07/09/2026
تین ماہ سے زائد عرصے سے تعلیمی سرگرمیوں کی معطلی کے باوجود علم کی شمع روشن رکھنے کی ایک خوبصورت مثال سامنے آئی ہے۔
پاکستان کے زیرِ انتظام کشمیر کے ڈنہ، کوٹیڑی، میرالگلہ اور بنجوسہ میں تحریک کے شہید جمشید اشرف کے نام سے فری اسکولز کا آغاز ایک قابلِ تحسین، مثبت اور وقت کی اہم ضرورت کے مطابق قدم ہے۔
مشکل حالات، محدود وسائل اور غیر یقینی صورتحال کے باوجود بچوں کی تعلیم کا سلسلہ جاری رکھنا اس عزم کا اظہار ہے کہ حالات چاہے کتنے ہی مشکل کیوں نہ ہوں، علم کا سفر کبھی نہیں رکنا چاہیے۔
اس عظیم تعلیمی کاوش میں شامل تمام احباب کو دل کی گہرائیوں سے مبارکباد اور خراجِ تحسین پیش کرتے ہیں، جنہوں نے نئی نسل کے مستقبل کو ترجیح دی اور امید کی ایک نئی کرن روشن کی۔
امید ہے کہ جہاں جہاں تعلیمی ادارے بند ہیں، وہاں کے باشعور، صاحبِ استطاعت اور دردِ دل رکھنے والے افراد بھی آگے بڑھیں گے اور اپنے بچوں کے بہتر مستقبل کے لیے ایسے ہی فری تعلیمی مراکز قائم کرکے علم کا چراغ روشن رکھیں گے۔
کیونکہ قوموں کا مستقبل بند دروازوں سے نہیں، بلکہ کھلی کتابوں سے بنتا ہے۔ 📚✨
