22/02/2023
πππ ππ ππππ ππ ππππππ ππππππ
(Credits to the owner of this post, Las Nieves NHS-Official)
Ikaw ba nasakit o adunay emergency sa inyong panimalay?
Kinhangan ba nimo maghatag og excuse letter?
Ania ang mga pamaagi sa pagbuhat og excuse letter.
Hindomdomi na ang excuse letter sa konteksto sa mga estudyante usa ka sulat o liham na nagpabalo sa imong mga magtutudlo na ikaw mo-liban o mo-absent sa klase. Usa pod kini ka sulat na nagpamatood na ikaw sinsero sa imong mga rason kon ngano dili nimo mamahimo na mo tunga sa klase.
UNSA MAN ANG EXCUSE LETTER?
-Tumong nimo isip usa ka estudyante sa pagsulat sa excuse letter na ma sabtan ka sa imong maestro o maestra sa imong pag absent sa klase.
NAGHATAG KOG EXCUSE LETTER, PRESENT NA BA KO?
-Hinonoa, dili pasabot na aduna kay excuse letter, present ka sa SF2 or learner's daily class attendance sa imong teacher. Markahan gihapon kag absent APAN ikaw hatagan og higayon na maka-take or makakuha sa quizzes or makabuhat sa mga actvities na imong na miss tungod sa imong absence once nakabalik naka sa klase. Ang excuse letter usa ka importante nga dokumento na nagpakita sa imong dakong pagtahod sa mga gibuhat na preparasyon sa klase sa imong magtutudlo. Imong gi acknowledge na siya adam sa inyong klase apan dili nimo mahimo ang mga actvities na iyang gi andam tungod sa mga kakulian.
NAGHATAG KOG EXCUSE LETTER, UNSA DAYON SUNOD?
-Pamalihog og imong classmate o inyong homeroom adviser na tagoan o e secure ang imong excuse letter na nabasa ug napermahan sa imong subject teachers.
Pagbalik nimo sa klase, pangayoa kini og mamahimo nimo kining ipakita sa imong mga subject teachers kung ikaw mo hangyo na mo comply sa mga activities na imong na miss. Kung nakaperma imong subject teacher, ayaw kabalaka kay pasabot iyang nasabtan ang imong hangyo na ikaw hatagan og higayon na magpaayo o makalingkawas sa kakulian ug ikaw willing na mo buhat sa iyang activities. Buhata kini sa pinakadaling panahon gikan sa imong pagbalik sa klase aron dili makalimtan nimo ug ni ma'am or sir.
WALA KOY BOND PAPER, PWEDE RA BA SA YELLOW PAPER ISULAT AKONG LETTER?
-Pwede kaayo! Mintras wala nawala ang sakto na pamaagi sa pagsulat sa letter, dili sukdanan ang kaputi sa gisulatan.
WALA KOY MAPADAL-AN SA LETTER, PWEDE RA BA NAKO E CHAT SI MA'AM OR SI SIR?
-Depende. Kinhangan kini na inyong masabotan sa inyong subject teacher ug kamo na mga estudyante. Importante na mutual o klaro sa tanan kung unsay dawaton ug dili dawaton na pamaagi sa pag-excuse sa klase. Mamahimo ninyong pangutan-on ang inyong mga subject teachers.
Isip usa ka estudyante, taronga ang pagbuhat sa imong mga sulat. Kini usa ka pagpamatuod na sinsero ka sa imong pag-eskwela.
