06/03/2026
اسرائیل کا ایران پر کلسٹر بم حملے کا الزام
تل ابیب: اسرائیل نے الزام لگایا ہے کہ ایران نے حالیہ حملوں میں کلسٹر بم استعمال کیے ہیں۔ اسرائیلی حکام کے مطابق یہ ہتھیار مبینہ طور پر چین اور روس سے حاصل کیے گئے تھے۔
اسرائیلی فوج کا کہنا ہے کہ کلسٹر بم فضا میں پھٹ کر متعدد چھوٹے بموں میں تقسیم ہو جاتے ہیں جو بڑے علاقے میں پھیل کر شدید نقصان پہنچا سکتے ہیں۔ حکام کے مطابق اس طرح کے ہتھیار شہری علاقوں کے لیے خاص طور پر خطرناک سمجھے جاتے ہیں۔
دوسری جانب ایران کی جانب سے ان الزامات پر فوری طور پر کوئی باضابطہ ردعمل سامنے نہیں آیا۔ ماہرین کا کہنا ہے کہ اگر اس دعوے کی تصدیق ہوتی ہے تو خطے میں جاری کشیدگی مزید بڑھ سکتی ہے۔
