Mga Piraso ng Isip

Home
Philippines
Batangas City
Mga Piraso ng Isip

Bawat piraso, may kwentong nais marinig.

29/05/2026

Panatiko ako ng dapithapon.
Hindi dahil ito’y wakas,
Kundi dahil ito’y simbolo
Ng pangakong babalik bukas.

Hindi laging malungkot ang paglisan.
Hindi lahat ng pagpapaalam ay katapusan.
Minsan ito’y pahinga lamang,
Upang makapaghanda sa kinabukasan.

Panatiko ako ng dapithapon.
Dahil dito, may natutunan akong aral--
Na kahit matapos ang isang yugto sa tamang panahon,
May bagong liwanag na muling babangon.

~a.r. soriano ✍️

06/05/2026

May mga bagay akong dating kinahuhumalingan,
Kusang binibigay ang oras, walang bahid na pag-aalinlangan.
Ngunit ngayon, may pumipigil sa aking galaw,
Ang dating apoy, unti-unting nawawalan ng ilaw.

Sa paglipas ng napakaraming araw,
Nararamdaman ko ang unti-unting paglayo
Sa mga bagay na ngayo'y bisitang dumadalaw,
Na dati ay bumuo sa aking pagkatao.

Ngunit sa gitna ng pagbabago,
May pag-asang muling bumubulong sa puso
Na baka sa tamang panahon at pagkakataon,
Muli kong mabubuo ang aking "noon".

-a.r. soriano ✍️

22/04/2026

Minsan, ang sarap ding mapag-isa.
Nagagawa mo yung bagay na gusto mo.
Napapahinga ang ang isip kahit papaano.
at unti-unting nahahanap ang sarili mo.

Kahit sa katahimikan, may mga sagot
Na hindi maririnig sa ingay ng mundo.
Dito mo rin mararamdaman
Ang diwa ng iyong kaisipan.

May mga alaalang bumabalik,
May magaganda't may hindi.
Mga sandaling minsang kay sarap balik-balikan,
At may ilan ding pilit mong kinakalimutan

At kahit wala kang kasama,
Hindi ibig sabihin ay kulang ka.
Dahil sa bawat sandaling ikaw ay mag-isa,
Mas nakikilala mo kung sino ka talaga.

✍️A.R. Soriano

11/04/2026

May mga bagay na panandalian lamang,
Ngunit kung kumapit ay para bang magtatagal.
Dumarating nang hindi inaasahan,
Umaalis na wala manlang paalam.

"Ang ganda! Ang saya!" sa loob-loob ko,
Sana ay hindi na ito magbago.
Hanggang sa nararamdaman kong unti-unti,
Hindi na ito nagiging katulad nang dati.

Parang hangin lang na dumaan sandali,
Hindi ko man hawak, ngunit dama sa sarili.
Kahit pilitin kong huwag nang lumisan,
Kailangan kong tanggapin ang katotohanan.

May mga sandaling sapat nang maranasan,
Hindi pala lahat mananatili kailanman.
At sa bawat pagdating at pag-alis ng ligaya,
Habangbuhay kong dadalhin ang mga iniwang alaala.

04/04/2026

Sa mga sandaling tahimik ang mundo,
Nandiyan ka lang.
Hindi humihingi ng pansin,
Hindi rin naman umaalis.

Hindi naman nila kailangang malaman
Ang lahat ng iyong pinagdaraanan.
Ang mahalaga'y ang iyong pananatili
At kahit ganyan lang, may mga bagay parin na nabubuo unti-unti.

Balang araw magiging tahanan
ng pusong pagod ang iyong katahimikan.
At doon mo mapapagtanto
Na ikaw pala ang dahilan ng kanilang pananatili
dito sa mundo.

Kaya hindi ka man kapansin-pansin,
May halaga ka parin.

28/03/2026

Umaakyat ako, kahit hindi sigurado.

Paalala lang na hindi kailangang malinaw ang lahat para umusad.

21/03/2026

Kung walang nagsabi sa’yo ngayon—magpahinga ka naman.

14/03/2026

Minsan kailangan lang natin ng paalala na mahalaga tayo.

07/03/2026

Light, shadow, and a small reminder.

Address

Batangas City
4200

Website

http://instagram.com/mgapirasongisip

Alerts

Be the first to know and let us send you an email when Mga Piraso ng Isip posts news and promotions. Your email address will not be used for any other purpose, and you can unsubscribe at any time.

Shortcuts

Want your business to be the top-listed Photography Service in Batangas City?