24/05/2026
ڈورو بروقچت کے باشعور معززین اور نوجوانانِ قوم نے آج ایک باوقار نشست میں شرکت کی، جہاں حلقہ 3 کی سیاست اور علاقے کی فلاح و بہبود سے متعلق امور پر سنجیدہ غور و فکر کیا گیا۔
اس محفل کی رونق حاجی فدا محمد ناشاد صاحب کے فرزند اختر عباس اور چیئرمین حاجی حسن صاحب کی موجودگی سے دوبالا ہوئی۔ دونوں شخصیات نے شرکاء کے جذبات و احساسات کو نہایت خلوص اور توجہ سے سنا۔ نوجوانوں نے اپنے علاقے کے دیرینہ مسائل اور ترقیاتی تقاضوں کو تہذیب و شائستگی کے دائرے میں پیش کیا۔
شرکاء نے یہ امید ظاہر کی کہ آئندہ وقت میں ڈورو بروقچت کو ترقیاتی عمل میں اس کا جائز مقام عطا ہوگا، تاکہ علاقے کی محرومیاں دور ہو سکیں اور عوام کو بہتر سہولیات میسر آ سکیں۔ اسی اعتماد کے سائے تلے انہوں نے حلقہ 3 کی سیاست میں حاجی فداء محمد ناشاد صاحب کے قافلے کے ساتھ قدم بہ قدم چلنے کے عزم کا اعادہ کیا۔
محفل کے اختتام پر اختر عباس اور چیئرمین حاجی حسن صاحب نے تمام حاضرین کا شکریہ ادا کرتے ہوئے یقین دلایا کہ عوامی مسائل کو اولین ترجیح دی جائے گی اور ان کے حل کے لیے ہر ممکن سعی و کاوش بروئے کار لائی جائے گی۔
