13/01/2023
[SENSITIVE CONTENT AHEAD]
We're knocking on your Benevolent Heart
Ini si Ritchie Bangoy, 17-anyos taga Purok Masinadyahon, Brgy. Lag-asan, syudad sang Bago.
Suno kay Nanay Leonila Bangoy, iloy ni Ritchie nga sadtong Disyembre 26 ginhagad si Ritchie sang iya amigo nga mag angkas sa motor para magpanyapon sa Valladolid apang sila ang nabunggu-an sang traysikol nga gulpi lang nag u-turn kag wala nag signal light.
Nawasak ang ilong ni Ritchie kag ginhingagaw dala sa Queen of Mercy.
Suno kay Leonila, ginbuligan sila deposit para mahingagaw dala si Ritchie sa hospital para mabuhi kag matapos ang duha ka adlaw, halos P45,000 ang bill nila sa hospital.
Sa bulig sang mga abyan kag mga tupad balay ni Leonila nakalikom sila sang inugbayad sa Queen of Mercy.
Bangud sang kapigaduhon, nag desisyon ni Leonila nga i-transfer si Ritchie sa Pronvincial hospital kag didto ini nagtinir sang halos isa ka semana kag ginpaidalom sa operasyon.
Ginsiling sang doktor kay Leonila nga pwede makapahuway si Ritchie sa ila balay basta padayon lang ang bulong.
Nalipay man si Leonila bangud ang bill nila sa Provincial hospital ang ginsalo sang Malasakit Center.
Sadtong Enero 3, nag follow-up check-up si Ritchie kag ginkakas ang nasal packing apang ginsiling sang doktor nga kinahanglan pagid sang ikaduha nga operasyon.
Didto naman nangin emosyonal si Leonila sang nahibaluan nga ang mga materyal nga kinahanglan sa ikaduha nga operasyon ang kinahanglan gid baklon bangud gina-order pa ini sa guwa.
Ginabulubanta nagabili sang masobra P20,000 ang materials sa operasyon ni Ritchie dugang pagid ang CT-Scan sini kung sa diin, nagalab-ot gid sa masobra P30,000 tanan nga kinahanglanon.
Si Ritchie ang agot nga anak ni Leonila sa tatlo niya ka anay nga lunsay mga lalaki.
Si Ritchie ang naga-eskwela bilang Senior High sa Ramos Torres.
Nahibaluan nga si Leonila ang single mother matapos magbulag sila sang iya bana walo na ka tuig ang nakaligad.
Naga-pamroblema si Leonila sang inug-gasto sa operasyon ni Ritchie bangud pigado gid sila rason nga nagapanoktok siya sa mga tagipusuon sang mga tawo para mabuligan siya.
Sa mga luyag magpalab-ot sang bulig, yari ang cellphone number ni Nanay Leonila:
0910-719-1427---LEONILA ALVEZO BANGOY
GCASH: Ana Panes (09468082984)
[Ang litrato may permiso halin mismo sa iloy ni Ritchie---ang iya itsura antes pa ini ma-aksidente]
Ctto: Radyo Bandera Sweet FM
![[SENSITIVE CONTENT AHEAD]We're knocking on your Benevolent HeartIni si Ritchie Bangoy, 17-anyos taga Purok Masinadyahon,...](https://img5.photography1000.com/634/307/164364196343071.jpg)
