20/04/2026
شو بيعني لي إني أكون ؟؟!
يعني أدخل بيوت ناس أول مرة بشوفهم ..
وأطلع وأنا حافظة بقلبي ضحكتهم,ونظراتهم,ومواقفهم الصغيرة,الي حتى هنن نسيوها ..
يعني أمسك #الكاميرا مو بس كرمال #أصور وبس ..كرمال أشعر الحنونة يلي بتنقال بصوت منخفض ..
يعني أكون موجودة #بلقطة ما حدى منبه الها .. لحظة عفوية,حركةبسيطة,نظرة مليانة #حب وأخليها تعيش للأبد ..
يعني إم بتطلع ببنتها وكأنها شايفة أحلى شي خلقه ربنا .. عيونها بتلمع بحب ما بينوصف وفي جواتها ألف دعوة بتنقال من دون صوت (الله يسعدك يا قطعة من قلبي) ..
يعني أشوف أبوها بيبتسم الها ابتسامة متألمة وفي بقلبو دعاء مالو نهاية ..
(اللهم اجعل خطواتها في الدنيا بركة واجعل قلبها في امانك) ..
يعني اكون حاضرة بلحظة ما بدنا ياكي تروحي,بس كتير فرحانين الك ..
اللحظة الي بكونو فيها الضحكة والدمعة ماشيين مع بعض ..
أنا بطلب من اللحظة تكون #مثالية ..
بطلب منها تكون حقيقية بتشبكم ..
بحب أوثقها وهيي عم تمر بهدووء بدون تصنع,بدون ترتيب,بس بصدق ..
بتسعدني #التفاصيل الي بتسعدكم ..
وكل #صورة بلتقطها,بخلد فيها لحظة دافية منكم تعيش للأبد بقلوبكم .
✍️♥️📷
