29/12/2025
هڪ عورت تقريبن ست فٽ جو نانگ پالي رکيو هو، جنهن سان اها بيحد پيار ڪندي هئي، هڪ ڏينهن نانگ اچانڪ کائڻ پيئڻ ڇڏي ڏنو، ان هفتي تائين نانگ کي کارائڻ پيئائڻ جي ڪوشش ڪئي پر اها ناڪام رهي آخرڪار پنهنجي پالتو نانگ کي ڊاڪٽر ڏانهن کڻي وئي، عورت تمام تر صورتحال کان ڊاڪٽر کي آگاھ ڪيو!
ڊاڪٽر سوال ڪيوس ته ڇا هي هر رات جو توسان گڏ سمهندو آهي؟ عورت چيو جي هان، وري ڊاڪٽر سوال ڪيوس ته جڏهن کان نانگ کائڻ پيئڻ بند ڪيو آهي ڇا ان رات تنهنجي جسم جي بيحد قريب اچي پنهنجي جسم کي ڇڪيو هيائين؟ عورت چيو جي هان ائين آهي پر مونکي بيحد افسوس آهي جو مان پنهنجي نانگ کي ٺيڪ ڪرڻ لاء ڪجھ به نه پئي ڪري سگهان!
ڊاڪٽر عورت جو جواب ٻڌي کيس چيو ته محترمه تنهنجو نانگ بيمار نه بلڪه توکي کائڻ جي تياري ڪري رهيو آهي، نانگ تنهنجي جسم جو روزانو اندازو لڳائي رهيو آهي تڏهن کائڻ پيئڻ بند ڪيو اٿس جيئن توکي پنهنجي پيٽ ۾ وڌ کان وڌ جڳھ ڏئي سگهي عورت ڊاڪٽر جو جواب ٻڌي خوف ۾ وٺجي وئي!
ان واقعي مان اهو نتيجو نڪري پيو ته اسانکي پنهنجي ارد گرد موجود انهن نانگن کي سڃاڻڻو آهي، جيڪي اسانجي نهايت ئي قريب آهن، ضروري ناهي ته اوهانجي اڳيان پويان ڦرڻ وارا گڏ کائڻ پيئڻ ۽ اٿڻ ويهڻ وارا سڀئي اوهان جا همدرد ۽ خيرخواھ هجن، بس توهان کي انهن کي سڃاڻڻو آهي!!
