Pitik sang Tropa

08/05/2025

PAGPASAKA SANG FINANCIAL ASSISTANCE PARA SA MGA ESTUDYANTE NGA PIGADO, IDUSO NI LOVE-LOVE BARONDA

Luyag pa gid ni Love-Love Baronda nga pasangkaron ang iya gin-author nga Regulation Ordinance No. 2018-067 ukon ang Educational Financial Assistance Program nga kilala subong nga Uswag Scholarship kun makapungko na siya nga Vice Mayor sang Iloilo City.

Suno kay Love-Love Baronda, iduso niya nga mahatagan pa gid sang dugang nga bulig ang mga estudyante nga dedikado sa ila pag-eskwela apang mga pigado.

Ginpahayag niya nga tun-an niya ang pagdugang sang stipend ukon sang financial assistance sa mga scholars tungod pito (7) na ka tuig sang ginpasar niya ang ordinansa kag nagmahal na ang mga balaklon sa subong.

Malapit sa tagipuson ni Love-Love Baronda ang edukasyon rason nga siya ang principal author sang Regulation Ordinance No. 2018-067 ukon ang Educational Financial Assistance Program ukon ang ginakilala subong nga Uswag Scholarship.

Paagi sa sining ordinansa ni Love-Love Baronda, linibo na ka mga estudyante ang nahatagan sang P10, 000.00 educational assistance kada school year.

Si Love-Love Baronda man ang nangin chairman sang Committee on Education sa Iloilo City Council. Sa siyam (9) niya ka tuig nga pagpungko bilang konsehal, nangin aktibo siya sa mga deliberasyon parte sa kabataan kag sa ila pag-eskwela.

Halin 2018 tubtob subong, madamo ang nabuligan sang Educational Assistance ni Love-Love Baronda, nga nagapamatuod nga sinsero siya sa pagbulig sa mga kabataan kag mga pamatan-on.

08/05/2025

3-DIGIT EMERGENCY HOTLINE NUMBER IDUSO NI LOVE-LOVE BARONDA

Sa ti-un sang emerhensya, indi gilayon maka-responde ang mga natungdan nga ahensya sang gobyerno tungod madamo sang mga Ilonggo ang indi makasaulado ukon wala nakahibalo sang mga nagkalain-lain nga mga emergency hotline numbers.

Ini ang rason kun ngaa iduso ni Love-Love Baronda ang pag-establisyar sang 3-digit emergency hotline number para mas mahapos kag mas mapadasig ang pag-responde sang mga emergency responders.

Inid bilang kabahin man sa champion advocacies ni Love-Love Baronda sa disaster response kag resiliency.

Si Love-Love Baronda ang nangin konsehal sa sulod sang siyam ka tuig kag nangin aktibo sa konseho tungod sa iya ginpasar nga 91 ka mga ordinansa kag nakapartisipar sa 1, 196 ka mga ordinansa.

Nangin principal author siya sang ordinansa nga nagahatag sang educational assistance nga kilala subong nga Uswag Scholarship, kag nangin Chairman sang Committee on Education, Social Services, Information Technology, kag Youth and Sports.

Source: Team Sulong Gugma

06/05/2025

Team Uswag Magapabutyag sang Mabaskog nga Panawagan para sa Kauswagan kag Kadalag-an 2025 sa Miting de Avance sa La Paz Plaza

MAGAPAKITA sang pwersa sang Team Uswag sa isa ka mabaskog kag puno sang inspirasyon nga Miting de Avance para sa Kauswagan kag Kadalag-an 2025 sa Mayo 8, 2025, alas 3:00 sang hapon sa La Paz Plaza.

Pangunahan ini ni mayoralty candidate Inday Raisa Treñas, ang bataon nga lider nga handa na magpadayon sang matinlo, masaligan, kag progresibo nga pagpamuno sa Siyudad sang Iloilo. Upod sa iya amo ang bug-os nga slate sang Team Uswag nga nagatindog bilang simbolo sang serbisyo nga may integridad kag handum sang matuod-tuod nga pagpalangga sa mga Ilonggo.

Magatindog si Inday Raisa kag Vice Mayor Jeffrey Ganzon kag ang iya mga kaalyado nga may isa lang ka tinutuyo. Amo ang ipadayon kag mas labawan pagid ang Kauswagan kag Kadalag-an para sa tagsa ka Pamilyang Ilonggo.

Ginapangabay ang tanan nga mga pumuluyo nga mag-upod sa sini nga makasaysayan nga hilikuton agud pamatian ang madasig kag deretso nga mensahe sang Team Uswag. Ang politika indi lang pagdaug sa boto kundi pagpakig-upod sa mga pumuluyo sa matuud-tuod nga pagserbisyo.

Ang mga kandidato sang Team Uswag nga magahatag sang ila mensahe nga amo sanday:
* Inday Raisa Treñas – para Mayor
* Jeffrey Ganzon – para Vice Mayor
* Konsehal: Miguel Treñas, Atty. Romel Duron, Johnny Young, Alan Zaldivar, Atty. Rex Sarabia, Atty. Frances Grace Parcon-Torres, Rodulph Jeffrey Ganzon, Atty. Sedfrey Cabaluna, Mandrie Malabor, Atty. Sheila Olid, Nene Dela Llana, kag Lyndon Acap

Ini nga miting de avance indi lang isa ka political rally kundi isa ka pahayag sang determinasyon kag paghili-usa nga padayon nga pagatindugan sang Team Uswag ang kinamatarong, kalinong, kag kauswagan.

Sa Mayo 8, mangin kabahin sang kasaysayan. Mag-upod sa Team Uswag padulong sa mas masanag nga buwas damlag sang Iloilo City!

06/05/2025

VICE MAYOR JEFFREY GANZON, GINPANGUNAHAN ANG PAGHATAG SANG COMMENDATION KAY MISS ECO INTERNATIONAL ALEXIE MAE CAIMOSO BROOKS

Isa sa mga lider nga nagpakita sang pagpalangga kag suporta sa Ilongga beauty queen nga si Alexie Mae Caimoso Brooks amo si Vice Mayor Jeffrey Ganzon, nga halin pa sa pagsugod sang pageant journey ni Alexie, padayon nga nagapakigbahin kag nagahatag sang moral nga suporta sa iya.

Bilang pagpasidungog sa kadalag-an ni Alexie nga nagdaog sang Miss Eco International 2025 sa Egypt, ginpangunahan mismo ni Vice Mayor Ganzon ang Iloilo City Council sa paghatag sang Certificate of Commendation sa iya. Ini nga inisyatibo nagpapakita sang matuod-tuod nga pagpasidungog sa mga Ilonggo nga nagadala sang dungog sa syudad sa international nga entablado.

Suno kay Vice Mayor Ganzon, si Alexie isa ka ehemplo sang kaalam, kaanyag kag kabakod sang pamatan-on nga Ilongga. Ginpakita niya ang iya pagkasuporta sa beauty queen halin pa sang ini ang nagdaug sa Miss Iloilo 2024, tubtob nga nagrepresentar siya sa Pilipinas sa Miss Eco International.

“Si Alexie indi lang isa ka beauty queen, kundi isa man ka inspirasyon sa aton tanan. Ang iya kadalag-an, isa ka kadalag-an sang bilog nga syudad kag sang tanan nga Ilonggo,” pahayag ni Vice Mayor Ganzon.

Ang aktibo nga papel ni Vice Mayor Ganzon sa pagpasidungog sa mga Ilonggo nga may kontribusyon sa pagpasanyog sang ngalan sang syudad nagapakita sang iya dedikasyon sa pagpalangga kag pagsuporta sa mga Ilonggo nga may potensyal kag talento.

Lunes, sang nangin dinapit nga bisita sa Flag Ceremony sang Iloilo City Hall si Alexie, sa diin personal siya nga nagpasalamat sa suporta kag pagpalangga sang mga Ilonggo. Kadungan sini, personal man nga ginhatag nanday Mayor Jerry Treñas kag Vice Mayor Jeffrey Ganzon ang Resolution No. 2025-460 para kay Alexie nga nagadayaw kag naga-congratulate sa iya matapos ginkoronahan bilang Miss Eco International 2025.

06/05/2025

PANGHIMANWA NGA MAY MEJORA, SERBISYO NGA TATAK SARABIA: NAPAMATUD-AN NGA MASALIGAN KAG MAY RESULTA

Sa sulod sang malip-ot nga panahon, madamo na sang naubrahan sa Iloilo City Council si Atty. Rex Sarabia.

Ini man ang rason kun ngaa nahamot-an siya sang mga Ilonggo, ilabe na ang iya ikasarang sa pagserbisyo kag ginasigurado nga may resulta ang iya mga ginaubra.

Si Coun. Atty. Rex Sarabia ang Assistant Majority Floor Leader sang Iloilo City Council.

Umpisa sang siya ang napilian sang 2022, sige-sige na ang iya paghimakas para mangin epektibo nga konsehal sang syudad. 82 ka mga ordinansa kag 350 ka mga resolution ang napasar ni Atty. Sarabia sa iya una nga termino bilang konsehal.

Bilang abogado, iya gina-uyatan ang Committee on Appropriations kag Committee on Personnel, Good Government & Public Accountability, and Oversight Blue Ribbon Committee. Importante ang duha ka komitiba bangud ini ang nagasigurado nga husto ang paggamit sang kwarta sang syudad, lakip na ang pagtapna sang korupsyon.

Pila sa mga dalayawon nga inubrahan ni Atty. Rex Sarabia amo ang pagtukod sang Iloilo City Local Housing Office, pagtukod sang Iloilo Supply Chain Management Unit, kag pagtukod sang Personnel Information and Payroll System Management Office.

Gin-pangunahan man ni Atty. Sarabia ang pag-ubra sang Data Assessment and System Management Office, pag-ubra sang Iloilo City Gastronomy and Food Industry Development Council, kag pagtukod sang Traffic and Transportation Management Office.

Si Atty. Sarabia ang nagduso man para ma-institutionalize ang Local Economic Development and Investment Promotion (LEDIP) Office.

Kun kaayuhan naman sang pumuluyo, dalayawon ang proposal ni Atty. Sarabia para sa pagpasaka sang sweldo nga ginabaton sang mga Barangay Health Workers kag mga Barangay Service Point Officers (BSPO) sa idalom sang City Population Office.

Bilang nagakampanya sa edukasyon, nakahatag man si Atty. Sarabia sang 1,080 ka scholarships sa mga senior high school kag college students.

Kaupod ang Team Uswag sa pagpanguna nanday Inday Raisa Treñas kag Vice Mayor Jeffrey Ganzon, sigurado ang padayon nga kasuwagan sang syudad sang Iloilo ilabe pa nga yara si Atty. Rex Sarabia nga magabulig sa Iloilo City Council.

Ang kauswagan magapadayon kaupod ang Team Uswag kag si Atty. Sarabia!

06/05/2025

06/05/2025

SERBISYO TATAK DURON, GIN-ENDORSO NI FORMER SENATE PRESIDENT FRANKLIN DRILON

Bangod sang iya aktibo kag maayo nga performance sa Iloilo City Council, mabaskog gid nga gina-endorso ni former Senator Franklin Drilon si Councilor Romel Duron agud magpadayon sa pag-serbisyo sa mga Ilonggo.

No. 9 sa balota, si Duron ang nagapapili liwat bilang konsehal sang syudad sa idalom sang Team Uswag nga ginapangunahan ni Inday Raisa Treñas kag Vice Mayor Jeffrey Ganzon.

“Daku gid ini nga bugal para sa akon ang suporta sang aton pinalangga nga anay Senador Franklin Drilon. Bilang sabat, akon gid ginapasalig nga maninguha pa gid kita agud mapadayon naton ang naumpisahan na naton nga kauswagan sang aton syudad,” pasalig ni Duron.

Si Duron ang kilala gid bilang masaligan nga abogado sa konseho. Nangin konsehal umpisa sang 2019, si Duron ang nagpungko bilang Majority Floor Leader sang Iloilo City Council kag chairman sang mga importante nga mga committee kaangay sang Committee on Transportation, Energy and Public Accountability; Committee on Rules, Ordinances, Resolutions, Style Justice and Legal Affairs; kag Committee on Good Governance and Public Accountability.

Lakip sa mga mapuslanon nga ordinansa nga nadihon kag napasar sini kaangay sang Integrated Public-Private Partnership (PPP) Code of Iloilo City; Ordinance Creating the Iloilo City Tricycle Franchising/licensing regulatory board in the City of Iloilo; An Ordinance Adopting Iloilo City Energy Code to Promote Energy Efficiency and Conservation; An Ordinance For the Creation of the Traffic Adjudication Board (TAB); kag madamo pa.

Nagpasalig si Duron nga mangin padayon sya nga partner ukon kabulig sa liderato sang Treñas administration para mas mapasanyog ang programa kag proyekto paagi sa mga mapuslanon nga mga ordinansa nga makadala benepisyo sa mga Ilonggo.

Padayunon man sini ang mga inisyatibo sang iya opisina kaangay sang paghatag sang legal assistance kag serbisyo sa notaryo, transportasyon, enerhiya, trabaho, kag mga programa sa palibot kag sa mga Kabataang Ilonggo.

06/05/2025

SERBISYONG SOLID OLID, ITIB-ONG SANG MGA ILONGGO SA KONSEHO

Mangin daku nga bentaha si Atty. Sheila Olid sa Konseho sang Syudad sang Iloilo bilang bag-o nga nawong nga may preska nga ideya kag mga inisyatibo nga mapuslanon.
Numero 19 sa balota, si Atty. Sheila Olid ang nagapadalagan konsehal sa idalom sang Team Uswag.

Bilang babaye kag abogado, isa sa mga tutokan niya sa Serbisyong Solid ni Olid ang mga programa kag proyekto nga magadala sang kaayuhan sa LGBTQIA, senior citizens, kababaenhan, kag mga indibidwal nga nagapangatubang sang diskriminasyon, harassment, ukon pagpang-abuso.

Ginpasalig ni Atty. Olid nga mangin bukas ang iya talatapan sa mga pumuluyo sang syudad nga nagakinahanglan sang bulig legal. Isa sa ginaplano niya amo ang pagtukod sang Legal Assistance Desk.

Lakip man suportahan kag siguraduhon sang Serbisyong Solid ni Olid nga ang tanan nga mga katigulangan makabaton sang ila alokasyon kag husto nga benepisyo nga ila dapat makuha suno sa kasuguan.

Tutokan man sini nga ang TANAN nga mga Ilonggo nga nagakatigulang makabaton sang husto nga benepisyo sa pag-abot nila sa edad nga 60.

Sa idalom sang liderato ni Vice Mayor Jeffrey Ganzon bilang presiding officer, daku gid ang nabulig sang Sangguniang Panlungsod (SP) sa mga nalab-ot nga kauswagan kag mga pasidungog sang Syudad sang Iloilo.

Sa pagsulod ni Olid sa Konseho, ginapaabot nga mas madamo pa gid nga mga mapuslanon nga ordinansa ang mapasar sang Konseho upod ang Team Uswag councilorables nga sanday Miguel Treñas, Atty. Romel Duron, Johnny Young, Alan Zaldivar, Atty. Rex Sarabia, Atty. Frances Grace Parcon-Torres, Rudolph Jeffrey Ganzon, Atty. Sedfrey Cabaluna, Nene Dela Llana, Lyndon Acap, kag Mandrie Malabor ukon kilala sa acronym nga CaZaDu De Sa TaGOMPay.

UPOD KAY INDAY RAISA TREÑAS KAG SANG TEAM USWAG, ANG KAUSWAGAN KAG MGA KADALAG-AN SANG SYUDAD INDI LAMANG ISA KA HANDUM, KUNDI ISA NA KA LEGASIYA NGA MAGAPADAYON.

06/05/2025

01/05/2025

Dear May, may it be a peaceful month.❤️‍🩹😞

01/05/2025

“True love doesn't grow old, it only grows deeper with time.”

01/05/2025

"I miss those days when my smile was real."