आनन्द भैरव मा.वि. कागेश्वरी मनोहरा नगरपालिका - ७ मुलपानी , काठमाडौं

10/09/2026

मिति २०८३/०५/१० गते रसुवामा आएको बाढीपहिरोका कारण प्रभावित तथा पीडित परिवारहरूको सहयोगका लागि हाम्रो यस आनन्द भैरव माध्यमिक विद्यालयका विद्यार्थीहरूले आफ्नो खाजाका लागि घरबाट ल्याएको रकममध्ये केही रकम बचत गरी सहयोग गरेका छन्।
आफ्नो खाजाको चाहनाभन्दा विपत्तिमा परेका पिडितहरुको पीडालाई ठूलो सम्झँदै विद्यार्थीहरूले स्वेच्छाले गरेको यो सहयोग मानवीय संवेदना, सामाजिक उत्तरदायित्व र सहयोगी भावनाको सुन्दर उदाहरण हो। 🙏दुःखमा परेकाहरूको पीडा बुझ्दै सहयोगको हात बढाउने हाम्रा प्यारा विद्यार्थीहरूको यस पुण्य कार्यले सबैलाई प्रेरणा मिलोस्। उहाँहरूको यो सानो योगदानले रसुवा बाढीपहिरो पीडित परिवारको राहतमा थोरै भए पनि मल्हम लगाउन सकोस् भन्ने कामना गर्दछौँ। ❤️🙏
हाम्रा विद्यार्थीहरूको यो अनुकरणीय कार्यप्रति हार्दिक धन्यवाद तथा उच्च सम्मान व्यक्त गर्दछौँ। 🌸

आनन्द भैरव माध्यमिक विद्यालय
परिवार

07/09/2026

राष्ट्रिय शोक दिवस भदौ २२..........

26/08/2026

“स्वास्थ्यका लागि खेलकुद, राष्ट्रका लागि खेलकुद” भन्ने भावनालाई आत्मसात् गर्दै हाम्रो यस आनन्द भैरव माध्यमिक विद्यालयका विद्यार्थी भाइबहिनीहरूले राष्ट्रियस्तरको National Shotokan Karate Championship–2026 मा सहभागी भई उत्कृष्ट प्रदर्शन गर्दै कुमुतेतर्फ तृतीय स्थान हासिल गरी पदक प्राप्त गर्न सफल भएकोमा विद्यालय परिवार अत्यन्त गौरवान्वित भएको छ।
यस महत्वपूर्ण उपलब्धिका लागि पदक विजेता सम्पूर्ण विद्यार्थी भाइबहिनीहरूलाई यस विद्यालयका प्रधानाध्यापक सरस्वती थापा कार्की ज्यूले हार्दिक बधाई तथा शुभकामना व्यक्त गर्नुभएको छ। साथै, विद्यार्थीहरूलाई निरन्तर प्रशिक्षण, मार्गदर्शन र हौसला प्रदान गर्दै यस सफलता हासिल गर्न महत्वपूर्ण भूमिका निर्वाह गर्नुहुने खेल प्रशिक्षकज्यूलाई समेत हार्दिक बधाई तथा धन्यवाद व्यक्त गर्नुभएको छ।

विद्यार्थीहरूको प्रतिभा, मेहनत, अनुशासन, लगनशीलता र निरन्तर अभ्यासकै परिणामस्वरूप प्राप्त यस सफलताले विद्यालयको गौरव अझ बढाएको छ। आगामी दिनमा पनि विद्यार्थी भाइबहिनीहरूले खेलकुदका साथै शैक्षिक क्षेत्रमा समेत उत्कृष्ट सफलता हासिल गर्दै विद्यालय, अभिभावक तथा समग्र समुदायको नाम उच्च राख्न सफल हुनुहोस् भन्ने हार्दिक शुभकामना व्यक्त गर्दछौँ।

21/08/2026

आज मिति २०८३/०५/०५ गते शुक्रवार हाम्रो यस आनन्द भैरव माध्यमिक विद्यालयमा कक्षा १२ मा अध्ययनरत विद्यार्थी भाइबहिनिहरूले कक्षा ११ का विद्यार्थी भाइबहिनिहरुलाई गरिएको स्वागत कार्यक्रम यस विद्यालयका वि.व्य.स अध्यक्ष शंकर थापा ज्यू को सभाध्यक्षतामा ,यस विद्यालयको प्र.अ सरस्वती थापा कार्की ज्यू,सहायक प्र.अ ज्यू ,कक्षा ११,१२ का इन्चार्ज,वि.व्य.स सदस्य ज्यूहरु लगायत अध्यापन गराउनुहुने सम्पूर्ण शिक्षक ज्यूहरुको उपस्थितिमा कक्षा ११ को लागि गरिएको Well Come Program रमाइलो साँस्कृतिक कार्यक्रमको साथ सम्पन्न भएको छ ,यस अवसरले विद्यालयमा नयाँ उमङ्ग, ऊर्जा र मित्रताको भावना थपिएको छ,नयाँ यात्रामा अघि बढिरहेका कक्षा ११ का सम्पूर्ण विद्यार्थीहरुलाई हार्दिक शुभकामना तथा तपाईंहरूको अध्ययन, सपना र सफलताका लागि सम्पूर्ण आनन्द भैरव परिवार सधैं तपाईंहरुको साथमा रहनेछ।

17/08/2026

"स्वास्थ्यका लागि खेलकुद, राष्ट्रका लागि खेलकुद” भन्ने मूल नाराका साथ आनन्द भैरव माध्यमिक विद्यालय, कागेश्वरी मनोहरा–७, मूलपानीको आयोजनामा सञ्चालित माध्यमिक तथा आधारभूत तहस्तरीय फुटसल प्रतियोगिता–२०८३ आज मिति २०८३/०५/०१ गते सोमबार सम्पन्न भएको छ।
समापन समारोहमा विद्यालयका वि.व्य.स. अध्यक्ष श्री शंकर थापा ज्यू र प्रधानाध्यापक सरस्वती थापा कार्की ज्यू ले प्रतियोगितामा प्रथम र द्वितीय स्थान हासिल गर्ने विजेता तथा उपविजेता टोलीलाई मेडल तथा ट्रफी वितरण गर्नुभई प्रतियोगिताको समापन गर्नुभएको थियो ।

14/08/2026

"स्वास्थ्यका लागि खेलकुद, राष्ट्रका लागि खेलकुद” भन्ने मूल नाराका साथ आज मिति २०८३/०४/२९ गते शुक्रबार हाम्रो यस आनन्द भैरव माध्यमिक विद्यालय, कागेश्वरी मनोहरा नगरपालिका–७, मूलपानीको आयोजनामा माध्यमिक तथा आधारभूत तहस्तरीय फुटसल प्रतियोगिता–२०८३ आजदेखि औपचारिक रूपमा शुभारम्भ भएको छ।
विद्यालयमा अध्ययनरत विद्यार्थीहरूबीच खेलकुदको माध्यमबाट स्वस्थ प्रतिस्पर्धा, अनुशासन, सहकार्य र नेतृत्व विकास गर्ने उद्देश्यले आयोजना गरिएको यस प्रतियोगिताको उद्घाटन विद्यालयका वि.व्य.स. अध्यक्ष आदरणीय श्री शंकर थापा ज्यूले गर्नुभएको हो ।उद्घाटन समारोहमा यस विद्यालयको प्रधानाध्यापक सरस्वती थापा कार्की ज्यू, शिक्षक–कर्मचारी, विद्यार्थी तथा खेलप्रेमी विद्यार्थी भाईबहिनिहरुको उत्साहजनक सहभागिता रहेको थियो।
प्रतियोगितामा सहभागी सम्पूर्ण विद्यार्थी खेलाडीहरूलाई हार्दिक शुभकामना व्यक्त गर्दै अनुशासित, मर्यादित र उत्कृष्ट खेल प्रदर्शनका लागि शुभेच्छा व्यक्त गर्दछौँ। ⚽❤️

⚽️खेलौँ, रमाऔँ र स्वस्थ रहौँ ⚽️
आनन्द भैरव माध्यमिक विद्यालय
परिवार

07/08/2026

आज मिति २०८३/०४/२२ गते शुक्रबार हाम्रो विद्यालयको नियमित शुक्रबारे कार्यक्रम अनुसार कक्षा १ देखि कक्षा १२ सम्म वादविवाद प्रतियोगितामा गरिनुको साथै वादविवाद प्रतियोगितामा तहगत कक्षा १-३,कक्षा ४-५,कक्षा ६-८,कक्षा ९-१० र कक्षा ११-१२ मा प्रथम,द्धितिय र तृतिय स्थान हाँसिल गर्न सफल विद्यार्थी भाइबहिनिहरुलाई यस विद्यालयका प्रधानाध्यापक तथा आजको कार्यक्रमको सभापति सरस्वती थापा कार्की ज्यू बाट हार्दिक बधाई तथा शुभकामना व्यक्त गर्दै आजको अतिरिक्त क्रियाकलाप सम्पन्न भएको छ ।।।।।

04/08/2026

🌹🎂 शुभ-जन्मदिनको मंगलमय शुभकामना 🎂🌹
हाम्रो यस आनन्द भैरव माध्यमिक विद्यालयको आदरणीय प्रधानाध्यापक सरस्वती थापा कार्की ज्यूको आज परेको शुभ जन्मदिनको पावन अवसरमा विद्यालय परिवारको तर्फबाट हार्दिक मंगलमय शुभकामना व्यक्त गर्दछौँ।

विद्यालयको शैक्षिक, प्रशासनिक तथा समग्र विकासका लागि उहाँले निर्वाह गर्नुभएको नेतृत्वदायी भूमिका, निरन्तरको सक्रियता, समर्पण, अनुशासन, लगनशीलता र सकारात्मक सोच वास्तवमै प्रशंसनीय एवं प्रेरणादायी रहेको छ। उहाँको कुशल नेतृत्व, दूरदर्शी सोच र सबैलाई साथमा लिएर अघि बढ्ने कार्यशैलीले विद्यालयको शैक्षिक वातावरणलाई थप प्रभावकारी, व्यवस्थित र उपलब्धिमूलक बनाउन महत्वपूर्ण योगदान पुर्‍याउँदै आएको छ।

प्रधानाध्यापकका रूपमा उहाँले विद्यार्थीहरूको उज्ज्वल भविष्य, शिक्षक–कर्मचारीहरूको पेशागत विकास तथा विद्यालयको समग्र उन्नतिलाई सदैव प्राथमिकतामा राख्दै आउनुभएको छ। उहाँको अथक प्रयास, जिम्मेवारीप्रतिको निष्ठा र विद्यालयप्रतिको आत्मीयताले हामी सम्पूर्ण विद्यालय परिवारलाई निरन्तर प्रेरणा प्रदान गरिरहेको छ।

यस विशेष दिनले उहाँको जीवनमा थप उत्साह, उमंग, ऊर्जा र सफलताको नयाँ अध्याय प्रारम्भ गरोस्। आगामी दिनहरू अझ सुखद, समृद्ध, सफल र उपलब्धिमूलक रहून्। उहाँले आफ्नो ज्ञान, अनुभव, नेतृत्व र ऊर्जामार्फत विद्यालयलाई अझ उत्कृष्टताको नयाँ उचाइमा पुर्‍याउँदै निरन्तर सफलता हासिल गर्न सक्नुहोस् भन्ने हार्दिक कामना गर्दछौँ।

सुस्वास्थ्य, दीर्घायु, सुख, शान्ति, समृद्धि, पारिवारिक सुख एवं निरन्तर प्रगतिको हार्दिक शुभेच्छासहित जन्मदिनको अनन्त शुभकामना! 💐

🎉 जन्मदिनको धेरै–धेरै शुभकामना, आदरणीय म्याम🎂🙏

आनन्द भैरव माध्यमिक विद्यालय
परिवार

30/07/2026