Aung Chan Thar Photography, Yangon (2026)

03/06/2026

လူတစ်ယောက်‌‌ အောင်မြင်ဖို့
လူတစ်ယောက် ကျရှုံးပေးစရာ မလိုပါဘူး။

ကျွန်တော်ကိုယ်တိုင်လည်း နိုင်ငံတကာဓာတ်ပုံဆုတွေ ရရှိအောင် ကြိုးစားသလို မြန်မာနိုင်ငံက လူငယ်တွေကိုလည်း ဆုတွေ အသီးသီးရအောင် ဒီနှစ်တွေမှာ ပြုစုပျိုးထောင်ပေးနိုင်ခဲ့ပါတယ်။

လူတစ်ယောက်အနေနဲ့ လောဘရှိတယ်ဆိုပေမယ့် အဖက်ဖက်က ခက်ခဲနေတဲ့ ကာလတွေမှာ မြန်မာနိုင်ငံကလူငယ်တွေကို ဓာတ်ပုံပညာနဲ့ ကိုယ်တတ်နိုင်တာကို လုပ်ပေးနေခြင်း ဖြစ်ပါတယ်။

လူငယ်တွေ ဆုတွေ အသီးသီးရလာကြလို့ ကျွန်တော်ရနေတဲ့ ဆုတွေလည်း မရပ်သွားပါဘူး။ သူတို့ နေရာတစ်ခုရလာလို့ ကျွန်တော် နေရာဖယ်ပေးစရာလည်း မလိုပါဘူး။ အခွင့်အလမ်းတွေ များစွာရှိနေတဲ့ ဒီခေတ်ကြီးမှာ လူတိုင်းက ကိုယ်နဲ့ ထိုက်တန်တဲ့နေရာကို ရယူခွင့်ရှိကြပါတယ်။ ပင်လယ်ရေ တစ်ယောက်တည်းသောက်လို့ မကုန်ပါဘူး။

အဲ့လို လူငယ်တွေကို ဖြစ်‌ထွန်းစေချင်တဲ့ ကောင်းတဲ့ စိတ်ကြောင့်ပဲ ဘာမှမရှိတဲ့ ဘဝကနေ အချိန်တိုတွင်း တိုးတက်ပြောင်းလဲခဲ့ပြီး မြန်မာနိုင်ငံမှာ သူများမရဖူးတဲ့ ဆုတွေ၊ အခွင့်အလမ်းကောင်းတွေလည်း ကိုယ်တိုင် အများကြီးရခဲ့ပါတယ်။

ကျွန်တော်ကတော့ အမြဲဆက်သွားနေမှာပါ။

သွားနေရင်း လက်တွဲခေါ်လို့ရတဲ့သူတွေကိုလည်း တတ်နိုင်သလောက် လမ်းပြပြီး တွဲခေါ်သွားမှာပါ။ ထိုက်တန်တဲ့ နေရာတစ်ခုရဖို့ကတော့ ကိုယ့်ကြိုးစာမှုပေါ်မှာ အများကြီး မူတည်ပါတယ်။

ဓာတ်ပုံနဲ့ ပတ်သတ်ရင် ကျွန်တော်ရှိပါတယ် 📸

01/06/2026

ဆုတွေအများကြီးရရှိခဲ့ကြတဲ့
အသက် (၂၅) နှစ်အောက် အခမဲ့ လူငယ်ဓာတ်ပုံသင်တန်းအကြောင်း 📸🎉

26/04/2026

လုပ်သင့်တာတွေကနေ
လုပ်ချင်တာတွေဆီသို့ 📸

အလုပ်တစ်ဖက်နဲ့ ကိုယ်ဝါသနာပါတဲ့အရာကို လုပ်ရတာ ဘယ်လောက်ခက်ခဲလဲဆိုတာ ကိုယ်တိုင်ကြုံဖူးတော့ ကောင်းကောင်းနားလည်ပါတယ်။ တစ်နေကုန် အလုပ်ထဲမှာ ကြိုးစားလုပ်ရင်း အားအင်တွေ ကုန်ခမ်းလာတော့ ပိတ်ရက်တွေ၊ ညဘက်တွေဆို အေးဆေးနားချင်ပေမယ့် ဝါသနာပါတာလေးကိုလည်း လုပ်ချင်တဲ့စိတ်ကလည်း ရှိနေပါတယ်။

တစ်ခါတစ်လေ ဝါသနာတူတွေ သူတို့လုပ်ချင်တာကို စိတ်တိုင်းကျ လုပ်ခွင့်ရနေချိန်မှာ ကိုယ်က အလုပ်တစ်ဖက်နဲ့မို့ ရင်နာနာနဲ့ လက်လွှတ်လိုက်ရတဲ့ အခိုက်အတန့်တွေ များစွာရှိခဲ့ဖူးပါတယ်။ ဓာတ်ပုံပညာဆို လိုအပ်တဲ့ ပစ္စည်းမရှိရင် ပိုပြီးတော့တောင် စိတ်ဓာတ်ကျရပါသေးတယ်။

ဒါပေမယ့်လည်း လူ့ဘဝ ခဏရောက်ခိုက်မှာ မိသားစုနဲ့ စားဝတ်နေရေးအတွက် လုပ်သင့်တာတွေပဲ လုပ်သွားရပြီး ကိုယ်လုပ်ချင်တာတွေ လုပ်ခွင့်မရလိုက်မှာကို ကျွန်တော် အရမ်းစိုးရိမ်ခဲ့တယ်။ ဘယ်သူမဆို လူဖြစ်လာပြီးမှတော့ ကိုယ်လုပ်ချင်တာတွေကို လုပ်ခွင့်ရစေချင်တယ်။ ကိုယ်တိုင်လည်း လုပ်ခွင့်ရအောင် ကြိုးစားခဲ့တယ်။

ကျွန်တော်က ခရီးသွားဓာတ်ပုံဆရာတစ်ယောက် ဖြစ်ချင်ခဲ့ပေမယ့် ဝါသနာအစမှာ ဘာမှမရှိတော့ ဝန်ထမ်းဘဝနဲ့ မနက် (၇) နာရီကနေ ည (၇) နာရီအထိ ဆိုင်ထဲမှာ အလုပ်လုပ်ခဲ့ရတယ်။ အလုပ်ပြီးလို့ ညပိုင်း အခန်းကို ပြန်တဲ့အခါ နားလိုက်ချင်ပေမယ့် ခရီးတွေသွားပြီး ဓာတ်ပုံရိုက်ချင်တယ်ဆိုတဲ့ စိတ်က ဘယ်လိုမှ ဖျောက်လို့မရခဲ့ဘူး။

အဲ့ဒီအချိန်ကနေ အခုချိန်ထိ ကျွန်တော်တို့အတွက် အကောင်းဆုံးလက်ဆောင်တစ်ခု ရှိနေခဲ့တာက အင်တာနက်ပါ။ အင်တာနက်ရှိနေတော့ ကိုယ်သွားချင်တဲ့ နေရာတွေသွားဖို့ ဘယ်လောက်ကုန်မလဲ တွက်လို့ရတယ်။ ကိုယ်ရိုက်ချင်တဲ့ ဓာတ်ပုံတွေ ရိုက်နိုင်ဖို့ လိုအပ်တဲ့ ဓာတ်ပုံပညာတွေကို အွန်လိုင်းကနေ လေ့လာသင်ယူနိုင်တယ်။ ကျွန်တော် အခန်းကျဥ်းလေးထဲမှာ ရှိနေပေမယ့် အိပ်မက်တွေ အကောင်အထည်ဖော်နိုင်ဖို့ သင်ယူသင့်တာတွေ သင်ယူတယ်။ လိုအပ်တာတွေ အားလုံးလေ့လာခဲ့တယ်။

တစ်နှစ်လုံး ခွင့်ရက်တွေ လျှော့ယူပြီး ခရီးသွားရက်တွေ ပိုတိုးယူလို့ရအောင် လုပ်တယ်။ အသုံးအဖြုန်းတွေကို လျှော့ချပြီး ခရီးသွားဖို့ ပိုက်ဆံစုတယ်။ လိုအပ်တဲ့ ဓာတ်ပုံပညာကိုလည်း ကိုယ်လေးစားရတဲ့ ဆရာ့ဆီကနေ အွန်လိုင်းကနေ သင်တယ်။

အဲ့လိုနဲ့ ၂၀၁၉ ခုနှစ် ဒီဇင်ဘာလမှာ ခရီးတစ်ခု ထွက်ခွင့်ရခဲ့ပြီး ဝါသနာတူတွေ၊ ဆရာတွေနဲ့ ဓာတ်ပုံအတူ ရိုက်ခွင့်ရခဲ့တယ်။ အဲ့ဒီခရီးစဥ်က ရရှိခဲ့တဲ့ ဓာတ်ပုံတွေနဲ့ နိုင်ငံတကာဓာတ်ပုံပြိုင်ပွဲတွေ ပြိုင်ရင်း နိုင်ငံတကာဓာတ်ပုံဆုတွေလည်း ရရှိခဲ့တယ်။ အခုဆို နိုင်ငံပေါင်း (၉) နိုင်ငံအပြင် မြန်မာပြည်တွင်းမှာလည်း ကိုယ်သွားချင်တဲ့ နေရာတွေ တော်တော်များများကိုလည်း ဓာတ်ပုံတွေ စိတ်ကြိုက်သွားရိုက်နိုင်တဲ့ ခရီးသွားဓာတ်ပုံဆရာတစ်ယောက်အဖြစ် ရပ်တည်နိုင်ခဲ့ပြီ ဖြစ်ပါတယ်။

မိသားစုအတွက်၊ စားဝတ်နေရေးအတွက် လုပ်သင့်တာတွေ လုပ်ရင်းနဲ့ လုပ်ချင်တာတွေကို ဖြစ်အောင်လုပ်ရတာက အစပိုင်းမှာ ပင်ပန်းပါတယ်။ ခက်ခဲပါတယ်။ အချိန်လည်း ပေးရပါတယ်။ ဒါပေမယ့် ကိုယ်လုပ်ချင်တာလေး လုပ်ခွင့်ရခဲ့တယ်ဆိုတဲ့ ခံစားမှုမျိုးကနေတော့ ဘာနဲ့မှလဲလို့မရအောင် အဖိုးတန်ပါတယ်။ ခံစားရတာလည်း အလွန်ကောင်းပါတယ်။

လူအများစုက ဝါသနာပါရာ လုပ်မယ်ဆို
လက်ရှိလုပ်နေတာတွေ အားလုံးကို ရပ်ပစ်ရမယ်လို့ ထင်တတ်ကြပါတယ်။ အဲ့လိုထင်လို့လည်း အားလုံးကို မရပ်ပစ်နိုင်လို့ ကိုယ်ဝါသနာပါရာကို မလုပ်ဖြစ်ကြတာပါ။ တကယ်တော့ ကိုယ့်ရဲ့ အားလပ်ချိန်တွေ၊ ကိုယ့်ရဲ့ စုငွေလေးတွေနဲ့လည်း ကိုယ်ဝါသနာပါရာကို လုပ်သင့်တာတွေ လုပ်ရင်း နည်းနည်းစီ လုပ်သွားလို့ရပါတယ်။

အဲ့ဒီအချိန် ဝါသနာပါရာကို Full time လုပ်နေတဲ့သူတွေနဲ့ ကိုယ့်ကိုယ်ကို မနှိုင်းယှဥ်မိပါစေနဲ့။ ကျွန်တော်ကိုယ်တိုင်လည်း အချိန်ပိုင်းလေး ကိုယ်ဝါသနာပါရာကို စလုပ်နေတုန်းက Full time လုပ်နေတဲ့သူတွေနဲ့ သွားသွားနှိုင်းယှဥ်မိတော့ စိတ်ပင်ပန်းခဲ့ရပါတယ်။

“ငါ့ကျမှ သူတို့လို ဘဝမျိုး မရတာ”
“ငါ့ကျမှ ဝါသနာပါရာကို လုပ်ခွင့်မရတာ” ဆိုပြီး စိတ်ဓာတ် ပိုပိုကျခဲ့ရပါတယ်။ တကယ်တော့ ဘဝပေး အခြေအနေလည်း မတူကြသလို စတင်ပုံချင်းလည်း မတူကြပါဘူး။ ဒါကြောင့် နှိုင်းယှဥ်စရာလည်း မလုပ်ပါဘူး။

လုပ်သင့်တာတွေ လုပ်ရင်း
လုပ်ချင်တာတွေကို ဖြည်းဖြည်းချင်း လုပ်သွားရုံပါပဲ။

နည်းလမ်းမှန်ဖို့ကိုတော့ ဂရုစိုက်ပါ။
ကိုယ်သွားချင်တဲ့ လမ်းကို ဘယ်သူတွေ သွားခဲ့လဲ၊ ဘယ်သူတွေ သွားနေလဲ လေ့လာစေချင်ပါတယ်။ သူတို့ဆီက အကြံဉာဏ်တွေတောင်းပါ။ လိုအပ်တာတွေ သင်ကြားပါ။ ဒါဆို ကိုယ့်ဘာသာ စမ်းတဝါးဝါး သွားနေတာထက် ပိုပြီး ထိရောက်ပါတယ်။

ကျွန်တော်ကိုယ်တိုင်လည်း ဆရာကောင်းတွေဆီက ပညာတွေနဲ့ မှန်ကန်တဲ့ ကြိုးစားအားထုတ်မှုတွေကြောင့်သာ အချိန်တိုတွင်း ပြောင်းလဲတိုးတက်ခဲ့ရတာမို့ ဒီအချက်ကိုတော့ အားလုံးကို သေချာလေး လုပ်စေချင်ပါတယ်။

ကျွန်တော်က ဓာတ်ပုံဆရာဆိုတော့
ကျွန်တော့်လို ဓာတ်ပုံဝါသနာပါသူတွေကိုတော့ လိုအပ်တဲ့ ပညာတွေလည်း သင်ပေးနိုင်သလို လမ်းမှန်ကိုလည်း ညွှန်ပေးနိုင်ပါတယ်။ ကျွန်တော့်ရဲ့ သင်ကြားမှုနဲ့ လမ်းညွှန်မှုတွေကြောင့် အလုပ်တစ်ဖက်နဲ့ ဓာတ်ပုံပညာတိုးတက်လာသူတွေ၊ နိုင်ငံတကာဓာတ်ပုံဆုကြီးတွေ ရရှိသွားသူတွေလည်း များစွာရှိပါတယ်။ အသက် (၂၅) နှစ်အောက် လူငယ်တွေအတွက်ဆို ပညာဒါနအဖြစ် စီစဥ်ပေးထားတာတွေလည်း ရှိပါတယ်။

အားလုံးပဲ လုပ်သင့်တာတွေ လုပ်ရင်း
လုပ်ချင်တာတွေကို အကောင်အထည်ဖော်နိုင်ကြပါစေလို့ ဆုတောင်းပေးပါတယ်။

19/04/2026

ရထားတဲ့ဆုလေးတွေ ပြန်စီ 🎉🎉

02/04/2026

ရန်ကုန်သင်တန်းမှာဗျို့ 📸

28/03/2026

သဘက်ခါ Voting ပိတ်ပြီမို့
အဆင်ပြေရင် ပေးကြပါဦးခင်ဗျာ 😁📸

22/03/2026

အားလုံးကို တောင်းဆိုချင်တာလေး တစ်ခုရှိလို့ပါ 😍

Voting လေးပေးဖို့ တောင်းဆိုချင်ပါတယ် 📸

ကျွန်တော့်ရဲ့ ဓာတ်ပုံလေးတစ်ပုံ UK က ပြိုင်ပွဲတစ်ခုမှာ Finalist ပါထားလို့ Voting ဆုအတွက် အဆင်ပြေရင် Vote ပေးဖို့ တောင်းဆိုချင်ပါတယ်။ ကျွန်တော့်ဘက်က မေတ္တာလက်ဆောင်အနေနဲ့ Voting ပေးထားတဲ့ screenshot လေးကို page messenger ကို ပို့ပေးရင် Mobile Lightroom နဲ့ ဓာတ်ပုံပြင်နည်း Facebook Group ထဲ အခမဲ့ထည့်ပေးပါမယ် 📸

✅ Voting ပေးနည်း အဆင့်ဆင့်

၁။ Scan ဖတ်ပြီး (သို့) အောက်ပါ Link ထဲကို ဝင်ပြီး Register to vote ဆိုတာကို နှိပ်ပြီး ကိုယ့်နာမည်၊ ကိုယ့် Email, Password နဲ့ Account လုပ်ပေးပါ။

၂။ Register လုပ်ပြီးပါက ကိုယ့် Email ထဲကို Confirm လုပ်ရန် Link တစ်ခုပို့လာရင် Link ကို နှိပ်ပြီး ဝင်ပေးပါ။ အဲ့လိုဝင်ပြီး Login ဆိုတဲ့ စာသားလေးကို နှိပ်ပေးပါ။ အဲ့ကျရင် Activation key not found စာသားလေးကို တွေ့ရင် စိတ်မပူပါနဲ့။

၃။ Email ထဲ နောက်တစ်ခါပြန်သွားပြီး Welcome to GCCA ဆိုတဲ့ Email လေးတစ်ခုရောက်နေပါလိမ့်မယ်၊ အဲ့ Email ရဲ့ ပထမဆုံး Link ကို ဝင်ပြီး အပေါ်ဆုံးက New အောက်က Learn more ဆိုတာလေးကို နှိပ်ပြီး ဓာတ်ပုံရှာလို့ရပါပြီ ။

၄။ အနီရောင်အမွှေးတိုင်တွေ စီနေတဲ့ ကျွန်တော့်ရဲ့ပုံလေးကို Star အစိမ်းရောင်လေးဖြစ်သွားအောင် Vote လုပ်ပေးပါ။ ပြီးရင် Screenshot ရိုက်ထားပေးပါ။

Video မှာလည်း Screen record နဲ့ ပြထားပါတယ်၊ ကျေးဇူးတင်ပါတယ်ဗျာ 😍

Vote for my photo in the People's Vote, from the 20-30

Aung Chan Thar Photography

03/06/2026

01/06/2026

26/04/2026

19/04/2026

02/04/2026

28/03/2026

22/03/2026

Address

Telephone

Website

Alerts

Shortcuts

Share

Category