https://www.instagram.com/z4med_ia?igsh=MnV0dmMzaDB6dWYy

Z4 Media, Muscat (2026)

01/06/2026

പ്രണയപ്പകയുടെ ഭീകരമുഖം; കല്യാണപ്പിറ്റേന്ന് ബാങ്ക് ജീവനക്കാരൻ ജയിലിലേക്ക്, അതിജീവനത്തിനായി പോരാടി പെൺകുട്ടി!

പ്രണയവും ചതിയും ഒടുവിൽ കൊടും ക്രൂരതയുമായി മാറിയ ഞെട്ടിക്കുന്നൊരു വാർത്തയാണ് കോതമംഗലത്തുനിന്ന് പുറത്തുവരുന്നത്. തന്നെ പ്രണയിച്ച് വഞ്ചിച്ച കാമുകൻ മറ്റൊരു വിവാഹത്തിനൊരുങ്ങുന്നത് ചോദ്യം ചെയ്ത പെൺകുട്ടിയെ കഴുത്തുഞെരിച്ചും ക്രൂരമായി മർദ്ദിച്ചും കൊലപ്പെടുത്താൻ ശ്രമിച്ച സ്വകാര്യ ബാങ്ക് ജീവനക്കാരനാണ് ഇപ്പോൾ പോലീസ് പിടിയിലായിരിക്കുന്നത്. തിങ്കളാഴ്ച നടക്കേണ്ടിയിരുന്ന കല്യാണത്തിന് തൊട്ടുമുമ്പത്തെ ശനിയാഴ്ചയാണ് സിനിമകളെപ്പോലും തോൽപ്പിക്കുന്ന ക്രൂരത അരങ്ങേറിയത്.

കാലങ്ങളായി മനസ്സിൽ കൊണ്ടുനടന്ന പ്രണയം പെൺകുട്ടിയെ അറിയിക്കാതെയാണ് കുന്നത്തുനാട് സ്വദേശിയായ യുവാവ് മറ്റൊരു വിവാഹത്തിലേക്ക് മാറ്റിയെഴുതിയത്. ഈ ചതി തിരിച്ചറിഞ്ഞ പെൺകുട്ടി കടുത്ത മാനസിക വിഷമത്തിലാവുകയും, വിവാഹത്തിൽ നിന്ന് പിന്മാറിയില്ലെങ്കിൽ നേരിട്ടെത്തി ബഹളമുണ്ടാക്കുമെന്ന് ഫോണിലൂടെ മുന്നറിയിപ്പ് നൽകുകയും ചെയ്തു. ഇതോടെ തന്റെ ആഡംബര ജീവിതവും വിവാഹവും മുടങ്ങുമെന്ന ഭയവും പകയുമാണ് യുവാവിനെ ഈ കൊടും ക്രൂരതയ്ക്ക് പ്രേരിപ്പിച്ചത്.

പ്രശ്നങ്ങൾ സംസാരിച്ചു തീർക്കാമെന്ന് വിശ്വസിപ്പിച്ച് പെൺകുട്ടിയെ തന്ത്രപൂർവ്വം ഇയാൾ കാറിൽ കയറ്റിക്കൊണ്ടുപോവുകയായിരുന്നു. രാത്രിയോടെ കോതമംഗലം കോഴിപ്പള്ളി ബൈപ്പാസിന് സമീപത്തെ വിജനമായ സ്ഥലത്തെത്തിയപ്പോൾ കാറിലുണ്ടായിരുന്ന തോർത്തുപയോഗിച്ച് പെൺകുട്ടിയുടെ കഴുത്തിൽ മുറുക്കി ശ്വാസംമുട്ടിച്ചു. അബോധാവസ്ഥയിലായ പെൺകുട്ടിയെ റോഡരികിലേക്ക് തള്ളിയിട്ട ശേഷവും പക അടങ്ങാതെ ക്രൂരമായി മർദ്ദിക്കുകയും ചെയ്തു.

പെൺകുട്ടി മരിച്ചെന്ന് പൂർണ്ണമായി ഉറപ്പുവരുത്തിയ ശേഷമാണ് പ്രതി അവിടെനിന്ന് കടന്നുകളഞ്ഞത്. സംഭവം ഒരു കവർച്ചാ ശ്രമമാണെന്ന് വരുത്തിത്തീർക്കാൻ പെൺകുട്ടിയുടെ കഴുത്തിലുണ്ടായിരുന്ന സ്വർണ്ണമാലയും കവർന്നാണ് ഇയാൾ തടിയൂരിയത്. എന്നാൽ, വിധി മറ്റൊന്നായിരുന്നു. ഞായറാഴ്ച പുലർച്ചെ ചോരയിൽ കുളിച്ചുകിടന്ന പെൺകുട്ടിയെ നാട്ടുകാർ കാണുകയും ഉടൻ തന്നെ ആശുപത്രിയിൽ എത്തിക്കുകയുമായിരുന്നു.

ആശുപത്രിയിൽ വെച്ച് ബോധം തെളിഞ്ഞ പെൺകുട്ടി നൽകിയ മരണവക്ത്രത്തിൽ നിന്നുള്ള മൊഴിയാണ് പോലീസിന് വഴികാട്ടിയായത്. ഒളിവിൽ പോകാൻ ശ്രമിച്ച പ്രതിയെ മണിക്കൂറുകൾക്കകം പോലീസ് വലയിലാക്കി. തിങ്കളാഴ്ച മണ്ഡപത്തിൽ കയറേണ്ടിയിരുന്ന വരൻ ഇപ്പോൾ ജയിലിനകത്താണ്. ആക്രമണത്തിന് ഉപയോഗിച്ച കാറും കവർന്ന സ്വർണ്ണമാലയും പോലീസ് കണ്ടെടുത്തു. ഗുരുതരമായ പരിക്കുകളോടെ തീവ്രപരിചരണ വിഭാഗത്തിൽ കഴിയുന്ന പെൺകുട്ടി ഇപ്പോൾ ജീവനുവേണ്ടിയുള്ള പോരാട്ടത്തിലാണ്.

01/06/2026

ഇന്ത്യയിലെ ആദ്യത്തെ സിം കാർഡ് ഏത് കമ്പനിയായിരുന്നു ?

01/06/2026

ഒൻപതാം ക്ലാസ് വിദ്യാർത്ഥിനിയെ മയക്കുമരുന്ന് നൽകി ബോധംകെടുത്തി പീഡിപ്പിക്കുകയും ദൃശ്യങ്ങൾ പകർത്തുകയും ചെയ്ത സംഭവത്തിൽ യുവാവ് അറസ്റ്റിലായി. വിഴിഞ്ഞം പുല്ലുവിള സ്വദേശിയായ മനുവിനെയാണ് മണ്ണന്തല പോലീസ് പിടികൂടിയത്. ഇന്നലെ രാത്രി ഇയാളുടെ വീട്ടിൽ നിന്നാണ് പ്രതിയെ പോലീസ് കസ്റ്റഡിയിൽ എടുത്തത്. തുടർന്ന് അറസ്റ്റ് രേഖപ്പെടുത്തിയ ശേഷം പ്രതിയെ കോടതി റിമാൻഡ് ചെയ്തിരിക്കുകയാണ്.

ഇൻസ്റ്റാഗ്രാം വഴിയാണ് പെൺകുട്ടിയും പ്രതിയും തമ്മിൽ പരിചയത്തിലാകുന്നത്. ഒരു ബന്ധുവിന്റെ വീട്ടിൽ വെച്ചാണ് ഇവർ ആദ്യം നേരിട്ട് കാണുന്നത്, തുടർന്ന് സമൂഹമാധ്യമങ്ങളിലൂടെ കൂടുതൽ അടുക്കുകയായിരുന്നു. 18-ാം തീയതിയാണ് കേസിനാസ്പദമായ സംഭവം നടക്കുന്നത്. പെൺകുട്ടി വീട്ടിൽ തനിച്ചായിരുന്ന സമയത്ത് മനുവും മറ്റൊരാളും കൂടി അവിടെ എത്തുകയായിരുന്നു. തുടർന്ന് മനു പെൺകുട്ടിക്ക് മയക്കുമരുന്ന് കലർത്തിയ ജ്യൂസ് കുടിക്കാൻ നൽകി. ജ്യൂസ് കുടിച്ച് ബോധം നഷ്ടപ്പെട്ട പെൺകുട്ടിയെ പ്രതി പീഡിപ്പിക്കുകയും ഇതിന്റെ ദൃശ്യങ്ങൾ പകർത്തുകയുമായിരുന്നു.

ബോധം തിരികെ വന്നപ്പോഴാണ് താൻ പീഡനത്തിന് ഇരയായ വിവരം പെൺകുട്ടി മനസ്സിലാക്കുന്നത്. ഈ ദൃശ്യങ്ങൾ ഉപയോഗിച്ച് പ്രതി പെൺകുട്ടിയെ പിന്നീട് ഭീഷണിപ്പെടുത്തിയിരുന്നു. പെൺകുട്ടി ഉപയോഗിച്ചിരുന്ന അമ്മയുടെ മൊബൈൽ ഫോണിലേക്കാണ് മനു ഈ ദൃശ്യങ്ങൾ അയച്ചു നൽകിയത്. സംഭവത്തിന് ശേഷം പെൺകുട്ടി തന്നെയാണ് ശിശുക്ഷേമ സമിതിയെ (സി.ഡബ്ല്യു.സി) വിവരം അറിയിച്ചത്. തുടർന്ന് സി.ഡബ്ല്യു.സി അംഗങ്ങൾ പെൺകുട്ടിയുടെ മാതാപിതാക്കളെ വിവരങ്ങൾ ധരിപ്പിക്കുകയും, കേസ് അന്വേഷണം മണ്ണന്തല പോലീസിന് കൈമാറുകയും ചെയ്തു. സംഭവദിവസം മനുവിനൊപ്പം മറ്റൊരാൾ കൂടി ഉണ്ടായിരുന്നുവെന്നാണ് പെൺകുട്ടി പോലീസിന് നൽകിയ മൊഴി. എന്നാൽ താൻ ഒറ്റയ്ക്കാണ് കൃത്യം നടത്തിയതെന്നാണ് മനു പോലീസിനോട് പറഞ്ഞിരിക്കുന്നത്. പെൺകുട്ടിയുടെ മൊഴിയുടെ അടിസ്ഥാനത്തിൽ മനുവിനൊപ്പം ഉണ്ടായിരുന്ന രണ്ടാമത്തെ ആൾക്കായി പോലീസ് ഇപ്പോൾ അന്വേഷണം ഊർജ്ജിതമാക്കിയിട്ടുണ്ട്.

01/06/2026

"നാളെ അവൾ അച്ഛനെ അന്വേഷിക്കുമ്പോൾ ഞാൻ എന്തു മറുപടി പറയും...?" 💔

തന്റെ രണ്ടു മാസം പ്രായമുള്ള കുഞ്ഞിനെ മാറോട് ചേർത്ത്, പ്രിയതമന്റെ ചേതനയറ്റ ശരീരത്തിന് മുന്നിൽ ആ അമ്മ പൊട്ടിക്കരഞ്ഞപ്പോൾ, കണ്ടുനിന്നവരുടെയെല്ലാം ഉള്ളൊന്ന് പിടഞ്ഞു. അഗ്നിസാക്ഷിയായി ഒരു നാടിനെ രക്ഷിച്ച ധീരസേനാനി സാഗർ ഷിൻഡെ ഓർമ്മയാകുമ്പോൾ ബാക്കിയാവുന്നത് തീരാത്ത നോവാണ്.

കാത്തിരിപ്പുകൾക്കൊടുവിൽ കിട്ടിയ പൊന്നോമനയുടെ ചിരി മുകരുന്നതിന് മുൻപേ, വിധി അഗ്നിയുടെ രൂപത്തിൽ വന്ന് ആ കുടുംബത്തിന്റെ സ്വപ്നങ്ങൾ കരിച്ചു കളഞ്ഞു. മെയ് 21-ന്റെ പുലരിയിൽ ഗൗണ്ടേവി മാർക്കറ്റിനെ വിഴുങ്ങിയ അഗ്നിനാളങ്ങൾക്കിടയിലേക്ക്, ഭയലേശമന്യേ പാഞ്ഞുകയറിയ സാഗർ, തന്റെ കർത്തവ്യത്തിന് നൽകിയത് സ്വന്തം ജീവന്റെ വിലയായിരുന്നു.

ആയിരങ്ങളുടെ ജീവൻ രക്ഷിക്കാൻ സ്വന്തം ജീവൻ ബലികൊടുത്ത സാഗർ ഷിൻഡെ, നിങ്ങളൊരു വലിയ പാഠമാണ്. മാതൃരാജ്യത്തിന് കാവലായി എരിഞ്ഞുതീർന്ന ആ ധീരതയ്ക്ക് മുന്നിൽ പ്രണാമം. ആ കുഞ്ഞിന്റെ കണ്ണീരിൽ ഈ നാട് മുഴുവൻ പങ്കുചേരുന്നു. 💐🙏

01/06/2026

'കൂടുതല്‍ ഡയലോഗ് അടിക്കാതെ ഇറങ്ങി പോ'; പാമ്പ് കടിയേറ്റ യുവതിക്ക് ചികിത്സ നിഷേധിച്ചതായി പരാതി.. 😥

പൊന്നാനി സർക്കാർ ആശുപത്രിയില്‍ യുവതിക്ക് ചികിത്സ നിഷേധിച്ചതായി പരാതി. പാമ്പ് കടിയേറ്റതിനെത്തുടർന്ന് രക്തം ഛർദിച്ച എടപ്പാള്‍ പാടത്തങ്ങാടി സ്വദേശി ഷഹല തസ്നിക്കാണ് ചികിത്സ നിഷേധിച്ചത്.

പൊലീസിന്‍റെ ഇടപെടലിനെത്തുടർന്നാണ് ആശുപത്രി അധികൃതർ ഇൻജെക്ഷനും പെയിൻകില്ലറും നല്‍കിയതെന്നാണ് ഷഹല പറയുന്നത്. ഇറങ്ങി പോകാനും നോക്കാൻ പറ്റില്ലെന്ന് ഡോക്റ്റർ പറ‍ഞ്ഞെന്നുമാണ് ഷഹല ആരോപിക്കുന്നത്.

ഷഹലയുടെ വാക്കുകൾ 👇

"കടുത്ത വേദന സഹിക്കാൻ വയ്യാതെയാണ് ഞാൻ ആശുപത്രിയിലെത്തിയത്. ഒ.പി ടിക്കറ്റെടുത്ത് ഡോക്ടറെ കണ്ടപ്പോൾ ഇവിടെ ഒന്നും ചെയ്യാൻ കഴിയില്ലെന്നും ഫിസിഷ്യനെ തന്നെ കാണിക്കണമെന്നും പറഞ്ഞു. വേദന സഹിക്കാൻ വയ്യാത്തതുകൊണ്ട് എന്തെങ്കിലും താൽക്കാലിക ചികിത്സ നൽകണമെന്ന് അഭ്യർത്ഥിച്ചപ്പോൾ 'ഇറങ്ങിപ്പോകൂ' എന്ന് പറഞ്ഞ് വളരെ മോശമായ രീതിയിലാണ് ഡോക്ടർ പെരുമാറിയത്. മര്യാദയ്ക്ക് സംസാരിക്കണം എന്ന് പറഞ്ഞപ്പോൾ സെക്യൂരിറ്റിയെ വിളിച്ച് എന്നെ പുറത്താക്കാൻ ആവശ്യപ്പെട്ടു."

അത്രയും കടുത്ത ശാരീരിക വേദന അനുഭവിക്കുന്ന സമയത്താണ് ആശുപത്രി അധികൃതരിൽ നിന്നും സെക്യൂരിറ്റി ജീവനക്കാരിൽ നിന്നും ഇത്തരമൊരു മോശം അനുഭവം ഉണ്ടായതെന്ന് യുവതി വ്യക്തമാക്കുന്നു. അടിയന്തര ചികിത്സ നിഷേധിക്കുകയും അപമര്യാദയായി പെരുമാറുകയും ചെയ്ത പൊന്നാനി താലൂക്ക് ആശുപത്രിയിലെ ഡ്യൂട്ടി ഡോക്ടർക്കെതിരെ യുവതി പൊന്നാനി പോലീസ് സ്റ്റേഷനിൽ പരാതി നൽകിയിട്ടുണ്ട്.

ആരോഗ്യമേഖലയിൽ രോഗികളോട് കാണിക്കുന്ന ഇത്തരത്തിലുള്ള അവഗണനകൾക്കും ക്രൂരതകൾക്കുമെതിരെ ശക്തമായ നടപടിയുണ്ടാകണം..👍🙏

31/05/2026

ഇത് ചരിത്രം ..19 വർഷം പഴക്കമുള്ള ഐ പി എല്ലിലെ ഈ സീസണിലെ ഓറഞ്ച് ക്യാപ് തൂക്കി വൈഭവ് സൂര്യവംഷി👍.

16 മത്സരങ്ങളിൽ 776 റൺസാണ് വൈഭവ് നേടിയിരുന്നത്🔥.

ഗില്ലിനും സുദർശനും വൈഭവിനെ മറികടക്കാൻ ഇന്ന് അവസരം ഉണ്ടായിരുന്നെങ്കിലും നേരത്തെ പുറത്തായത് തിരിച്ചടിയായി❤️.

ഇന്ന് 10 റൺസ് നേടിയ ഗിൽ 732 റൺസിൽ അവസാനിച്ചു. 12 റൺസ് നേടിയ സുദർശന്റെ നേട്ടം 722 ലും അവസാനിച്ചു🔥.

31/05/2026

പിഞ്ചു കുഞ്ഞിനെ മർദിച്ചു കൊന്ന അഷ്‌കർ ആദ്യ ഭാര്യയെ മർദിച്ച് കോമയിലാക്കിയ കൊടും ക്രൂരൻ.. തല ഭിത്തിയിൽ ഇടിച്ച് ഫാനിൽ കെട്ടി തൂക്കാൻ ശ്രമിച്ചു.. 😢😢😢

നെടുമങ്ങാട് പിഞ്ചു കുഞ്ഞിനെ മർദിച്ചു കൊലപ്പെടുത്തിയ കേസിലെ പ്രതി അഷ്കറിന്റെ ആദ്യ ഭാര്യ ആമിന നേരിട്ടത് കൊടിയ പീഡനങ്ങൾ. മെഡിക്കൽ കോളേജിനടുത്തുള്ള ഒരു ഫിസിയോതെറാപ്പി സെന്ററിൽ കഴിഞ്ഞ രണ്ടു വർഷമായി നടുനിവർത്തി ഇരിക്കാൻ പോലും കഴിയാത്ത അവസ്ഥയിൽ കിടപ്പിലാണ് ഇരുപത്തിയൊന്ന് വയസ്സുകാരിയായ ആമിന. 2022-ൽ ആയിരുന്നു പാലോട് സ്വദേശിയായ ആമിനയുമായി അഷ്കറിന്റെ വിവാഹം നടന്നത്. എന്നാൽ വിവാഹത്തിന്റെ തൊട്ടടുത്ത ദിവസം മുതൽ തന്നെ അഷ്കറും അയാളുടെ അമ്മയും സഹോദരിയും ചേർന്ന് ആമിനയെ നിരന്തരം ഉപദ്രവിക്കാൻ തുടങ്ങുകയായിരുന്നു.

രണ്ട് കൈകളും ചേർത്ത് ഒരേസമയം ചെവിക്ക് അടിക്കുക, തലയിൽ മുഷ്ടി ചുരുട്ടി ഇടിക്കുക തുടങ്ങിയവയായിരുന്നു അഷ്കറിന്റെ സ്ഥിരം മർദ്ദന രീതികൾ. ഇതിന് പുറമെ ആമിനയുടെ വായിൽ വിഷം ഒഴിച്ചു കൊടുത്ത് കൊലപ്പെടുത്താനും ശ്രമിച്ചിരുന്നു. ഒരിക്കൽ മർദ്ദനമേറ്റ് ബോധംകെട്ടു വീണ ആമിനയെ ഇവർ മൂവരും ചേർന്ന് ഫാനിൽ കെട്ടിത്തൂക്കാൻ ശ്രമിച്ചു. എന്നാൽ പെട്ടെന്ന് ബോധം വന്നതുകൊണ്ട് മാത്രമാണ് അന്ന് ആ കുട്ടിക്ക് ജീവൻ നഷ്ടപ്പെടാതിരുന്നത്. കിണറ്റിൽ തള്ളിയിട്ടും, ഓടുന്ന ഓട്ടോറിക്ഷയിൽ നിന്ന് പുറത്തേക്ക് തള്ളിയിട്ടും പല തവണ അയാൾ ആമിനയെ കൊലപ്പെടുത്താൻ ശ്രമിച്ചിട്ടുണ്ട്.

താൻ വേറെ വിവാഹം കഴിക്കുമെന്നും, താൻ പറയുന്നത് അനുസരിച്ച് ഒരു അടിമയായി വീട്ടിൽ കഴിയണമെന്നും അയാൾ ആമിനയെ ഭീഷണിപ്പെടുത്തിയിരുന്നു. 2024-ൽ നടന്ന ക്രൂരമായ മർദ്ദനമാണ് ആമിനയുടെ ജീവിതം പൂർണ്ണമായും തകർത്തത്. അഷ്കർ അവളുടെ തല ഭിത്തിയിൽ ചേർത്ത് നിരന്തരം ഇടിച്ചതിനെ തുടർന്ന് തലച്ചോറിൽ രക്തം കട്ടപിടിക്കുകയും വലിയൊരു സർജറിക്ക് വിധേയയാകുകയും ചെയ്തു. ഈ സർജറിക്ക് ശേഷമാണ് അവർ പൂർണ്ണമായും നിശ്ചലാവസ്ഥയിലായത്.

ഇത്രയധികം ക്രൂരതകൾ നടന്നിട്ടും നാട്ടുകാരോ ബന്ധുക്കളോ ഇടപെടുകയോ അഷ്കറിനെ ചോദ്യം ചെയ്യുകയോ ഉണ്ടായിരുന്നില്ല. തങ്ങൾക്ക് നേരിട്ട ഈ ദുരനുഭവങ്ങൾ പുറംലോകത്തെ അറിയിക്കണമെന്ന് ആമിനയുടെ അമ്മ ഷാജീല ബീവി മാധ്യമങ്ങളോട് ആവശ്യപ്പെട്ടതോടെയാണ് ഈ യാഥാർത്ഥ്യങ്ങൾ പുറത്തുവരുന്നത്. യാതൊരുവിധ മാനസിക രോഗവുമില്ലാത്ത, എന്ത് ക്രൂരതയും ചെയ്യാൻ മടിക്കാത്ത കൊടും ക്രിമിനലാണ് അഷ്കർ എന്നാണ് ആമിനയുടെ ഉമ്മ പറയുന്നത്.🙏🙏🙏

31/05/2026

"തുടക്കം തലവേദനായിരുന്നു , പിന്നീട് അവൾ തളന്നുപോയി, 😥 ജീവൻ മാത്രമാണ് അവശേഷിക്കുന്നത് , അവൾക് വേണ്ടിയാണു ഞാൻ കാത്തിരിക്കുന്നതും ജീവിക്കുന്നതും" ഭർത്താവിന്റെ കുറിപ്പ് കണ്ണ് നിറയ്ക്കുന്നു 😪😪

നിസാര കാരണങ്ങൾക്ക് ഭാര്യയെ ഉപേക്ഷിച്ചു പോകുന്ന ഭർത്താക്കന്മാർ ഇതൊക്കെ ഒന്ന് കാണണം , ഇവരുടെ സ്നേഹത്തിന് മുന്നിൽ ഒരുനിമിഷം നമിച്ചുപോകും ..👏👏

2018 ലായിരുന്നു ഞങ്ങൾ ആദ്യമായി കണ്ടുമുട്ടുന്നത് , അതും ഓഫീസിൽ സഹപ്രവർത്തകരായി. വളരെ വേഗം ഞങ്ങൾ അടുത്ത സുഹൃത്തുക്കളായി മാറി . ചായകുടിക്കാനും സിനിമ കാണാനും ഒരു ബേസ്ഡ് ഫ്രണ്ടിനും അപ്പുറം അവൾ എനിക്ക് ആരൊക്കെയോ ആയ മാറിത്തുടങ്ങിയത് വളരെ വേഗമായിരുന്നു . നീണ്ട സംഭാഷണങ്ങളും ഓഫീസ് ഗോസിപ്പുകളും എല്ലാം പങ്കുവെച്ച് ഞങ്ങളുടേത് പിരിയാൻ കഴിയാത്ത ബന്ധമായി വളർന്നു . പരസ്പരം മനസ്സിലാക്കിയും പിന്തുണച്ചും ഞങ്ങൾ മുന്നോട്ട് നീങ്ങുന്നതിനിടെ ഇത് സൗഹൃദമല്ല മറിച്ച് പ്രണയമാണ് എന്ന് ഞങ്ങൾ തിരിച്ചറിഞ്ഞു . ഞാൻ മിഡിൽ ക്ലാസ് ക്രിസ്ത്യൻ കുടുംബത്തിൽ ഉള്ളതായിരുന്നു , അവൾ ഹൈ ക്ലാസ് ഹിന്ദു കുടുംബവും . വിവാഹം ആലോചിച്ചപ്പോൾ അവൾ എനിക്ക് വേണ്ടി വീട്ടിൽ വാശിപിടിച്ചു , ഒടുവിൽ അവളുടെ ആഗ്രഹത്തിന് അവളുടെ വീട്ടുകാർ വഴങ്ങി . 2020 ൽ ഞങ്ങൾ വിവാഹിതരായി .

ജീവിതം സന്തോഷമായി മുന്നോട്ട് പോകുന്നതിനിടയിൽ പെട്ടന്ന് റിതികയ്ക്ക് ഒരു തലവേദന അനുഭവപെട്ടു . പരിശോധനയിൽ അത് ബ്രെയിൻ ഹെമറേജ് ആണെന്ന് കണ്ടെത്തി . അവളുടെ ജീവൻ രക്ഷിക്കാനുള്ള ഓട്ടമായിരുന്നു പിന്നീട് അങ്ങോട്ട് . എന്നും ഒപ്പമിരുന്ന് സംസാരിച്ച് സന്തോഷവും സ്നേഹവും ഒരു ദിവസം ഇല്ലാന്നായപ്പോൾ എനിക്ക് വലിയ ഷോക്കായി മാറിയിരുന്നു . ഒടുവിൽ ശസ്ത്രക്രിയ വിജയകരമായി നടന്നു രീതികളുടെ ജീവൻ രക്ഷപെടുത്താൻ ഡോക്ടർമാർക്ക് കഴിഞ്ഞു എന്നാൽ അവൾപൂര്ണമായും തളർന്നു പോയിരുന്നു . അവൾക്ക് സംസാരിക്കാനോ നടക്കാനോ എന്തിന് അനങ്ങാൻ പോലും കഴിയുമായിരുന്നില്ല . കഴിഞ്ഞ കുറച്ചു വര്ഷങ്ങളായി അവൾ എന്നെ തിരിച്ചറിയുന്നതിനും എന്നെ ഹെൻറി എന്ന് വിളിക്കുന്ന ദിവസത്തിനുമായി കാത്തിരിക്കുകയാണ് . കൂടെയുള്ളവർക്ക് പ്രതീക്ഷയില്ലെങ്കിലും എനിക്ക് പ്രതീക്ഷികളും ആത്മവിശ്വാസവുമുണ്ട് .

അവളെ ഞാൻ കൈവിടില്ല അവളെ ഞാൻ ഉപേക്ഷിക്കില്ല , ഒന്നിച്ചൊരു ജീവിതമുണ്ടെങ്കിൽ അത് അവൾക് ഒപ്പമായിരിയ്ക്കും . പലരും മറ്റു വിവാഹങ്ങൾക്ക് നിര്ബന്ധിക്കുന്നുണ്ട് . അതിനെനിക്ക് കഴിയില്ല . സന്തോഷത്തിൽ മാത്രമല്ല , സങ്കടത്തിലും ഞാൻ അവൾക്ക് ഒപ്പമുണ്ടായിരിക്കും എന്നാണ് ഞാൻ അവൾക്ക് വാക്ക് കൊടുത്തത് . അവളുടെ തിരിച്ചുവരവിനായി ഞാൻ കാത്തിരിക്കുകയാണ് ഒപ്പം പ്രാർത്ഥനയും . ഇതായിരുന്നു ഹെൻറി എന്ന യുവാവ് സോഷ്യൽ മീഡിയയിൽ പോസ്റ്റ് ചെയ്ത കുറിപ്പ് . ഹെൻറി യുടെ തീരുമാനത്തിന് സോഷ്യൽ മീഡിയയിൽ നിറഞ്ഞ പിന്തുണയാണ് ലഭിക്കുന്നത്👏👏💞

31/05/2026

ഇത്‌ പ്രീതിഷ്‌ പ്രസാദ്‌ ..

വാകത്താനം പോലീസ് സ്റ്റേഷൻ പരിധിയിൽ വെള്ളത്തിൽ പോയി മൂന്ന് ദിവസത്തിലേറെ പഴക്കം ഉള്ള ബോഡി.....
"🙏"ആ മരിച്ച സഹോദരനോട്‌ നമുക്ക്‌ ഇനി ചെയ്യാൻ പറ്റുന്ന നീതി ആ ബോഡി എത്രയും വേഗം പുറത്തെടുക്കുക എന്നതാണു"🙏

എന്ന് പറഞ്ഞ്‌ തന്റെ കർത്തവ്യത്തിൽ നിന്നും പിന്മാറാതെ ഒരു മടിയും കൂടാതെ ഒറ്റക്കിറങ്ങി ബോഡി പുറത്തു എത്തിക്കാൻ പ്രയത്നിച്ച പ്രീതിഷ് പ്രസാദ് സാറിന് ഒരായിരം അഭിനന്ദനങ്ങൾ🫂🫂🫂

31/05/2026

കണ്ണീരോടെയല്ലാതെ ഈ ക്രൂരത വായിച്ചുതീർക്കാൻ ആർക്കും കഴിയില്ല. സ്വന്തം അമ്മയുടെയും അവളുടെ പങ്കാളിയുടെയും കൈകളിൽ ഇരുന്ന് ഒരു ഒന്നര വയസ്സുകാരൻ അനുഭവിച്ച നരകയാതനകളുടെ വിവരങ്ങളാണ് ഇപ്പോൾ പുറത്തുവരുന്നത്. ചോറു കൊടുക്കുന്നതിനിടെ കുട്ടി കുഴഞ്ഞുവീണു മരിച്ചു എന്നായിരുന്നു അമ്മ അഖിലയും പങ്കാളിയായ അഷ്കറും പോലീസിനോട് പറഞ്ഞിരുന്നത്. എന്നാൽ ഇൻക്വസ്റ്റ് റിപ്പോർട്ടിലെ വിവരങ്ങൾ പുറത്തുവന്നതോടെ മനുഷ്യ മനസ്സാക്ഷിയെ മരവിപ്പിക്കുന്ന കൊടും ക്രൂരതയുടെ ചുരുളഴിയുകയാണ്.

അക്ഷജ് എന്ന ആ പിഞ്ചുകുഞ്ഞിന്റെ ശരീരമാസകലം സിഗരറ്റ് കൊണ്ട് പൊള്ളിച്ച വട്ടത്തിലുള്ള പാടുകളുണ്ടായിരുന്നു. അതിനേക്കാൾ ഭീകരമായിരുന്നു ആ കുഞ്ഞിന്റെ ജനനേന്ദ്രിയത്തിന് നേരെയുണ്ടായ ആക്രമണം. ജനനേന്ദ്രിയത്തിലെ തൊലി ഉരിഞ്ഞുമാറി നീലിച്ച നിറത്തിലായിരുന്നുവെന്നും, ശരീരത്തിൽ മാരകമായ മുറിവുകളുണ്ടായിരുന്നുവെന്നും ഇൻക്വസ്റ്റിൽ പങ്കെടുത്ത ജനപ്രതിനിധികളും ബന്ധുക്കളും സാക്ഷ്യപ്പെടുത്തുന്നു.

ഈ പൈശാചികത പെട്ടെന്നുണ്ടായ ഒന്നല്ലെന്ന് കുട്ടിയുടെ മുത്തശ്ശിയുടെ വാക്കുകൾ വ്യക്തമാക്കുന്നു. ഒന്നര മാസം മുൻപ് ഈ കുഞ്ഞിന്റെ രണ്ടു കൈകളും ഒടിഞ്ഞിരുന്നു. അഷ്കർ ഈ കുഞ്ഞിനെ നിരന്തരം മർദ്ദിക്കാറുണ്ടായിരുന്നുവെന്നും, "പുഴുത്ത പട്ടിയെപ്പോലെ മാത്രമേ ഈ കുഞ്ഞിനെ നോക്കൂ" എന്ന് ക്രൂരമായി പറയാറുണ്ടായിരുന്നുവെന്നും മുത്തശ്ശി വെളിപ്പെടുത്തുന്നു. അമ്മയുടെ തണലിൽ സുരക്ഷിതനായിരിക്കേണ്ട ഒരു ചോരക്കുഞ്ഞാണ് ദിവസങ്ങളോളം ഈ നരകയാതന മുഴുവൻ അനുഭവിച്ചുതീർത്തത്. സംഭവത്തിൽ അമ്മ അഖിലയെയും പങ്കാളിയായ അഷ്കറിനെയും പോലീസ് അറസ്റ്റ് ചെയ്തിട്ടുണ്ട്. നിയമത്തിന് മുന്നിൽ ഇവർക്ക് ഒരിക്കലും മാപ്പില്ലാത്ത, ഏറ്റവും കടുത്ത ശിക്ഷ തന്നെ ലഭിക്കട്ടെ.

Z4 Media

01/06/2026

01/06/2026

01/06/2026

01/06/2026

01/06/2026

31/05/2026

31/05/2026

31/05/2026

31/05/2026

31/05/2026

Address

Telephone

Website

Alerts

Shortcuts

Share