04/08/2026
“ငါလွှတ်ချလိုက်တော့ အားလုံးလွတ်ကျသွားတယ်”
ဖမ်းမမိခဲ့တဲ့ မိုးတိမ်တိုက်လေးတွေကိုရော
ရထားပေါ်ကနေ ဖြတ်ခနဲလှမ်းမြင်လိုက်တဲ့
မြင်ကွင်းစိမ်းစိမ်းကလေးကိုရော
မလွှတ်တင်ခဲ့ဘဲ လွတ်ထွက်သွားခဲ့တဲ့
မိုးပျံပူဖောင်းကလေးလို
ဘဝထဲက မင်းထွက်သွားပုံက ဆန်းကျယ်။
သူလို ကိုယ်လိုနေထိုင်ရင်း
အရင်လိုပြန်မဖြစ်နိုင်တော့တဲ့နေ့ရက်တွေမှာ
မိုးရေစက်တွေဟာ တစ်စက်ပြီးတစ်စက်
ငါတို့ရဲ့ခြေလှမ်းတွေဟာလဲ တစ်ရက်ပြီးတစ်ရက်
ပို၍ ဝေးသထက်ဝေးတဲ့နေရာဆီသို့သာ
ဦးတည်ရွေ့လျားလျက်…။
ဩဂုတ် ၄ ၂၀၂၆
