https://www.instagram.com/z4med_ia?igsh=MnV0dmMzaDB6dWYy

Z4 Media, Muscat (2026)

06/09/2026

🦅 ആകാശത്തിന്റെ രാജ്ഞിയെ സ്വന്തമാക്കി അറബ് പെൺകൊടി; സകല റെക്കോർഡുകളും തകർത്ത് ലേല ലോകത്ത് വിസ്മയം!

പരുന്ത് വളർത്തൽ കേവലം ഒരു ഹോബിയല്ല, മിഡിൽ ഈസ്റ്റിന്റെ മണ്ണിൽ അത് അഭിമാനത്തിന്റെയും സംസ്കാരത്തിന്റെയും അടയാളമാണ്. പരമ്പരാഗതമായി പുരുഷന്മാർ മാത്രം വാണിരുന്ന ആഡംബര പരുന്ത് ലേലവേദിയിലാണ് ഇപ്പോൾ ഒരു കൊച്ചു പെൺകുട്ടി ചരിത്രം കുറിച്ചിരിക്കുന്നത്. പ്രമുഖരായ പ്രവാസികളെയും ലേലക്കാspoonരെയും അതിശയിപ്പിച്ചുകൊണ്ട് ലക്ഷക്കണക്കിന് ദിർഹം (കോടികൾ) മുടക്കിയാണ് അപൂർവ്വയിനത്തിൽപ്പെട്ട ഈ കൂറ്റൻ പരുന്തിനെ അവൾ സ്വന്തമാക്കിയത്!

മികച്ച ആരോഗ്യവും അതിവേഗ പറക്കലും സൂക്ഷ്മമായ കാഴ്ചശക്തിയുമുള്ള ഈ പരുന്തിനായി ആഗോളതലത്തിൽ വൻ ലേലവിളിയാണ് നടന്നത്. എന്നാൽ, വാശിയേറിയ പോരാട്ടത്തിനൊടുവിൽ എല്ലാവരെയും പിന്തള്ളി ഈ പെൺകുട്ടി വിജയം കൈപ്പിടിയിലൊതുക്കുകയായിരുന്നു. പരമ്പരാഗത രീതികളോടുള്ള ആദരവും പരുന്തുകളോടുള്ള അടങ്ങാത്ത സ്നേഹവുമാണ് ഈ അപൂർവ്വ നേട്ടത്തിന് പിന്നിൽ.

പരുന്തിനെ കയ്യിലേന്തി തലയുയർത്തി നിൽക്കുന്ന പെൺകുട്ടിയുടെ 'മാസ്സ്' ചിത്രങ്ങളും വീഡിയോകളും ഇതിനോടകം തന്നെ സോഷ്യൽ മീഡിയയിൽ വൻ തരംഗമായി മാറിയിട്ടുണ്ട്. റോയൽ ലുക്കിലുള്ള ഈ കൂട്ടുകെട്ട് നെറ്റിസൺസ് ഏറ്റെടുത്തു കഴിഞ്ഞു. 🇦🇪✨

04/09/2026

മറ്റൊരാൾ തുടങ്ങട്ടെ എന്ന് കാത്തുനിൽക്കാതെ... 20-കാരൻ മാറ്റിയെഴുതിയത് ഒരു നദിയുടെ വിധി!

വെറും 20 വയസ്സ്, നീന്തൽ അറിയില്ല, കൈയുറകളോ സുരക്ഷാ ബൂട്ടുകളോ ഇല്ല. മുന്നിൽ മാലിന്യം നിറഞ്ഞ് അഴുകിയ അജ്നാർ നദി. ഈ കാഴ്ച കണ്ട് മനംമടുത്ത് മാറിനിൽക്കാനല്ല മധ്യപ്രദേശിൽ നിന്നുള്ള ബി.എസ്.സി വിദ്യാർത്ഥി ബിട്ടു തബാഹി തീരുമാനിച്ചത്.

2026 ജനുവരി 26-ന് അവൻ ഒറ്റയ്ക്ക് ആ മാലിന്യക്കൂമ്പാരത്തിലേക്ക് ഇറങ്ങി. ബിയോറയിലെ ക്ഷേത്രത്തിനടുത്തുള്ള നദീഭാഗം അന്ന് പ്ലാസ്റ്റിക്കും മറ്റ് മാലിന്യങ്ങളും നിറഞ്ഞ് ഒരു കൂറ്റൻ മാലിന്യ നിക്ഷേപ കേന്ദ്രമായിരുന്നു.

പരിഹസിച്ചവരും ലൈക്കുകൾക്ക് വേണ്ടിയാണെന്ന് കുറ്റപ്പെടുത്തിയവരും നിരവധിയായിരുന്നു. ഒരു ഘട്ടത്തിൽ കൈകളിൽ അണുബാധ വരെ ഉണ്ടായി. എങ്കിലും ബിട്ടു പിന്മാറിയില്ല.

സ്വന്തം കയ്യിൽ നിന്നും കൂട്ടുകാരിൽ നിന്നും പണം കണ്ടെത്തി ഉപകരണങ്ങളും ഡസ്റ്റ് ബിന്നുകളും വാങ്ങി. ഏകദേശം 30,000 രൂപ ഇതിനായി ചെലവഴിച്ചു. പൂജാ അവശിഷ്ടങ്ങൾ ശേഖരിച്ച് ജൈവവളമാക്കി മാറ്റി.

"തബാഹി" എന്നാൽ "വിനാശം" എന്നാണ് അർത്ഥമെങ്കിലും, ബിട്ടു ഇന്ന് തകർക്കാൻ ശ്രമിക്കുന്നത് ജല മലിനീകരണത്തെയാണ്!

അതെ, മാറ്റങ്ങൾ സംഭവിക്കുന്നത് ആരെങ്കിലും ഒരാൾ സ്വയം മുന്നിട്ടിറങ്ങുമ്പോഴാണ്. ഈ "മുൻകൈ" ആണ് ബിട്ടുവിനെ വ്യത്യസ്തനാക്കുന്നത്.

അന്താരാഷ്ട്ര തലത്തിൽ തന്നെ അംഗീകാരം അർഹിക്കുന്ന ബിട്ടുവിന്റെ ഈ നിശ്ചയദാർഢ്യം നമുക്കെല്ലാവർക്കും വലിയൊരു പ്രചോദനമാണ്. 💥

04/09/2026

ബസ് അല്ല, ജീവൻ കാത്ത ആംബുലൻസ്! കക്കയം റോഡിൽ വിരിഞ്ഞ അതിമാനുഷികമായ സ്നേഹഗാഥ!

സിനിമാക്കഥകളെപോലും തോൽപ്പിക്കുന്ന തികച്ചും വൈകാരികമായ രംഗങ്ങൾക്കാണ് കഴിഞ്ഞദിവസം കോഴിക്കോട് - ബാലുശ്ശേരി - കക്കയം റൂട്ടിലെ ‘ഫന്റാസ്റ്റിക്’ (FANTASTIC) എന്ന സ്വകാര്യ ബസ് സാക്ഷ്യം വഹിച്ചത്. തിരക്കേറിയ വൈകുന്നേരത്ത്, സമയത്തോടും ട്രാഫിക് ബ്ലോക്കിനോടും പോരാടി ഒരു കൂട്ടം മനുഷ്യർ ഒരു യുവതിയുടെ ജീവൻ തിരിച്ചുപിടിച്ച വാർത്ത ഇപ്പോൾ സോഷ്യൽ മീഡിയയിൽ തരംഗമാവുകയാണ്.

വൈകുന്നേരം 4:45-ഓടെ കാരപ്പറമ്പ് ജംഗ്ഷൻ പിന്നിട്ടപ്പോൾ നിറഞ്ഞു കവിഞ്ഞ ബസിനുള്ളിൽ നിന്നും പെട്ടെന്നൊരു നിലവിളി ഉയർന്നു. യാത്രക്കാരിയായ ഒരു യുവതിക്ക് കടുത്ത ദേഹാസ്വാസ്ഥ്യം അനുഭവപ്പെടുകയും അപസ്മാര ലക്ഷണങ്ങളോടെ അവർ അബോധാവസ്ഥയിലാവുകയുമായിരുന്നു. പ്രഥമശുശ്രൂഷ നൽകിയിട്ടും അവസ്ഥ ഗുരുതരമായി തുടർന്നു.

മുമ്പിൽ നീണ്ട കിലോമീറ്ററുകളോളം ട്രാഫിക് ബ്ലോക്ക്! എന്നാൽ ഒട്ടും മടിക്കാതെ ഡ്രൈവർ നന്ദു സ്റ്റിയറിംഗിൽ കൈമുറുക്കി, തുടർച്ചയായി ഹോൺ മുഴക്കി ബസ് മുന്നോട്ട് പായിച്ചു. കണ്ടക്ടർ അഖിലും ക്ലീനർ നിയാസും യാത്രക്കാർക്ക് ധൈര്യമേകി യുവതിയെ പരിചരിച്ചു. ആ നിമിഷം മുതൽ യാത്രാബസ് ഒരു ജീവൻരക്ഷാ ആംബുലൻസായി മാറുകയായിരുന്നു.

തുടർച്ചയായ ഹോൺ ശബ്ദത്തിന്റെ കാരണം മനസ്സിലാക്കിയ റോഡിലെ മറ്റ് വാഹന ഉടമകളും പ്രവാസികളും നാട്ടുകാരും ചേർന്ന് ബ്ലോക്കിനിടയിലും വഴിയൊരുക്കി നൽകി. ഒരൊറ്റ യാത്രക്കാരൻ പോലും ഇറങ്ങണമെന്ന് ആവശ്യപ്പെടുകയോ ബസ് എവിടെയും നിർത്തുകയോ ചെയ്തില്ല.

കാക്കൂരിലെ സ്വകാര്യ ആശുപത്രിക്ക് മുന്നിൽ ബസ് ബ്രേക്കിട്ട നിമിഷം, യൂണിഫോം ഇട്ട ഒരു കൊച്ചു മിടുക്കി സീറ്റിൽ നിന്നും അത്യാഹിത വിഭാഗത്തിലേക്ക് ഓടിക്കയറി വിവരം ഡോക്ടർമാരെ അറിയിച്ചു. ഉടനടി ഓടിയെത്തിയ മെഡിക്കൽ സംഘം യുവതിയെ ഐ.സി.യുവിലേക്ക് മാറ്റി. തക്കസമയത്ത് ആശുപത്രിയിൽ എത്തിച്ചതിനാൽ ആ യുവതി അപകട നില തരണം ചെയ്തു.

കളക്ഷൻ തുകയേക്കാളും സമയം പാലിക്കുന്നതിനേക്കാളും തങ്ങൾ വഹിക്കുന്ന മനുഷ്യത്വത്തിന് മുൻഗണന നൽകിയ ഡ്രൈവർ നന്ദു, അഖിൽ, നിയാസ്, സമയോചിതമായി പ്രവർത്തിച്ച ആ സ്കൂൾ പെൺകുട്ടി, വഴിമാറിക്കൊടുത്ത ഡ്രൈവർമാർ... മനുഷ്യത്വം ഇന്നും മരിച്ചിട്ടില്ലെന്ന് തെളിയിച്ച ഈ നന്മയുള്ള മനുഷ്യർക്ക് നാടിന്റെ ബിഗ് സല്യൂട്ട്! ❤️🙏

04/09/2026

"അച്ഛൻ ആണെങ്കിൽ അത് മാസ്സ് അച്ഛൻ തന്നെ!" 🥳 - ഓല കമ്പനിക്കിട്ട് കിടുക്കൻ പണി! 😂🔥

സ്വന്തം ഓല സ്കൂട്ടർ സർവീസിന് കൊടുത്തിട്ട് നീണ്ട മൂന്ന് മാസം കഴിഞ്ഞു! പരാതികൾ പറഞ്ഞു മടുത്തു, സമരം നടത്തി, പോലീസിലും കളക്ടർക്കും എന്തിനേറെ മുൻ മുഖ്യമന്ത്രിക്ക് വരെ പരാതി കൊടുത്തു! എന്നിട്ടും ഒരു തീരുമാനവും ആയില്ല... 🤦‍♂️
പക്ഷേ, അച്ഛൻ വിട്ടുകൊടുക്കാൻ തയ്യാറല്ലായിരുന്നു! ഒടുവിൽ അച്ഛൻ ഒരു കിടുക്കൻ മാസ് തീരുമാനത്തിലെത്തി! 😎

നേരെ ഷോറൂമിലേക്ക് കയറിച്ചെന്നു, അവിടെ കിടന്ന പുതിയൊരു ഓല സ്കൂട്ടറിന്റെ താക്കോലുമെടുത്ത് വണ്ടിയുമായി പുറത്തേക്ക്! 🚗💨
ഇറങ്ങുമ്പോൾ അച്ഛൻ ഷോറൂമുകാരോട് പറഞ്ഞത് ഒരൊറ്റ കാര്യം:
"എന്റെ വണ്ടി നന്നാക്കി തരുന്ന ദിവസം ഞാൻ ഈ വണ്ടി തിരിച്ചു തരാം!" 😂🔥

കോട്ടയത്താണ് സംഭവം! 3 മാസം കാത്തിരുന്നിട്ടും സ്വന്തം വണ്ടി കിട്ടാത്തപ്പോൾ പകരം പുതിയ വണ്ടി തന്നെ എടുത്തുകൊണ്ടുപോയ അച്ഛന്റെ ഈ വേറിട്ട 'പ്രതിഷേധത്തെക്കുറിച്ച്' നിങ്ങൾക്ക് എന്താണ് പറയാനുള്ളത്? അച്ഛൻ ചെയ്തത് ശരിയോ അതോ തെറ്റോ? 🤔👇

02/09/2026

മഹാറാണി വെഡ്ഡിംഗ് കളക്ഷൻസിന്റെ ഓണാഘോഷത്തിനിടെ ജീവനക്കാർക്കായി ഒരു കോടി രൂപയുടെ ഓണസമ്മാനം വിതരണം ചെയ്തു. ഈ പരിപാടിക്കിടെ, സ്ഥാപനത്തിന്റെ മുഖമായി മാറിയ നിത്യ എന്ന ജീവനക്കാരിക്ക് പ്രത്യേകം ഒരു റെഫ്രിജറേറ്റർ സമ്മാനമായി നൽകി ആദരിച്ചു. എല്ലാ കസ്റ്റമേഴ്സിനെയും നിറഞ്ഞ പുഞ്ചിരിയോടെ സ്വീകരിച്ച് സെയിൽസ് ടീമിന് വലിയൊരു പിന്തുണ നൽകിയതിനും സ്ഥാപനത്തിന്റെ പ്രിയപ്പെട്ട മുഖമായി മാറിയതിനുമാണ് മഹാറാണി ഈ പ്രത്യേക സമ്മാനം നൽകിയത്.

02/09/2026

പാലാരിവട്ടത്ത് റോഡരികിലിട്ട പൂക്കളം ചവിട്ടിത്തെറിപ്പിച്ച സംഭവത്തിൽ ഒടുവിൽ പെൺകുട്ടി മാധ്യമങ്ങൾക്ക് മുന്നിലെത്തി പരസ്യമായി മാപ്പ് പറഞ്ഞു. വർക്ക് സ്ട്രെസ്സും ജോലിസ്ഥലത്തെ ഫ്രസ്ട്രേഷനുമാണ് ഇത്തരമൊരു അബദ്ധത്തിലേക്ക് നയിച്ചതെന്നാണ് പെൺകുട്ടിയുടെ വിശദീകരണം.

"പൂക്കളം മനഃപൂർവം നശിപ്പിക്കണം എന്ന് എനിക്ക് ഒട്ടും ഉദ്ദേശമുണ്ടായിരുന്നില്ല. ഓഫീസിലെ വർക്ക് ഫ്രസ്ട്രേഷൻ കാരണം അറിയാതെ കാൽ തട്ടിപ്പോയതാണ്. എനിക്ക് അറിയാതെ പറ്റിപ്പോയ വലിയൊരു അബദ്ധമാണിത്. മെട്രോ പണി നടക്കുന്നതിനാൽ വഴിയിലാകെ ചെളിയായിരുന്നു. സാധാരണയായി ഫുട്പാത്തിലൂടെയാണ് നടക്കാറുള്ളത്. എന്നാൽ ചെളി കാരണം പൂക്കളത്തിന് തൊട്ടടുത്തുകൂടി നടക്കേണ്ടിവരുകയും അറിയാതെ കാൽ തട്ടുകയുമായിരുന്നു. ഈ സംഭവത്തിൽ ഹിന്ദു സമൂഹത്തോടും ജനങ്ങളോടും ഞാൻ ആത്മാർത്ഥമായി മാപ്പപേക്ഷിക്കുന്നു. ഒരിക്കലും ചെയ്യാൻ പാടില്ലാത്ത കാര്യമായിരുന്നു ഇത്, എല്ലാവരും എനിക്ക് മാപ്പ് തരണം," പെൺകുട്ടി പറഞ്ഞു.

അതേസമയം, മാധ്യമങ്ങളിൽ മുഖം ബ്ലർ ചെയ്താണ് പെൺകുട്ടിയുടെ പ്രതികരണം വന്നിരിക്കുന്നത്. ഇതിനെതിരെ സോഷ്യൽ മീഡിയയിൽ വലിയ രീതിയിലുള്ള വിമർശനങ്ങളും ചർച്ചകളും ഉയരുന്നുണ്ട്. ഈ സ്ഥാനത്ത് ഒരു ആണായിരുന്നു എങ്കിൽ അവന്റെ വീട്ടുപേരും ജാതകവും ജീവചരിത്രവും വരെ വാർത്തകളിൽ നിറയുമായിരുന്നു എന്നും, ഇവിടെ ലിംഗവേർതിരിവ് വ്യക്തമായി കാണാമെന്നും നിരവധി ആളുകൾ സോഷ്യൽ മീഡിയയിൽ അഭിപ്രായപ്പെടുന്നു.

29/08/2026

കാമുകിയുടെ 'തേപ്പ്' : ഗവണ്മെന്റ് ജോലി സ്വപ്നം കണ്ട കാമുകി ഒടുവിൽ അഴികൾക്കുള്ളിൽ!

ഈ ചിത്രത്തിൽ കാണുന്ന പുഞ്ചിരിക്കുന്ന മുഖമുള്ള പെൺകുട്ടിയുടെ പേര് റുതുജ. മഹാരാഷ്ട്രയിലെ MPSC ഡ്രഗ് ഇൻസ്പെക്ടർ പരീക്ഷയ്ക്ക് തയ്യാറെടുക്കുകയായിരുന്നു. എന്നാൽ, പരീക്ഷയ്ക്ക് തൊട്ടുമുമ്പ് MPSCയിലെ ചില ഉദ്യോഗസ്ഥർ ചോദ്യപേപ്പർ ചോർത്തിയെന്ന വാർത്ത പുറത്ത് വന്നു. ഒരു കോച്ചിംഗ് ക്ലാസ് ഉടമയ്ക്ക് ലഭിച്ച ഈ ചോദ്യപേപ്പർ, റുതുജയുടെ പിതാവ് അഞ്ച് ലക്ഷം രൂപ അഡ്വാൻസ് നൽകി സ്വന്തമാക്കി.

ചോദ്യപേപ്പർ ലഭിച്ച റുതുജ, അത് തന്റെ കാമുകനായ ഗൗരവിന് കൈമാറി. തുടർന്ന് പരീക്ഷയിൽ മികച്ച വിജയം നേടിയ റുതുജ, ഏഴാം റാങ്ക് കരസ്ഥമാക്കി റിക്രൂട്ട്‌മെന്റ് ലിസ്റ്റിൽ ഇടംനേടി. ഗവണ്മെന്റ് ജോലി ലഭിക്കുന്ന ഘട്ടത്തിലെത്തിയപ്പോഴേക്കും റുതുജയും ഗൗരവും തമ്മിലുള്ള പ്രണയബന്ധം അവസാനിച്ചു, ഇരുവരും വേർപിരിഞ്ഞു.

ഈ 'തേപ്പിൽ' കലിപ്പ് പൂണ്ട ഗൗരവ്, പ്രതികാരം ചെയ്യാൻ തീരുമാനിച്ചു. ചോദ്യപേപ്പർ ചോർച്ചയെക്കുറിച്ച് MPSCയ്ക്ക് ഇമെയിൽ വഴി പരാതി നൽകി. എന്നാൽ, ചോർന്ന പേപ്പർ താനും ഉപയോഗിച്ചിരുന്നുവെന്ന യാഥാർത്ഥ്യം പിന്നീട് മനസ്സിലാക്കിയ ഗൗരവ്, പരാതി പിൻവലിക്കാൻ ശ്രമിച്ചു. എന്നാൽ, അപ്പോഴേക്കും അന്വേഷണം ആരംഭിച്ചിരുന്നു.

അന്വേഷണത്തിൽ ചോദ്യപേപ്പർ ചോർച്ച തെളിയുകയും, റുതുജയെയും അവരുടെ പിതാവിനെയും ഉൾപ്പെടെ അറസ്റ്റ് ചെയ്യുകയും ചെയ്തു. ഇതോടെ, ഗവണ്മെന്റ് ജോലി എന്ന സ്വപ്നം തകർന്ന റുതുജയ്ക്ക് ഒടുവിൽ ജയിലഴികൾക്കുള്ളിലായി.

ഒരു പ്രണയ തകർച്ചയിൽ നിന്ന് ഉടലെടുത്ത പ്രതികാര ബുദ്ധിയാണ് ഒരു വലിയ പരീക്ഷാ അഴിമതി പുറത്തുകൊണ്ടുവന്നത്.

27/08/2026

പത്തനംതിട്ടയിൽ നിന്നും നന്മ നിറഞ്ഞൊരു വാർത്ത..

ഓട്ടോയിൽ കയറിയ യാത്രക്കാരെ ഇറക്കി മടങ്ങുന്നതിനിടെ വഴിയരുകിൽ നിന്നും ലഭിച്ച 15000 രൂപ ഉടമയ്ക്ക് തിരിച്ചു നൽകി മാതൃകയായി ഓട്ടോ ഡ്രൈവറായ രാമചന്ദ്രൻ നായർ.. മത്സ്യ തൊഴിലാളിയായ ബദറുദ്ദീൻ എന്നയാളുടെ പണമാണ് യാത്രക്കിടെ നഷ്‌ടപ്പെട്ടത്.

കഷ്ടപ്പെട്ട് അധ്വാനിച്ച് ഉണ്ടാക്കിയ പണം നഷ്‌ടപ്പെട്ട സങ്കടത്തിൽ ഇരിക്കുമ്പോഴാണ് പണവുമായി രാമചന്ദ്രൻ ചേട്ടൻ അദ്ദേഹത്തിനെ തേടിയെത്തി പണം തിരികെ നൽകിയത്...

" രാവിലെ മുതൽ വണ്ടി ഓടിച്ച് ആ പണമാണ് ഇതുപോലെ കളഞ്ഞു പോകുന്നത് എങ്കിൽ നമ്മുടെ അവസ്ഥ എന്തായിരിക്കും.

അതുപോലെ തന്നെയായിരിക്കും ആ പാവത്തിന്റെയും ഒരു അവസ്ഥ. എനിക്ക് ജീവിക്കാനുള്ളത് രാവിലെ മുതൽ വണ്ടി ഓടിച്ചു ഞാൻ ഉണ്ടാക്കുന്നുണ്ട്. വല്ലവരും കഷ്‌ടപ്പെട്ട് ഉണ്ടാക്കുന്ന ഒരു രൂപ പോലും വേണ്ട" രാമചന്ദ്രൻ ചേട്ടന്റെ വാക്കുകൾ...

27/08/2026

സ്നേഹത്തിൻ്റെ മനം നിറയ്ക്കുന്ന നിമിഷം! പ്രിയപ്പെട്ടവളെ കണ്ടപ്പോൾ ഭർത്താവ് ചോദിച്ച ആ ഒറ്റ ചോദ്യം സോഷ്യൽ മീഡിയയിൽ വൈറലാകുന്നു... ❤️

കുഞ്ഞ് ജനിച്ച് കുറച്ചു സമയത്തിന് ശേഷമാണ് ആ വാർത്ത അച്ഛനെ അറിയിക്കുന്നത്. ഒരു തുള്ളി ഉറക്കം പോലുമില്ലാതെ ഭാര്യയെ ഓർത്തു കാത്തിരിക്കുകയായിരുന്നു അയാൾ. നഴ്സുമാർ കുഞ്ഞ് പിറന്ന വിവരം അറിയിച്ചപ്പോൾ ആ മുഖത്ത് പറഞ്ഞറിയിക്കാനാകാത്ത സന്തോഷമായിരുന്നു. 🥹

കുഞ്ഞിനെ കാണാൻ എല്ലാവരും തിരക്ക് കൂട്ടിയപ്പോൾ ആ ഭർത്താവ് ആദ്യം ചോദിച്ചത് എന്താണെന്നോ? 🤔 "എൻ്റെ അഞ്ജലിക്ക് എങ്ങനെയുണ്ട് ? സുഖമാണോ അവൾക്ക്?" തൻ്റെ പ്രിയപ്പെട്ടവളോടുള്ള കരുതൽ ആ ഒറ്റ ചോദ്യത്തിൽ ഉണ്ടായിരുന്നു. 🥹

കുഞ്ഞ് ജനിച്ച് ഏറെ നേരം കഴിഞ്ഞാണ് അയാൾ അഞ്ജലിയെ കണ്ടത്. ആ നേരം കണ്ട എല്ലാവരുടെയും കണ്ണു നിറഞ്ഞിരുന്നു. ഭർത്താവിൻ്റെ സ്നേഹം അഞ്ജലിയുടെയും മനസ്സു നിറച്ചു. ❤️

ഒരു കുഞ്ഞിൻ്റെ വരവ് വലിയ സന്തോഷം നൽകുന്നതാണ്. പക്ഷെ ആ കുഞ്ഞിനെ പേറ്റ് കൊടുത്ത അമ്മയുടെ ആരോഗ്യം കൂടി പ്രധാനമാണ് എന്ന് മനസ്സിലാക്കുന്നിടത്താണ് യഥാർത്ഥ സ്നേഹം ... ❤️

ഈ ചിത്രവും വീഡിയോയും ഒരുപാട് പേരുടെ ഹൃദയം കവർന്നിട്ടുണ്ട്. വാക്കുകളേക്കാൾ സ്നേഹം പ്രകടിപ്പിക്കാൻ ആ ഒറ്റ നിമിഷം മാത്രം മതിയായിരുന്നു. 😍❤️

26/08/2026

🐍 'പെണ്ണ് നാഗിനിയായി മാറിയെന്ന് വീട്ടുകാർ!' | കിടക്കയിൽ പാമ്പിന്റെ പടം വെച്ച് കാമുകനൊപ്പം ഒളിച്ചോടി 20-കാരി!

സിനിമയെ വെല്ലുന്ന ഒരു തകർപ്പൻ ഒളിച്ചോട്ട കഥയാണ് ഇപ്പോൾ ഉത്തർപ്രദേശിൽ നിന്നും പുറത്തുവരുന്നത്!

ഉത്തർപ്രദേശിലെ ഔറയ്യ ജില്ലയിലുള്ള സിംഗൻപൂർ ഗ്രാമത്തിലാണ് ഈ വിചിത്ര സംഭവം നടക്കുന്നത്. രാത്രി ഉറങ്ങാൻ പോയ 20 വയസ്സുകാരിയായ യുവതിയെ രാവിലെ മുറിയിൽ കാണാനില്ല! പരിഭ്രാന്തരായ വീട്ടുകാർ മുറി പരിശോധിച്ചപ്പോൾ കണ്ട കാഴ്ച ഞെട്ടിക്കുന്നതായിരുന്നു — കിടക്കയിൽ പെൺകുട്ടിക്ക് പകരം ഏകദേശം 5 അടിയിലധികം നീളമുള്ള പാമ്പിന്റെ പടട്ട (തൊലി), പൊട്ടിയ വളകൾ, സിന്ദൂരം എന്നിവ!

ഇതൊക്കെ കണ്ടതോടെ "തങ്ങളുടെ മകൾ ഒരു ഇച്ഛാധാരി നാഗിനിയായി മാറി കാട്ടിലേക്ക് പോയി" എന്ന് വീട്ടുകാർ ഉറച്ചു വിശ്വസിക്കുകയും ദൈവങ്ങളെ പ്രാർത്ഥിക്കുകയും ചെയ്തു. ഗ്രാമത്തിലാകെ ഈ വാർത്ത കാട്ടുതീ പോലെ പടരുകയും ചെയ്തു.

എന്നാൽ പോലീസിന്റെ എൻട്രിയിലാണ് കഥ മാറിയത്! വിഷയം അന്വേഷിച്ച പോലീസ് സംഘത്തിന് അധികം വൈകാതെ തന്നെ സംഗതി പിടികിട്ടി. താൻ കാമുകനൊപ്പം ഒളിച്ചോടുകയാണെന്ന് വീട്ടുകാരും നാട്ടുകാരും അറിയാതിരിക്കാനും അന്വേഷണം വഴിതിരിച്ചുവിടാനും വേണ്ടി യുവതി മുൻകൂട്ടി പ്ലാൻ ചെയ്ത് നടപ്പിലാക്കിയ മാസ്റ്റർപ്ലാൻ ആയിരുന്നു ഇത്. ഒളിച്ചോടുന്നതിന് മുൻപ് കിടക്കയിൽ പാമ്പിന്റെ പടട്ടയും മംഗളവസ്തുക്കളും വെച്ച് ആളുകളെ തെറ്റിദ്ധരിപ്പിക്കുകയായിരുന്നു ലക്ഷ്യം!

ഏതായാലും നാടകീയമായ ഈ "നാഗിനി" പ്രണയകഥയുടെ കഥയറിഞ്ഞ് ചിരിക്കണോ അതോ പെൺകുട്ടിയുടെ ബുദ്ധിയെ സമ്മതിക്കണോ എന്ന് അറിയാതെ തലപുകയ്ക്കുകയാണ് നാട്ടുകാർ.

Z4 Media

06/09/2026

04/09/2026

04/09/2026

04/09/2026

02/09/2026

02/09/2026

29/08/2026

27/08/2026

27/08/2026

26/08/2026

Address

Telephone

Website

Alerts

Shortcuts

Share

Listing takedown request