05/06/2024
Naglakad-lakad ako dahil kahit makulimlim ay napakalamig ng hangin. Sinubukan kong kumuha ng ilang litrato na maaaring magustuhan ninyo. Ngunit ang pumukaw ng atensyon ko ay ang istorya ng isang mamamayan na kasalukuyang tumitira sa ilalim ng tulay.
Sila ay biktima ng demolisasyon para magtayo ng matatangkad na gusali na korporasyon lang ang umaani. Araw-araw sila dumidiskarte para magpaaral ng dalawang anak at maghatid ng pagkain sa kanilang pinggan. Ang angas pa nga ng pagtawag sakin (kilala na n'ya ako sa mukha dahil binigyan ko ng print ng kanyang asawa nung nakaraan), "Uy, picturan mo kami pangsouvenir!"
At dito nag-umpisa ang kwentuhan naming dalawa.
