31/03/2021
كثير من العرسان يتصلو بيك يقول ليك هسي خلال ساعه تكون معاي للاوت دور او للحفل وباي مبلغ تعال وانا بكون متوتر شديد وممكن اكون شغال في مكان تاني. المهم كل الجوني الحمدلله عالجته ليهم موضوعم بس بتكون النقطه هنا ( لي ما حجزتو من بدري؟؟؟!!!!!) للاسف كلهم بقولو ليك متفقين مع مصور وقفل تلفونو او ما قادرين نلم في مصور ده او بقه ما برد علينا!!!!!! سوالي بكون انتو اديتو قروش اي مشيتو لي في مكتب لا طيب نقطة المكتب لي ما مشيتو لي بقولو ليك ما عندو مكتب طيب بقول ما مشكله 90% من المصورين ما عندهم مكاتب بقول ليهم طيب الايصال وينو يقولو ليك ما عندو ايصال بس لقيناهو في شارع في كافتريا في اي مكان دفعنا ليو القروش كاش او بنكك!!!!!!! طيب يا عريس ويا عروس كيف ما شلتو الايصال يقولو ليك ما عندو قال خلصو الدفاتر او الايصالات!!!!!!!!!!! يا جماعه المشكله دي اتكررت معاي انا كثير خلاص وفي النهاية ما بكون عندي حل غير الحقم في اي مكان في حين نحن اقل فتره للحجز تكون اسبوع من تاريخ المناسبه. طيب الحلول شنو لمواقف زي دي او نصائحكم شنو للعرسان عامة.
يا جماعه نقطة ما عندو مكتب ممكن نتخطاها بس يا جماعه شيلو ايصال لحفظ حقك كعريس وعروس ولحفظ حق المصور.
بتمنا الناس تنتبه للنقاط دي كويس لانو ممكن تضيع توثيق الاوت دور والحفل من خلال موقف غلط منك يكون افضل صور ذكريات من اليوم ده ليك مافي وما معروف الظروف ما طوالي بتلقونا 💚
