15/02/2026
वीरगन्जमा कार्यरत प्रहरीको व्यवहारमा सुधारको आवस्यक्ता छ ।
वीरगन्जमा कार्यरत जनपथ प्रहरीको व्यवहार नागरिकप्रति अत्यन्त खराब देखिएको छ। नगर क्षेत्रमा कार्यरत प्रहरीले सर्वसाधारणलाई हकार्ने, हप्काउने र अपमानित गर्ने लहजामा सम्बोधन गर्ने प्रवृत्ति जताततै देखापरेको छ। जनताको करबाट तलब सुविधा बुझ्ने प्रहरीले नागरिकप्रति देखाएको यस्तो व्यवहारले उनीहरू मालिक र जनता दासजस्तो भएको अनुभूति गराउने गरेको छ। जनताप्रति अपहेलनापूर्ण स्वभावको प्रदर्शनले एकातर्फ संगठनको गरिमा धुमिल बनाउदै लगेको छ भने अर्कोतर्फ जिल्लामा नेतृत्व गर्ने अधिकारीहरूको कार्यकुशलतामाथि समेत प्रश्न उठाएको छ। यस पोस्ट लेख्नुको मुख्य उद्देश्य प्रहरीले जनतासँग गर्ने व्यवहारमा सुधार होस् भन्ने मात्र हो।
