Barahakshetra Dham Nepal - BDN

10/07/2026

कालाबन्जारमा युवाको ऐतिहासिक पहल : जीर्ण सडक आफैँ मर्मत गर्दै सरकारी निकायलाई स्पष्ट सन्देश

वर्षायाममा खाल्डाखुल्डीले मृत्युको मुखमा पुगेको सडक, १७–२० वर्षका युवाहरूको सक्रियतामा बिहानैदेखि मर्मत अभिय.....

06/07/2026

लक्ष्मीपुर–कालाबन्जार डुबान समस्या समाधानका लागि नगरपालिकाको सक्रियता, प्राविधिक अध्ययनपछि दीर्घकालीन योजना बनाइने

बराहक्षेत्र नगरपालिका–५ अन्तर्गत लक्ष्मीपुर–कालाबन्जार क्षेत्रमा वर्षौंदेखि दोहोरिँदै आएको डुबान तथा पानी निकास समस्याको दीर्घकालीन समाधानका लागि नगरपालिकाले सरोकारवालासँग छलफल थालेको छ। नगर प्रमुख रमेश कार्कीको संयोजकत्वमा सम्पन्न छलफलमा प्राविधिक अध्ययनका आधारमा सबै पक्षलाई न्याय हुने गरी स्थायी समाधानको प्रक्रिया अघि बढाइने प्रतिबद्धता व्यक्त गरिएको छ।

04/07/2026

वर्षा याममा डुबान तथा पानी निकास समस्याबारे खुला अपिल

बराहक्षेत्र नगरपालिका र जिल्ला प्रशासन कार्यालयलाई
बराहक्षेत्र नगरपालिका–५ अन्तर्गत कालाबन्जार, लक्ष्मीपुर, गैरीटोल, खुन टोल लगायत सम्पूर्ण वासीहरूको तर्फबाट
बराहक्षेत्र नगरपालिका क्षेत्रमा प्रत्येक वर्षा याममा दोहोरिँदै आएको डुबान, पानी निकासको अव्यवस्थित प्रणाली तथा खेतियोग्य जमिन, बस्ती र मुख्य सडकहरूमा हुने क्षतिले स्थानीय नागरिकहरूको जनजीवन अत्यन्त प्रभावित हुँदै आएको छ।

विशेषगरी कालाबन्जार, लक्ष्मीपुर, गैरीटोल र खुन टोल क्षेत्रमा चारकोशे झाडी क्षेत्र तथा उत्तरतर्फका खेतीयोग्य जमिनबाट आउने वर्षाको पानी उचित निकास नहुँदा करिब ७-८ बिघा भन्दा बढी जमिन डुबानमा पर्ने, घरहरूमा पानी पस्ने, साथै बालबालिका तथा पैदल यात्रुहरू उच्च जोखिममा पर्ने अवस्था सिर्जना भएको छ।

यस समस्याले स्थानीय स्तरमा बारम्बार विवाद, आर्थिक क्षति तथा जनआक्रोश बढ्दै गएको छ। तसर्थ, यस विषयलाई सामान्य समस्या नभई दीर्घकालीन संरचनागत समाधान आवश्यक रहेको अत्यावश्यक विषयका रूपमा लिन आग्रह गरिन्छ।

मागहरू:
१. सम्पूर्ण क्षेत्रको पानी निकास प्रणालीको प्राविधिक तथा वैज्ञानिक अध्ययन तत्काल गरियोस्।
२. स्थायी नाला तथा ड्रेनेज निर्माणका लागि आवश्यक बजेट तुरुन्त विनियोजन गरियोस्।
३. प्राकृतिक खोल्सा, कुलो तथा पानी बग्ने मार्गहरूको संरक्षण र पुनर्स्थापना गरियोस्।
४. जोखिमयुक्त बस्ती क्षेत्रमा तत्काल अस्थायी सुरक्षा तथा आपतकालीन व्यवस्थापन गरियोस्।
५. स्थानीयवासी, वडा कार्यालय र प्राविधिक टोलीबीच समन्वय गरेर दीर्घकालीन समाधान योजना निर्माण गरियोस्।
हामी विश्वास गर्छौं कि बराहक्षेत्र नगरपालिका र सम्बन्धित जिल्ला प्रशासन कार्यालयले यस समस्यालाई गम्भीरतापूर्वक लिई जनताको ज्यान, सम्पत्ति र कृषि भूमिको संरक्षणका लागि तत्काल कदम चाल्नेछ।
यो अपिल सामाजिक सञ्जालमार्फत समेत सबै सरोकारवालासम्म पुर्यालइ समाधानको लागि सहयोग र ध्यानाकर्षण गरिनेछ।
धन्यवाद।
________________________________________
सम्पर्क/आवेदक:
स्थानीय वासी, कालाबन्जार–लक्ष्मीपुर–गैरीटोल–खुन टोल
बराहक्षेत्र नगरपालिका–५, सुनसरी

#फोटो :- AI बाट निर्मित साङ्केतिक तस्वीर

03/07/2026

लक्ष्मीपुर–गौरी टोलमा पानी निकास विवाद चर्कियो,स्थानीयको माग– सबै पक्षलाई न्याय हुने दीर्घकालीन समाधान गरियोस्

कालाबन्जार, सुनसरी। बराहक्षेत्र नगरपालिका–५ अन्तर्गत लक्ष्मीपुर र गौरी टोलमा वर्षायाममा हुने डुबान तथा पानी नि...

03/07/2026

असार १८ गते बसेको मन्त्रिपरिषद्को बैठकका १० निर्णयहरुः

काठमाडौँ, १८ असार ।
प्रधानमन्त्री तथा मन्त्रिपरिषद्को कार्यालय सिंहदरबारमा आज बसेको मन्त्रिपरिषद्को बैठकले महत्वपूर्ण १० निर्णय गरेको छ । सरकारका प्रवक्ता एवं शिक्षा तथा खेलकुद मन्त्री सस्मित पोखरेलले सञ्चारकर्मीलाई दिनुभएको जानकारी अनुसार बैठकले गोरखापत्र संस्थानको महाप्रबन्धक पदमा कैलालीका हिक्मत बहादुर रावललाई नियुक्त गर्ने निर्णय गरेको छ ।

बैठकले सुरक्षण मुद्रण केन्द्रको कार्यकारी निर्देशक पदमा मोरङका देवराज ढुंगानालाई नियुक्त गर्ने निर्णय गरेको छ ।

यस्तै मन्त्रिपरिषद्को बैठकले नेपाल प्रहरीका आठ जना प्रहरी अतिरिक्त महानिरीक्षक (एआईजी) लाई सरुवा गर्ने निर्णय गरेको छ ।

बैठकले संलग्न सामुद्रिक कानुनसम्बन्धी संयुक्त राष्ट्र सङ्घीय महासन्धि अन्तर्गतको राष्ट्रिय क्षेत्राधिकार भन्दा बाहिरका सामुद्रिक जैविक विविधताको संरक्षण र दिगो प्रयोगसम्बन्धी सम्झौता ( Agreement Under the United Nations Convention on the Law of the Sea on the Vonservation and Sustainable Use of Marine Biological Diversity of Areas Beyond National Jurisdiction) (बीबीएनजे) अनुमोदनका लागि संघीय संसदमा पेश गर्न स्वीकृति दिने निर्णय गरेको छ ।

बैठकले शिक्षा (दसौँ संशोधन) नियमावली, २०८३ पनि स्वीकृत गर्ने निर्णय गरेको मन्त्री पोखरेलले बताउनुभयो । राष्ट्रिय सदाचार नीति, २०८३ र राष्ट्रिय विज्ञापन नीति, २०८३ स्वीकृत गर्ने पनि निर्णय गरिएको छ ।

मन्त्रिपरिषद्को बैठकले अर्थ सम्बन्धी केही नेपाल कानुनलाई संशोधन र खारेज गर्न बनेको विधेयकलाई संघीय संसदसमा पेश गर्न स्वीकृति दिएको छ ।

त्यसैगरी, विशिष्ट संरचना सञ्चालन तथा व्यवस्थापन विकास समितिको रिक्त कार्यकारी निर्देशक पदमा धनकुटाका धर्मराज खड्कालाई नियुक्त गर्ने निर्णय गरेको छ । कमैया श्रम (निषेध गर्ने) सम्बन्धी (पहिलो संशोधन) नियमावली, २०८३ स्वीकृत गर्ने निर्णय गरिएको छ ।

03/07/2026

सम्पादकीय - बराहक्षेत्र–५ : अनियन्त्रित बसाइँसराइ, वन विनाश र अव्यवस्थित प्लटिङले निम्त्याएको संकट?

कुनै समय हरियाली वन, खेतीयोग्य जमिन र प्राकृतिक पानी निकासाका कारण परिचित सुनसरीको बराहक्षेत्र नगरपालिका–५ पछि.....

30/06/2026

रामधुनी नगरपालिकामा चार वर्षमा विकासको फड्को सडकदेखि स्वास्थ्य, कृषि, पर्यटन र सुशासनसम्म उल्लेखनीय प्रगति

झुम्का, सुनसरी। रामधुनी नगरपालिकामा आर्थिक वर्ष २०७९र०८० देखि निर्वाचित नयाँ जनप्रतिनिधिहरूको नेतृत्वमा विका.....

28/06/2026

मधेस प्रदेशको सिमरा घोषणापत्र सार्वजनिक, १५ बुँदे माग अघि सारियो

सुनसरी, असार १४। नेपाल आदिवासी जनजाति पत्रकार महासंघ (फोनिज) मधेस प्रदेशको चौथो पूर्ण बैठकले १५ बुँदे 'सिमरा घोषणा...

27/06/2026

सिमरामा आदिवासी पत्रकारहरूको क्षमता अभिवृद्धिसम्बन्धी दुईदिने प्रदेशस्तरीय कार्यशाला सुरु

सिमरा (बारा), असार १३। नेपाल आदिवासी जनजाति पत्रकार महासंघ (फोनिज) को आयोजनामा "नेपाल वन उपयोग, व्यवस्थापन अधिकार तथ...

27/06/2026

कार्बन बेचेर नेपालले कमायो १ अर्ब ३३ करोड, अब थप १ अर्बभन्दा बढी रकम आउने प्रक्रियामा : सहसचिव पुडासैनी

बारा (सिमरा), असार १३ गते। नेपाल सरकार वन तथा वातावरण मन्त्रालयका सहसचिव नवराज पुडासैनीले नेपालले कार्बन व्यापार.....