Yama Alkeir

21/03/2023

16/01/2023

يومك إبتدأ .. ويجب ان تعلم جيداً ان كُل ما سيحصل به هو ناتج عن قراراتك وبكامل إرادتك .. فشكّله كما تريده ان يكون🌍🌸

13/01/2023

🤍‏ياربّ أؤمنُ أن سعييَ كلَّهُ
من دونِ لُطفك ضيعةٌ وغُثاءُ

04/01/2023

هو في احلى من القمر🤩🤩🔥

02/01/2023

مرحب بيكم في صفحتي المتواضعة واللي هي حتكون دايرة حوالين الصور والمرح عموما😉
انا ياسر علي بحب التصوير شديد💜 فحبيت أشارك معاكم الشعور والشغف، وبتمنى يعجبكم المحتوى استمتعوا وما تنسو الدعم🤩↗️
بسم الله نبداها بي زهور🏁🔥

09/07/2020

Say welcome to the new beasts.

07/05/2020

آيفون👍
هواوي😁
سامسونج❤
#يلا شاركنا رأيك فيهم

04/05/2020

آيفون SE:
الآيفون الرخيص؟!!؟!!
أولا كلمة رخيص بتختلف من شركة لي شركة،لكن كلمة رخيص بالنسبة لي Apple معناها ٤٠٠ دولار واللي بتقع في الفئة المتوسطة للتلفونات،واللي هي تقنيا م رخيصة شديد...(بالنسبة لينا)...
أول حاجة ح تلاحظها في التلفون اول م تمسكوا انو حرفيا نفس التصميم بتاع آيفون 8 لأنو حرفيا نفس الجسم بس نزلو التفاحة للنص...
والشاشة اكتر حاجة وهمية،يعني يا ناس أبل دايرين تقنعوني انو في 2020 اشتري لي تلفون شاشتو نصها حواف،ويا ريت لو انتهت علي كدة..الشاشة IPS كمان،هل من الصعب انو تطلعو نفس التلفون بي نفس التصميم ويكون فيو شاشة استحواذها أكبر،أو دة بيكون عشان التلفون بي ٤٠٠ دولار،لأنو أبل سياستها انها شركة للناس المرتاحة.....واللي هي سياسة وهمية وساهمت في انخفاض المبيعات شديد.
من ورا عندك كاميرا واحدة............عليك الله اخر مرة شفت ليك تلفون طلع في 2020 او 2019 فيهو كاميرا واحدة متين،لكن الحاجة الما ح تلقاها في التلفونات المنافسة هي طريقة المعالجة البتطلع ليك صور خرافية بالنسبة للسعر،وللناس التقول انها نفس كاميرا الآيفون 11،احب أقوليك انو أبل أبت تفصح عن كلام زي دة(عارفين لي)،عموما اقوى كاميرا اساسية في تلفون بي 400 دولار.
وأكيد أقوى نقطة بيع ليو انو بجي مع معالج الآيفون 11،ايوا نفس المعالج الح يديك اقوى اداء وأعلى اعدادات في ببجي،لكن هل انت مستعد انك تلعب في شاشة ما فايتة ال 5.6 انش،صدقني ما حا تستمتع كتير بي سبب الشاشة.
2020 ولسة بدوك شاحن 5 واط عشان تشحن تلفونك في يوم،يعني عندنا تلفونات بتجي بي شاحن 40 و 65 واط(بطارية 4000 ملي امبير في نص ساعة)،لكن السمح انو فيو شحن لاسلكي الما ح تلقاهو في اي تلفون بالسعر دة.
والبطارية 1850 تقريبا(انتو جادين)،بالرغم من انها بتقضي معاك اليوم لو انت استخدامك متوسط يعني،الا انو دي حاجة غريبة وغير مقبولة لأنو في تلفونات بي نفس السعر بي بطارية 4 و 5 ألف ملي أمبير وفي أرخص من كد كمان(yes please).
لكن خليك من الكلام دة كلو أقوى نقطة بيع في التلفون دة iPhone SE 2،انو آيفون،أيوا لأنو آيفون ومعروف انو ايي زول شايل ليو آيفون لازم تتعامل معاو بي طريقة خاصة،لأنو أبل عرفت تبني إسمها بي فضل ال iOS.
ودة بوصلنا لي النقطة الأخيرة:التلفون دة موجه لي منو ومنو مفترض يشتريهو،بي إختصار للناس العايزة تجرب نظام الiOS،او الناس العندها تلفون آيفون قديم من سنتين او تلاتة، ولو انت ح تقدر تتعايش مع الشاشة،حرفيا دة أفضل موبايل تشتريه بي 400 دولار(إذا قدرت إتعايشت مع الشاشة).
أخيراً..............م تنسى اللايك والشير واهم حاجة خليك في البيت.

02/05/2020

آيفون SE أول ايفون فئة متوسطة من أبل وصراحة كان قنبلة💣💥في وقتو لانو كان بديك نفس مواصفات الآيفون 6s بي نصف السعر تقريبا💰.وحققت بيهو الشركة نجاحات باهرة.
من الزمن داك م شفنا لينا خليفها ليهو لأنو إنتو عارفين أبل بتعتبر نفسها شركة premium😎 ،ولكن مع تردي مبيعات الشركة في السنوات الأخيرة📉 ،ورجوع أبل في المركز الثالث من ناحية مبيعات الهواتف 😰 ثم مؤخرا الرابع بعد ما أوبو كبتها😱،قررت تراجع نفسها تاني،وهنا إتولد الآيفونSE 2020📲،أو آيفون SE 2.💵◀💎💎
واللي هو عامل ضجة كبيرة لأنو بيديك حاجات قوية و يعتبر صفقة ممتازة مقابل سعرو، لكن هل حقا.......يستاهل؟!؟!
دة الحنشوفو في المنشور الجاي✔
ما تنسى تعمل #لايك👍 لأنو مجان وأحسن تستمتع بالمجان قبل ما يبقى بي قروش لأنو إنتو عارفين السودان😉😂
و الشير 📤لأنو نحنا ف رمضان وربنا ح يديكم أجر💙
لو قريت لحدي هنا مبروك ليك بقيت بروف...
شكراً.