پھاگل ویلفیئر آرگنائزیشن

24/07/2026

ناردرن پاکستان ہیلتھ فاؤنڈیشن
صحت سب کے لیے
مفت طبی کیمپ
مہاندری، وادیٔ کاغان
انسانیت کی خدمت، صحت کے ذریعے
ہمیشہ کی طرح ناردرن پاکستان ہیلتھ فاؤنڈیشن (NPHF) ایک بار پھر پہاڑی علاقوں میں انسانیت کی خدمت کے عزم کے ساتھ آرہی ہے۔
آئیے مل کر ہر گھر تک امید، شفا اور صحت کی سہولیات پہنچائیں۔
مفت سہولیات
✅ مفت طبی معائنہ
✅ مفت ادویات
کیونکہ ہر زندگی قیمتی ہے۔
کیمپ کی تفصیلات
📅 کیمپ کی تاریخ:
ہفتہ، 25 جولائی 2026
🕘 اوقات:
صبح 9:00 بجے تا شام 4:00 بجے
ماہر ڈاکٹرز کی خدمات
* جنرل میڈیسن (عام امراض)
* اطفال (بچوں کے امراض)
* امراضِ نسواں
* اعصابی امراض (نیورولوجی)
فراہم کی جانے والی مفت سہولیات
✔ مفت مشاورت
✔ مفت طبی معائنہ
✔ مفت ادویات

20/07/2026

بسم اللہ الرحمٰن الرحیم
ہم پھاگل ویلفیئر آرگنائزیشن کی جانب سے قاری امجد سعید قریشی صاحب کو زینب ویلفیئر آرگنائزیشن کے کامیاب افتتاح پر دلی مبارکباد پیش کرتے ہیں۔

ہم ان کے بے حد شکر گزار ہیں کہ انہوں نے پھاگل ویلفیئر آرگنائزیشن کو اس باوقار تقریب میں شرکت کی دعوت دی۔ اس موقع پر دونوں ویلفیئر آرگنائزیشنز کے عہدیداران اور ممبران کے درمیان خوشگوار ماحول میں ملاقات اور تبادلۂ خیال ہوا، جس میں اس بات پر اتفاق کیا گیا کہ آئندہ اپنے علاقے کی فلاح و بہبود، تعلیم، سماجی ترقی اور دیگر عوامی مسائل کے حل کے لیے باہمی تعاون اور یکجہتی کے ساتھ کام کیا جائے گا۔

ان شاء اللہ ہمیں یقین ہے کہ دونوں ویلفیئر آرگنائزیشنز باہمی تعاون، اخلاص اور خدمت کے جذبے کے ساتھ اپنے علاقے کی ترقی اور عوامی فلاح کے لیے بھرپور کردار ادا کریں گی، اور اللہ تعالیٰ ان کی محنت کو قبول فرماتے ہوئے اسے کامیابی اور عوام کے لیے خیر و برکت کا ذریعہ بنائے گا۔

اللہ تعالیٰ ہم سب کو اخلاص کے ساتھ خدمتِ خلق کی توفیق عطا فرمائے۔ آمین۔

15/07/2026

ضلع مانسہرہ کی رجسٹرڈ این جی اوز کا پہلا تعارفی و رابطہ اجلاس منعقد

ضلع مانسہرہ کی رجسٹرڈ این جی اوز کے ساتھ پہلا تعارفی اور رابطہ اجلاس مورخہ 14-07-2026 کو ڈسٹرکٹ آفیسر سوشل ویلفیئر ڈیپارٹمنٹ مانسہرہ کی زیرِ صدارت منعقد ہوا۔

اجلاس کا بنیادی مقصد محکمہ سماجی بہبود مانسہرہ اور ضلع کی رجسٹرڈ این جی اوز کے درمیان باہمی رابطے، مؤثر کوآرڈینیشن اور تعاون کو مزید مضبوط بنانا تھا تاکہ سماجی بہبود سے متعلق سرگرمیوں کو بہتر انداز میں آگے بڑھایا جا سکے

اس موقع پر پھاگل ویلفیئر آرگنائزیشن کے صدر رفاقت اعوان نے بھی اجلاس میں شرکت کی۔ انہوں نے پھاگل ویلفیئر آرگنائزیشن کے اغراض و مقاصد، جاری فلاحی سرگرمیوں اور مستقبل کے ایجنڈے پر تفصیلی بریفنگ دیتے ہوئے تنظیم کے وژن اور عوامی خدمت کے عزم سے شرکاء کو آگاہ کیا۔ انہوں نے اس بات پر بھی زور دیا کہ مختلف اداروں اور رجسٹرڈ این جی اوز کے درمیان باہمی تعاون کے ذریعے ضلع مانسہرہ میں سماجی خدمات کو مزید مؤثر اور منظم بنایا جا سکتا ہے

اجلاس کے دوران ڈینگی بخار سے بچاؤ کے حوالے سے آگاہی مہم کو بھی حتمی شکل دی گئی۔ اس مہم کے تحت عوام میں احتیاطی تدابیر، صفائی ستھرائی کی اہمیت اور کمیونٹی کی فعال شمولیت پر زور دیا گیا، تاکہ ضلع بھر میں ڈینگی کی روک تھام کے لیے مؤثر اور مربوط اقدامات کیے جا سکیں

اجلاس کے اختتام پر شرکاء نے اس عزم کا اظہار کیا کہ عوامی فلاح و بہبود، صحت عامہ اور سماجی خدمات کے فروغ کے لیے محکمہ سماجی بہبود اور رجسٹرڈ این جی اوز باہمی تعاون کے ساتھ اپنی ذمہ داریاں مؤثر انداز میں انجام دیتے رہیں گے

01/07/2026

زندگی کا اصل مقصد دوسروں کے لیے آسانیاں پیدا کرنا ہے
منجانب پھاگل ویلفیئر ارگنائزیشن

25/06/2026

پھاگل ویلفیئر آرگنائزیشن کا بنیادی مقصد بلا تفریق عوام کی خدمت اور معاشرے کی فلاح و بہبود ہے

29/05/2026

heroes of phagal welfare organization

26/05/2026

“پھاگل ویلفیئر آرگنائزیشن کی جانب سے تمام اہلِ اسلام کو عید الاضحیٰ کی پیشگی دلی مبارکباد۔ اللہ تعالیٰ اس بابرکت عید کے صدقے آپ کی زندگی میں خوشیاں، برکتیں، صحت اور کامیابیاں عطا فرمائے۔ عید مبارک!” 🌙

15/05/2026

26/04/2026

پھاگل ویلفیئر آرگنائزیشن کا عزیم کارنامہ
فری میڈیکل کیمپ کا اقدام واقعی انسانیت کی خدمت کی ایک روشن مثال ہے۔ عوام ہمدرد فاؤنڈیشن کے تعاون سے منعقد کیا جانے والا فری میڈیکل کیمپ علاقے کے ضرورت مند افراد کے لیے ایک بڑی سہولت بن کر سامنے آیا ہے۔ اس کیمپ میں پھاگل کی عوام نے بھرپور شرکت کی، جو اس بات کا واضح ثبوت ہے کہ ایسے فلاحی اقدامات کی معاشرے میں کتنی اہمیت ہے۔

اس میڈیکل کیمپ کے دوران ماہر ڈاکٹرز کی جانب سے مفت معائنہ کیا جا رہا ہے، جبکہ مختلف ضروری ٹیسٹس، الٹراساؤنڈ اور ادویات بھی بلا معاوضہ فراہم کی جا رہی ہیں۔ یہ سہولیات ان افراد کے لیے خاص طور پر قیمتی ہیں جو مالی مشکلات کے باعث مناسب علاج کروانے سے قاصر رہتے ہیں۔

بلاشبہ، اس طرح کی کاوشیں نہ صرف دکھی انسانیت کے زخموں پر مرہم رکھنے کا ذریعہ بنتی ہیں بلکہ معاشرے میں ہمدردی، تعاون اور بھائی چارے کے جذبے کو بھی فروغ دیتی ہیں۔ امید کی جاتی ہے کہ مستقبل میں بھی ایسے فلاحی اقدامات کا سلسلہ جاری رہے گا اور مزید لوگوں کو اس سے فائدہ پہنچے گا
۔