02/02/2026
PRIMER MARTES DEVOCIÓN EN HONOR DE SAN ANTONIO DE PADUA
+Sa Ngalan ng Ama, at ng Anak, at ng Espiritu Santo. Amen
PAGSISISI
Diyos ko at aking lahat, sa Iyo ako sumasampalataya at nananalig na kalianma'y hindi ako mapapahamak; iniibig kita higit sa lahat ng bagay at pinagsisisihan ko ang aking mga kasalanan. Mamatay na muna bago magkasala muli, alisan Mo ako ng buhay bago mahiwalay sa Iyo; at bigyan ako ngayon ng lubos na pagsisisi sa aking mga sala, mga luha upang hugasan ang aking mga dungis; ibuhos Mo sa akin ang lyong pag-ibig at ang pananatili sa paglilingkod sa lyo; mamatay sa akin ang lahat ng bisyo at mabuhay ang tanang kabanalan at tularan ko ang aking maluwalhating tagapag-ampon na si San Antonio de Padua at dahil sa kanyang pamamagitan tulungan Mo ang lahat kong pangangailangan sa katawan at kaluluwa at lalong Ialo na ang hinihingi ko ngayon kung lalong ikaluluwalhati ng Diyos at ikagagaling ng kaluluwa ko. Alang-alang kay Kristong Panginoon namin. Siya nawa,
PANALANGIN KAY SAN ANTONIO SA ANUMANG PANGANGAILANGAN
O maluwalhating San Antonio, lirio ng kalinisan, hiyas at luwalhati ng mga Kristiyano, querubin ng karunungan at serafin ng pag-ibig sa Diyos. Ikinatutuwa namin ang mga biyaya na ibinuhos sa iyo ng Panginoon. Yamang pinuspos ka ng pag-ibig, pagkamaawain at kapangyarihan, ipinamamanhik namin sa iyo ng buong tiwala at pagpapakumbaba na tulungan mo kami. Tingnan mo ang aming mga hirap at sakit at ang aming takot na baka hindi mailigtas ang kaluluwa namin. Ipinagmamakaamo namin sa iyo, dahil sa pagsintang naranasan mo noong ang matamis na batang Hesus ay lumagay sa iyong mga bisig, na sabihin mo sa Kaniya ang aming mga kailangan.
Isa lamang buntong hininga ng iyong dibdib na hiniligan ni Hesus ay sapat na upang makalunas sa aming kailangan at makapuno ng lugod sa amin. Alalahanin mo kung gaano kalaki ang iyong ligaya noong niyayakap mo Siya sa iyong dibdib, idinidikit sa Kanya ang iyong pisngi, nakikinig sa Kaniyang mga bulong. Isipin mo ang lahat ng ito at pakinggan kami, alang alang sa iyong di masaysay na pag-ibig. Kung ikaw lamang ay makikita namin, aming didiligin ng mga luha ang iyong mga paa, ipagtatapat sa iyo ang aming mga damdamin, mga alinlangan ukol sa aming ikaliligtas. Ngunit hindi ka namin maaaring makita kung kaya't binabati ka namin, O maluwalhating katoto ng Panginoon. Kami ay nangangayupapang itinataas ang aming mga pusong nagdadalamhati sa langit at sa iyo. At naghihintay na sa pamamagitan mo ay ipagkaloob sa amin ng Panginoong namahinga sa iyong mga bisig ang aming mga kahilingan. (Banggitin ang inyong kahilingan) O anghel ng pag-ibig, ibigay mo ang ninanasa namin at aming ilalathala ang kaluwalhatian mo at ipagbubunyi si Hesus na totoong nagmahal sa iyo. Siya nawa.
LITANYA SA KARANGALAN NI SAN ANTONIO DE PADUA
Panginoon, kaawaan mo kami
Kristo, kaawaan mo kami
Panginoon, kaawaan mo kami
Kristo, pakinggan Mo kami
Kristo, paka-pakinggan Mo kami
Diyos Ama sa langit, kaawaan mo kami
Diyos Anak na tumubos sa sanlibutan, kaawaan mo kami
Diyos Espiritu Santo, kaawaan mo kami
Santisima Trinidad, Tatlong Persona sa iisang Diyos, kaawaan mo kami
Santa Maria, Ipanalangin Mo kami*
Santa Maria lna ng Diyos*
Santang Birhen ng mga Birhen*
San Antonio De Padua*
San Antonio, luwalhati ng mga Hermana Menor*
San Antonio, lirio ng kapurihan*
San Antonio, hiyas ng kahirapan*
San Antonio, halimbawa ng pagkamasunurin*
San Antonio, salamin ng pagpipigil*
San Antonio, sisidlan ng kalinisan*
San Antonio, tala ng kabanalan*
San Antonio, huwaran ng ugali*
San Antonio, isa sa mga kagandahan ng paraiso*
San Antonio, kaban ng tipan*
San Antonio, taga-ingat ng banal na kasulatan*
San Antonio, taga-aral ng biyaya*
San Antonio, g**o ng katotohanan*
San Antonio, tagapag-paalis ng mga bisyo*
San Antonio, taga-tanim ng mga kabanalan*
San Antonio, tagapag-pasuko ng may maling pananampalataya*
San Antonio, kinatatakutan ng mga taksil*
San Antonio, taga-aliw ng mga nagdadalamhati*
San Antonio, kinatatakutan ng mga demonyo*
San Antonio, sindak ng impiyerno*
San Antonio, taga-gawa ng himala*
San Antonio, taga-sauli ng nawawala*
San Antonio, tulong ng nangangailangan*
San Antonio, taga-taas ng mahihirap na Diyos*
Kordero ng Diyos na nag-aalis ng mga kasalanan ng sanlibutan
lligtas Mo kami Panginoon
Kordero ng Diyos na nag-aalis ng mga kasalanan ng sanlibutan
Pakapakinggan Mo po kami Panginoon
Kordero ng Diyos na nag-aalis ng mga kasalanan ng sanlibutan
Kaawaan Mo kami Panginoon.
IPANALANGIN MO KAMI MALUWALHATING SAN ANTONIO,
Nang kami'y maging dapat na magtamo ng mga pangako ni Hesukristo
Namumuno: San Antonio ng Padua, luwalhati ng Santa Iglesia at karangalan ng Orden ni San Francisco
Bayan: lpagkaloob mo ang hinihingi namin sa iyo.
Namumuno: San Antonio ng Padua, na totoong
pinarangalan ng Niño Hesus
Bayan: lpagkaloob mo ang hinihingi namin sa iyo.
MANALANGIN TAYO
Magdulot nawa ng tuwa, O Diyos, sa lyong Iglesia, ang pag-aampon ng Iyong Confesor at Doktor na si San Antonio, upang lagi ng lumakas dahil sa mga tulong sa kaluluwa at maging dapat magkamit ng ligayang walang katapusan. Alang-alang kay Hesukristong aming Panginoon. Siya nawa
San Antonio de Padua, matapat na alagad ng Sangol na si Hesus
Ipanalangin mo kami.
Ama Namin.... Aba Ginoong Maria.....Luwalhati.
+Sa Ngalan ng Ama, at ng Anak, at ng Espiritu Santo. Amen
---------------------------------
𝗙𝗢𝗟𝗟𝗢𝗪, 𝗟𝗜𝗞𝗘, 𝗦𝗛𝗔𝗥𝗘 and 𝗦𝗨𝗕𝗦𝗖𝗥𝗜𝗕𝗘:
Tiktok: .kabitenyo
Youtube: Caviteño https://youtube.com/?si=s0cOIv6isXCeI53B
