29/09/2025
Dowladda Qatar ayaa si rasmi ah ugu wareejisay Madaxweynaha Soomaaliya, Xasan Sheekh Maxamuud, mid ka mid ah diyaaradda casriga ah ee Gulfstream G700 (A7-CHH), taasoo ka tirsan shirkadda Qatar Executive ee hoos timaadda Qatar Airways.
Gulfstream G700 oo ay soo saartay shirkadda Gulfstream Aerospace ee Mareykanka ayaa ah mid ka mid ah diyaaradaha ganacsiga ugu weyn, ugu casrisan, uguna raaxada badan caalamka.
Waxay si gaar ah loogu talagalay safarrada madaxda iyo ganacsatada caalamiga ah, iyadoo lagu sifeeyo “hotel ku duulaya cirka.” Qiimaha diyaaraddan cusub ayaa lagu qiyaasaa qiyaastii $75–80 milyan doolar.
Diyaaradaan waxa leedahay xawaare sare oo gaari kara ku dhowaad 1,100 km/saacaddii (Mach 0.925).
Waxay duuli kartaa 13,800 km iyadoo aan istaagin, taasoo u suuragelinaysa safarro toos ah oo Muqdisho ilaa New York ama Beijing ah.
Gudaha waxaa loogu talagalay illaa 19 rakaab oo si heer sare ah loogu adeego, kuraasta ayaa isu beddeli kara sariiro, waxaana ku jira qol hurdo, qol cunto iyo adeeg internet oo casri ah.
Waxay ka duuli kartaa illaa 51,000 feet, taas oo ka sarreysa inta badan diyaaradaha caadiga ah ee rakaabka.
Siinta diyaaraddan Madaxweynaha Soomaaliya ayaa loo arkaa astaan muujinaysa xiriirka walaaltinimo iyo iskaashiga istiraatiijiga ah ee ka dhexeeya Soomaaliya iyo Qatar. Doha waxay horey u maalgelisay mashaariic horumarineed, dib-u-dhis iyo taageero amni oo ay Soomaaliya ka fulisay tobannaan sano.
ă‚švirală‚·fypă‚·ă‚švirală‚·al
