Ooredoo =*133*6*2 #
Mytel=*88 #
**Data Package ဝယ်နည်း**
====================
Mpt=*777 #
Telenor=*979 #
Ooredoo =*140 #
Mytel=*966 #
**Voice Package ဝယ်နည်း**
====================
Mpt=*600 #
Telenor=*979 #
Ooredoo =*150 #
Mytel=*966 #
**Data package စစ်နည်း**
==================
Mpt=*224 #
Telenor=*9124 #(or)*124*1 #
Ooredoo =*4646 #
Mytel=*124*3 #
**Bill ချေးနည်း**
===========
Mpt=*800 #
Telenor =*500 #
Ooredoo =*127 #
Mytel=*856 #(or)*588 #
**Bill လွဲနည်း**
==========
Mpt=*223*amount*receive number
Telenor=*979 /4/receive number *amount #
Ooredoo =*155*amount*receive number
Mytel=*544*amount *receive number # call
**Data လွဲနည်း**
===========
Mpt=*777 >>လွဲမည့်MBရွေးပီးsendကိုနှိပ်>>ပေးလိုသော နံပါတ် ထဲ့ပီးsendနှိပ်>>လက်ဆောင်ပေးမည်ကိုရွေးပီး send နှိပ်
Telenor=*979*4*6
Mytel=*966*36 >>နံပါတ်3giftကိုနှိပ်
**Call Centre**
============
Mpt=106
Telenor=979
Ooredoo =234
Mytel=966
**ဖုန်းပြန်ခေါ်ခိုင်းနည်း**
=============
Mpt=*222*Ph number
Telenor=*1*Ph number
Ooredoo =*122*Ph number
Mytel=*521*Ph number call
*Simcard*မှတ်ပုံတင်ပြီး/မပြီးစစ်နည်း(မိမိကိုယ်ရေးအချက်လက်ဖြင့်)
=====================
Mpt=*601
Tel=*979*3*3 #
Ooredoo =*666
Mytel=*966 >>6>>2
**အဝင် call **
=======
ပိတ်နည်း=*21*900 #
ပြန်ဖွင့်နည်း= # #002 #
**အထွက်call **
ပိတ်နည်း=*31 #
ပြန်ဖွင့်နည်း= #31 #

22/06/2023

တန်ရာတန်ရာပဲဆက်ဆံလိုက်ပါ
********************************

❤️ #တချို့လူတွေရှိတယ်
ငြိမ်ခံနေတုန်းက မမြင်ဘူး
ထပြောမိမှ ကိုယ်ကစွာတယ်
ဆိုတာမျိုး ။

❤️ #တချို့လူတွေရှိတယ်
ခေါင်းပေါ်တတ်နင်းခံရတာမသိဘူး
ဆတ်ဆတ်ထိမခံပြန်ပြောလိုက်မှ
ကိုယ်က အာကြမ်းတယ်ဆိုတာမျိုး ။

❤️ #တချို့လူတွေရှိတယ်
မသိချင်ယောင်ဆောင်နေတာကို
အားမနာဘူး
ဒဲ့ပြောလိုက်မှ ကိုယ်က လူကြမ်း
မကြီးဆိုတာမျိုး ။

❤️ #တချို့လူတွေရှိတယ်
တသက်လုံးသည်းခံလာတာကို
မစာနာကြဘူး
ထပေါက်ကွဲမိမှ ကိုယ်ဟာမကောင်း
ဘူးဆိုတာမျိုး ။

❤️ #တချို့လူတွေရှိတယ်
အတွင်းစိတ်ကိုမြင်အောင်မကြည့်
တတ်ကြဘူး
အပေါ်ယံကောင်းပြတာကိုမှ အဟုတ်
ထင်တတ်ကြတာမျိုး ။

❤️ #တချို့လူတွေရှိတယ်
စစ်မှန်တယ်ဆိုတာကို မတွေ့တတ်
ကြဘူး
ဟန်ဆောင်တတ်တဲ့လူကိုမှ အမှန်
အကန်ထင်တတ်ကြတာမျိုး ။

❤️ #တချို့လူတွေရှိတယ်
ကိုယ်ချင်းစာ တရားဆိုတာမရှိကြဘူး
ဘယ်သူသေသေ ငတေမာရင်ပြီးရော
စိတ်နဲ့ တဖက်သားစိတ်ကို အသေ
သတ်ပစ်ကြတာမျိုး ။

❤️ #တချို့လူတွေရှိတယ်
ရင်းနှီးချင်ယောင်ဆောင်ပြီးမထိတထိ
စော်ကားတဲ့ စကားပြောတတ်ကြတာမျိုး ။

❤️ #တချို့လူတွေရှိတယ်
ကိုယ်တိုင်မလုပ်နိုင်တဲ့အရာကို တပါး
လူလုပ်လိုက်မှ ဝေဖန်ရေးလုပ်တတ်တာမျိုး ။

❤️ #တချို့လူတွေရှိတယ်
အစွမ်းအစမရှိဘဲ အပြစ်ပြောဖို့
သက်သက်လူဖြစ်လာတာမျိုး ။

💚 #ဒါကြောင့်အကောင်းမြင်စိတ်
အကောင်းမြင်ဝါဒကို မကျင့်သုံးတတ်ဘဲ
အသက်ရှင်နေတဲ့ တချို့လူတွေအတွက်
စိတ်ကသိကအောက်ဖြစ်ဖို့မလိုဘူး
တန်ရာတန်ရာပဲ ဆက်ဆံပေးလိုက်ပါ

20/05/2023

- ဖုန်းခေါ်ရင် အားရဲ့လား စကားပြောလို့ရရဲ့လားမေး ...
- ဖုန်းချခါနီး ဖုန်းချတော့မယ်လို့ အသိပေး ...
- သူများအခန်းထဲဝင်လာမယ်ဆိုရင် ခွင့်တောင်းပြီးမှဝင် ...
- သီချင်းနားထောင်ရင်ကိုယ်တစ်ယောက်ထဲ
ကြားလောက်ရုံပဲ နားထောင် ... Earphone သုံး ...
- တစ်ဖက်လူစကားပြောနေရင် ဆုံးတဲ့ထိ အရင် နားထောင်ပြီးမှ ကိုယ်ပြောချင်တာကို စပြော ...
- Library လိုနေရာမျိုးမှာ ဘာကိစ္စပဲရှိရှိ တိတ်တိတ်ဆိတ်နေ ...
- ကျေးဇူးတင်စရာရှိရင် မတုံ့မဆိုင်း ချက်ချင်းတင် ...
- အမှားလုပ်ထားရင် ချက်ချင်း ပြန်တောင်းပန် ...
- ရုပ်ရှင်ရုံမှာ ခြေထောက်ကို ငြိမ်ငြိမ်ထား ... ရှေ့ခုံကို မကန်နဲ့ ...
- ခုံတန်းရှည်မှာ ဘေးလူနဲ့ထိုင်ရင် ဒူးမလှုပ်နဲ့ ...
-လူကြားထဲ စတိုင်ကျသလိုလိုနှင့်ဆေးလိပ်တွေ ထထမဖွာနှင့် second smoker တွေဘဝကိုကိုယ်ချင်းစာပါ..ကိုယ်မလုပ်ပဲရောဂါခံရအောင်..ဖြစ်သင့်မဖြစ်သင့်တွေး..

-စားသောက်နေတဲ့လူတေ ွရှိတဲ့ဆိုင်မှန်သမျှ တဝေါ့ဝေါ့တထွီထွီသလိပ်မဟပ်နှင့်..နှပ်မညှစ်
နှင့်..နီတိထဲမှာ ဒါတွေပါတယ်..

ဒင်းတို့က ခေတ်နဲ့အညီ အထာလည်း ကျချင်သေးတယ် ...ယဉ်ကျေးမှုက တစ်စက်မှ မရှိ ...
အထာကျတယ်ဆိုတာသူများကိုစိတ်အနှောက်အယှက်မပေးဘဲ နေထိုင်တတ်တာကို ခေါ်တယ် ...
ဗရမ်းဗတာ နေထိုင်ရင်ဗရမ်းဗတာ ဘဝပဲရမယ် ...
သင် ပြုမူနေသမျှ အပြုအမူအားလုံးဟာ
သင့်ရဲ့ ယဉ်ကျေးမှုအဆင့်အတန်းပဲ ...

Credit
(ကြိုက်လို့မျှဝေသည်)

22/04/2023

ငယ်ငယ်လေးထဲကဆိုလာတဲ့ ဒီ တဘောင်ကို အဓိပ္ပါယ်အကောက်လွဲနေ
သူများသို့🎍

🎇 #အဖိုးကြီးအို ခါးကုန်းကုန်း မသေပါနဲ့အုံး

ရှေးနှစ်ခါ တန်ဆောင်မုန်းပွဲကြည့်ပါ အုံး။

#အဖိုးကြီးအို ခါးကုန်းကုန်း တာကတော့
ညီမတို့တတွေဟာ ဘဝတိုင်း ဘဝတိုင်း
အဖိုးကြီး အမေကြီး ဘဝနဲ့ အသက်အရွယ်ကြီးကြီးနဲ့
သေရတဲ့ ဘဝတွေ များခဲ့လှပါပြီ

လူဖြစ်တော့ လည်း လူအဖိုးကြီး လူအဘွားကြီး
ငှက်ဖြစ်တော့လည်း ငှက်အဖိုးကြီး ငှက်အဖွားကြီး
နွားဖြစ်တော့ လည်း နွားအဖိုးကြီး နွားအဖွားကြီး
ကြက်ဖြစ်တော့လည်း ကြက်အဖိုးကြီး ကြက်အဖွားကြီး
သူဌေးကြီး ဖြစ်တော့လည်း.သူဌေးအဖိုးကြီး သူဌေးအဖွားကြီး
ဘုရင် ဖြစ်တော့လည်း ဘုရင်အဖိုးကြီး ဘုရင်အဖွားကြီး
ဘဝ များစွာမှာ အရိယာ က လွှဲပြီး
မဖြစ်ဖူးတဲ့ဘဝဆိုတာ မရှိပါဘူး
သူဌေးကြီး ဘုရင်ကြီး တွေလည်းဖြစ်ခဲ့ဖူးတယ်
တိရိစ္ဆာန်မျိုးစုံ ဘဝလည်း ဖြစ်ဖူးခဲ့ပြီ
နတ်တွေ ဗြဟ္မာတွေလည်း ဖြစ်ခဲ့ဖူး ပြီl
၃၁ ဘုံမှာ မဖြစ်ဖူးတဲ့ ဘဝဆိုတာ ဗြဟ္မာဘုံ ၄ ဘုံကလွှဲ မရှိသလောက်ပဲ

ဘဝတိုင်း ဘဝတိုင်း အသက်ကြီး ပြီး
သေ သေ ခဲ့ရတာချည်းပဲ
တစ်ချို့ဆိုရင် အသက်တောင်မကြီးလိုက်ရ
သေနေကြရတာပဲ။

ဒါပေမဲ့
မသေပါနဲ့အုံး

#ရှေးနှစ်ခါ တန်ဆောင်မုန်း ဆိုတာက
တစ်ချို့က နောက်နှစ်ခါ တန်ဆောင်မုန်းလို့
ဆိုကြတယ်
အမှန်က
ရှေးနှစ်ခါတန်ဆောင်မုန်း ပါ

ရှေးနှစ်ခါ ဆိုတာက
လာမဲ့နှစ်လို့ ထင်တတ်ကြတယ်
မဟုတ်ပါဘူး

သာသနာတော် ၂၅၆၆ နှစ်ရှိခဲ့ပြီ.
ဘုရားရှင်ထားခဲ့တော်မူသော..သာသနာတော်နှစ် ၅၀၀၀ကို..တစ်ခေတ်လျှင်အနှစ်၅၀၀ စီဖြင့် ခေတ်(၅)ခေတ်ပိုင်းခြားကာ..၅ခေတ်ပြည့်လျှင် တစ်ဖန်ပြန်ကျော့သည်။

၁) ဝိမုတ္တိယုဂခေတ် (အနှစ် ၅၀၀)...ဘုရားပွင့်တော်မူပြီးနှစ်ပေါင်း၅၀၀အတွင်းသည်ဂိမုတ္တိယုဂခေတ်ဖြစ်ရာ..ထိုခေတ်အတွင်းစျာန်မဂ်ဖိုလ်ရရှိသူများအလွန်ပေါများသည်။

၂) သမာဓိယုဂခေတ် (အနှစ်၅၀၀)..ထိုခေတ်ကာလအတွင်း သမာဓိတည်ရုံမျှသာဖြစ်ပေသည်။

၃) သီလယုဂခေတ် (အနှစ်၅၀၀)...ထိုခေတ်ကာလသည် သီလကိုသာဦးစားပေးသောခေတ်ဖြစ်သည်။

၄) သုတယုဂခေတ် (အနှစ်၅၀၀)...ထိုခေတ် ကာလအတွင်း စာပေဗဟုသုတကို ဦးစားပေးသောခေတ်မျှသာဖြစ်သည်။

၅) ဒါနယုဂခေတ် (အနှစ်၅၀၀)...ထိုခေတ်ကာလသည်ဒါနပြုမှုကိုသာအားသန်ကြသောခေတ်ဖြစ်သှ်။

ထို ၅ခေတ်မှလွန်သော်..ဝိမုတ္တိယုဂခေတ်သို့ပြန်လည်ရောက်ရှိလာသည်။ သို့ဖြစ်ရာ..သာသနာတော်နှစ် ၂၅၀၀၊ ကောဇာ သက္ကရာဇ် ၁၃၁၈ ခုနှစ် ပြည့်ပြီးသည်မှစ၍ ဝိမုတ္တိယုဂခေတ် သို့ပြန်လည်ဆိုက်ရောက်လာသည်၊ထို့ကြောင့်ကောဇာသက္ကရာဇ် ၁၃၁၉ မှ ၁၈၁၉ခုနှစ် အတွင်းသည်ဝိမုတ္တိယုဂခေတ် ဖြစ်ပြီး၊ ထိုခေတ်မှလွဲ၍ ကျန်ခေတ်များတွင်မဂ်ဖိုလ်တရားထူးများရရန်မလွယ်ကူတော့ပါ။ဒါကို သိထားရမယ်။

#ပွဲကြည့်ပါအုံး ဆိုတာက

ဝိမုတ္တိယုဂ ခေတ် အနတ္တသာသနာတစ်ပတ်ပြန်လည်လာတော့
ပွဲ ကြည့်ကြရ အုံးမယ်
ဘာပွဲ ကြည့်ရလည်းဆိုတော့
ခန္ဓာက ပြတဲ့ ပွဲ ကို
ကြည့်ချင်လည်း ကြည့် မကြည့်ချင်လည်းကြည့်ကြရမယ့်ပွဲ

ရုပ်ပွဲ နာမ်ပွဲ ဝေဒနါပွဲ ပရမတ်ပွဲ
ဓာတ်ပွဲ အာယတနပွဲ သစ္စာပွဲတွေ ကို
ကြည့်ကြရမယ်
တခြား သွားကြည့်ရမှာ မဟုတ်ဘူး
မိမိ ခန္ဓာက ပြတဲ့ပွဲကို ကြည့်ရမှာပဲပွဲလေးပွဲ ကြည့်ကြပါ
ကာယသတိပဋ္ဌာန်ပွဲ
ဝေဒနါသတိပဋ္ဌာန်ပွဲ
စိတ္တသတိပဋ္ဌာန်ပွဲ
ဓမ္မသတိပဋ္ဌာန်ပွဲ ကို
သတိ သမာဓိ ပညာ မျက်လုံး နဲ့ ကြည့်ရမယ်
ဒါမှ အမှန်ကို အမှန်အတိုင်း မြင်လိုက်မယ်

တို့တတွေ အားလုံးယခုဝိမုတ္တိယုဂခေတ်အတွင်း...
လူ ဖြစ်လာရသည်မှာပင်..
ထူးကဲသော ဒုလ္လဘတရားပင်ဖြစ်တယ်
ဒါ့အပြင်...ဘဒ္ဒကမ္ဘာတွင်လူဖြစ်ရခြင်း၊
မြတ်စွာဘုရား၏ သာသနာတော်နှင့်ကြုံတွေ့ရခြင်း၊
ဗုဒ္ဓဘါသာဝင် မိဘများ ၏သားသမီးများဖြစ်ရခြင်းမှာအင်မတန်ကြီးမား သော ဘုန်းကံကြောင့်မြတ်စွာဘုရ
မြတ်စွာဘုရားပွင့်ထွန်းတော်မူရခြင်း၏
အကြောင်း ရင်းတစ်ခုမှာသံသရာ
ဝဋ်ဆင်းရဲအပေါင်းမှကင်း လွတ်ရာအမှန်
မြတ်နိဗ္ဗာန်သို့ရစေခြင်းငှာ..ပွင့်တော်မူခဲ့သဖြင့်.နိဗ္ဗာန်ရောက်ရာရကြောင်းအကျင့်တရား
များကိုကျင့်ကြံအားထုတ်ရပါမည်။
ဘုရားရှင်သည်.. ပိဋကတ်သုံးပုံဟုဆိုအပ်သော
ဓမ္မက္ခန္ဓာပေါင်း ၈၄,၀၀၀ ကိုဟောကြားခဲ့သော်လည်း.အဓိကရည် ရွယ်ချက်မှာ.
ဆင်းရဲခပ်သိမ်းကင်းငြိမ်းရာ
အမှန်မြတ်နိဗ္ဗာန်သို့ရောက်ကြောင်းအကျင့်တရားကို
ကျင့်ကြံအားထုတ်ရန်သာဖြစ်ပါသည်။

ထိုနိဗ္ဗာန်ရောက်ကြောင်းအကျင့်တရားများသည်..
လူ့ဘုံဘဝကသာလျှင်ကျင့်ကြံအားထုတ်ပြီးရရှိနိူင်ပါသည်။
သို့ကြောင့်သာမြတ်စွာဘုရားရှင်တိုင်းသည် လူ့ပြည်ကသာလျှင် ပွင့်တော်မူခြင်းဖြစ်ပေသည်။

သစ္စာတရားကိုပြသတတ်သော ဆရာသမားကောင်း နှင့်တွေ့၍ ကိလေသာကြားမခိုပဲကျင့်ကြံအားထုတ်ပါက..
နေ့ချင်းပေါက်ပင်ရနိူင်ပါသည်။
ကိလေသာကြားခို၍မရနိူင်ပါက..၇ရကျ၊ ၇လ၊ ၇နှဈအတှငျးရနိူငျသညျ။ သို့မဟုတ်ပါက..ယခုဘဝသေခါနီးအချိန်တွင် ဝိပဿနာတရားနှလုံးသွင်းပြီးသေဆုံးမည်ဆိုပါက နောက်ဘဝနတ်ဘုံမရောက်ခင် (ပထမအဆင့်)သောတာပတ္တိမဂ်ဖိုလ်ကိုရနိူင်သည်။

ကံလမ်းနှင့်စျာန်လမ်းသည်နိဗ္ဗာန်ကိုတိုက်ရိုက်မရောက်နိူင်။ နိဗ္ဗာန်ရောက်အထောက်အပံကောင်းသာဖြစ်စေပြီး၊ ဝိပဿနာဘက်ပြောင်း၍ကျင့်ကြံအား ထုတ်မှသာ..နိဗ္ဗာန်ကိုရနိူင်ပါသည်။

ဉာဏ်လမ်းသည်သာ လျှင် အမြန်ဆုံးနှင့်အကောင်းဆုံးဖြစ်ပေသည်။
ယခုကာလ ဝိမုတ္တိယုဂခေတ်အတွင်း..
သစ္စာလေးပါးမြတ်တရားကိုကောင်းစွာသိမြင်၍..
မှန်ကန်သောအကျင့်ပဋိပတ်ဖြင့်
လျင်မြန်စွာကျင့်ကြံအားထုတ်ရောက်ရှိနိူင်ကြပါစေကုန်သတည်း.။

(ဝိဇ္ဇောဒယ ပြည်သဲအင်းဆရာတော် ကြီးတရားကို
နာယူ၍ရေးသားသည်)

03/08/2022

မျက်ခမ်းအောက် အဆီဖုလေးများ

မျက်ခမ်းအောက်က အဆီဖုကို millia လို့ခေါ်တယ်။ နောက်ထပ် milk spot(သို့) oil seed လို့လည်း ခေါ်ပါသေးတယ်။ပြည်ဖုလိုလို၊ အဆီဖုလိုလို အိတ်သေးသေးလေးတွေဟာ millia တွေ ဖြစ်ပါတယ်။ အရေပြားအောက်မှာ ကရာတင် အရေပြားပရိုတင်း (keratin)နဲ့ ဆဲလ်သေတွေ အထပ်ထပ်ပြည့်နှက်နေလို့ အိတ်လိုဖြစ်လာတယ်။ တနည်းအားဖြင့် မွှေးညှင်းအိတ်ရဲ့ အောက်ဆုံးအခြေပိတ်ဆို့သွားတာပါ။ ဒါ့ကြောင့် ကုရခက်တယ်။

မွေးကင်းစကလေးတွေရဲ့ နှာသီးဖျားနှစ်ဖက်မှာ တွေ့ရတတ်တဲ့ အဆီဖုသေးသေးလေးတွေဟာ millia ဖြစ်ပါတယ်။ ပုလဲလုံး သေးသေးလေးတွေလို တွေ့ရတယ်။ syringoma နဲ့လည်း မတူဘူး။ ဝက်ခြံနဲ့ မတူတာက ရောင်ရမ်းတာ၊ ပိုးဝင်တာမရှိဘူး။ အောက်လွှာမှာ ကရာတင်ပရိုတင်း အထပ်ထပ်ပိတ်နေတာဖြစ်လို့ ညှစ်ထုတ်ဖို့ ခက်တယ်။ Miliaဟာ ကိုလက်စတောများသူ၊ ထရိုင်ဂလစ်စရွက်များသူတွေမှာ ပိုတွေ့ရတယ်။ သီအိုရီအရ ပိုလျှံတဲ့အဆီတွေကို ခန္ဓာကိုယ်က ဗီတာမင်ဒီအဖြစ် ပြောင်းတယ်။ ဒါ့ကြောင့် Milia ရှိသူဟာ ကိုလက်စတောချဖို့ လိုအပ်ပါတယ်။

ဖြစ်စေနိုင်သည့်အကြောင်းရင်းများ
-မျိုးရိုးလိုက်ခြင်း
-အဆီများခြင်း
-နေလောင်ခြင်း
-ချွေးပေါက်ပိတ်စေတဲ့ skin careတွေကြောင့် ဖြစ်စေနိုင်တယ်။
miliaဆိုတာ စိတ်ဒုက္ခလည်း ပေး၊ကုသရလည်း ခက်တဲ့ အရေပြားရောဂါ မျိုးပါ။ကုသနိုင်တဲ့ နည်းလမ်းအသွယ်သွယ် ရှိပေမယ့် ဘေးထွက်ဆိုးကျိုးကို ပြန်ချိန်ရတယ်။ ခွဲစိတ်နည်း၊ အပေါ်ယံအရေပြားခွါနည်း၊ လိမ်းဆေး (သို့မဟုတ်) လေဆာ တမျိုးမျိုးနဲ့ ကုသနိုင်တယ်။ ဘယ်နည်းနဲ့ သင့်တော်မလဲ ကုသတဲ့ ဆရာဝန်က ဆုံးဖြတ်ချက် ပေးရတယ်။ အမည်းစက်ထင်ကျန်နိုင်တယ်။

ကုသနည်း
လိမ်းဆေးထဲမှာ salicylic acid (သို့) glycolic acid သုံးနိုင်တယ်။ chemical peeling လုပ်တာမျိုးလည်းရှိတယ်။ ဒါပေမယ့် ဘေးထွက်ဆိုးကျိုးများတယ်။ အစိုဓာတ်လိမ်းဆေး အလုပ်မဖြစ်တာများတယ်။ တချို့ပိုဆိုးလာတယ်။ Salicylic acid ပါတဲ့ Sebogel လိမ်းဆေးကို မျက်ခမ်းအောက်အဆီဖုအတွက် တနေ့ နှစ်ကြိမ် လိမ်းပေးနိုင်တယ်။ ပျောက်ဖို့ အချိန်ယူရတယ်။ နောက်ဆုံးနည်းကတော့ plasma laser သို့မဟုတ် CO2 laser ပစ်တာပဲ။ အရွယ်အစားနဲ့ လုပ်ချက်ပေါ်မူတည်ပြီး အမာရွတ်ပါးပါး ကျန်နိုင်တယ်။

အကြံပြုချက်
- ဝက်သား၊ ဘဲသား၊ အမဲသားအဆီအဆိမ့်များတာ လျှော့စားပါ။
- တတ်နိုင်သမျှ မိတ်ကပ်ထူထူးမလိမ်းပါနဲ့။ နေလောင်ကာ၊ မျက်နှာလိမ်းခရင်ကြောင့်ဖြစ်ရင် ရှောင်ပါ။
- အစိုဓာတ်ထိန်းဆေးနဲ့ မျက်ကွင်းလိမ်းဆေး (Eye cream) တွေ လျှော့သုံးရမည်။
- မျက်ကွင်းလိမ်းဆေးထဲမှာ beeswax, carnauba wax များရင် မသုံးပါနဲ့။ အထူးသဖြင့် အရည်ပျစ်တဲ့ ခရင်လိမ်းဆေးတွေကြောင့် ပိုဖြစ်နိုင်တယ်။
- ဆဲလ်သေပိတ်ဆို့တာအတွက် salicylic acid နဲ့ glycolic acid ပါတဲ့ မျက်နှာသစ်ဆေးမျိုး ပြောင်းသုံးသင့်တယ်။
- သိပ်မဆိုးရင် Sebogel တစ်ရက်နှစ်ကြိမ် တရက်ခြားတစ်ကြိမ် လိမ်းကြည့်ပါ။ အရေပြားပါးလွန်းရင် မသုံးပါနဲ့။
- အထူးသဖြင့် ဆေးခန်းမပြဘဲ မိမိဘာသာ အပ်နဲ့ဖောက်တာ၊ မကြာခဏ ထိတွေ့ကိုင်တွယ်တာမျိုး လုံးဝရှောင်ကြဉ်သင့်တယ်။

ဒေါက်တာ အေးမင်းထူး
အရေပြားအထူးကုဆရာဝန်

Healthyskin All naturally handmade soap.

31/10/2025

23/08/2024

17/04/2024

01/07/2023

01/07/2023

22/06/2023

20/05/2023

22/04/2023

03/08/2022

Address

Telephone

Website

Alerts

Shortcuts

Share

Category