03/06/2023
Hunyo 4, 2023 | Dakilang Kapistahan ng Tatlong Persona sa Isang Diyos
Ang Mabuting Balita ng ating Panginoon ayon kay San Juan 3:16-18
[16]Sapagkat gayon na lamang ang pag-ibig ng Diyos sa sangkatauhan, kaya't ibinigay niya ang kanyang kaisa-isang Anak, upang ang sinumang sumampalataya sa kanya ay hindi mapahamak, kundi magkaroon ng buhay na walang hanggan.
[17]Isinugo ng Diyos ang kanyang Anak, hindi upang hatulang maparusahan ang mga tao, kundi upang iligtas ang mga ito sa pamamagitan niya.
[18]Hindi hinahatulang maparusahan ang sumasampalataya sa Anak. Ngunit hinatulan na ang hindi sumasampalataya, sapagkat hindi siya sumampalataya sa kaisa-isang Anak ng Diyos.
Ang Mabuting Balita ng ating Panginoon
Pinupuri ka namin Panginoon Hesu-Kristo
