27/11/2025
KAWAWA NAMAN YUNG MATANDA, PINAGBIBINTANGAN PA!
Ito ang take (opinyon) ko sa nangyari kay Kap. Oscar "Dodong" Bucol Jr., na binaril habang naglive sa kanyang Facebook account. Nakikiramay tayo sa pamilya at mga naiwan at sana ay makamit ang hustisya ng kanyang kamatayan.
Naaawa talaga ako kay tatay Ting Derecho kasi pinararatangan at hinuhusgahan siya nang wala namang matibay na basehan. Ang daming haka-haka, ang daming tanong na kesyo ganito, kesyo ganyan, at bigla nilang naconclude na kasabwat daw si tatay ng gunman.
1. “Bakit kay Kapitan niya sinauli, may Police Station naman?”
Bakit, bawal bang isauli kay Kap? At di ba may mga video pa nga si Kap na pinaparangalan ang mga taong nagsasauli ng cellphone at iba pang gamit?
Dahil ba dinala niya kay Kap, automatic kasabwat na siya?
Sinabihan lang naman siya ng mga kilala niya na doon isauli dahil may pabuya.
Nagpost pa nga siya sa account niya na may napulot silang wallet, at nagpost din ang owner na nawawala talaga niya ito.
2. “Bakit daw iba-iba ang statement niya minsan?”
Ikaw kaya ang nasa posisyon niya, iniinterview ng media habang binabatikos ka online. Hindi ka ba kakabahan? Siguradong may halong iyak, kaba, o pagtaas ng BP.
Nagsauli lang siya ng wallet. Maganda ang intensyon niya. Tapos bigla siyang ginawa pang kasabwat?
Hindi lahat ng tao magaling magsalita lalo na sa stressful at nakakatakot na sitwasyon. Matanda pa si tatay, natural na kabahan siya.
3. “May picture daw na may lechon at kasama daw si tatay at yung lalaking may ID.”
Ang layo! Yung nasa picture panot, si tatay hindi naman. Bakit ba pati kung anu-anong litrato hinihila para lang madiin si tatay?
4. “May hand signals daw siya, baka hudyat sa gunman?”
Imbestigador ka ba? Sigurado ka bang hand signal yun? Naka-try ka na? Kakapanood mo ng TV, lahat na lang parang conspiracy.
5. “Bakit sinabi ni tatay na magkaibigan sila ni Kap, e hindi naman daw siya kilala?”
Pagpasok ni tatay, nagpakilala siya na dati siyang welder nila. Siyempre, hindi na maalala ni Kap dahil ang dami na niyang nakikilala. Pero si tatay, naaalala si Kap dahil siya mismo ang nakausap nito noon.
Sinabi niya na “magkaibigan” sila para ipakitang wala siyang masamang intensyon at para i-debunk yung mga bintang sa kanya.
Hindi niyo maiintindihan yan kung hindi pa kayo naranasang pagbintangan nang ganito kabigat.
6. “Bakit pink ang wallet? Pambabae. Pero lalake ang owner?”
Bakit bawal ba? Kasalanan ba yun?
Hindi ba pwedeng wallet ng asawa ang gamit? Automatic kriminal na?
7. “Bakit sa tagong bulsa nilagay ang pera, hindi sa main slot?”
Anong pakialam nyo? May batas ba tungkol diyan? Pwede namang doon talaga niya nilalagay for safety. Hindi lahat ng tao pare-pareho ng style sa paglalagay ng gamit.
Bakit ba ang hilig niyong pag-initan si tatay?
Hindi ba pwedeng ang suspek, barilin si Kap kahit wala si tatay, e open area naman.
Kahit wala si tatay, posibleng mangyari ang pamamaril.
So bakit si tatay ang dinidiin?
Nagsauli lang siya ng wallet. Nagmagandang-loob pa. Tapos siya pa ang ginawang suspek? Ang daming “expert” bigla sa social media!
Again. Nakikiramay tayo sa pamilya ni Kap at sa kanyang mga constituents. Sana mahuli na ang mga tunay na suspek at makamit ang hustisya.
At sana, maging fair din tayo. Huwag agad nating husgahan ang tao dahil hindi natin alam kung gaano kabigat sa kalooban ang ganyan lalo na't wala namang basehan. Maraming mahal sa buhay nila ang nadadamay.
Hindi madali kapag ikaw ang binabato ng bintang ng mga taong walang alam sa tunay mong buhay.
Let's spread fairness, love and kindness!
