26/10/2026
🔥 PAHIMANGNO SA TANANG SULOPIANS: MAG-AMPING BATOK SA SUNOG RESULTA SA KAINIT SA PANAHON! 🔥
Tungod sa nasinati nga grabeng kainit sa panahon ug epekto sa El Niño, mas kinahanglan natong mag-amping ug magmatngon aron malikayan ang sunog nga mahimong hulga sa atong kinabuhi, panimalay, ug kabtangan.
Giawhag sa tanan nga Sulopians ang hugot nga pagsunod sa mosunod nga mga pahimangno sa pagpugong sa sunog:
1. Mag-andam ug binaldeng mga tubig sa matag panimalay ug establisyemento aron magamit dayon kung adunay sunog.
2. Matag karon ug unya, bag-ohon ang pundo nga tubig aron malikay usab sa sakit nga dengue.
3. Likayan ang pag-overload sa mga saksakan. Ibton ang mga appliances kon dili na gamiton ug siguroha nga luwas ang mga electrical connections.
4. Sigurohon ang maayong bentilasyon sa sulod sa panimalay, ilabina sa mga dapit nga init ug sirado.
5. Ipahilayo sa mga bata ang posporo, lighter, ug mga delikadong gamit sa kuryente. Ayaw sila tugoti nga magdula niini.
6. Likayan ang pagdaob, ilabina sa uga nga sagbot, basurahan nga duol sa panimalay, umahan, ug mga dapit nga dali rang masunog.
7. Maminaw ug Mosunod sa mga pahibalo sa publiko gikan sa mga otoridad.
8. Ginadili paggamit og illegal electrical connections o “jumper” kay mahimo kining hinungdan sa short circuit ug sunog.
9. Kanunayng maniid sa palibot. Susiha ang mga alambre, saksakan, appliances, ug uban pang posibleng hinungdan sa sunog.
10. I-save daan sa inyong cellphone ang mga emergency hotline numbers sa Bureau of Fire Protection (BFP), Philippine National Police (PNP), ug Municipal Disaster Risk Reduction and Management Office (MDRRMO).
11. Tawag dayon sa mga otoridad kung adunay makitang aso o sunog. Ayaw paglangan sa pagtaho ug sigurohon ang kaluwasan sa tanan.
💚 Hinumdumi: Ang paglikay sa sunog responsibilidad sa matag usa! Ayaw hulata nga adunay mahitabong kadaot sa dili pa molihok. Pinaagi sa pag-amping, pagmatngon, ug panaghiusa, mapanalipdan nato ang atong pamilya, komunidad, ug tibuok lungsod sa Sulop.
MAG-AMPING, MAGMATNGON, UG MAGTINABANGAY TA, MGA SULOPIANS!
